Teatro na Biblio

Co gallo da conmemoración do Día das Bibliotecas Escolares un grupo de alumnas e alumnos de quinto de Primaria dirixidos pola súa titora María José Peaguda escribiu, ensaiou e puxo en escea esta magnífica peza teatral "Non me gustan os libros".

Foi tal o éxito da representación que aínda que estaban programadas unhas poucas sesións durante o mes de outubro, estas bravas actrices e actores tiveron que repetir  esta obra para  todos os cursos do cole, chegando ata o mes de decembro coas súas representacións. 

Sexa este unha pequena homenaxe  para todo ese grupo de alumnado e, en especial, para a súa directora María, que a partir deste mes de decembro pasa a gozar dunha máis que merecida xubilación despois de tanto e tan bo traballo con todos os seus grupos de alumnas e alumnos... Vai por ti,  María, esta derradeira posta en escea!!

Empoderamento feminino. Programa InspirinGirls 2023

 

Coñecemos un pouco mellor o noso barrio

O alumnado de primeiro de Ed. Primaria levou a cabo unha actividade centrada en coñcecer un pouco mellor o barrio do Polígono onde está o noso centro escolar. Mediante pistas e as súas lupas de espías tiñan que atopar os distintos edificios singulares que hai ao noso redor e facer un pequeno traballo de investigación sobre eles. Sen dúbida, unha mañá moi aproveitada e chea de aprendizaxes diferentes!!

Xornada do Deporte Escolar na Piscina Climatizada

Retomamos as xornadas de Deporte Escolar, desta volta coa competición de natación. Houbo tempo para a toma de tempos clasificatorios para o campionato zonal e tamén para un bo rato de diversión na auga. 

Moitas grazas á Concellería de Deportes do Concello de Xinzo de Limia e en especial ao persoal da Piscina Climatizada por todas as facilidades que nos deron para organizar esta xornada e polo exquisito trato recibido. Volvemos en xaneiro con máis deporte!!

3 de decembro: Día Internacional das Persoas con Discapacidade

O Día Internacional das Persoas con Discapacidade foi declarado en 1992 pola Asemblea Xeral das Nacións Unidas mediante a resolución 47/3. O obxectivo é promover os dereitos e o benestar das persoas con discapacidades en todos os ámbitos da sociedade e o desenvolvemento, así como concienciar sobre a súa situación en todos os aspectos da vida política, social, económica e cultural.

A inclusión de todo o noso alumnado é un dos sinais máis relevantes dentro do  Proxecto Educativo de Centro e levamos a cabo moitas actividades ao longo de todo o curso que así o proban. Neste 3 de decembro tivemos a grande sorte de contar entre nós con Lorena Quintas que explicou o seu proxecto Xogo de fíos ao noso alumnado de quinto de Primaria. Quedaron marabillados do seu traballo e de como todo é mundo é quen de desenvolver as súas facetas persoais e profesionais se así o propón.

Por outra banda, o alumnado de sexto de Primaria realizou unha actividade de integración á inversa c@s seus compañeir@s da aula específica na que están incluíd@s. Unha experiencia que para el@s non é nova pero que si foi diferente ao facelo "ao xeito inverso".

Neste vídeo podedes comprobar canto aproveitaron esta xornada e como seguimos tentando facer da inclusión un dos  nosos sinais de identidade como centro educativo!

#25N A historia das irmás Mirabal

Para pechar as actividades que levamos a cabo para conmemorar o #25N, o noso alumnado de sexto de Ed. Primaria visitou o Parque da Igualdade en Cachamuíña, organizado pola área de Igualdade da Deputación Provincial de Ourense, onde se brinda unha fermosísima homenaxe ás máis de 1.100 mulleres asasinadas desde 2003 en España e cuxos nomes figuran ao pé da escultura “O abrazo”, de Manuel Buciños.

Contamos coa presenza de Luz Doporto Real, Licenciada en Psicoloxía, Especialista en Educación Emocional e con amplos estudos e coñecementos sobre violencia de xénero e malos tratos. Da súa man, coñecimos as orixes de cando e  por que a ONU escolleu o 25N para conmemorar esta data, de cal é a razón para ter o a cor violeta como símbolo da loita en feminino, como recoñecer as condutas diarias que nos poden alertar para descubrir micromachismos e as súas terribles consecuencias e un montón de máis datos e situacións que o noso alumnado agora é quen de coñecer e facerlle fronte sen medo algún.

Repetiu Luz varias veces ao longo desta xornada que ela creía que está xeración que estamos a formar hoxe en día será a primeira que estará libre desta terrible lacra que é a violencia contra as mulleres. Con actividades tan divulgativas e interesantes como esta, estamos convencidos que ASÍ SERÁ !!

#NinUnhaMenos #25NContraAViolenciaMachista

A ÁRBORES DOS DESEXOS

DECORA POSTAIS DE NADAL

 

School of music's de ALFREDO DORRIBO

NIN UNHA PINGA DE VIOLENCIA MÁIS

Dende o equipo de Biblioteca queremos aportar a nosa "pinga" para concienciarnos da necesidade de loitar por un mundo de igualdade no que NON TEÑAMOS QUE FALAR DE VIOLENCIA DE NINGÚN TIPO" A nosa proposta para traballar na semana que remata no venres 25 N e a seguinte que podedes visualizar no enlace a CANVA:

ENLACE A PROPOSTA

Tempo de castañas... e de xogos!

Celebramos un ano máis o tradicional magosto no noso cole. Organizamos unha mañá de xogos populares (o pano, leva a xastaña, a pita cega, ... ) para o alumnado de Educación Infantil e os tres primeiros cursos de Educación Primaria.

@s "maiores" do cole fixeron unha andaina dende o pobo de Farmontaos ata a presa. Un fermoso paseo que, sen dúbida, abriulles o apetito!

Logo, chegou para tod@s o tempo de castañas e bolos preñados para rematar esta festa tan especial dentro do noso calendario escolar.

Agradecer ao Concello de Xinzo de Limia e á Agrupación de Voluntarios de Protección Civil á súa grande colaboración para poder festexar esta data. 

Moitas grazas!!!

Visitamos a exposición LA PALMA. VOLCÁN E VIDA en Ourense

No pasado mes de outubro o noso alumnado de sexto de Ed. Primaria visitou a exposición "La Palma. Volcán e Vida" dentro do programa de actividades para escolares de Afundación.

"Un total de 45 imaxes do fotógrafo palmeiro Abián San Gil, xunto con textos da poeta palmeira Elsa López, o chef José Andrés, o xornalista de viaxes Ander Izaguirre e o escritor de natureza Gabi Martínez conforman esta espectacular exposición sobre o fenómeno natural e as súas repercusións na comunidade palmeira. A psicóloga Belén Colomina tamén participa cun relato no que narra os conceptos fundamentais que conducen ao ser humano á superación do drama, á procura de novos escenarios de vida, e á importancia de realizar esta aprendizaxe en comunidade e da man da natureza."

Está exposición complementase cun obradoiro que engloba actividades de programación e de de realidade virtual, que foron moi ben recibidas por todo o noso alumnado.

Para rematar, fixeron unha visita ao centro de Ourense, poidendo observar e aprender un pouquiño sobre o arte urbán tan presente nas rúas da cidade das Burgas. 

SAMAIN NA BIBLIOTECA

Esta semana temos varias novas dende o equipo de Biblioteca. Unha delas ten que ver con Samaín. Segue o enlace á presentación para informarte e participar, esperámoste e seguiremos informando neste días sobre estas e outras novidades.

PROPOSTA PARA SAMAÍN 

A continuación podemos ver os bos e terroríficos momentos que pasamos na biblioteca esta semana resolvendo o scape room, Foi un excelente traballo en equipo para poder resolver os enigmas que nos permitían abrir os candados para sair da biblioteca e poder voltar ás nosas casas.

SCAPE ROOM - Kizoa Movie Maker

Abraçamos ao nosso Rio Lima!!

Voltamos á normalidade! Despois destes dous anos de ausencia, volvemos unha vez máis a Ponte de Lima cun dobre propósito: visitar a IV Feira de Educação, Ciência e Tecnologia e participar no XI Abraço ao Rio Lima, desta vez coa estupenda compañía d@s nos@s compañeir@s do CEIP Plurinlingüe das Vendas da Barreira, do CEIP Carlos Casares de Xinzo de Limia e cos máis de doce centros educativos de Ponte de Lima.

Foron dous días cheos de actividades e dunha marabillosa convivencia entre o alumnado dos dous centros. Fixemos un montón de actividades: visitamos o Museu dos Terceiros, coñecimos a sé do Agrupamento de Escolas António Feijó (da man do noso bo amigo João Carlos Gonçalves e na compaña do seu director, José António Fernandes da Silva) "brincamos" nas instalacións do CE As Lagoas, vivimos a experiencia da realidade virtual, lanzámonos en tirolina, experimentamos coa robótica e a química, coñecimos con Sam a Quinta Pedagógica de Pentieiros e moitísimas cousas máis durante dous días enteiros cheos de actividade!

Agradecer especialmente ao Concello de Xinzo de Limia e á Câmara Municipal de Ponte de Lima por poñer todas as facilidades posibles para que estas dúas actividades se poideran levar a cabo, especialmente ao persoal da Área Protegida das Lagoas de Bertiandos e S. Pedro d'Arcos (Vera, Irene, Sandra, Lourenço, ...) polo exquisito trato recibido por parte del@s nestas xornadas tan intensas... e á nosa alcadesa, Elvira Lama, por acompañarnos ao longo de todo o día do Abraço.

Destacar tamén ao profesorado que acompañou ao alumnado durante máis de 48 horas e que sempre estivo ao tanto del@s para que poideran aproveitar cada minuto deste experiencia inesquecible para tod@s el@s. Grazas... Alfredo, Ana, Jose e Mari polo voso esforzo e dedicación!

Xa temos gana de que chegue a primavera e recibir como se merecen a todas estas novas amizades na nosa vila de Xinzo de Limia como se merecen. Ate já !!!

Podedes saber máis de como o pasamos en:  https://www.edu.xunta.gal/centros/ceipvendasdabarreira/node/171

Venres de experimentos!

Englobado dentro do PDI do centro, xa empezan varias aulas a traballar sobre o tema común que é a AUGA.

Desta volta foi o alumnado de segundo de primaria C o que fixo varias experiencias co líquido elemento como obxecto de investigación. Traballaron, entre outras cousas,  o tema do Universo e das combinacións de cores. 

Quedan aquí as mostras do gran traballo que fixeron! 

Que ben nos facemos entender!!!

O pasado venres contamos coa presenza no noso centro con María e Ceci, logopedas da asociación de Síndrome de Down, que  impartiron unha charla taller co alumnado de 6°B para dar a coñecer diferentes formas de comunicarnos. Entre elas presentáronlle algúns dos signos que emprega a súacompañeiraTati. Así da gusto facernos entender!!!

Visitamos un dos rincóns máis fermosos do mundo!!

Bautismo de mar (nesta ocasión de río...) para unha gran maioría do noso alumnado de terceiro de Educación Primaria!

Dentro do noso itinerario de actividades extraescolares para todo o centro introducimos este ano a visita á Ribeira Sacra, cunha chea de actividades lúdico educativas que foron moi entretidas para as nosas nenas e nenos.

Unha andaina, a visita a Luintra e aos Peares, o taller de alfarería e, como non, a viaxe en catamarán remontando o río Sil.

Unha experiencia sen dúbida inesquecible para este grupo de rapazas e rapaces tan aguerrid@s! 

Fotografías: Alfredo Dorribo e Martín Lamelas

Música: Carlos Nuñez: A Irmandade das Estrelas (25 aniversario)

E chegou o gran día para @s nos@s maiores !!!

Día de graduación para o noso alumnado de sexto de Educación Primaria. 

O salón de actos da Casa de Cultura cheo a rebentar.... Moitas emocións, algunhas bágoas e sensacións agridoces... Medrar, madurar .... é lei de vida.... 

So nos queda compartir con vos unha das nosas citas favoritas…. “ad astra per aspera” ("hasta las estrellas mediante el sacrificio") que é unha variante da frase “non est ad astra mollis e terris via” ("no hay un camino fácil desde la tierra a las estrellas")  que Séneca O Novo, filósofo grego nado na actual Córdoba, escribiu fai máis de 20 séculos.

Cando falamos de sacrificio, queremos dicir esforzo. Debedes esforzarvos, loitar polo que queredes, porque ese é o único camiño cara os éxitos que estamos seguro que vos esperan nas vosas vidas. Aí estarán persoas moi importantes acompañándovos moi de preto nese reto de superación persoal: as vosas nais e os vosos pais, por suposto… os primeiros da fila, as vosas familias, os vosos profesores e profesoras que vos ensinarán un feixe de cousas novas nesta etapa que agora ides comezar,  e estas amigas e amigos cos que levades rindo e chorando toda unha vida xuntos…

Pero tamén nos gustaría que non vos esquecerades das vosas mestras e si, dicimos mestras en feminino, porque tedes tido a grande fortuna de poder contar con grandes mulleres que vos teñen moldeado (e a algún e a algunha de vós con moito esforzo!!)  e que sempre serán referentes por todas “esas primerias veces de case todo” que vivistes xuntos. Non imos a citar a ningunha delas en particular, porque todas elas (e eles tamén) son excelentes profesionais e moitísimo mellor persoas. Non as esquezades… e tende por seguro que se algunha vez precisades delas…. Elas alí estarán para o que necesitedes. 

Grazas compañeiras por ser como sodes, … temos a grande fortuna de poder compartir este “oficio” tan fermoso que exercemos: formar boas persoas como estas sesenta e dúas bravos e bravas rosalianas ás que hoxe simplemente lles dicimos un Ata Logo!!!

 

Xa somos un pouco máis "maiores"

E chegou o día... Despedida do mandilón, d@s compañeir@s que durante tres anos compartiron vivenzas e aprendizaxes, das rutinas, das asambleas, ... 

Xa somos case nenos e nenas de Educación Primaria e agora só nos queda dar as grazas a todas as mestras e mestres que durante estes anos coidaron de nós e nos axudaron a evolucionar en ser cada vez máis un poquichiño "nós". Temos que descatar, lóoxicamente á profe Diana e á profe Sonia, as nosas "nais" na escola..... Son mestras que estarán para sempre nos nosos recordos de nenez... 

E pouco máis, dia de graduación.... bágoas e sorrisos por doquier, á espera deses cambios que están por chegar e que fan da espera momentos para non esquecer estes tres marabillosos anos que pasamos nesta etapa de Educación Infantil !!!

E volvimos a Asturias!!!

Tras dous anos de ausencia, chegou o momento de volver a facer a gran viaxe de fin de curso do centro... ASTURIAS!! E desta volta non o puidemos facer en mellor compaña. Cas nosas compañeiras e compañeiros do CEIP das Vendas da Barreira compartirmos  estes catro días de actividades, diversión e aprendizaxe. A experiencia foi marabillosa para todoo grupo e fixemos fortes lazos de amizade que seguro que co paso do tempo non farán máis que afianzrse. Aquí vos deixamos unha escolma de todo o que alí vivimos e gozamos. Non vos podedes perder a segunda parte deste vídeo no seguinte enlace: 

https://www.edu.xunta.gal/centros/ceipvendasdabarreira/node/157

Fotografías: Profesorado do CEIP Rosalía de Castro e do CEIP das Vendas da Barreira

Música:    Lady Gaga - Hold My Hand (From “Top Gun:Maverick)

Shakira, Rauw Alejandro - Te Felicito

Queen - Friends Will Be Friends

Rumbo ás Illas Cíes!!

Quenda do alumnado de cuarto de Educación Promaria, que visitaron o Parque Natural as Illas Cíes.

As Illas son un paraíso natural  na ría de Vigo que forman un impresionante Parque Natural Mariño Terrestre. Este arquipélago fórmano tres illas: Norte ou Monteagudo, do Medio ou do Faro e Sur ou San Martiño. As dúas primeiras están unidas por medio do areal da Praia de Rodas e un  crebaondas. As Illas Cíes foron declaradas Parque Natural en 1980 e incluídas no Parque Natural das Illas Atlánticas de Galicia creado no ano 2002.

O noso alumnado gozou dunha xornada en contacto coa natureza e de convivencia coas súas compañeiros e compañeiras, facendo algúns delas e deles a súa primeira travesía en barco!!

Fotografías: Manuela Vázquez Bouzas

Música: Rozalén - Agarrarte a la Vida

Visitamos Marcelle Natureza

Está a rematar o curso e é tempo de coñecer novos lugares. Desta volta o alumnado de primeiro e segundo visitaron Marcelle Natureza, onde da man dos monitpres do parque poideron coñecer un montón de especies de animais e tomaron coinciencia da importancia de coidar e respectar todos os seres vivos que con nón conviven na terra.

Tempo de aprender un montón de cousas dun xeito diferente!!

Fotografías: Profesorado do CEIP Rosalía de Castro

Música: TANXUGUEIRAS – Desidia

Agora si que o pasamos ben no patio!!!

Despois de dous anos de formación cos docentes de Patios Dinámicos, chegou a hora de poñer en práctica todo o aprendido.

Este curso 2021 - 2022 foi o promeiro onde acotamos dúas zonas de xogo (unha para Primaria e outra para Infantil) onde se propoñía ao alumnado que facía recreo nese lugar distintos xogos para que non todo sexa fútbol e carreiras...

E vaia éxito!

A participación foi masiva e a demanda de distintos xogos cada semana creaba neles esa inquietude por saber a que ían xogar cando chegaban á zona 5 (de Primaria) ou á zona 3 (de Infantil).

Seguiremos ampliando esta oferta con novas propostas para o curso vindeiro, que seguro non deixarán a máis dun e dunha coa boca aberta.... Non perdades o que está por chegar!!!

Fotografías: Profesorado do CEIP Rosalía de Castro

Música: Ed Sheeran - Shivers 

"Música, maestr@!!"

O mércores 8 de xuño asistimos ao Concerto Didáctico que o profesorado e o alumnado do Conservatorio Profesional de Xinzo de Limia preparou na Praza da Música para o noso alumnado de 1º, 2º, 3º e 4º de Educación Primaria.

Foi un hora dunha escolma de pezas clásicas onde non faltou a interacción co público asistente e a maior da empatía por parte de tod@s @s artistas que participaron neste fermoso concerto.

Non quedan máis que agradercer ao CMUS por esta iniciativa tan interesante e a todos músicos que compatiron con nós todo o seu ben facer! Parabéns para tod@s!!

Fotografías: Manuela Vázquez Bouzas

Música: Queen - Radio Ga Ga

Tempo de botarse ao Camiño !!!

O noso alumnado de cinco anos, dentro do Plan Proxecta do centro, paticipou na actividade "Vexo, vexo Xacobeo", organizada pola  Vicepresidencia Primeira e Consellería de Presidencia, Xustiza e Turismo, dentro da Axencia Turismo de Galicia e a través da S. A. de Xestión do Plan Xacobeo. 

Este programa educativo multidisciplinar pretende achegar ao alumnado o significado e os valores do Camiño de Santiago e do Xacobeo e traballar, dende as primeiras etapas, estes conceptos que forman parte da súa contorna social e cultural.

Foron moitas as sorpresas que as nenas e nenos de cinco anos atoparon no tramo que vai dende Porto Alto ata o Parque da Pantalla de Xinzo de Limia. Queredes ver cales foron?

 Temos que agradecer a colaboración da Agrupación de Protección Civil e a Policia Local de Xinzo de Limia pola súa colaboración para a posta en marcha desta xornada de aprendizaxe fóra da escola. 

Fotografías: Sonia Pombar, Rita Reza e Diana Vispo

Música:: Astarot:  A Santiago vou

EXPOSICIÓN DE CIRCUITOS E EXPLOSIÓN DE CREATIVIDADE!

A semana pasada o alumnado de 6º curso colaborou coa Biblioteca preparando o espazo creativo para expoñer as súas maquetas de circuitos eléctricos. 

Primeiro unha "brigada" de voluntarios prepararon o espazo para poder expoñelos todos ( xa que eran moitos) e colocaron o material de xeito que o resto de alumnado que pasa pola biblioteca semanalmente poidera velos e interactuar con eles coa supervisión do seus titores. 

Durante toda a semana estiveron expostos e, na medida do posible, algúns axudantes de 6º ata fixeron de guías para explicar os seus proxectos.

Grazas a eles entendemos moito mellor algúns conceptos relacionados con este tema da electricidade. E o máis imnportante e que seguro que os seus autores e autoras disfrutaron e aprenderon dun xeitro practico e activo durante todo o proceso.

NORABOA ATOD@S

Estes son alguns exemplos e no enlace podedes ver moitas máis fotos. (En breve publicaremos nesta entrada unha fotomontaxe co resultado final )

Separar para recuperar!

 So temos un planeta Terra! Non hai plan B!

Estas dúas ideas son básicas para entender que a reciclaxe debe estar máis presente que nunca nas nosas casas, entre outras medidas a adoptar para coidar do noso medio ambiente.

Da man de Mónica, monitora da área de educación de SOGAMA, o noso alu,mnado de Ed. Infantil, 4º e 6º de Ed. Primaria asistiron a uns obradoiros onde lles explicaron o papel funda,mental que temos cada un de nós facer pequenas accións que axudan moito a presevar o entorno no que vivimos.

As tres "Rs" son básicas e reutilizar, reducir e reciclar debe ser feitos que fagamos cada día dun xeito máis natural e intensivo. Formar ás novas xeracións e a súa influencia sobre os adultos cos que conviven será a chave para facer deste mundo un lugar sostible onde poder convivir!

Fotografías: Profesorado do CEIP Rosalía de Castro

Música: Roberto Carlos - O Progresso

A voltas coas novas tecnoloxías !!

Non sabemos que ten a aplicación das novas tecnoloxías ao ensino... pero é que non saen do noso centro!!

Desta volta foi a quenda dun obradoiro da man de AFUNDACION, dentro da súa oferta deste tipo de actividades a realizar nos centros educativos, para potenciar as competencias STEAM (Science, Technology, Engineering and Maths) para o  alumnado de 4º de Ed. Primaria.

Foi un taller de electrónica básica, scratch e programación con microbit que tiña como liña de traballo  "A arte das emocións". Todo o alumnado "cacharreou" con estes dispositivos para, mediante código de progamación (neste caso co software Makecode) conseguir que a placa microbit poidera "expresar os seus sentimentos".

Unha mañá para profundizar nestas competencias básicas e tan presentes na nosa sociedade actual e poñer, por que non, a semente de futuras  vocacións científicas  que den pasos de xigante no desenvolvemento destas áreas básicas do coñecemento.

Fotografías: Manuela Vázquez

Música: The Buggles- Video Killed The Radio Star

En nada... xa estaremos alí !!!

O pasado venres, 27 de maio, o noso alumnado de sexto de Educación Primaria visitou as instalacións do IES Lagoa de Antela, centro educativo que será o seguinte chanzo na súa etapa escolar.

Da man do alumnado de 1º de ESO e do equipo directivo do centro, tomaron contacto co que será durante varios anos o seu "novo cole".

Falaron de horarios, asignaturas, profesorado, actividades e, como non, da cafetería do centro, lugar de encontro para tod@s est@s xa "futuros adolescentes".

Sabemos que a ilusión por medrar, por "cambiar"... endexamais borrará o seu ADN rosaliano, e que a súa escola sempre será o Rosalía! En nada.... estarán alí!!!

Saímos cara Allariz!!

Quenda das nosas nenas e nenos de catro anos para visitar ao Centro de Hípica de Allariz e o Parque Ecoespazo do Rexo.

Un día cheo de actividades onde poideron comprobar que coidados reciben os animais nestes dous lugares, montar en poni, ver todo o proceso de elaboración do queixo e, como non, poder catalo!

Ademáis tamén tiveron tempo de xogar no parque e xantar tod@s xunt@s! Un día inesquecibel que seguro que quedará no seu libro de lembrazas do seu paso polo cole!

Fotografías: Raquel Ferreiro

Música: Ed Sheeran - Shape of You

Imos á feira

Nova saída do alumnado de cinco anos do noso centro... Esta vez, tocou ir á feira. 

Dentro do proxecto que están a traballar este curso 2021-22, no que as súas mestras se fixaron como obxectivo que os súas nenas e nenos coñeceran o entorno máis próximo no que viven, e que mellor que visitar a feira que se celebra en Xinzo cada 14 e 27 de cada mes.

Visitaron os postos de venda ambulante, mercaron churros e chocolate e poideron saborear o mellor polbo de Xinzo, o do Pucho, convidad@s por Alejandra e Loló, e moi ben atendidos por Susana. Moitas grazas ás tres!

Para rematar esta xornada tan intensa foron ao parque do Toural onde comeron e pasaron un rato estupendo. 

Novos espazos de aprendizaxe .... tan importantes como a propia escola!!

Fotografñias: Profesorado do CEIP Rosalía de Castro

Música : Camilo - Millones

Primeira "excursión" d@s nos@s benxamíns !!

Inicia o alumnado de tres anos o seu itineraio de actividades extraescoalres cunha saída moi esperada por tod@s! O seu destino e o pobo escola de Lodoselo, onde a vivir un montón de aprendizaxes distintos aos que fan día a día na escola. Facer pan, montar en carro, escoitar historias, plamtar unha planta, experimentar cos seus sentidos, ... son algunhas das actividades que ao longo desta xornada fixron e que estamos segur@s que quedarán para sempre nos seus recordos de nenez! Grazas a Toño e q todo o equipo do CDR do Viso por facer desta visita unha experiencia inesquecible para @s máis pequen@s do noso cole!!

Fotografías: Ana López e Tilde Martínez

Música:: TheHousemartins - Me And The Farmer

 

Que planta/folla é esta?

Terceira xornada de convivencia c@s usuari@s do Centro de Día de Xinzo de Limia. Desta volta, axudad@s por as persoa maiores e por Carmen, o alumnado de cinco anos do noso centro aprenderon a distinguir as plantas e follas máis comúns que poden atopar se van a dar unha volta polo campo. Posteriormente, elaboraron un cardeno de campo onde puxeron exemplares destes vexetais e os seus nomes. Unha mañá marabillosa de aprendizaxe e de convivencia interxeracional. Bravo por el@s!!

Fotografías: Sonia Pombar e Diana Vispo

Música: Rauw Alejandro & Camilo - Tattoo Remix

Visitamos os Museos Científicos da Coruña

Chega o final de curso e con el as saídas didácticas dos distintos cursos. Nesta ocasión é a quenda do alumnado de quinto de Educación Primaria que aproveitaron un día espléndido na Coruña para visitar a Casa dos Peixes, o Domus e a Casa das Ciencias.

Moitisímas actividades e novos aprendizaxes que fixeron noutros ámbitos diferentes ao de todos os días e unha xornada que, sen dúbida, tardarán en esquecer!!

Fotografías: Sonia Yañez e José M. García

Música: Chanel - SloMo, Sebastián Yatra, Aitana - Las Dudas

Que ricas son as patacas da Limia !!

O pasado luns 23 de maio, visitamos a fábrica de Jaly´s, empresa dedicada á transformación do producto insignia da nosa comaraca, a pataca. Foi Pablo o que nos explicou todo o proceso dende que os tubérculos chegan á súa nave, no Poligono Industrial de Xinzo, ata que terminan nesas bolsas tan recoñecibles e que podemos atopar en todas as cadeas de alimentación da nosa vila e en gran parte de toda a provincia de Ourense. Outro xeito de adquirir coñecementos, unha maneira distinta de aprender!!

Fotografías: Diana Vispo e Sonia Pombar

Música: Bárbara Bandeira - Onde Vais (feat. Carminho)

Rosalía Sound Festival!! Antonio Luz en directo!!!

Que gran privilexio poder contar con este gran artista de Sarreaus no noso cole!! Antonio estivo ... xenial !! Primeiro na entrevista que lle fixeron unha selección de alumnas e alumnos dos distintos cursos de Primaria e Infantil que puideron seguir todos os cursos por videoconferencia e ás que contestou con grande agarimo e empatía. 

E despois .... o gran broche final !! Un concerto no que interpretou os seus temas máis coñecidos e os de o seu último albúm. Tod@s vibramos co seu "Entroido" !! Non podía ser doutro xeito !! 

Moitas grazas por compartir con nós unha mañá distinta que será difícil de esquecer!!

Enlace á entrevista completa a Antonio Luz.

Fotografías: Profesorado do CEIP Rosalía de Castro

Música: Antonio Luz - "Entroido"

As pombas de Bastián... María Canosa na nosa Bilio

Hoxe tivemos a grande sorte de poder contar coa presenza de María Canosa na nosa Blioteca Escolar para que nos falara sobre o seu libro "As pombas de Bastíán", incluído no noso itinerario lector de 4º curso de Ed. Primaria.

María, nada en Cee o 20 de agosto de 1978, é unha enxeñeira de Camiños, Canais e Portos galega, coñecida pola súa participación como xurado en programas concurso da Televisión de Galicia e como escritora de literatura infantil e xuvenil.

Nesta obra, Minia observa desde a fiestra da súa casa todos os días como un home lles dá de comer ás pombas da rúa. As aves semellan ser as súas únicas amigas, mais a rapaza intúe que aquel home agocha unha maxia especial tras a soidade en que semella vivir. Por iso a nena toma unha decisión: achegarse a el. A partir do primeiro encontro prenderá neles a ilusión que vai alumear unha fermosa amizade.

O noso alumnado deste curso fíxolle á autora unha intensa entrevista onde se interesaron por aspectos máis relevantes desta historia e por outras curiosidades da vida e obra desta escritora, ás que contestou cunha enorme empatía.

Grazas pola túa visita, María!!

Enlace á entrevista completa a María Canosa.

Fotografías: Manuela Vázquez Bouzas

Música: MJ Pérez - Ai de min!

Florencio Delgado Gurriarán. Dende Córgomo para toda a galeguidade

Conmemoramos esta ano o Día das Letras Galegas con diversas actividades que poñen en relevo a figura do gran autor valdeorrés, Florencio Delgado Gurriarán.

Asistimos á posta en escea por parte do grupo Trémola do Ferrol dos datos máis salientables tanto da súa vida como da súa obra. Podemos levar a cabo esta representación grazas á colaboración, unha vez máis, do Concello de Xinzo de Limia, a través da súa Concellería de Cultura, para a cesión do Auditorio da Casa da Cultura.

En todas as aulas traballáronse distintos materiais cos que afondar no coñecemento do autor que se lle dedica este ano esta celebración e todas as aulas prepararon nunha "folla de vide" un verso do seu poema Galicia Infinda, follas que xa penduran nas pólas dás árbores do centro!

Fotografías: Profesorado do CEIP Rosalía de Castro

Música: TANXUGUEIRAS – Pano Corado

Apuntámonos a non beber!

Dentro Plan Proxecta do noso centro, implementamos, en colaboración co Servizo de Prevención de Conductas Adicitivas da  Consellería de Sanidade, o programa "Apuntámonos a non beber" do que tedes toda a información relativa nel neste enlace.

O noso alumnado de sexto de Ed. Primaria tomou conciencia deste serio problema e como actuar antes os estímulos negativos que tanto a publicidade como a sociedade en xeral envía para fomentar o consumo destas sustancias negativas para a súa saúde.

Na procura do tesouro de Pascua!!

Onde estará agochado ese tesouro que as profes nos dixeron que deixou o coelliño de Pascua?

Tivermos que pescudar por todos os rincóns do cole para atopar as pistas que el foi deixando e que nos levarían ata a recompensa que finalmente atopamos no sitio que menos pensabamos... Quederes saber onde? Non perdades este vídeo!!

Fotografías: Sonia Pombar e Diana Vispo

Música: Sara Correia - Quero É Viver

Non queda outra!!! Temos que transplantar!!

Despois de que os  sementeiros do alumnado de 4º de Ed. Primaria pasasen todo o inverno coidando das súas plantas para protexelas do frío e das fortes xiadas, chegou a hora de transplantar os seus productos á horta do noso cole.

Chícharos, patacas, cabazas entre outros xa están na terra que, despois de meses de rego e coidados, darán o seu froito e poderán observar o seu crecemento e evolución e aprender como o ciclo da vida vexetal abrése paso día a día. 

Un xeito distinto de aprender mediante a experimentación e a adquisición de competencias básicas, complementando o que aprendemos na aula!

Fotografías: Manuela Vázquez

Música: Xabier Díaz & Adufeiras de Salitre - Cantiga da Montaña

Rompamos xunt@s barreiras!

Este dous de abril, baixo o lema «Unha feliz viaxe pola vida», a campaña do Día Mundial de Concienciación sobre o Autismo 2022 pon o foco no dereito das persoas con trastorno do espectro do autismo (TEA) e as súas familias para gozar dunha vida feliz.

Moitas delas enfróntanse a un nivel moi alto de discriminación en todos os aspectos da vida, debido en boa medida á falta de concienciación sobre o  TEA. É preciso eliminar os prexuízos existentes e  empatizar co colectivo. Coñecer e comprender as súas necesidades para poder facilitarlles os apoios específicos que lles permitan vivir felices e participar na sociedade en igualdade de condicións respecto ao resto da cidadanía. (https://diamundialautismo.com/)

No noso centro quixemos pór en valor este día e ás persoas que teñen este trastorno cunhas grandes gafas que serven visualizar esta e tantas outras situaicóns que fan de cada un de nós, alguén particular, moi especial e á/ao que merece moito  a pena acercarse e coñecel@ moito mellor!!

Rompamos xunt@s as barreiras que non nos permiten ver máis alá !!

Fotografías: Profesorado do CEIP Rosalía de Castro

Música: Autismo, mi historia. (Respirar – Bebe)

A Santiago vou... lixeiriño... caminando!

Non foi o caso do noso alumnado de quinto de Primaria. O pasado xoves, 24 de marzo, tivemos un día cheo de actividades e bos momentos, despois de dous anos sen poder "saír" do cole.

Visitamos primeiramente o MUPEGA, onde poidemos aprender como eran as escolas de antes, cheas de tinteiros, mesas de madeira e vellos libros enciclopédicos.

Logo visitamos a Praza do Obradoiro e a Catedral, entrando pola Porta Santa, so aberta coa ocación deste Ano Santo.

Desprazámonos ata a Alameda, onde visitamos ás Marías, xantamos e fomos logo a rúa do Franco a facer unhas compriñas....

E por último, visitamos o Parlamento de Galicia, onde Laura nos esplicou todo o traballo que os nosos representantes alí fan e onde nos convertimos en "deputadas e deputados" por un día.

Foi unha xornada moi completa onde aprendimos moitas cousas e, por suposto, pasámolo xenial !!!

Fotografías: José M. García e Sonia Yañez

Música: Fredi Leis - Santiago DC / A Santiago vou - Astarot

Tempo de actualizarrnos!!

Dentro do proceso de actualización e formación que todo o profesorado do noso centro leva a cabo, dende o Equipo da Biblioteca Escolar organizouse un taller sobre  programación con scratch, e-textiles e todo o relacionado co pensamento computacional. Tivemos a gran fortuna de contar coa presenza de Paola Guimerans, referente neste ámbito formada nas universidades de Sevilla, Nueva York e Madrid e cunha ampla experiencia en formacións, tanto para alumnado como para profesorado, impartindo numerosos cursos para a propia Consellería de Educación.

Pola mañá Paola tivo catro sesións co alumnado de terceiro e cuarto, onde puido demostrar ao alumnado que aprender tamén pode ser moi divertido e que ademais de outras competencias tamén é necesario traballar a competencia "computacional", entendo como funcionan os "robots" que nos rodean no día a día.

Xa pola tarde foi a quenda para o profesorado do centro, facéndonos ver que necesario é introducir dun xeito gradual todas estas competencias 4.0 no noso xeito de ensinar e como as xeracións que estamos formando manexarán todas estas ferramentas dun xeito habitual, o que supón un cambio similar á introducción da Internet de das TICs no ensino, vinte anos atrás...!!!

So queda agradecer a Paola a súa implicación e paixón en todo aquilo que ensina e amosa, facendoo moito máis motivador e parecendo que sexa moito máis doado o achegamento a estas novas competencias.

Fotografías: José M. García e Manuela Vázquez

Música: MARO - "Saudade, saudade" (Live in Avinyó)

Tempo de sementar!

O alumnado de cinco anos non para!! Desta volta fixeron un taller de platación de romeu, pirixel, "hierbabuena" e menta, en colaboración co persoal e as persoas maiores do Cemtro de Día de Xinzo de Limia. Ees nos dixeron como escoller as plantas, como poñelas en terra e os coidados que lles temos que dar.... Canto aprendemos dos nosos maiores !!!

Fotografías: Sonia Pombar e Diana Vispo

Música: Músicas de Salitre: Teu nome por mar e terra