Hoxe traémosvos un recopilatorio de imaxes de diferentes momentos de lectura compartidos entre grupos de alumnado de distintas aulas, ciclos e etapas. Xeralmente son os e as maiores do cole as que visitan as aulas dos máis pequenos, tanto de infantil como do primeiro ciclo de primaria coa finalidade de lerlles un conto. Esta actividade ten múltiples beneficios tanto para os lectores como para o público que escoita as súas historias. É indudable o lazo que se xera entre o alumnado e é enriquecedor cando desenvolven a empatía para escoller un conto adaptado á idade e aos gustos dos que escoitan, é favorecedor da competencia lectora do que le en voz alta, do que modula a voz, do que se aprende as pausas, dos que xesticulan e dramatizan as lecturas... Coñecen así maior número de contos e amplian o seu repertorio á vez que se mergullan en novos mundos e abren os seus horizontes.
"Non puiden elixir a quen me trouxo ao mundo pero podo elixir ao meu amigo. Nesta procura empeño a miña propia alma pois, cunha amizade verdadeira, a vida tórnase máis simple, máis rica e máis bela." Charles Chaplin.
Tivemos con nós á pisacharcas Laura, nai de José Manuel de 4 anos A, que veu a contar o conto "La gran aventura de Winnie de Pooh". Consiste nunha aventura que xurde dun malentendido e dunha preocupación por un amigo desaparecido. Un relato onde abundan as boas intencións, o apoio dos amigos e a valentía para arriscarse por outros. Un clásico tamén do cine infantil que segue resultando entrañable para os máis pequenos e pequenas. Grazas a estas nais e pais por seguir ca tradición de vir a relatar historias á nosa biblioteca e entreter á vez que se transmiten mensaxes positivas neste caso sobre a amizade.
Esta mañá o alumnado da clase de 6º A estivo de visita na Escola Infantil A Galiña Azul de Xinzo. Foron ler varios contos aos pequenos e pequenas, que pola súa parte escoitaron encantados. Con esta actividade preténdese non únicamente fomentar a lectura en diferentes ciclos educativos, senón que simboliza un cambio de etapa tanto para os que marchan á ensinanza secundaria para o curso que ven como para os futuros alumnos de nova entrada ao Ceip Rosalía de Castro.
A maiores algúns e algunhas das nosas alumnas aproveitaron para relembrar e saudar con agarimo ás que foron as súas primeiras mestras da infancia máis temprana. Dende aquí mandamos forza e agradecemento para as traballadoras e traballadores deste primeiro ciclo de Educación Infantil, que tanto valor teñen.
Os nenos e nenas de 6º redactaron un texto reflexionando sobre os coidados das mascotas, sobre os beneficios e inconvintes da adopción ou da compra e o alumnado de 4º plasmou as súas ideas neste podcast. Agardamos que o disfrutedes e que sexan de proveito as súas ideas e reflexións. Deixámosvos a ligazón ao drive para poder escoitalo.
O conto que vos presentamos hoxe foi dado a coñecer por Ana Campelo, nai de Ana Aguiar de 1º A. O conto xira en torno a súa protagonista, unha nena caracterizada polas pinzas de cores do seu pelo que sofre ao ir á escola a raíz do bullyng que lle fan os seus compañeiros. Grazas a un dos seus amigos, atopa a valentía para contalo e poder loitar contra o acoso escolar dende a propia a escola. Este é un tema primordial para tratar no contexto educativo e por eso estamoslle moi agradecidos e agradecidas a esta nai pisacharcas por traelo á nosa biblioteca escolar.
"Se queres que os teus fillos sexan intelixentes, léelles contos de fadas. Se queres que sexan moito máis intelixentes, léelles máis contos de fadas."
Albert Einstein.
De novo unha nai pisacharcas pola Charca dos Libros! Desta vez contamos con Soraya, nai de Lía da aula de 3 anos A. Os nenos e nenas da súa clase escoitaron a historia na que o lobo desempeña un papel que non é precisamente o clásico. Algo pasa na casa do lobo é un conto cheo de misterio no que os máis pequenos e pequenas se adentran nos bosques grazas a unhas ilustracións que atrapan. Desfrutaron da aventura de ir visitando as casas dos animais do bosque e descrubiron que unha mañá ningún deles espertaba nos seus propios fogares. Un libro con sorpresa final!
“Non é só unha biblioteca. É unha nave espacial que che levará aos puntos máis afastados do universo, unha máquina do tempo que che levará ao pasado afastado e ao afastado futuro, un mestre que sabe máis que ningún ser humano, un amigo que che divertirá e consolarache e sobre todo unha saída a unha vida mellor, máis feliz e máis útil” Isaac Asimov, divulgador ruso.
Nunha escola onde cada biblioteca é un portal ao infinito, comeza a viaxe. Sete gardiáns de mundos onde a lectura esperta o coraxe, acende a memoria e restaura a esperanza a quen se atreve a cruzalos. Cada porta abre a historias que cambiaron o mundo, historias que nos lembran que a liberdade é un dereito, nunca unha coincidencia.
Aquí resoan a voz de Malala, firme fronte ao silencio imposto. Aquí revisitamos a inocencia perdida en O neno cos pixamas raiados e sentimos os nosos corazóns latexar entre as páxinas do Diario de Ana Frank. Aquí lembramos que un simple xesto pode transformar un país, como fixo Salgueiro Maia, e preguntámonos, con emoción, avoa, onde estabas o 25 de abril?
É neste lugar onde descubrimos que cada neno ten dereitos, os Dereitos do Neno, e que coñecer estes dereitos é coñecer o propio futuro.
Aprendemos que Todos Somos Diferentes, e é nesta diferenza onde reside a forza do mundo, e celebramos o poder daqueles que abriron camiño, como as historias de vinte e cinco mulleres que cambiaron xeracións.
Tamén os soños habitan nestas portas: palabras que brillan no Dicionario de Palabras de Soño, maxia que se agocha no Caixón Máxico, sementes que medran en cada lector que descubre que ler é imaxinar o imposible.
E cando chega o frío do inverno... o Nadal estoura nas páxinas. Vémolo en Ese Nadal, oímolo en Cando cae a neve, sorrimos coa promesa de Papá Noel e recoñecemos que mesmo os corazóns máis duros poden aprender a amar. Porque, ao fin e ao cabo, o que permanece é a xenerosidade.
E entón lembramos a verdade máis grande: «O esencial é invisible aos ollos».
Pero o esencial está aquí. En cada porta que se abre. En cada libro que se colle. En cada lector que esperta.
Aquí, a lectura non só conta historias.
A lectura cambia todo.
Texto orixinal elaborado polo Equipo Dinamizador da Biblioteca António Feijó de Ponte de Lima
"Cada novo amigo que gañamos na carreira da vida perfecciónanos e enriquécenos máis aínda polo que de nós mesmos nos descobre, que polo que del mesmo nos da"
Miguel de Unamuno.
Hoxe traémosvos a un autor de álbumes moi recoñecido polas súas obras. Con pouco texto e grandes e expresivas ilustracións, Anthony Browne nos transmite que as necesidades emocionais tamén son importantes. Grazas a Noela, nai pisacharcas de Xabier, coñecemos esta historia sobre o respeto ás diferenzas e sobre a amizade que nos fala dun gorila que é ensinado a comunicarse a través de xestos.Cando o gorila aprende a facer peticións ós seus coidadores, unha vez que ten as necesidades materiais cubertas decátase de que o que máis desexa é un amigo, neste caso a Linda, unha gatiña. Así é como lle ensina aos máis pequenos e pequenas, que entre nós, existen diferenzas pero non teñen por que ser impedimento para desfrutar xuntos.
"A lectura fainos a todos inmigrantes. Lévanos lonxe da casa, pero o máis importante é que nos atópa fogares en todas partes"
Jean Rhys, novelista.
Nesta segunda sesión de contacontos a man de Tita, nai pisacharcas de Alba de 4º de educación primaria, escolleu CUENTOS PARA ENTENDER EL MUNDO.
É un compendio de contos que o autor recupera e adapta ós tempos actuais deixando de fondo as mensaxes orixinais e a esencia dos mesmos. Con eles invítanos a reflexionar sobre a vida, a sociedade e as relacións e emocións humanas. O alumnado tivo a oportunidade de explorar, dende a Biblioteca Escolar, temas como a soidade, o amor, o medo e a esperanza.
O libro para ler non é o que pensa por ti, senon o que te fai pensar.
Harper Lee.
Nesta sesión contamos coa nai pisacharcas de Iria, de 5 anos. Tita fixo que a clase da súa filla o pasase pipa con este conto.
A de hoxe é unha divertida historia sobre a chegada dun novo membro á familia. É útil para aquelas familias que queren preparar ao futuro irmanciño ou irmanciña maior para a chegada dun bebé. Todo visto dende o punto de vista dun can que observa como os demáis familiares enchen ó novo integrante da familia de atencións e agarimos. Pero algo non lle encaixa ó noso protagonista. Pensará Rufus que o bebé é un can?
«O que é máis importante nunha biblioteca que calquera outra cousa, é o feito de que existe», Archibald MacLeish, poeta modernista y escritor estadounidense
Este ano, o Día das Bibliotecas, 24 de outubro, dedícase a un tema de máxima actualidade: a loita contra a desinformación. Con este motivo, La Voz de Galicia comparte un contido informativo de interese para os centros educativos, co obxectivo de concienciar ao alumnado sobre a importancia de acceder a fontes fiables, contrastar información e desenvolver o pensamento crítico.
O xornalista César Rodríguez ofrecerá un relatorio sobre a IA (desInformAción) na biblioteca do IES Urbano Lugrís, de Malpica, na que se abordarán cuestións como que é a desinformación, en que contexto se produce, a IA e a sabedoría das multitudes: algo é certo se se repite moito, imaxes e vídeos: autopistas para a desinformación e facilitará pautas para combater a desinformación clásica e a nova.
A charla, pensada para alumnado de educación secundaria emitirase en directo por diferentes canles de La Voz de Galicia e o seu programa educativo (Prensa-Escuela). Os centros que o desexen poderán conectarse en directo coa emisión e seguir o relatorio, así coma enviar preguntas pola canle de YouTube: https://youtube.com/@lavozdegalicia?si=E3pZQS9-cN8lJLv4
Esta actividade, que terá lugar o venres 24 de outubro ás 10 horas, quedará dispoñible en diferentes plataformas para que aquelas persoas interesadas poidan acceder ao contido en diferido.
"Pensa antes de falar. Le antes de pensar.-" Fran Lebowitz. escritora estadunidende
Unha das peticións do Consello da Infancia do centro foi darlle máis visibilidade á páxina web do centro e a do blog da Biblioteca Escolar.
Por esta razón elaboramos un marcapáxinas que foi distribuido entre todo o alumnado do centro cos códigos QR dende os que acceder a esas direccións electrónicas.
Esperamos que vos guste esta iniciativa e que este marcapáxinas viaxe con todas as vosas futuras lecturas!!
"Os libros son unha incomparable maxia portátil." Stephen King
Hoxe, Lola,mamá de Violeta , visitounos para que os cativos e cativas de 5º de Educación Infantil B desfrutasen da con lectura" El salto de chilu".Conto que narra a historia dun neno que viaxe polo mundo cun cofre onde garda os medos, coa misión de recuperar os soños da súa irmá Ikigai, quen deixou de soñar por medo a escuridade.
Xuntos e guiados da man de Lola tamén tivemos a posibilidade de gardar todos os nosos medos no cofre de Chilú.
"As malas bibliotecas crean coleccións, as boas bibliotecas crean servizos, as grandes bibliotecas crean comunidades" R. David Lankes.
Chegan os Maletíns Viaxeiros á nosa escola!
Dende a biblioteca do CEIP Rosalía de Castro queremos compartir con todas as familias unha nova e ilusionante iniciativa que pronto botará a andar nas aulas de Educación Infantil: os MALETÍNS VIAXEIROS 🚀📦
Cada maletín viaxará ás casas das familias participantes por quendas (unha semana cada familia) e levará no seu interior unha pequena sorpresa chea de maxia e aprendizaxe:
🌟 Un libro da biblioteca para gozar da lectura en familia.
🎨 Un bloc de debuxo e acuarelas ou témperas, para dar renda solta á creatividade.
🎲 Un xogo manipulativo inspirado no conto, con todo o material necesario para xogar e aprender.
📱 Unha tarxeta cun código QR, que vos permitirá descubrir algunha proposta ou recurso adicional.
Con esta actividade queremos achegar a lectura e o xogo ás casas, fortalecendo os lazos entre escola e familia e fomentando o gusto polos contos, a imaxinación e a expresión artística.
Esperamos que desfrutedes moito desta viaxe lectora e que cada maletín volva á escola cargado de novas historias, cores e sorrisos 💜📖
"A creatividade é a intelixencia divertíndose" Albert Einstein
Un curso máis abrímoslle a porta á creatividade nas bibliotecas escolares, deste volta a través do deseño. O deseño que acompaña desde o inicio a comunicación escrita, que é orixe de tipografías, logotipos e páxinas, que consegue achegar a información da maneira máis impactante ou máis sutil. O deseño gráfico que atopamos desde a orixe dos tempos da escrita e que hoxe en día se espalla a través de aplicativos dixitais. Unha oportunidade para crear desde as bibliotecas do hoxe e do futuro, tecendo desde a nosa propia historia, coas referencias imprescidibles das editoriais Nós ou Castrelos, do Laboratorio de Formas e Ediciós do Castro… e de mestres do cartelismo como Xosé Vizoso. Propoñemos mirar os libros desde a súa orixe, coñecer o proceso da edición, da composición, da escolla de tipos, papeis, cubertas e encadernacións, da revisión da maqueta e da difusión… e coñecer as persoas que forman parte dese mundo da edición e do deseño gráfico. Deseño gráfico que tamén trascende do mundo do libro e está presente na publicidade, a prensa, as etiquetas, as marcas corporativas… e en tantos outros ámbitos da nosa vida cotiá.
O cartel que Desescribir nos ofrece para este curso é unha porta aberta a esa creatividade a partir da raíz: o alfabeto e as infinitas posibilidades que permite a partir dunha sinxela pauta. Sumémoslle deseño ás bibliotecas escolares e enrolémonos nesta viaxe á creatividade!
"Aprender a ler é acender un lume; cada sílaba pronunciada é unha chispa."
Víctor Hugo, escritor francés.
Desta vez visitounos un papá Pisacharcas, o pai de Carmen, de 6º de infantil. Leu un conto do máis divertido, xa que a través de versos rimados e preciosas ilustracións, os pequenos e pequenas achegáronse a unha historia protagonizada por animais que se enfrontan a situacións cotiás coas que todos nos podemos sentir identificados.
"La pedorreta que delató a la mofeta" foi unha nova oportunidade para transmitir os valores da honradez, a perseveranza, a humildade e o humor a través da Biblioteca Escolar.
"O único importante nun libro é o significado que ten para ti". W. Somerset Maugham, escritor británico
Quenda de Isandra, nai de Alex, de 4 anos e nova Pisacharcas do cole, que veu a contar o marabilloso conto de "El Mounstro de Colores", onde será o propio protagonista desta historia o que terá que aprender a poñer en orde a alegría, a tristeza, a rabia, o medo e a calma.
Unha historia que cada día está máis de actualidade e que constitúe un dos básicos da nova literatura infantil.
Un bo conto débeche deixar con moitas experiencias e algo esgotado ao final. Vives varias vidas ao ler!". William Styron, novelista e ensaísta estadounidense.
Beatriz, a mamá de Daniel Rodríguez de infantil 4años A e nova Pisacharcas, pasou hoxe pola nosa Biblioteca Escolar para lerlles aos seus compis "La despensa mágica" , onde Nora, Aitor, Irene e o esquío Rasi forman unha cuadrilla que viven moitas aventuras. Rasi, a mascota da cuadrilla do esquío, perdeu unha abelá. Ela deixouna escondida no patio do colexio, pero por máis que escarva aquí e alá non a atopa. Os seus amigos axudarana na súa procura ata que resolvan o gran misterio.
Daniel e tod@s @s compis da súa clase pasaron un rato marabilloso e estamos seguros que Beatriz vai ser a primeira das moitas mamás e papás que nos acompañarán este curso!
"Nunca se es demasiado viejo para establecer un nuevo obxectivo, o para soñar un nuevo sueño." C.S. Lewis, autor e escritor norteirlandés
Comezamos un novo curso na nosa Biblioteca Escolar chea de retos e novidades. Imos dar unha pequena volta a moitos dos proxectos nos que traballábamos en anos anteriores e un gran pulo aos novos retos que temos para este 2025/2026.
Contamos coa vosa participación, coas vosas suxestións e as vosas ganas de ler sós ou en familia.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
