17 de maio: Día das Letras.

A celebración do día das Letras Galegas, cada 17 de Maio, foi instituída no ano 1963 pola Real Academia Galega para conmemorar a publicación do libro de Rosalía de Castro " Cantares Gallegos", un 17 de Maio de 1863 e homenaxear a algún escritor ou escritora en lingua galega.

- "Cantares Gallegos", está considerada como a obra literaria que inicia o "Rexurdimento" da literatura e da cultura galega moderna.

- A proposta de celebrar ese Día foi formulada por tres membros da Real Academia Galega, Manuel Gómez, Xesús Ferro Couselo e Francisco Fernández del Riego.

- A primeira escritora homenaxeada, no ano 1963, foi a mesma Rosalía de Castro seguíndolle en anos posteriores: Alfonso Castelao, Eduardo Pondal, Francisco Añón, Curros Enríquez, López Cuevillas...

- A Real Academia Galega celebrou o pasado 2006 os seus cen primeiros anos de historia.

- Fontenla Leal e Manuel Curros Enríquez, dende Habana, deron os primeiros pasos para a creación dun organismo que loitara pola lingua e a cultura galega e así, un 30 de setembro de 1906 celebrouse no salón de actos da Reunión Recreativa e Instructiva de Artesanos da Coruña a constitución e primeira reunión da Real Academia Galega.

- A primeira sede foi no Pazo Municipal de A Coruña, pasando posteriormente a un edificio da Rúa Tabernas, propiedade dunha das académicas, a condesa de Pardo Bazán.

- O seu primeiro presidente foi Manuel Murguía, marido de Rosalía de Castro.

http://seminariogalan.org/inicio/dia

Xogo de dardos
https://view.genial.ly/5e750fa6d0e81c0e4046557d/game-don-ridardo-o-xogo

O miserio da casa de Ricardo Carvalho Calero
https://view.genial.ly/5ea84324637c610dbf867ff2/game-breakout-letras-galegas-2020?

Espazos educativos

    Xadrez, parchís, oca... Outras alternativas para os nosos tempos de lecer no Ceip. A maiores do tenis de mesa (cada xornada teñen acceso a ela, durante os recreos, o alumnado dunha aula) tamén nos corredores do primeiro andar, do edificio principal, habilitamos unhas mesas con estes xogos incorporados. 

Celebramos o día escolar da paz e a non violencia

    Ademais do traballo feito en cada aula nestes días, con motivo da conmemoración do día escolar da paz e a non violencia, o día 30 fixemos no patio un acto todo o alumnado e profesorado do Centro. A partires dunha actividade para conformar grupos onde estiveramos mesturados (grupos con alumnado de todos os cursos), fixemos un xogo de descuberta (cada grupo tiña que ir á procura dun "tesouro" agochado en calquera recinto do recinto escolar).

   Despois no ximnasio escoitamos un recitado de poesías -que nos prepararan o alumnado de 6º de primaria- e tod@s cantamos a canción que tiñamos preparada: SEGUIREMOS. 

  

Día da Paz.30.I.2014 - foto montaje

   

XOGO DÍA DA PAZ E A NON VIOLENCIA

 

Nesta aplicación poderedes atopar información relacionada coa non violencia e a paz, con personaxes importantes, premios Nobel, letras de cancións, poemas, un cuaderno para traballar no aula, enlaces de interese...