DÍA DA FAMILIA

Este venres 15 de maio celebrouse no CEIP Rosalía de Castro o Día da Familia. Co fin de estreitar lazos e tender pontes entre a familia a escola, dende a etapa de educación infantil convidamos a nais, pais e demáis familiares a compartir unha xornada na que fixemos varias actividades. Para comezar un pouquiño de música e baile, seguimos cun xogo grupal e cun mural elaborado por todas e todos. Finalizamos cunha merenda a base de bica e un chocolate quente para rematar unha mañá na que disfrutamos e nos coñecimos un pouquiño máis. Só nos queda darvos as grazas, familias!

Estamos de aniversario!!!

"Chegará un día que os nosos recordos serán a nosa riqueza."

Paul Géraldy (1885-1983) Poeta e dramaturgo francés.

"En la Agrupación Comarcal nº1 de Ginzo de Limia y bajo la presidencia de la Inspectora Dña. Mª Pura Sánchez con asistencia de ..." Así comeza a acta nº 1 do primeiro Libro de Actas do noso centro, que recolle a primeira reunión do claustro do profesorado celebrada alá polo novembro do 1974...

Segundo nos relata Gonzalo Iglesias Sueiro, segundo director dos catro que ata o de agora ten tido o noso cole, o centro recibiu o primeiro alumnado un frío luns, 11 de novembro, San Martín de Tours, do 1974, fai hoxe corenta e nove anos...

Son moitas as vivenzas e anécdotas que tod@s nós poderiamos contar do acontecido  estes anos e moitas as  mestras, mestres e sobre todo, nenas e nenos que teñen pasado polo noso centro, hoxe algúns e algunhas máis recoñecid@s e outr@s máis anónim@s. 

Pero non cabe dúbida que tod@s el@s (familias, persoal docente e non docente e todo o alumnado)  son o máis importante do noso cole e xa forman parte da historia del e hoxe, 11 de novembro de 2023, queremos recordalos e darlles unha forte aperta como rosalian@s que  tod@s somos. 

Os recordos son a nosa riqueza, di Géraldy, e non temos ningunha dúbida que a infancia de moit@s está forxada en gran parte polas boas lembranzas que viviron dentro desta nosa "Agrupación Comarcal nº1 de Ginzo de Limia"... O noso cole Rosalía!

Por outros corenta e nove anos máis!!!

Voando libres!! 25 de Novembro no Rosalía

Enlace ao manifesto de CERMI

"Volando voy, volando vengo" ... canción coral ... Nin unha máis!!! 

Nin unha menos....😔😔😔

Música: Rocío Márquez - Volando voy (versión coral)

Enlace ao vídeo

Día do Libro !

 Nesta data conmemoramos o Día do Libro, e con iso queremos poñer de manifesto a importancia que teñen estos documentos na nosa sociedade, tanto como difusor de información como creador de imaxinación.

Os libros sempre estiveron presentes ao longo da historia, e o precer pola lectura foi algo que perdurou a través de ela, non obstante o estilo de vida actual e tódolos cambios producidos tanto a nivel tecnolóxico como laboral, fixeron que cada vez haxa un menor número de lectores, ou ben por descoñecemento ou ben por falta de tempo. Non obstante o período de cuarentena que por mágoa tivemos que pasar por mor da COVID-19, fixo que moita xente se atopara de novo co pracer da lectura e retomara este gran hábito, así como moitos outros o coñeceran converténdose e novos e asiduos lectores.

Pois ben, para recoñecer e fomentar a importancia da lectura e defender os dereitos de autor decídese instaurar o Día do Libro, o cal se celebra en España dende 1926 (proposición que xorde en Cataluña) aínda que esos primeiros anos se celebraba o 7 de outubro en memoria ao nacementos de Miguel de Cervantes, en 1930 decidíuse cambiar esa data e instaurala no 23 de abril (data na que tamén se celebraba en Cataluña San Jordi, onde había a tradición de intercambiar unha flor e un libro cunha persoa querida como mostra de afecto) facéndoa coincidir así esa data coa morte do mesmo Miguel de Cervantes Saavedra así como a de outros ilustres escritores como William Shakespeare, Inca Garcilaso de la Vega... Finalmente en 1995 a UNESCO aprobou a proposta de celebración do Día Internacional do Libro e dos Dereitos de Autor (nome completo da conmemoración) como festa mundial cada 23 de abril.

#NinUnhaMenos - 25N no CEIP Rosalía de Castro

Todo o alumnado do centro conmemorou dun xeito moi intenso esta data que tod@s desexariamos eliminar do noso calendario.... Recollemos aquí algunhas das actividades realizadas polos distintos grupos do centro.

A educación é a única solución! A única resposta posible é NON!!

Música: Guadí Galego."Matriarcas" (Lúas de outubro e agosto. 2014)

Celebrando a Manuel María

O idioma é a forza
que nos xungue e sostén.
¡Se perdemos a fala
non seremos ninguén!

O idioma é o amor,

o latexo, a verdade,

a fonte da que agroma

a máis forte irmandade.

Renunciar ao idioma

é ser mudo e morrer.

¡Precisamos a lingua

se queremos vencer!

                      

Manuel María - Kizoa Editar Videos - Movie Maker

O pasado venres, 20 de maio, celebramos especialmente ó autor a quen este ano se lle adicou o Día das Letras. O alumnado de 6º coas frautas e o profe de música co piano, a lectura dun manifesto por parte de Anxela e Carlos e a cantiga que entre tod@s cantamos do poema do barco ( que tan ben musicara Suso Bahamonde) foi o que fixemos no ximnasio. 

Despois por niveis xogamos a partires dun trivial que tamén preparou o equipo de Dinamización de Galego e os de infantil puxéronlle a nota de cor ó Mimí. Parabéns a tod@s, especialmente ó equipo organizador.   

Celebramos o día da muller traballadora.

 8 de Marzo: DÍA DA MULLER TRABALLADORA

 

  Na BIBLIOTECA, nas horas de lecer e tempo de lectura, visionado dalgúns documentais:

1.  Rosa Caramelo

2.  Hai algo máis aburrido que ser una preincesa rosa?

3.  O príncipe Ceniciento

4.  Unha brancaneves diferente

Camiseta do 40 aniversario do Ceip

  

O alumnado de sexto de primaria pon a venta a camiseta conmemorativa do 40º aniversario de posta en funcionamento do CEIP Rosalía de Castro de Xinzo de Limia. Temos dispoñibles as tallas: 4, 8, 12, 16, S, M, L, XL e XXL. Cada camiseta ten un custo inicial de 4€. Sae a venda a 6€. A variación de prezo pretende axudar a costear a viaxe de fin de curso prevista para o vindeiro mes de maio. Se queredes ver unha mostra tedes unha na administración do centro, no perfil do facebook do centro ou no blog da biblioteca. Para adquirila dirixídevos a algún neno ou nena de sexto que vos tomará nota, ou ben á Administración do cole. Moitas grazas por colaborar.

Exposición de libros antigos

Grazas á magnífica colaboración de todos os membros da nosa comunidade educativa poidemos levar a cabo esta exposición de libros antigos no edificio administrativo do noso cole para conmemorar o Día do Libro. Nela hai moitos exemplares interesantísmos e con moitos, moitos anos.... Confiamos en que pasedes a botarlle un ollo...

Madriñas e padriños cos seus afillados lectores no día do libro

DÍA  INTERNACIONAL DO LIBRO 2014

   Entre outras cousas, para a celebración do día do libro o pasado 23 de abril realizamos un “apadriñamento/amadriñamento lector” do alumnado dos cursos superiores para os máis pequenos.

   Os padriños e madriñas lectoras colleron o libro elexido,  colocaron a pegatina nun lugar visible (tarxeta que preparamos tanto para os que apadriñaron ou amadriñaron coma para os que foron afillados/afilladas lectores) foron buscar aos seus afillad@s e elixiron un sitio para ler no lugar que lle corresponda.

   Debido ao mal tempo -segundo a previsión metereolóxica- fixemos un cambio na distribución de lugares (nos espazos comúns interiores en vez do exterior); fallaron as previsións porque despois non fixo tan malo. 

Velaquí algunhas estampas recollidas

Día do libro 2014. - Movie Maker

Acto entrañable

E celebramos o 21 de marzo... Os de 6º foron primeiro plantar ó parque do Toural (á beira do río Limia) e despois toda a comunidade educativa tivemos un acto entrañable no que lemos dous textos de Castelao e R. Tagore sobre a árbore, plantamos unha árbore no patio do Centro cunha placa en Memoria de José Ramón González Alonso (mestre) e tivemos un emocionado recordo da nosa Noa que está a recuperarse.

Día da árbore 2014 - Video Maker

21 de marzo: poesía, primavera, árbore...

O 21 de marzo celebramos o Día Forestal Mundial, o Día da Árbore, o Día Mundial da Poesía, o Día Internacional da Eliminación da Discriminación Racial. o Día Mundial do Síndrome de Down...

http://issuu.com/xmlores/docs/escolma_d__a_da_poes__a_2014/11?e=1153510/7141430

Todos os días son para a muller

Dentro dos actos complementarios para conmemorar o Día Internacional da Muller, o Concello de Xinzo de Limia vén de organizar un acto que tivo lugar o pasado venres, 13 de marzo na Praza Carlos Casares. No mesmo participaron o alumnado de sexto de Primaria do noso cole, a Asociación LIMISI e a Asociación de Amas de Casa "Anduriñas".

Os nenos e nenas do CEIP Rosalía formaron o símbolo feminino sobre a praza da vila e leron un texto elaborado por eles mesmos titulado "Cousas por facer para mellorar o mundo en prol da igualdade". Iniciativas coma estas queren concienciar da importancia da educación para erradicar dunha vez por todas todo rastro de violencia de xénero da nosa sociedade.

Esta iniciativa ten tido eco na prensa. Estes son os enlaces onde podes consultar esta noticia

http://www.ourensedixital.com/_limia_novas/14/03/14_01.htm

http://galego.farodevigo.es/portada-ourense/2014/03/14/xinzo-amplia-actos-motivo-dia/984741.html

Xosé María Díaz Castro (poeta de Guitiriz)

         Este mércores, 19 de febreiro, celébrase o centenario do nacemento do poeta Xosé María Díaz Castro, a quen este ano se lle adica o Día das Letras Galegas.

   Con este motivo, a biblioteca e o conxunto do equipo docente e alumnado do IES Poeta Díaz Castro de Guitiriz anima a toda a comunidade educativa galega a celebrar con nós esa data tan especial proxectando nos vosos centros o documental que o curso pasado realizaron os nosos alumnos en colaboración conPasen y Vean comunicación: "A lus do mundo. Redescubrindo ao poeta Díaz Castro" (pincha aquí para ver o documental)

   Tedes a vosa disposición unha proposta de actividade de 50 minutos, con xogos sobre a poesía de Diaz Castro, realizados pola profesora María Miragaya, a partir do obradoiro da especialista Chus Otero. Como veredes os xogos son sinxelos, para facer de xeito individual cun ordenador ou na clase cun proxector. Podedes baixalos pinchando no título. Despois de facelo non gardedes os cambios, para podelos usar de novo.

1-. Que lle pasa ao texto...

2- Buscamos a vocal para o poema

3-.Palabras cambiadas

4-.Completamos o poema con palabras

5-.Emparellamos as dúas partes dos versos

6-.Encaixamos os veros de Penélope

7-.Ordenamos as estrofas

8-Descubrimos as partes de Nimbos

9- Verso desordenado

   Tamén dispoñedes de música para cantar, composta pola nosa compañeira Sandra Tenreiro e dun Karaoke

   Para saber máis:

http://biblodiazcastro.blogspot.com.es/search/label/A%20lus%20do%20mundo

http://www.alusdomundo.com

A lus do mundo

Karaoke Díaz Castro, "A noite é"

Celebramos o día escolar da paz e a non violencia

    Ademais do traballo feito en cada aula nestes días, con motivo da conmemoración do día escolar da paz e a non violencia, o día 30 fixemos no patio un acto todo o alumnado e profesorado do Centro. A partires dunha actividade para conformar grupos onde estiveramos mesturados (grupos con alumnado de todos os cursos), fixemos un xogo de descuberta (cada grupo tiña que ir á procura dun "tesouro" agochado en calquera recinto do recinto escolar).

   Despois no ximnasio escoitamos un recitado de poesías -que nos prepararan o alumnado de 6º de primaria- e tod@s cantamos a canción que tiñamos preparada: SEGUIREMOS. 

  

Día da Paz.30.I.2014 - foto montaje

   

Día Escolar pola Paz

O vindeiro 30 de Xaneiro, nesta ocasión, xoves, conmemoraremos, un ano máis, no colexio, o DÍA ESCOLAR POLA PAZ E A NON VIOLENCIA, no 66 Aniversario da morte de Mahatma Gandhi, unha personalidade aínda moi descoñecida para a maioría da poboación occidental, particularmente, as bases fundamentais do seu pensamento e da súa vida política e persoal.

SEGUIREMOS
Os soños cambiaron o destino das persoas e das nacións


UNA-PROPUESTA-PARA-TRABAJAR-LA-EDUCACION-PARA-LA-PAZ.pdf


https://sites.google.com/site/recursospazceipvictorsaenz/

PROMOVER A PAZ... EVITAR OS HORRORES
http://bibliotecasalgadotorres.blogspot.com.es/2014/01/promover-paz-evitar-os-horrores.html

A Limia vista por Alba Garrido e Álex Cabido...

Este é o traballo que presentou Alba Garrido da clase de 2º A para o concurso "Que é para ti a Limia?", no apartado de plástica e foi premiado nas Letras Galegas deste ano. Parabéns Alba! Un traballo xenial!

Este é o traballo gañador no apartado literario. O gañador foi Álex Cabido da clase de 5º A. Parabéns!

lembranza do Certame Escolar Carlos Casares na Limia, curso 2011/12

Con motivo da conmemoración do décimo aniversario do pasamento de Carlos Casares, foi convocado un concurso de creación plástica e literaria, no que varios nen@s do CEIP Rosalía de Castro de Xinzo de Limia, foron premiados. O concurso estaba destinado a todos os escolares da zona e promovido conxuntamente polo Centro de Cultura Popular do Limia, o Museo da Limia e a Fundación Carlos Casares. Adobiámolo vídeo con música interpretada polos alumn@s do Conservatorio Profesional de Xinzo de Limia no  seu concerto de fin de curso.

As caras de Rosalía

Comezamos o mes das Letras Galegas. Dende  a BE de Xinzo de Limia, facemos unha pequena homenaxe á primeira persoa a que se lle adicaron as Letras Galegas, alá polo ano 1963. Pescudamos na rede e atopamos as distintas facianas que nos amosan a Rosalía de Castro e atopamos tamén a música xenial dun rapaz  que rapea á  escritora, KadiGB.

"O PRINCIPIÑO" estivo de aniversario!!!

O 6 de abril cumpriu 70 anos!!! Esta novela do escritor francés Antoine de Saint-Exupéry, está traducida a 180 linguas e a versión galega do libro foi realizada por Carlos Casares. Lembrade que esta obra forma parte do itinerario lector do noso cole.