Con motivo do Día Mundial da Síndrome de Down que se celebra o vindeiro martes 21 de marzo, DOWN ESPAÑA lanza a súa nova campaña: #NoSomosUnEstereotipo, somos mucho más. O seu obxectivo é cambiar a forma de ver ás persoas con síndrome de Down, unha forma de miralos que a miúdo está cargada de prexuízos e estereotipos que dificultan a súa inclusión na sociedade.
Xeneralizacións como as de que son todos cariñosos ou uns "angelitos" ou algunhas máis despectivas referidas a que levan unha vida sen aspiracións nin metas, ou a que son persoas inactivas, que representan unha carga familiar, etc… contradinse coa realidade que viven as propias persoas con síndrome de Down hoxe en día. Eles senten que teñen vidas plenas, cargadas de ilusións e proxectos. Por, iso reivindican unha imaxe acorde coa autonomía da que xa gozan, que os dá acceso a unha vida sen límites. (https://www.sindromedown.net/noticia/down-espana-lanza-la-campana-nosomosunestereotipo-somos-mucho-mas-para-el-dia-mundial-del-sindrome-de-down/)
Tatiana no noso cole é unha máis. Unha nena que lle gusta xogar, ter amig@s, saír ao patio, falar c@s compis da clase... e das outras clases tamén!! E unha nena que da moito amor a todo o mundo que lle rodea e que tod@s nós queremos crer que así tamén llo devolvemos! Hoxe, e todos os días, tod@s nós damos o noso apoio ás persoas con síndrome de Down, porque estamos convencid@s (e é un sinal de identidade do noso centro educativo) que a verdadeira inclusión é posible ... e NECESARIA!
No hay comentarios:
Publicar un comentario