Compartimos as nosas experiencias

"Os humanos axudamos porque somos capaces de sentir e de poñernos na pel dos demais. E axudar xera felicidade persoal e colectiva." Elsa Punset, escritora e divulgadora española.

Dentro do noso progama "Pontes de Libros, Fontes de Saber" que compartmos coa Biblioteca do Agrupamento António Feijó de Ponte de Lima, levamos a cabo a II Xornada de Traballo conxunto onde amosamos moitas das experiencias que levamos a cabo na nosa Biblioteca Escolar e as dinámicas de traballo que temos nela.

Non temos dúbida que estas xornadas de convivencia entre os nosos centros son moi enriquecedoras para todos os profesionais que participan nelas e teñen unha fonda repercusión no alumnado co que traballan.

Seguiremos a tender pontes que nos unan nas nosas formas de traballar e seguimos convencid@s que as beiras do noso rio Limia/Lima non son liñas que nos separan, se non, moi ao contrario, oportunidades que nos trae para traballar xunt@s.

O sentimento dun pobo

" Un pobo sen tradición é un pobo sen porvir." Alberto Lleras Camargo, político, xornalista e diplomático colombiano.

Hoxe contamos coa presenza de Adriana Jiménez, da Asociación Cultutal A Pantalla que veu a contarlle ao noso alumnado de terceiro, cuarto e quinto de Educación Primaria a forma correcta de vestir o traxe da Pantalla e de como debe comporatse estes días que están por chegar despois de celebrar o vindeiro Domingo Corredoiro.

Con esta serie de actividade poñemos en valor a nosa tradición e o #sentimento de respecto que temos tod@s @s limiáns cara a máxima figura do noso Entroido!

Coñecemos mellor o noso entroido

"O Museo Galego do Entroido é un espazo de tradicións, de mostra, salvagarda da cultura e do noso carácter."

O alumnado de catro anos visitou o Museo Galego do Entroido.Grazas a Carlos por recibirnos e explicarnos tantas cousas!

O mellor para aprender... observar!!!

"No décimo aniversario deste importante día, e agora que reflexionamos sobre os 30 anos transcorridos desde a Declaración de Beijing, axudemos a achandar o camiño cara ás carreiras en ciencia, tecnoloxía, enxeñería e matemáticas que as mulleres e as nenas merecen e que o mundo necesita." Secretario Xeral da ONU, António Guterres

A Asemblea Xeral declarou o 11 de febreiro Día Internacional das Mulleres e as Nenas na Ciencia en recoñecemento ao papel crave que desempeñan as mulleres na comunidade científica e a tecnoloxía. Na súa resolución do 22 de decembro de 2015, a Asemblea aprobou unha resolución que proclamaba este Día Internacional e encomiaba as iniciativas levadas a cabo pola Organización das Nacións Unidas para a Educación, a Ciencia e a Cultura (UNESCO), a Entidade das Nacións Unidas para a Igualdade de Xénero e o Empoderamento das Mujeres (ONU Mujeres), a Unión Internacional de Telecomunicacións (UIT) e outras organizacións competentes para apoiar ás mulleres científicas e promover o acceso das mulleres e as nenas á educación, a capacitación e a investigación nos ámbitos da ciencia, a tecnoloxía, a enxeñería e as matemáticas.

En catro anos realizamos un experimento no Día Internacional da Muller e a Nena na Ciencia.

E volveu nevar no Rosalía!

 “A tradición non se herda, conquístase.”  André Malraux, escritor francés

Un ano máis comeza o entroido máis longo de todo o mundo no noso cole. O alumnado de Educación Infantil celebraron o seu propio Domingo Fareleiro. 

O obxectivo destas actividade é poñer máis en valor, se é posible, o fondo sentimento de tradición que todas estas nenas e nenos teñen polo noso Entroido.

Transmitindo un #sentimento

 "Un pueblo sin el conocimiento de su historia pasada, su origen y cultura es como un árbol sin raíces" . Marcus Garvey

Dentro do proxecto sobre as culturas das nosas aulas, queremos que as familias teñan un papel relevante. Por este motivo quixemos contar con elas para recrear algúns dos intres máis salientables do noso Entroido. Engalanadas coas vestimentas típicas do fareleiro, colgamento do meco, oleiro, corredoiro e enterro da sardiña, compartiron con nós unha mañá fascinante e inesquecible, transmitíndonos o verdadeiro sentimento do Entroido de Xinzo. Moitas grazas pola vosa participación e por metervos de cheo no papel que representabades. Isto é só o comezo de todas as actividades que temos programadas coas familias.

Visitamos Innovart

 “A forma máis elevada de intelixencia consiste en pensar de maneira creativa” Ken Robinson, escritor e pedagogo británico.

A Consellería de Educación, Ciencia, Universidades e Formación Profesional organizou "InnovArt'25: artísticas, deportivas e idiomas", que tivo lugar os días 6 e 7 de febreiro na Cidade da Cultura de Galicia. 

Trátase dun evento que aglutina as ensinanzas artísticas, as ensinanzas de idiomas e as ensinanzas deportivas que se imparten en Galicia.

O noso alumnado de cuarto de Ed. Primaria tivo a oportunidade de participar en distintos talleres que conformaban este evento. 

Tamén visitaron  o Museo  de Historia Natural da Universidade de Santiago de Compostela, que é un centro con fortes potencialidades educativas e sociais, pois ademais das súas tarefas de investigación e educación formal, centra o seu futuro na divulgación científica, dando resposta ás obrigas que esta universidade ten coa cidadanía. 

Facendo arepas

"Unha comida ben equilibrada é como un poema ao desenvolvemento da vida." Anthony Burgess, escritor británico

Grazas á participación das familias cociñamos arepas.

Foi moi divertido, e estaban boísimas!

Contamos coa axuda do persoal de cociña, o director, mestras do departamento de orientación, a coidadora e, por suposto, as familias.

Sen vós nada de esto sería posible!

Grazas, de corazón !!!

Encaixando melodías

 "A música pode cambiar o mundo porque pode cambiar ás persoas." Bono, cantante da banda británica U2

O CEIP Rosalía de Castro, dentro do programa educativo no que participa chamado "Polos Creativos", realizou unha actividade utilizando o primeiro material recibido neste curso 2024-2025.

Trátase dun proxecto musical chamado “Encaixando melodías” no que o alumnado tiña a tarefa de crear música. Para iso, o material incluía un kit onde podiamos atopar unha pequena máquina musical, cintas musicais e o perforador, grazas ao cal os cativos gravaban a melodía escollida nas cintas.

As máquinas de música programables mediante tarxetas foron uns dos primeiros autómatas empregados pola humanidade. As tarxetas, perforadas por pequenos buratos, foron usadas en teares no mundo téxtil e tamén, con posterioridade, nos primeiros ordenadores. Neles, os pequenos anacos de cartolina proporcionaban información e eran un medio para o ingreso de datos na computación.

Este material foi utilizado nas clases de música onde participaron alumnos e alumnas de todos os cursos, adaptando a dificultade e o nivel a cada un deles, facendo así uso das metodoloxías activas e o deseño universal para o aprendizaxe (DUA).

Neste caso en concreto, podemos ver aos alumnos de 5º de Educación Primaria que grazas a este material, complementan a súa formación e asimilación das cancións “Jingle Bells” e “O Himno da Alegría” de Beethoven que estiveron a traballar neste trimestre. Os nosos pequenos e pequenas artistas, son capaces de realizar a lectura da partitura, interpretalas coa súa voz, transcribilas nas tiras de cartón para poder así interpretalas coa “pianola”. Grazas a todo isto, traballouse ritmo, melodía, historia da música, linguaxe musical e interpretación dun xeito ameno, diferente e divertido.

Haiku​ (俳句) que rachan fronteiras

 «A poesía non quere adeptos, quere amantes». Federico García Lorca, poeta, dramaturgo e prosista español.

Dentro do noso proxecto "Pontes de Letras, Fontes de Saber", percorreu o pasado día 15 de xaneiro a primeira das video conferencias coa EB da Feitosa e a EB do Trovela onde o alumnado compartiu as súas creacións de haikus de inverno, da man da nosa Biblioteca Escolar e das Bibliotecas Escolares do Agrupamento de Escolas António Feijó.

Superadas as primeiras incidencias técnicas, o alumnado das tres escolas foi quen de compartir as súas creacións neste formato da poesía tradicional xaponesa, poñendo en valor elementos da natureza comúns as distintas realidades.

Foi unha primeira toma de contacto, que é preciso incrementar e mellorar, para afondar nestas estratexias de colaboración que favorecen novos escenarios de aprendizaxe.

Todas e todos contamos!

"É hora de que os pais ensinen aos mozos desde o principio que na diversidade hai beleza e hai forza." Maya Angelou. actiivista estadounidense."

Nun contexto onde a superación das desigualdades sociais é xustamente a base en que se fundamenta a articulación da economía social, dende Afundación lanzan este programa co que, a través de diferentes actividades culturais, o alumnado participe do valor da diversidade. Esforzo, empatía, aceptación do diferente, reforzo da autoestima ou o respecto son algunhas das ensinanzas presentes na actividade, impartida por persoas con diversidade funcional, mediante as que podemos mellorar a sensibilidade afectiva e emocional, favorecer unha sociedade equitativa, xusta e diversa e facilitar o establecemento de relacións interpersoais. Esta anovadora proposta pon en valor a diversidade como elemento de enriquecemento social e persoal, fomenta a inserción laboral de persoas con diversidade funcional e promove a súa autoestima e confianza ao exercer un rol activo na sociedade. 

Representouse na aula de Psicomotricidade o contacontos A FAMILIA que narra un conto creado pola Fundación IgualArte, con linguaxe de signos que fala das familias diversas: monoparentais, numerosas, con dous pais, dúas nais, etc. levando a cabo as distintas labores do fogar e os as responsabilidades están repartidas igualitariamente e onde participou alumnado do noso centro.

Este tipo de  actividades destacan polo seu carácter anovador e motivador. Fomentan valores educativos coma a mellora da convivencia, a cooperación, o aumento da autoestima persoal e grupal, o coñecemento e control do propio corpo e a superación de límites. Todos eles son sinais de identidade propios, sen dúbida, do noso cole.

Unhas felicitacións moi especiais!

 "As cartas son como paquetes que conteñen sorpresas." Doménico Cieri Estrada, escritor mexicano.

Dentro do proxecto "Ponte de Letras, Fontes de Saber, que realizamos en colaboración coas escolas do Agrupamento António Feijó de Ponte de Lima figuraba a actividade de intercambio de tarxetas de Nadal entre o alumnado de 4º curso do noso cenro coa EB da Feitosa e a EB de Trovela.

Ao longo das vacacións de nadal foron chegando as cartas enviadas polo alumnado dende o país veciño, pero foi hoxe cando foron repartidas nos nosos grupos.

Grande sorpresa, moito ledicia por ter resposta ás que enviaron el@s e moitas ganas de seguir colaborando nestes proxectos que supoñen, en moitos casos, unha das "súas primeiras veces"... neste caso en recibir unha carta ao seu nome co seu nome no sobre e cun selo dun país "estranxeiro" que seguro que gardarán como un gran recordo!!

Ampliamos horizontes e derribamos barreiras... toca seguir preparando o próximo proxecto!!!

Premios da Cultura 2024

 "A cultura non é herdada, temos que conquistala." André Malraux, escritor francés.

Onte asistimos á entrega dos Premios da Cultura 2024, recollendo este galardón que nos concedeu o Concello de Xinzo de Limia a quen damos as grazas por ternos presente nesta ocasión tan especial.

Queremos felicitar a tod@s @s premiad@s, unha grandísima selección de mulleres e homes importantísimos na vida cultural e social da Limia.

Tamén queremos estender os nosos parabéns a toda a nosa Comunidade Educativa (nais e pais, persoal docente e non docente do centro e, sobre todo, ao noso alumnado) por estes 50 anos "formando persoas" e por tecer redes onde realmente sabemos que a súa escola é e seguirá sendo o primeiro lugar onde teñen e  terán as súas primeiras vivencias, tamén no ámbito cultural... Por 50 anos máis... #EuSonRosalia!!!

*Fe de erratas no vídeo: O noso centro abriu as súas portas o 11/11/74, non o 11/09/74

Desde pequena sempre quixen vivir en Piñeira

"Calquera que saiba un pouco de historia sabe que o progreso sería imposible sen a figura feminina". Karl Marx, filósofo prusiano 

"O concerto de Aninovo" nunca foi dirixido por unha muller

 "Feminista é calquera que recoñeza a igualdade e a plena humanidade en mulleres e homes". Gloria Steinem, xornalista estadounidense.

              

Que bonito é o mundo da radio!

"A pregunta non é quen me vai a deixar; é quen vai determe." Ayn Rand, filósofa e escritora rusa.

Hoxe foi unha desas mañas de "primeiras veces".... Era a primeira vez que gravabamos un podcast co alumnado de sexto e tamén foi a primeira vez que tivemos a oportunidade de escoitar a estas dúas "bravas mulleres" defendo causas tan importantes na formación de todo o noso alumnado como o feminismo, a defensa da lingua, a importancia do rural, ... entre outras.

Hoxe soubemos que o saxofón non foi a primeira escolla como instrumento para Esmeralda, ou que os músicos que van á Arca da Noe ou porque ben lle gustan a ela ou porque son eles mesmos os que queren ir tocar alí... E outras moitas curiosidades que descubrimos sobre elas e que saberedes moi pronto!! 

Noe Vázquez e Esmeralda Marra son dúas das nosas "Mulleres Ilustradas" e nesta entrada do noso blog só queremos facer un pequeno adianto do que serán as emisións completas das gravacións que fixemos hoxe.

Queremos dar as grazas especialmente a Óscar polo agarimo co que fai este traballo que require tanta paciencia con todo nós, á ANPA do noso centro e ao CDR O Viso por invitarnos a embarcarnos tod@s xunt@s neste proxecto tan ilusionante para todo o centro.

En breve, teredes máis novas desta RadioRosalía que acaba de nacer!!!!

Pontes de Letras, Fontes de Saber

"O camiño máis breve cara á ciencia é a atención e dilixencia en escoitar."Juan Luis Vives (1492-1540), humanista e filósofo español.

Asistimos á I Jornada Formativa de Intercambio Docente entre o noso centro e o Agrupamento de Escolas António Feijoó de Ponte de Lima.

Estas xornadas de traballo están englobadas dentro do Proxecto do "Abrazo/Abraço ao Rio Limia/Lima", que dende fai máis de dez anos teñen medrado dun xeito expoñencial e que con este tipo de encontros salta a outro nivel de cooperación.

Os Equipos das Bibliotecas Escolares do Agrupamento de Escolas António Feijó dalgunhas das súas escolas (EB1 de Ponte de Lima, EB do Trovela, EB da Feitosa e a Sede Principal do Agrupamento) compartiron co noso profesorado experiencias de formación a todos os niveis (alumnado, profesorado, familias e persoal non docente) abrindo novas posibilidades de levar a cabo esas experiencias no noso cole.

O agarimo, a familiaridade e o trato exquisito foron os sinais constantes  por parte dos nosos colegas portugueses ao longo de toda a xornada. Moitas grazas a todas e todos @s profesor@s, responsables, nais/pais, ... (non nomeamos a ningún porque non queremos esquecernos de ninguén!!!) de todos os centros que nos acolleron e trataron tan ben e por compartir con nós esas experiencias tan interesantes que, sen dúbida, tentaremos poñer moitas delas en práctica!

Esperamos estar á altura na vosa próxima visita á nosa escola en xaneiro! Ate já!!

Fagamos un círculo máis grande para incluír a tod@s

" A diversidade é que te conviden á festa. A inclusión consiste en que te saquen a bailar." Verna Myers, experta internacionalmente recoñecida en diversidade, equidade, e inclusión.

Conmemoramos o día 3 de decembro o Día Internacional das Persoas con Discapacidade e este ano a ONU fixa como lema "Nada sobre nós sen nós", co que prentende fomentar o liderado das persoas con discapacidade para un futuro máis inclusivo e sostible.

Neste lema condénsanse os principios de participación, representación e inclusión. Este lema pon de relieve, ademais, a importancia de que as persoas con discapacidade sexan protagonistas na toma de decisións sobre as súas vidas.

No noso centro e dentro do ámbito escolar escollimos "Alguén fixo un círculo para deixarme fóra, fagamos un máis grande para incluir a tod@s"

Ao longo destas xornadas todos os cursos fixeron actividades sobre este  propósito que é un dos sinais do noso cole: o da inclusión.

Para visibilizar todo este traballo fixemos un gran mural onde están todas as mans do noso alumnado nese gran circulo onde collemos todas e todos!

Galletas na nosa cociña

"Coida o teu corpo. É o único lugar que tes para vivir." Jim Rohn, empresario estadounidense

O pasado venres volvemos contar coa axuda das familias para elaborar unha deliciosa receita de galletas de manteiga, ideais para preparar este Nadal!

Desfrutamos mezclando os ingredientes, amasando e dando forma ás nosas galletas.

Non quedou nin a mostra!

Moitas grazas ás mamás participantes.

Seguiremos cociñando despois das vacacións.

25N - O machismo é violencia con todas as letras

 "Eu son doutro conto onde as princesas rescátanse soas" 

O machismo é violencia con todas as letras é o lema escollido pola Consellería de Política Social e Igualdade para conmemorar este ano o Día Internacional para a Eliminación da Violencia contra as Mulleres.

Nós, na nosa escola, quixemos darlle unha volta e buscamos un novo abecedario con caseque todas as letras onde buscabamos termos que nos fixeran reflexionar sobre todo o antitético a todo tipo de violencia relacionado c@s outr@s.

Beixo, Familia, Gladiadora, Cariño, Xuntas, ... son algún dos termos que o noso alumnado escolleu e co que traballaron todas as clases ao longo destas xornadas.

Tamén levamos a cabo outras moitas actividades onde o papel de empoderamento das nenas tiñan un rol importantísimo nas relacións entre igual co fin de dar ferramentas a elas (e por suposto a eles tamén) para saber relacionarse mantendo relacións de igual a igual e rexeitando todo tipo de imposicións.

Non temos dúbida que a formación e a información a estas idades son a base para formar ás nosas e aos nosos futuras e futuros cidadáns!!!