Elmer

Neste pisacharcas acompañounos Kassandra, nai de Helena de 5 anos A.

 Kassandra contounos "Elmer" de David Mckee. 

Elmer é un elefante multicolor e moi divertido, pero un día comeza a sentirse canso

 de ser diferente... que pasará?

Contacontos de Samaín

 O venres 30 tivemos a sorte de contar con Iago López que nos contou o terrorífico e

 divertidísimo conto "A planta de Xian". 

Pasámolo xenial!!

E as gañadoras do concurso de apócemas son...

                     

                       Aitana 4º A:

                   Sara 4º B:

                            Ada 6º A:

                           Amaya 5º A:

 

Monstro rosa

 

Continuamos co pisacharcas con Karla Cid, nai de Khloe de 1º de Educación Primaria. Karla veunos contar "Monstro rosa" de Olga de Dios. O conto narra a historia dunha personaxe que naceu diferente nun mundo onde todo era de cor branca...Que fermosa historia, animádevos a lela!

O alumnado comparte as súas aterradoras creacións...

As autores e autores das terroríficas apócemas de Samaín compartiron as súas creacións na biblioteca do cole...que medo! 

As terroríficas apócemas de Samaín

 

         O concurso de apócemas de Samaín foi todo un éxito! Cal será a máis terrorífica de todas?

O ladrón de cabazas

Comezamos o pisacharcas con Uxía Campero, nai de Xabi de Infantil de 5 anos B. Uxía veunos contar "O ladrón de cabazas" de Alice Hemming. O conto narra a divertida historia dun esquío e un paxariño que deben resolver o misterio e atopar o ladrón ou ladroa que está a roubar as súas cabazas. Que intriga!

Concurso de apócemas terroríficas para Samaín

 

Achégase á celebración do Samaín e dende a biblioteca propomos un concurso de apócemas terroríficas! Para aquel alumnado que queira participar debe ter en conta as fases do concurso: 

1.  Elixir o propósito da apócema: O alumnado debe decidir para que serve o seu elixir (por exemplo: para voar, para esquecer os medos, para que medre o pelo ou para aprobar o exame de matemáticas sen estudar.
2.  Listado de ingredientes terroríficos ou fantásticos: Buscar palabras sonoras, estrañas ou divertidas en galego (ex: unllas de moucho, ollos de mosca, espiñas de toxo, babas de caracol).
3.  Redacción do conxuro: Escribir as instrucións de preparación ou un poema máxico en verso rimado para que a apócema faga efecto. Debe ser ilustrado e ser orixinal!
4.  Deseño e presentación: Decorar un bote ou botella reciclada que conteña a "apócema" ficticia e engadirlle unha etiqueta orixinal co nome e os ingredientes.
5.  Recitado ou exposición: Presentar o traballo na aula, recitando o feitizo ante os compañeiros. Posteriormente farase unha mostra conxunta de todos os traballos na biblioteca.
6.  Premio: Gañará a apócema máis votada polos Mestres do equipo da biblioteca. (Valoraranse: a apócema máis orixinal ou divertida, o conxuro mellor redactado ou recitado en galego, a presentación máis terrorífica no deseño do bote e etiqueta).

Comezan as mochilas viaxeiras!

 

A finais de outubro comezan as mochilas viaxeiras para o alumnado de Educación Infantil.

 Preparádevos para desfrutar dos contos e divertidas actividades que hai no seu interior! 

 

                                   ABRIMOS AS PORTAS DA NOSA BIBLIOTECA!

O vindeiro luns día 05 de outubro a biblio do CEIP Rosalía de Castro abre as súas portas para o alumnado. Estaremos esperándovos! 

Lecturas no terceiro ciclo

 Rematamos este curso ensinándovos varias lecturas ás que se prestou Daniela Ferreiro de 5º curso. A primeira foi para o resto de alumnado do seu curso e a  segunda ao alumnado de sexto.  Leulles "Eu voy comigo" de Raquel Díaz Reguera, un libro que se adapta a diferentes etapas e que fala de non renunciar a ser un mesmo para ser querido ou aceptado. Permite reflexionar sobre a autoestima, a autenticidade e sobre querer aos demáis polo que son, transformando as rarezas que todos temos en virtudes que nos fan únicos.