Non haberá a tradicional festa fin de curso en Culleredo

Neste 21 de xaneiro recibimos por correo electrónico o anuncio de dous cambios importantes no programa de Voz Natura. 

En primeiro lugar comunícannos que se incrementa a dotación económica dos premios. O centro educativo seleccionado como premio Galicia levará 5.000 €, os premios provinciais 2.000 € cada un e, como novidade, o premio infantil terá unha cuantía económica de 2.000 €.

Ademais, tal e como publica hoxe a La Voz de Galicia

(https://www.lavozdegalicia.es/noticia/sociedad/2019/01/21/voz-natura-renueva-plan-accion-tras-superar-5000-proyectos-realizados/0003_201901G21P25991.htm),

a tradicional festa fin de curso substituirase por un acto no que se entregarán os premios aos mellores proxectos medioambientais. Terá lugar a mediados do mes de xuño no Museo Santiago Rey Fernández-Latorre. Isto implicará que non haberá exposición final de traballos.  

Sentimos, despois de varios anos participando neste encontro, que deixe de realizarse. Para nós era unha saída moi especial polo goce de encontrarnos con outra xente, aprender moito na exposicións dos traballos dos diferentes centros e tamén por ser unha xornada lúdica de referencia.