16/10/18

POÉTICAS DIVERSAS na biblioteca escolar

"A poesía, din, é a memoria do mundo". Juan Marqués


A poesía está por todas partes, o que importa é explorar para descubrila. A biblioteca escolar é un lugar privilexiado para estimular esa mirada que xogue a descubrir a poesía que se agocha nas paisaxes, na música, no cine, nunha noite estrelada, no baile do vento na herba, nos seres minúsculos que só podemos ver a través do microscopio, nesa música que engaiola, na palabra dos poetas, na tradición oral, nun texto que nos traspasa e nos obriga a mirarnos, nesa persoa que nos axuda a abrir os ollos para ver o que nos rodea, no último descubrimento científico (eses escutoides descoñecidos até agora), nesa voz que nos fala, nese abrazo que nos agarima...

POÉTICAS DIVERSAS NA BIBLIOTECA ESCOLAR é o lema que a Consellería de Educación, Universidade e Formación Profesional  propón ás bibliotecas escolares para o curso 2018/2019, como chiscadela para descubrir a poesía que nos rodea, apoiádonos nos recursos e nas posibilidades da biblioteca escolar. Nuria Díaz foi a ilustradora convidada a interpretar este lema e a compoñer este fermoso cartel que, en breve, estará xa en todos os centros educativos galegos.

Longa vida á poesía, "memoria do mundo", en palabras do poeta Juan Marqués, quen tamén afirma que a poesía, aínda que ninguén a lea, penetra nas conciencias e nas nacións e dá enérxicos empurróns á Historia, inventa e derruba deuses, funda e destrúe reximes políticos, declara guerras, move montañas... 

Poéticas diversas convida a asolagar as aulas de poesía, a tratar con poetas, a perderlle o medo á metáfora, a xogar coa palabra e coa imaxe até obter todo o seu zume, a coñecer a excelente e variada creación poética galega destinada a todas as idades, a permitir que o alumnado galego poña voz e dea vida á tradición lírica galega, á poesía de Rosalía e de todas e todos os poetas que foron e son. 
http://www.edu.xunta.es/biblioteca/blog/?q=node/1145

A UE anima aos colexios de Galicia a participar na Semana da Programación

Esta iniciativa europea pretende achegar a innovación ás aulas da Unión, para que docentes e alumnos participen na transformación dixital.
A  Comisión Europea impulsa nestes días a Semana da Programación (Code Week), un proxecto que pretende achegar aos centros educativos as ferramentas básicas da linguaxe de programación e as habilidades dixitais á comunidade escolar dun xeito ameno e divertido. Segundo sinala a GCiencia Naír Carrera, pedagoga galega que traballa na European Schoolnet, unha rede de 34 ministerios de Educación basada en Bruselas, a Semana da Programación enmárcase dentro da estratexia do Plan de Acción de Educación Dixital da Comisión Europea, que anima concretamente ás escolas de Europa a participar nesta iniciativa  de levar a innovación e a programación ás aulas en todos os centros educativos de Europa.
A Comisión Europea permite que os colexios se sumen á iniciativa ata o vindeiro mes de decembro
A Semana da Programación ten lugar oficialmente entre o 6 e o 21 de outubro, pero este ano a Comisión Europea extendeu a posibilidade departicipar ata o mes de decembro, o que facilita que os centros se sumen á iniciativa.
Para este fin, European Schoolnet creou unha páxina dedicada aos centros escolares e aos docentes de toda Europa, na que tamén se poden consultar recursos de formación para as aulas. “A finalidade é que os docentes (especialmente aqueles que non teñen experiencia previa en programación) poidan seguir estes módulos de formación e replicar os exemplos que alí se proporcionan cos seus alumnos, rexistrando así a actividade no mapa da Code Week”, explica Carrera.
Ata o de agora, entre as 22.000 actividades rexistradas na páxina web, só menos de 30 se desenvolverán en Galicia, polo que desde a UE fan un chamamento a que os colexios galegos se sumen a participar, para que “non se queden ás portas da innovación e poidan participar da transformación dixital da mesma maneira que outros docentes europeos”.
Neste senso, o Ministerio de Educación de España pon tamén a disposición dos docentes un mini curso gratuito en liña que, con só tres horas de formación, achega ós docentes ó coñecemento básico para participar na iniciativa Code Week.
Os docentes que realicen este curso de formación, denominado SomosCodeEu, recibirán o rematar una insignia dixital que poderán almacenar na mochila de credenciais abertas de Insignias INTEF, e conseguirán tamén un certificado de participación como este validado pola Comisión Europea. A información para seguir este curso de formación pódese encontrar nesta ligazón.
Do mesmo xeito, segundo sinala Naír Carrera, púxose a disposición dos docentes europeos un grupo de Facebook e unha conta en Twitter nos que os profesores teñen a oportunidade de conectar con outros docentes europeos e participar en eventos ou concursos internacionais como oCodeWeek4All challenge, que lles permite ademáis conseguir un certificado de excelencia. Ademais, na páxina web ponse á disposición do público un conxunto de ferramentas para docentes e de comunicación para todas aquelas persoas que estean interesadas en promocionar a iniciativa.
“Sabemos que a educación básica de calquera persona na era dixital debe incluír a comprensión da programación e o desenvolvemento de competencias fundamentais relacionadas co pensamento computacional, así como a capacidade de resolución de problemas, de pensamento crítico, de creatividade ou de colaboración. Estas son algunas das competencias básicas do século XXI queaxudarán aos estudantes galegos a comprender mellor o mundo que os rodea, e que os axudarán a ter éxito na súa vida, tanto a nivel persoal como a nivel profesional”, expón a pedagoga galega.


Instruccións para aprenderlle a ler a unha crianza

Instrucciones para enseñar a un niño a leer
Gustavo Martín Garzo
Conviene empezar cuanto antes, a ser posible en la habitación misma de la clínica de maternidad, ya que es aconsejable que el futuro lector esté desde que nace rodeado de palabras. No importa que, en esos primeros momentos, no las pueda entender, con tal de que formen parte de ese mundo de onomatopeyas, exclamaciones y susurros que le une a su madre y que tiene que ver con la dicha. Poco a poco irá descubriendo que las palabras, como el canto de los pájaros o las llamadas del celo de los animales, no son sólo manifestación de existencia sino que nos permiten relacionarnos con lo ausente. Así, muy pronto, si su madre no está a su lado echará mano de ellas para recuperarla en su pensamiento, o si vive en un pueblo rodeado de montañas les pedirá que le digan cómo es el mundo que le aguarda más allá de esas montañas y del que no sabe nada.
Palabras del día y de la noche
Por eso los adultos deben contarle cuentos, y sobre todo, leérselos. Es importante que el futuro lector aprenda a relacionar desde el principio el mundo de la oralidad y el de la escritura. Que descubra que la escritura es la memoria de las palabras, y que los libros son algo así como esas despensas donde se guarda todo cuanto de gustoso e indefinible hay a nuestro alrededor, ese lugar donde uno puede acudir por las noches, mientras todos duermen, a tomar lo que necesita. A estas alturas habrá hecho un descubrimiento esencial, que existen palabras del día y palabras de la noche. Las palabras del día tienen que ver con lo que somos, con nuestra razón, nuestras obligaciones y nuestra respetabilidad; las de la noche con la intimidad, con el mundo de nuestros deseos y nuestros sueños. Y ése es un mundo que necesariamente se relaciona con el secreto. Por eso, el adulto no debe hablar demasiado al niño de los libros, ni abrumarle con consejos acerca de lo importante que es leer, porque entonces éste desconfiará. La madre que guarda en la despensa los dulces que acaba de preparar no lo proclama a los cuatro vientos, y así los vuelve más codiciables. Las palabras de la literatura tienen que ver con ese silencio, con lo que se guarda y tal vez hay que robar, nunca con lo que nos ofrecen a gritos, y mucho menos a la luz del día, donde todos puedan vernos. El futuro lector, en suma, debe ver libros a su alrededor, saber que están ahí y que puede leerlos, pero nunca sentir que es eso lo que todos esperan que haga.
Sería aconsejable, si me apuran, que los padres no los tuvieran demasiado a la vista, sino que los guardaran dentro de grandes armarios, que a ser posible mantendrían cerrados con llave. Aunque de vez en cuando se olvidarían esa llave, o de cerrar esos armarios, dándole al niño la opción de llevarse los libros cuando nadie les viera. Pero lo más importante es que el niño vea a sus padres leer. Discretamente, sin ostentación, pero de una forma arrebatada y absurda. El rubor en las mejillas de una madre joven, mientras permanece absorta en el libro que tiene delante, es la mejor iniciación que ésta puede ofrecer a su niño al mundo de la lectura.
Jardín secreto
Pero los libros son como aquel jardín secreto del que hablara F. H. Burnett en su célebre novela homónima: No basta con saber que están ahí, sino que hay que encontrar la puerta que nos permite entrar en su interior. Y la llave que abre esa puerta nos tiene que ser entregada azarosamente por alguien. En la novela de F. H. Burnett es un petirrojo quien lo hace, y gracias a ello la niña puede visitar el jardín escondido. El que ese petirrojo tarde en presentarse no quiere decir que no vaya a hacerlo nunca, pero incluso si así fuera tampoco se alarme demasiado, ni por supuesto llegue a pensar que su hijito es un caso perdido. Piense que la lectura no siempre nos hace más sabios, ni más inteligentes, ni siquiera más buenos o compasivos, y que bien pudiera ser que ese niño que adora fuera como los bosquimanos, que tampoco leyeron una sola línea y eso no les impidió concebir algunos de los cuentos más hermosos que se han escuchado jamás. No olvide, en definitiva, que el cuento más necesario, y por el que seremos juzgados, es el que contamos sin darnos cuenta con nuestra vida.
(Artículo publicado en Blanco y Negro Cultural el 17 de abril de 2003. Diario ABC. Madrid).

12/10/18

Ponte de Lima: Centenas de crianças e idosos de mãos dadas num abraço ao rio Lima

Outro ano máis acudimos á cita: é o noveno abraço. Nós levamos oito. Asombrados de ver como ten cambiado a ben esta localidade. Felices da acollida e do programa de dous días que pasamos nestas terras: En Ponte de Lima, na Quinta de Pentieiros... Pero tamén en Viana do Castelo. Encantados de seguir apostando por concienciarnos arredor do tema da auga, do río que nos une. Graciñas a tod@s. Esperámosvos o 7 de xuño de 2019 na Limia.

http://www.kizoa.es/abraço-2018-ponte-de-lima

Aquí algúns enlaces e textos de cómo cubriron eles esta nova:
 11-10-2018 - PONTE DE LIMA - IX Abraço ao Rio Lima - Centenas de crianças e idosos de mãos dadas num abraço ao rio Lima, hoje na vila limiana. O Serviço Área Protegida do Município de Ponte de Lima promoveu hoje, quinta feira, mais uma edição do Abraço ao rio Lima.
 Esta iniciativa, comemorativa do Dia Nacional da Água e do Dia Internacional do Idoso, teve como principal objetivo sensibilizar a comunidade Limiana para a salvaguarda e valorização do principal recurso hídrico do concelho, o rio Lima. O ‘IX Abraço ao rio Lima’ realizou-se hoje, quinta feira, com a larga participação das instituições de ensino e de acolhimento a seniores do concelho.
 À semelhança de anos anteriores, e ao abrigo do protocolo estabelecido com a localidade galega onde nasce o rio Lima, estiveram também presentes alunos de Xinzo de Límia: EB1/JI de Rebordões Souto, CE das Lagoas, JI de Brandara, EB1 de Ponte de Lima, JI de Cepões, JI de Calheiros JI da Correlhã, CE de Freixo, CE de Refoios CEIP Carlos Casares e CEIP Rosalía de Castro, de Xinzo de Límia Centro Paroquial e Social de Fornelos, Santa Casa da Misericórdia de Ponte de Lima Casa de Caridade Nossa Senhora da Conceição de Ponte de Lima.
  O Abraço ao rio Lima teve, ainda, a colaboração dos Bombeiros Voluntários de Ponte de Lima, da Escola Segura (Polícia de Segurança Pública) e do Destacamento Territorial dos Arcos de Valdevez (Guarda Nacional Republicana).
 Como já se torna habitual, esteve também presente o Pinchas, a mascote da Área Protegida das Lagoas de Bertiandos e S. Pedro d’Arcos, uma figura muito acarinhada pelos mais pequenos.
 Fonte: http://www.lagoas.cm-pontedelima.pt/

8/10/18

IX Abraço ao Rio Lima


Os vindeiros días 10 e 11 de outubro o alumnado de 4º de primaria, o profesorado titor e o Director do noso Centro imos participar no "IX Abraço ao rio Lima" en Ponte de Lima.
Hoxe os amig@s de Ponte de Lima achegáronnos uns materiais que comezan así:
Os ríos sempre foron un dos máis importantes recursos para a supervivencia e desenvolvemento da humanidade. É grazas á auga dos ríos que é posible asegurar a supervivencia de persoas, animais e sustentar a agricultura, así como promover o desenvolvemento económico. Pero non sempre o Home coidou e preservou convenientemente os ríos!  

  

6/10/18

Boas Novas: Incorporámonos ao programa Biblioteca Creativa

O Portal Educativo publica a Resolución de 3 de setembro de 2018, da Dirección Xeral de Centros e Recursos Humanos pola que se relacionan os centros de nova incorporación ao programa BIBLIOTECA CREATIVA para o curso 2018/2019, unha ver resolta a convocatoria publicada con data de 3 de setembro de 2018. Tamén se detallan os centros que estaban integrados no anterior "Escornabots na biblioteca escolar" e que solicitaron continuidade. Desta forma, aparecen incluídos neste programa un total de 55 centros con alumnado de ensino infantil e primaria e pertencentes ao Plan de mellora de bibliotecas escolares no actual curso 2018/19.
http://www.edu.xunta.gal/portal/node/26097
http://www.edu.xunta.gal/portal/sites/web/files/biblikoteca_creativa_resolucion_1919_2.pdf


4/10/18

Participamos no programa VOZ NATURA

Un curso máis participamos no programa Voz Natura; coma outros 360 centros galegos. Esta é a nosa proposta ou calendario de execución de actividades:


Setembro 2018: Posta en marcha do proxecto: explicación, motivación e re-organización do mesmo. Posta en marcha dos equipos de supervisión ambiental. Xestións para mercar os materiais necesarios para o correcto desenvolvemento do programado.

Outubro, Novembro e Decembro 2018: Distribuír na horta e nos espazos de xardín o humus (a partires da compostaxe que estivemos a facer ó longo do ano). Principalmente a partires da recollida de follas no patio; que as empregamos non só para  compostaxe; tamén para o acolchado dos socalcos da horta. Banco de sementes (recollida de sementes –coa implicación da familias- e a elaboración da conseguinte ficha para a nosa biblioteca). Tamén a estratificación dalgunhas e a aprendizaxe doutras maneiras de conservación das sementes. 

Xaneiro, Febreiro e Marzo 2019: Semilleiros nas aulas, tamén en camas quentes e ir transplantando para a horta aquelas que mellor van resistindo. Intentar adiantar datas co cultivo baixo cuberta: a modo de invernadoiro. Trataremos de sacar adiante unha rolada de pitiños, así como atender algúns dos animais que, normalmente, nesta tempada levamos ó centro (coellos).          

Abril, Maio e Xuño 2019: Engadir outro plantío na horta. Atender, coidar as nosas plantas; unha aposta pola agricultura biolóxica e coñecemento doutros enfoque (agr. Biodinámica). Acolchado, sombreo, rego. Memoria de actividades, panel resume para e participación na festa de voz natura en Culleredo, como todos os anos.

En cada trimestre faremos algunha saída-andaina (como estamos facendo cada curso e é costume no centro) para coñecer mellor o noso entorno.  Igual que as exposicións na biblioteca. Tamén a partires dos paneis colocados no patio sobre as árbores e os paxaros facemos actividades relacionadas: xogos de pistas para o seu recoñecemento, censo de paxaros, construción/colocación de caixas niño, etc.

http://blogs.voznatura.es/blogmaestrovnat/blog/2018/09/12/benvidos-ao-curso-18-19/

3/10/18

A voz da escola volve ás aulas

Coma o curso anterior e o anterior, "La Voz de la Escuela" volve  ás aulas. Algo que está a facerse desde o ano 1982. 

    Un curso máis, as páxinas da Voz da Escola chegarán ó noso Centro para as aulas de 5º e 6º de Primaria os mércores; temas de ciencias, literatura ou historia, entre outros

Desde o equipo da biblioteca xestionamos este recurso desde hai anos para tratar de familiarizar ó noso alumnado coa lectura do periódico que despois tamén pasa para a biblioteca e vai para as casas.

A escola de pais e o calendario mensual de efemérides tamén seguirán estando presentes para contribuír  á mellora do noso quefacer, para posibilitar unha aprendizaxe máis actualizada.    

2/10/18

Maleta viaxeira da Igualdade

A través do CFR temos este mes a maleta viaxeira pola Igualdade na Biblioteca.

É un recurso bibliográfico elaborado por Educación, con libros de lectura para o alumnado, de apoio ó labor do profesorado interesado en tratar a temática da igualdade na aula. 

Son libros en lingua galega e castelá, publicados nos últimos anos que visitan todos os xéneros literarios (narrativa, poesía, teatro, banda deseñada, álbum ilustrado, biografías, ensaio); un total de  41 títulos para infantil e primaria.
 Na hora de lectura están rulando polas aulas. Graciñas pola colaboración.


Carné da biblioteca para o alumnado de 1º A



Alumnado 1º. Curso 2018.19
O alumnado de 1º de primaria tivo onte unha xornada un tanto especial. Tiveron unha sesión na biblioteca onde da man de Tina (Equipo biblioteca) e Sonia (titora do grupo) lembramos as normas de funcionamento, gozamos dun conto e mesmo ollamos unha breve película dun persoeiro "coñecido" que vai á biblioteca. 
Pero o momento que queda recollido para a historia é cando Luís lles fai a foto cos carnés de lector@s soci@s da Charca dos libros e, polo tanto, da Rede de Bibliotecas de Galicia que o equipo dinamizador da biblioteca lles prepara e entrega.

Mochilas viaxeiras como axentes mediadores de lectura


   

Seguen, un curso máis, as mochilas viaxeiras a súa andaina, da escola á casa, da casa á escola.... levando libros, revistas, vídeos... para propiciar momentos de lectura compartida en familia. Tamén a libreta viaxeira ( para compartir a nosa experiencia lectora e taén de rescate da nosa tradición oral) que recolle as testemuñas que as familias escriben arredor desta temática, a lectura, ou doutras que contribúan a potenciala.
Son pois as mochilas viaxeiras as nosas outras embaixadoras da Charca dos libros, a biblioteca do CEIP. 
Moitas grazas a todas as familias. Porque a lectura é cultura e porque vós sabedes máis ca ninguén o importante do hábito lector nos fillos/as. E o importante que sodes vós e nós como exemplo para eles e elas....
 

26/9/18

Xornadas de Bibliotecas Escolares de Galicia-2018. Aberto o período de inscrición.



Comezado o novo curso cómpre ir pensando nas citas anuais do profesorado que mantén vivas as bibliotecas escolares (ou que está interesado en educación en xeral, en lectura, escritura e traballo coa información en particular). 
Xa hai datas para as que serán as IX Xornadas de Bibliotecas Escolares de Galicia. Celebraranse o 9 e 10 de novembro, no Palacio de Congresos de Santiago de Compostela.  Xa está bastante avanzado o programa, que difundiremos en breve.
Entre tanto, hai que ir bulindo para non ficar sen praza. Aberto o prazo de inscrición na aplicación FPROFE, do Servizo de Formación do Profesorado. O código da actividade é o G1802025. Remata o prazo o 2 de novembro.
Lembramos o interese de que os equipos de biblioteca participen conxuntamente nestas xornadas, en parte por asistir directamente ao maior  número de actividades simultáneas posibles, en parte por compartir experiencia e ir construíndo unha linguaxe común, o que redunda nunha maior eficacia.

Día Mundial da Saúde Ambiental: 26 de setembro


A Fundación Vivo San pon en marcha por quinto ano consecutivo o programa didáctico Saúde ambiental na escola, que xa foi impartido en máis de 200 colexios e que este curso chegará ás aulas de medio centenar de centros educativos.
Organismos internacionais como a OMS e a Comisión Europea subliñan a importancia da prevención e a educación desde a infancia, así como a necesidade de divulgar á cidadanía as relacións causa-efecto entre medio ambiente e saúde.
É a quinta edición do programa educativo que con ese mesmo nome, Saúde ambiental na escola, leva a cabo a Fundación Vivo San nos colexios que o solicitan, co obxectivo de educar e sensibilizar aos nenos sobre os riscos que levan para a saúde determinadas substancias contaminantes presentes no medio ambiente cotián. Ata o momento, máis de 26.000 escolares de 207 colexios de toda España seguiron este programa educativo nos catro anos que leva en marcha.
Todos eses alumnos aprenderon en clase que os alimentos frescos poden ter residuos de pesticidas e como protexerse deles e evitalos, sensibilizáronse sobre os riscos de usar plásticos nos envases de comida, asimilaron a importancia de optar por produtos de aseo persoal ou de limpeza ecolóxicos, saben como ler unha etiqueta e que substancias deben evitar, e en definitiva están máis concienciados de que a súa saúde e o futuro do planeta e do medio ambiente está nas súas mans. A pesar das súas temperás idades, xa saben que son os ftalatos e o bisfenol A, onde se atopan e como afectan o seu organismo.