O pasadizo do terror!

"Ás veces perdes unha batalla. Pero as travesuras sempre gañan a guerra." John Green,  escritor estadounidense.

As mestras de Educación Infantil prepararon unha chea de actividades para conmemorar o Samaín co seu alumnado. Disfraces, merendas especiais, ... e ata un pasadizo do terror cheo de probas e actividades por superar. Todo un acerto!! O noso alumnado gozou con todas elas e este pequeno vídeo e boa mostra diso!!!

Samaín en cinco anos

"Ser neno é vivir entre soños e xogos, sen saber onde rematan uns e empezan outros." Autor descoñecido.

Esta pasada semana quixemos que nenas e nenos fosen os protagonistas dunhas actividades moi especiais. Comezamos o luns, cos ollos brillantes de emoción e as mans ben arremangadas, vaciando cabazas, entre risas e algún que outro berro de sorpresa ao tocar a viscosa masa interior.

O martes foi hora de meter as mans na masa, literalmente, xa que xuntos creamos unhas masas de cores ao gusto de cada quen.

E chegou o gran día de Samaín. Ataviados coas nosas galas máis aterradoras participamos nun circuíto terrorífico con moita diversión e momentos para recordar.

Merendas terroríficas para @s máis pequen@s do cole!

"Non te deixes invadir... na Galicia temos Samaín"

@s máis pequen@s do cole poideron relamberse con estas merendas tan monstrosas que as súas mamis e os seus papis fixeron chegar ao cole. Pantasmas, morcegos, ... e demías protagonistas deste noso Samáin foron as vítimas das nenas e nenos de tres anos que non deixaron nin rastro destas criaturas terroríficas!

Remataron cun esconxuro onde cahamron as todas as meigas boas para cumprir co ritual tan propio destes días.

 Grazas familias por facelo posible !!!

Xa chegou o Samaín!!

 «Más libros, máis libres». Enrique Tenro Galván, ensaísta, político, sociólogo e xurista español.

Xa temos ao voso dispor a nosa selección de títulos sobre o Samaín!! Non dubidedes en pasarvos pola Biloteca do cole e levarvos un destes libros para unha boa tarde de lectura. 

Correde... que voan!!!

Que sabes do Samaín?

“É paradoxal que moitos educadores e pais aínda diferencien entre un tempo para aprender e un tempo para xogar sen ver a conexión vital entre os mesmos."

Leo Buscaglia (profesor no Departamento de Educación Especial da Universidade do Sur de California)

O Equipo de Dinamización Lingüistica do noso centro preparou unha xincana, aproveitando o circuito permanente de orientación instalado por Trictrark no patio do cole, onde o alumnado ten que buscar unha serie de preguntas relacionadas, neste caso coa celebración do Samaín, guiándose por un mapa, acadando unha puntuación que se sumará ao final da proba no punto de reunión.

Un xeito distinto de aprender de maneira lúdica, cambiando os espazos tradicionais de aprendizaxe e traballando distintas competencias educativas.

Samhain, Samaín!!

 ”Calquera podía ver que o vento era un vento especial esta noite, e a escuridade adquiría un cariz especial porque era a véspera de Todos os Santos”. 

Ray Bradbury. escritor estadounidense de ciencia ficción

O Samaín (do irlandés antigo Samain, pronunciado /ˈsˠaunʲ/) é unha festividade celta que marca o remate da tempada de colleita e o comezo do inverno ou "metade escura" do ano. Tradicionalmente, é celebrada do 31 de outubro ó 1 de novembro, xa que o día celta comeza e remata co solpor.

Todo o alumnado do centro participou da celebración desta data, vindo disfrazado ao cole e facendo actividades relacionadas con estas datas (cata de alimentos de outono, visionado de películas, ...)

A nosa ANPA tamén contribuiu coa entrega a todo o alumnado de Ed. Infantil e Primaria dunha bolsa "terrorífica" cunha pequena "merenda" de media mañá, que puideron tomar no recreo.

De igual xeito no comedor, da man das nais/pais colaboradoras, tamén tivemos unha decoración "terrorífica" e algún que outro sustiño... 

Pero, sen dúbida, todo o alumnado de Educación Infantil foi o que máis gozou desta xornada. Todas as súas mestras prepararon un "escape room" con moitas estacións onde pasaron moi bos ratos de entretemento e de moita diversión. Queredes vel@s? Non perdades este video...

II Concurso de Microrrelatos de Samaín

Organizado polo Equipo de Dinamización de Lingua Galega do noso centro, este ano contamos cunha grande participación do alumnado de terceiro, cuarto, quinto e sexto de Ed. Primaria. O nivel dos traballos presentamos foi moi alto, polo que a decisión do xurado resultou moi complicada de tomar. As/Os gañadores deste ano foron:

• 3º Ed. Primaria: Naila Fonseca Doval
• 4º Ed. Primaria: Damián Fernández Montero
• 5º Ed. Primaria: Claudia Urones Cid
• 6º Ed. Primaria: Lucía García Feijoo

Tod@s @s gañadores recibiron un vale de 15€ que poderán canxear en calquera librería de Xinzo de Limia por algunha das súas lecturas favoritas. Parabéns a tod@s @s premiad@s!!

Traballos gañadores do II Certame de Relato Curto "... e volve vir a noite se Samaín"

O Equipo de Dinamización Lingüistica  convocou esta segunda edición do concurso de relato curto co galo da conmeración do Samaín. Temos que salientar que foi moita a participación entre todo o alumnado de terceiro, cuarto, quinto e sexto de Educación Primaria e que a calidade dos traballos presentados tamén foi notable.

Estes son os traballos gañadores por nivel, e, en breve, farémoslle entrega dun pequeno agasallo como recoñecemento ao seu traballo.  Aproveitamos tamén para felicitar a Eloy Rodríguez Pérez, gañador do concurso organizado polo Concello de Xinzo de Limia con esta mesma temática.

Parabéns para tod@s @s participantes e ... animarse a participar nas seguintes convocatorias!

Misteriosas presenzas no noso cole...

Samaín 2020. CEIP Rosalía de Castro. Ano complicado para compartir experiencias, para achegarnos, para poder facer cosas tod@s xunt@s... No medio desta situación algunha presenza aparece polo cole para encher de sonrisos (e algún que outro susto) ao noso alumnado. Moitas grazas querid@ compañeir@ por romper a regularidade do día a día e recordarnos que temos motivos para celebrar, conmemorar, facer  outros aprendizaxes distintos nestas circunstancias tan particulares que son tan ou máis importantes que os que aparecen nos libros de texto!

Recursos Samaín 2020

O Equipo da BE vén de recoller unha serie de recursos para traballar na aula referidos á celebración do Samáin que podedes atopar na nosa Biblioteca Escolar. Preme na imaxe para acceder a eles.

Merendas terroríficas!!

 

Concurso de minicontos de medo e terror

A Concellería de Cultura do Concello de Xinzo de Limia vén de convocar o I concurso de minicontos de medo e terror. Aquí podedes atopar as bases e toda a información que é necesaria para poder participar. Animádevos!

Bases completas do concurso

Progresismo ou ignorancia historica?

No século XIX, emigrantes escoceses e irlandeses levaron aos EEUU o Samhain onde lle chamaron Halloween (véspera do santo). Os celtas co Samhain, o día un de novembro, tranquilizaban os poderes do outro mundo, lembraban aos antepasados e propiciaban a abundancia das colleitas. Reuníase unha gran multitude no nemeton, claro do bosque, porque era unha festa obrigatoria. Quen non asistía corría o perigo de perder a razón. Crendo que poñían unha pica en Flandes, Cazadores de novidades e mercadores de sentimentos, todos moi progres, importaron de EEUU o Halloween crendo que poñían unha pica en Flandes.

Texto do noso veciño e amigo Manuel Mandianes Castro. Antropólogo. Loureses. Os Blancos

https://hipertextual.com/2016/10/halloween-samain

Samaín

Mal imos se pensamos que o Samaín son noites de zombies e terror, disfraces e cabazas mercadas nun supermercado calquera. 

Mal imos se traducimos o Halloween o galego e quedamos tan agusto. 

Mal imos se neste tempo non nos lembramos dos nosos defuntos, se non miramos como a terra se vai apagando e dándonos os últimos tesouros. 

Mal imos se, unha vez máis, como adoitamos facer con todo, nos quedamos no envase e esquecemos preguntarlle a avòs e avoas que é iso da noite de defuntos e por que ferven os cemiterios de xentes e coidados. A colonizaciòn é imparable, pero nós temos algo moi propio e moi potente que vivimos dun xeito único!

Samaín ou Defuntos, o importante e resistir.   

                                                                               Texto de Lucia Novoa Xhjogha.    27 de Outubro de 2016

http://historiadegalicia.gal/2016/10/samain-halloween-ou-dia-de-defuntos/?

https://www.muyhistoria.es/h-antigua/articulo/samain-el-dia-que-los-muertos-caminan-entre-los-vivos-

http://sabersabor.es/galicia-cedeira-y-el-samain-la-noche-celta-de-los-difuntos/

https://sadaendigital.wordpress.com/la-celebracion-del-samhain-samain-en-la-cultura-gallega/

Traballos gañadores do I Concurso de cartas literarias

Neste outono tan "diferente", en canto ó tempo climatolóxico, respecto do doutros anos Papacontos, a mascota da nosa biblioteca, con motivo do Samaín, convidáranos a participar nun concurso de cartas dirixidas a calquera personaxe fantástica (bruxa, pantasma, protagonista de conto ou pelíxula...). 

Pois ben, tivemos bastante alumnado que participou; a todas e todos os nosos parabéns; agora publicamos os nomes dos gañador@s e os seus traballos.  

2º de primaria: Uxía Lorenzo Barja de 2º C

3º de primaria: Lucas Blanco Paz de 3º A

4º de primaria: Aldara Rodríguez Rodríguez de 4º B 

5º de primaria: Enma Montero Rodríguez de 5º A

6º de primaria: Bruno Campo González de 6º A

Traballos gañadores por nivel.

Convidámosvos a participar no:

I Concurso de cartas literarias

“Samaín, tempo de cartas”

Para participar recollede a plantilla na caixa: ”Concurso: plantillas”  e entregádea na caixa: “Concurso: cartas” que atoparedes na biblioteca.

Data límite de entrega: 3 de novembro                                                    

Convoca: Biblioteca do CEIP Rosalía de Castro

SAMHAIM, o ano novo celta e o antecedente do Halloween

Unha pequena mostra dos traballos que, con motivo do Samaín, se realizaron pola comunidade educativa do noso Centro. Parabéns polo traballo e a gozar das festas!!!




     

 

 

http://www.elblogalternativo.com/2010/10/29/samhain-el-ano-nuevo-celta-y-el-antecedente-de-halloween/

No Samaín traballamos este sentimento

O medo

Cando o corvo da noite se pousaba
nas derradeitas luces do solpor,
os meus ollos de neno
enchíanse de bágoas e de lóstregos.

O vento que fungaba nas vereas
era un home langrán envolto en brétema
cun fol ó lombo pra levar meniños. 

Os albres semellaban
pantasmas de cabalos desbocados
agallopando os eidos.

Un medo que me viña das
raíces do mundo
tremíame no sangue.

Pasaba o xornaleiro asubiando
con dous luceiros prendidos na eixada,
i eu tiña medo.

Pasaba o cazador
con bafexantes cans
arrecendendo a toxos e carqueixas
i eu tiña medo.

Pasaban de ruada os fortes mozos
que voltaran da guerra tan contentes,
i eu tiña medo.

Ao pasar ó meu lado e verme os ollos,
alporizados, pasmos, decíanme:
“Non teñas medo”,
 i eu tiña medo

Soio cando chegaba ós meus ouvidos
a doce voz de mel da miña vella,
xa non tiña medo.

Agora non comprendo
como aquil ser cativo,
aquela vella nena tan endébel,
(nos eus ollos azures
había luces de amenceres novos)
podía escorrentar tan grande medo.

O soño sulagado, Celso Emilio Ferreiro

O Samaín que gusta máis que asusta

  O Samaín [/ˈsˠəu̯nʲ/] é a festividade de orixe celta máis importante do periodo pagano que dominou Europa ata a súa conversión ó cristianismo, na que a noite do 31 de outubro ó 1 de novembro servía como celebración do final da tempada de colleitas na cultura celta e era considerada como o «Ano Novo Celta», que comezaba coa estación escura. É tanto unha fiesta de transición (o paso dun ano a outro) como de apertura ó outro mundo. A súa etimoloxía é gaélica e significa 'fin do verán'.

   No Cole preparamos -coa participación de toda a comunidade educativa- unha actividade especial: a construcción dunha cidade monstruosa e a conseguinte decoración das portas das aulas e espazos desa cidade. Velaquí algunhas fotos para que vos fagades unha idea do bo traballo feito por tod@s.

Samaín 2014 - Movie Maker

   E démoslle unha volta (porque a nós o Samaín non nos asusta) e aprendemos cousas "curiosas".Buscando, buscando, atopamos un morcego moi especial: un morcego galego ó que lle gustan máis os grelos que os mosquitos... E, de tanto comer grelos. foise poñendo...... "VERDE"!.

“CELEBRACIÓN DO SAMAIN”

Con motivo da próxima festividade do Samaín o Equipo de Actividades Complementarias e Extraescolares querémosvos propor una serie de actividades coa finalidade de que participe toda a comunidade educativa (alumnado, familias e profesorado,).

Estas actividades divídense do seguinte  xeito:

a)     Decorar a porta da aula con detalles relacionados co Samain. Para favorecer esta actividade e axudar a crear unhas portas monstruosas, achegámosvos o seguinte enderezo da internet para que a consultedes e poidades "ver" ideas creativas.

www.lluviadeideasyrecursos.blogspot.

b)    Para o alumnado de 3º, 4º, 5º e 6º popoñemos a realización de casas encantadas con material de refugallo (caixa de zapatos, de deterxentes, de electrodomésticos…). Aqueles nenos e nenas que participen deberán entregar a súa casa encantada o día 27 de outubro ó seu titor ou titora co seu nome para evitar que se extravíe.

Unha vez recollidas todas as casas realizaremos unha recreación dunha cidade encantada no hall da planta baixa do Edificio principal. ( entre a aula de 4º e a aula específica).

c)  Para o alumnado de Educación infantil e de 1º e 2ºpropoñemos a realización de elementos monstruosos tales coma morcegos, pantasmas, bruxas, cabazas…… con material de refugallo.

Podedes buscar información en google: manualidades para halloween.

Os elementos realizados serán entregados o día 27 de outubro ó titor ou titora coa finalidade de decorar a "cidade encantada".

Moitas grazas pola vosa colaboración e participación.

Aquí tedes un listado de enlaces onde podedes atopar un montón de cousas relacionadas con esta temática. 
http://charcalibros.blogspot.com.es/2013/10/estamos-no-samain-aqui-tedes-unha-lista.html