20/12/15

O Boletín da biblioteca

Entregamos un exemplar a todo ó alumnado. É o noso boletín nº 8. 



Festival de Nadal 2015

O pasado venres, 18 de decembro celebramos o Festival de Nadal 2015. Artistazos e artistazas pasaron polo escenario para amosarnos todo o traballo que levaban preparando dende hai días. O noso recoñecemento e agradecemento vai para todos e todas eles e tamén para o profesorado que preparou estas marabillosas actuacións. Toda a Comunidade Escolar tivo a oportunidade de asistir ao evento o día anterior, xoves. Pero por se non puideches ir, aqui tedes un vídeo co mellor do que alí sucedeu... Parabéns de novo e a desfrutar!

10/12/15

Espantallo amigo e Neira Vilas




    O alumnado de 3º e 4º de primaria traballamos este primeiro trimestre co libro de Xosé Neira Vilas "Espantallo amigo" porque tiñamos programado ir ver a obra de teatro con este mesmo título de "Os quinquilláns". O día 9 de decembro era o día sinalado e fomos ata a Casa de Cultura; tamén estaba o alumnado do segundo ciclo do Ceip Carlos Casares. E si, alí estaba, porque para coidar cada figo naceu o Espantallo amigo.
 O que non contabamos era que neste tempo nos deixara o noso admirado Xosé Neira Vilas. Hoxe lembrámolo dunha maneira especial como tamén o fixemos -cando finou- indo aula por aula a lerlles aos compañeir@s o alumnado de 3º A (aula Neira Vilas)  

"Eu son...  Balbino. Un rapaz da aldea. Como quen dis, un ninguén. E ademais, pobre. Porque da aldea tamén é Manolito, e non hai quen lle tusa, a pesares do que lle aconteceu por causa miña" ...

Ti tamén contas

 
Comezamos con este espazo: algunhas familias preparan un conto para ler ou contar ó alumnado do Ceip. Compartimos o gusto por ler: familias, mestr@s, alumnado. E a Biblioteca tamén é "a catedral da alma, da mente, parque temático da imaxinación". Moitas grazas, Laura -que participou o 4 de decembro- e moitas grazas a todas as familias que se anotaron e xa están, algunhas a preparar o conto, outras, esperando para vir.

2/12/15

Contra a violencia de xénero

Poñemos aquí unha mostra das actividades que ao redor desta data levamos a cabo: obradoiros coa participación do CIX da Limia (CDR "O Viso"), Cruz Vermella e CIM de Xinzo e actividade central no patio.

26/11/15

Materiais das VI Xornadas de B.E.


  
 Xa volo contamos, participamos nas VI XORNADAS DE BIBLIOTECAS ESCOLARES DE GALICIA.


   Un ano máis a Asesoría de Bibliotecas Escolares e o CAFI, tanto na organización como na selección de ponentes fixeron un traballo impecable e, a pesares de que pode resultar cansado rematar a semana na escola un venres e saír  para Santiago, pagou a pena.

   Aquí tedes o enlace a todas as presentacións  das xornadas:
http://www.edu.xunta.es/biblioteca/redeBE/course/view.php?id=24

24/11/15

Día Internacional contra a violencia de xénero

Con motivo da celebración do Día Internacional contra a violencia de xénero esta semana temos distintos actos no Ceip para concienciarnos desta grave problemática. Así, hoxe martes, está o alumnado de 6º realizando un obradoiro que prepararon desde o CIX da Limia (CDR O Viso), o CIM (Centro de Información á muller, Concello de Xinzo). e, nas aulas estamos preparando o acto que faremos tod@s o venres e que consistirá:
1.- Na lectura dun manifesto en contra da dita violencia  (Pódelo ler aquí abaixo)
2.- En gardar un minuto de silencio en memoria da vítimas
3.- Na elaboración dun mural que recolla as pegadas dans mans pintadas; unha por cada muller falecida.
4.- En cantarmos tod@s xuntos "Que nadie calle tu verdad"  de Manuel Carrasco e Malú.


MANIFESTO
Neste día tan especial, conmemoramos o Día Internacional contra a Violencia de Xénero e a Comunidade  Educativa do Colexio Rosalía de Castro  comprometémonos a traballar por unha educación igualitaria e non sexista co seguinte manifesto:
- Todos e todas, homes e mulleres, nenos e nenas, temos os mesmos dereitos e as mesmas obrigas.
- Debemos resolver os nosos problemas con diálogo. O uso da violencia é inútil e só lleva a máis violencia.
     - Debemos respetar e tolerar ás persoas sen ter en conta o seu xénero.
- Ningunha persoa é dona de ninguén nin escrava de ninguén.
- Non se debe utilizar a forza contra os máis débiles.
- Non debemos de ameazar para conseguir aquelo que queremos.
-  Debemos respetar ás persoas no uso da súa palabra.
-  Ninguén ten dereito a agredir, todos  e todas somos iguais e facelo é un feito inxusto.
-  Todos e todas somos iguais, non se debe permitir que ninguén maltrate ás mulleres, polo feito de selo.
- A violencia de xénero é una loucura, os homes non deben de crerse superiores ás mulleres, todos e todas somos iguais.
 - É intolerable pechar os ollos ante os casos de violencia de xénero en casa, na escola ou na rúa.
- Solidarizámonos coas mulleres que sofren este tipo de maltrato, todos e todas deberíamos poñer os medios necesarios para evitar que sucedan estas desagradables accións.
-  Estes feitos son negativos, e afectan de cheo, non só ás mulleres que o sofren, senón a toda una sociedade que o coñece  e o consinte.

Para eliminar a Violencia de Xénero pensamos que:
- O  diálogo e o debate son o vehículo idóneo para sensibilizar a toda a sociedade sobre este grave problema.
- A educación debe recorrer un largo camiño para formar a homes e mulleres na tolerancia e o respeto.
-  Un comportamento tolerante significa comprensión, recoñecemento, consideración e respeto ante posturas distintas ás nosas.
-  Debemos  demostrar Tolerancia Cero con todas aquelas condutas ou manifestacións que supoñan violencia de xénero.
-  Para conseguir unha ensinanza xusta e igualitaria, é necesario reforzar a formación de toda a comunidade educativa.
- O  nsoso cole será un espazo educativo de Tolerancia Cero contra todas estas situacións.
NON  Á VIOLENCIA.

SI Á TOLERANCIA, Á IGUALDADE E Á DIGNIDADE.

22/11/15

Participamos nas VI xornadas de Bibliotecas escolares

   O pasado venres 20 e sábado 21 de novembro unha representación do Equipo Dinamizador da Charca dos libros participamos en Compostela nas VI XORNADAS DE BIBLIOTECAS ESCOLARES DE GALICIA; unha actividade de formación permanente do profesorado, organizada conxuntamente pola Dirección Xeral de Centros e Recursos Humanos, a través da Asesoría de bibliotecas escolares, e a Dirección Xeral de Educación, Formación Profesional e Innovación Educativa (a través do CAFI). Participamos preto dun milleiro de profesoras e profesores de toda Galicia; máis de 900 pero algúns menos que en anos anteriores, que pasamos dos mil.  
O programa contemplou un bo feixe de experiencias de bibliotecas escolares galegas que funcionan como "bases de exploracións", en alusión ao lema da campaña de bibliotecas escolares deste curso 2015/2016, así como experiencias de traballos por proxectos coordinados por distintas bibliotecas escolares. Acudiron, Carlos MagroXurxo MariñoGuadalupe JoverFelicidad Campal, Rosa Piquín e Ana Siro , expert@s de distintos ámbitos que nos fixeron partícipes dos seus moitos coñecementos e nos deron pistas sobre os novos retos que debemos enfrontar as bibliotecas escolares e os centros escolares, para facilitar a adquisición das competencias clave por parte do alumnado, tendo nas bibliotecas escolares o gran aliado. 
En breve poñeremos aquí o enlace para que aquelas persoas que queiran poidan acceder ós documentos gravados nestas xornadas.

Carreiras no Guillelme Brown

Sábado de carreiras no colexio Guillelme Brown en Ourense...E coma sempre, participación de rapaces e rapazas do Rosalía.
Son uns campeóns.




1ª Xornada comarcal de campo a través

O pasado martes 17 de novembro 87 rapaces e rapazas do Rosalía participaron na primeira carreira comarcal de campo a través celebrada na Moreira. Os vinte primeiros clasificados/as en cada categoría terán a posibilidade de correr na 2ª xornada que se organizará para o mes de xaneiro.

Aquí deixamos unha breve mostra do sucedido.
Destacar a gran participación, o esforzo e as boas actitudes do noso alumnado.



17/11/15

Imos de andaina!

O alumnado de quinto e sexto de educación primaria fixeron o pasado venres 13 de novembro a primeira andaina do curso escolar. Sairon do Mosteiro de Trandeiras cara a Torre de Pena e voltaron ao punto de saída nun roteiro circular para desfrutar alí dun gran magosto onde non faltou nin a empanada, nin os bolos preñaos, nin...por suposto... as castañas. 
Subidas, pendentes, camiños polo monte...nada puido deter ao noso intrépido alumnado que encararon todos estes atrancos con moi boa disposición e un gran sorriso. Agradecer especialmente a Ricardo Sieiro pola planificación e as fotos desta xornada e a Agrupación Local de Protección Civil de Xinzo de Limia que alí estiveron para facer dos nosos "anxos da garda" e para ter todo preparado cando con máis fame chegamos.... Así da gusto!!!

14/11/15

Magosto no Ceip e no Mosteiro de Trandeiras

   A xornada do venres 13 foi un tanto especial. Se o curso pasado non fixeramos o magosto porque un día choveu e o outro tamén... este ano o día foi espectacular: sol, boa temperatura (non había máis que pedirlle ó día). O outro puxémolo nós: Antonio co tixolo, o lume e as castañas; infantil e 1º, 2º, 3º e 4º de primaria, xogando un bo anaco da mañá (cadeiras, pano, sacos, brilé, ra, tira-soga); os de 5º e 6º facendo unha andaina desde o Bon Xesús de Trandeiras ata a torre de Pena e volta ó Mosteiro para comer o magosto nun entorno tan especial; e no cole tampouco faltaron os bolos preñados, empanada, a bica e as castañas. Nin as ganas de pasalo fenomenal.

6/11/15

Día mundial dos coidador@s





O 5 de novembro de 2014 celebrouse -que saibamos- o día mundial do coidador/a. Por iso, nesta data, 5 de novembro queremos poñer aquí a imaxe da coidadora do Ceip Rosalía: A Luz de Trasmiras. Parabéns!!!

4/11/15

"Nana para un soldado"

		    «Nana para un soldado», Teatro dos Ghazafelhos en Ourense

   Este mércores 4 de novembro o alumnado de 3º e 4º de primaria pasamos a xornada en Ourense. Primeiro no Auditorio gozamos dunha actividade promovida pola Afundación "nana para un soldado" teatro dos Ghazafelhos, xunto a outros escolares da provincia. Despois os de 3º cun guía (moitas grazas José Ramón)  visitamos a zona histórica de Ourense (catedral, praza maior, burgas...) e os de 4º con outro bo limiao (moitas grazas José Manuel) visitaron o parque botánico de Ourense, en Montalegre. 

3/11/15

Día da Ciencia en galego

       

Poñemos aquí esta actividade LIM que elaborou o departamento de TIC do CEIP Alexandre Bóveda para traballar sobre a figura de Ángeles Alvariño nestes días que conmemoramos o Día da Ciencia en Galego. 
Se pinchades neste enlace, poderemos aprender moitas cousas dela.



http://www.edu.xunta.es/centros/ceipalexandreboveda/node/442

29/10/15

SAMHAIM, o ano novo celta e o antecedente do Halloween



Unha pequena mostra dos traballos que, con motivo do Samaín, se realizaron pola comunidade educativa do noso Centro. Parabéns polo traballo e a gozar das festas!!!




     


 



27/10/15

Manual ecolóxico para agricultor@s inquedos


Compartimos esta xoia que nos achegou o Blog Maestro de Voz Natura. É un ” Manual ecológico para agricultores inquietos“, editado polo Colexio Público José de Escandón e a AMPA do centro e financiado pola Consejería de Medio Ambiente de Cantabria.
O libro é un manual para os mestres que recolle a programación, contidos e actividades ao longo do curso escolar arredor do horto escolar e desde unha perspectiva  de agricultura ecolóxica. A calidade dos materiais parécennos excelente.

Captura de pantalla 2015-10-27 a las 9.07.37

26/10/15

No Samaín traballamos este sentimento

O medo
Cando o corvo da noite se pousaba
nas derradeitas luces do solpor,
os meus ollos de neno
enchíanse de bágoas e de lóstregos.
O vento que fungaba nas vereas
era un home langrán envolto en brétema
cun fol ó lombo pra levar meniños. 
Os albres semellaban
pantasmas de cabalos desbocados
agallopando os eidos.
Un medo que me viña das
raíces do mundo
tremíame no sangue.
Pasaba o xornaleiro asubiando
con dous luceiros prendidos na eixada,
i eu tiña medo.
Pasaba o cazador
con bafexantes cans
arrecendendo a toxos e carqueixas
i eu tiña medo.
Pasaban de ruada os fortes mozos
que voltaran da guerra tan contentes,
i eu tiña medo.
Ao pasar ó meu lado e verme os ollos,
alporizados, pasmos, decíanme:
“Non teñas medo”,
 i eu tiña medo
Soio cando chegaba ós meus ouvidos
a doce voz de mel da miña vella,
xa non tiña medo.
Agora non comprendo
como aquil ser cativo,
aquela vella nena tan endébel,
(nos eus ollos azures
había luces de amenceres novos)
podía escorrentar tan grande medo.

O soño sulagado, Celso Emilio Ferreiro

23/10/15

O monte é vida


   Estamos acabando de preparar o espazo para poñer esta exposición da Sociedade Galega de Historia Natural... Así que mirade os días, horarios e pasade a vela cando poidades. As clases xa teñen asignada unhas horas cada semana para a biblioteca; nas horas dos recreos tamén está aberta e o resto da comunidade educativa ten a posibilidade de vir polas tardes de 15.15 a 17h.  

16/10/15

"Abraço ao Rio Lima" Poemas

quinta-feira, 15 de outubro de 2015

RIO LIMA

Em Xinzo do Limia nasce
Um rio sem igual
É o rio mais lindo
Que passa em Portugal!

A vila de Ponte de Lima
É a mais bela de Portugal
Nela corre o rio Lima
Como ele não há igual!

Hoje vou ao rio Lima
Vou nele nadar
Na sua água cristalina
Me vou refrescar.

5/10/15

"TI, TAMÉN CONTAS"

A/A Nais, Pais e Titor@s do alumnado do Centro.
En breve recibiredes da man dos vosos fill@s a seguinte comunicación. 

NOTA INFORMATIVA
Dentro do proxecto de animación á lectura gustaríanos contar coa colaboración das familias, de toda a comunidade educativa; por iso propoñémosche participar na seguinte actividade:
  “Ti, tamén contas”

Consiste en que o adulto que o desexe (pai, nai, avó, avoa, madriña, padriño, ti@…) veña á biblioteca durante o horario escolar para lerlle ou contarlle un conto a un grupo de nenos e nenas.

Os/as interesados/as deben enviar ó centro a nota adxunta cuberta e xa nos poñemos en contacto. Moitas grazas. 
Atentamente
                                                          O Equipo Dinamizador da Biblioteca


D/Dna………………………………………………………………………………………………gustaríame participar como contacontos  na actividade:  “Ti tamén contas”.
Día ou días da semana que prefire …………………………………………………

Hora na que podería vir ……………………………………..        
Teléfono de contacto …………………………….

Así que ídevos animando e participade. Moitas grazas.

3/10/15

Canto sabes sobre os solos?

Avalía o teu coñecemento sobre os solos no seu Ano Internacional 
E clasifica o solo do entorno que nos rodea  para comprender a importancia deste elemento fundamental dos ecosistemas

2/10/15

VI Abraço ao Rio Lima

VI Abraço ao Rio Lima - Município de Ponte de Lima assinala Dia Nacional da Água e Dia Internacional do Idoso
Ambiente| 02 de outubro de 2015
VI Abraço ao Rio Lima - Município de Ponte de Lima assinala Dia Nacional da Água e Dia Internacional do Idoso
O Município de Ponte de Lima promoveu no 1º dia de outubro o VI Abraço ao Rio Lima. A iniciativa dinamizada pelo Serviço da Área Protegida das Lagoas de Bertiandos e S. Pedro de Arcos, teve como objetivo comemorar o Dia Nacional da Água e o Dia Internacional do Idoso.

Esta ação que se realiza há seis anos contou com cerca de 1500 alunos dos 12 Centros Educativos do concelho e ainda dos Jardins de Infância da Correlhã, Facha e Brandara.

À semelhança das edições anteriores aderiram à iniciativa uma delegação da comunidade escolar de Xinzo de Limia, no âmbito do protocolo de geminação, existente entre estas duas localidades unidas pelo Rio Lima.

O Presidente da Câmara Municipal de Ponte de Lima acompanhado pelos vereadores da Educação, Desporto e Juventude, marcou presença na iniciativa como forma de mostrar a importância desta ação simbólica, no sentido de sensibilizar para a necessidade da preservação do Rio Lima.

A par do Dia Nacional da Água comemorou-se ainda o Dia Internacional do Idoso, contando com a presença dos utentes das IPSS´s - Instituições Particulares de Solidariedade Social, nomeadamente a Casa da Caridade da Nossa Senhora da Conceição de Ponte de Lima, Centro Comunitário de Refoios, Centro Social e Paroquial de Fornelos, Santa Casa da Misericórdia de Ponte de Lima e a AAPEL - Associação dos Amigos da Pessoa Especial Limiana.

Ao VI Abraço ao Rio Lima associaram-se outras entidades como a Escola Superior Agrária de Ponte de Lima; Unidade de Saúde Familiar Lethes; Unidade de Saúde Mais Perto; Bombeiros Voluntários de Ponte de Lima; PSP - Unidade Escola Segura e o Clube Náutico de Pico.
VI Abraço ao Rio Lima - Município de Ponte de Lima assinala Dia Nacional da Água e Dia Internacional do IdosoVI Abraço ao Rio Lima - Município de Ponte de Lima assinala Dia Nacional da Água e Dia Internacional do IdosoVI Abraço ao Rio Lima - Município de Ponte de Lima assinala Dia Nacional da Água e Dia Internacional do Idoso
___________________________________________________________________
Aquí estivemos gozando de dous días: aprendendo, pasándoo xenial e con ganas de recibir a estes amig@s de Ponte de Lima que tan ben nos tratan e que tanto admiramos pola espectacular labor educativa que están a desenvolver. Parabéns e moitas grazas! 

http://centroeducativolagoas.blogspot.com.es/2015/10/centro-educativo-das-lagoas-vi-abraco.html

https://picasaweb.google.com/106818484823898616048/CentroEducativoDasLagoas02#5939530282079263394

30/9/15

Comezan os equipos de "supervisión ambiental"

“SUPERVISIÓN AMBIENTAL” NO CEIP ROSALÍA DE CASTRO. Xinzo de Limia.
(Tamén chamadas “PATRULLAS VERDES”)
·  Somos grupos dunhas 4 persoas de primaria que imos rotando cada semana
·  Pretendemos manter un “bo clima” no centro, fomentar e educar no coidado do entorno.
·  Levamos un distintivo (chaleco verde), un recolledor e unha escoba e coidamos que toda a comunidade educativa que transite polo centro teña un bo comportamento cívico (convivencia pacífica: somos conscientes dos nosos dereitos e deberes).
·  Non nos dedicamos a recoller o que outros tiran: facemos unha labor de concienciación, de conservación e mellora do entorno. Coidamos que o noso espazo, si, esté limpo e se alguén tira lixo ó chan, amablemente indicámoslle que ese comportamento non é axeitado, que o recolla e onde debe gardalo (se lle caeu, sen darse conta) ou tiralo (papeleiras, contedores diferentes...). Se o alumn@ non lle fai caso ós membros do equipo, inmediatamente avísase ó profesorado que está de garda nese espazo do patio.
·  Antes de volver deixar os recolledores en recepción deben baleirarse nos contedores que temos no patio do centro (porta principal automática).
·  Todos os titor@s estamos atentos á semana que nos toca facelo a nosa aula e pasarlle os chalecos distintivos á aula seguinte (ou ir pedilo, se se nos esquece a quen debemos pasalo).

CALENDARIO  CURSO  2015/16______________________________________________

6º B  5 a 9 de outubro   -    11 a 19 de febreiro     -    6 a 10 de xuño 
6º A   13 a 16 de outubro   -    22 a 26 de febreiro    -    13 a 21 de xuño
5º B   19 a 23 de outubro    -   29 feb. a 4 de marzo
5º A    26 a 29 de outubro   -   7 a 11 de marzo
4º B    2 a 6 de novembro   -   14 a 18 de marzo
4º A    9 a 13 de novembro   -  29 marzo a 1 abril
3º B    16 a 20 de novembro   - 4 a 8 de abril
3º A     23 a 27 de novembro   -  11 a 15 de abril
2º C    30 Nov. a  4 de decembro   -   18 a 22 de abril
2º B      9  a 17 de decembro   -   25 a 29 de abril
2º A    7 a 15 de xaneiro    -  2 a 6 de maio
1º C    18 a 22 de xaneiro   - 9 a 13 de maio
1º B     25 a 29 de xaneiro    - 18 a 27 de maio
1º A     1 a 5 de febrero   -  30 maio a 3 de xuño

29/9/15

"VI Abraço ao rio Lima": imos para Ponte de Lima

     No Ceip estamos xa preparados para irmos co alumnado de 4º de primaria -como estes derradeiros anos- este xoves e venres (1 e 2 de outubro) para Ponte de Lima e participarmos no "VI Abraço ao rio Lima".  
VI Abraço ao Rio Lima - Dia Nacional da Água e o Dia Internacional do Idoso 

O Serviço da Área Protegida das Lagoas de Bertiandos e S. Pedro de Arcos, em colaboração com a comunidade educativa do concelho está a preparar mais uma edição do Abraço ao Rio Lima.
A iniciativa que vai já na VI edição, realiza-se a 1 de outubro - Dia Nacional da Água, e consiste em reunir o maior número possível de participantes à volta do Rio Lima.
A ação concentra-se junto ao rio Lima e para além da comunidade escolar conta com a presença dos utentes de instituições de solidariedade social do concelho, que se associam a esta ação, assinalando também o Dia Internacional do Idoso.

Como vem sendo habitual nos últimos anos, a iniciativa conta com a presença de uma delegação vinda de Xinzo de Limia. São cerca de 100 alunos, no âmbito do protocolo de geminação existente há mais de 30 anos entre Ponte de Lima e Xinzo de Limia.

O programa do VI Abraço ao Rio Lima inclui ainda a receção dos participantes, na Expolima, a partir das 9h30 da manhã, onde a festa começa com as seguintes atuações:
  • Escola de Musica de Ponte de Lima
  • Atuação das turmas da E.B.1 de Ponte de Lima (Hino)
  • Encenação da peça de teatro "Lenda do rio Lima" pelo Centro Educativo das Lagoas.
Às 11 horas realiza-se nas margens do Rio Lima o VI Abraço ao Rio Lima.

24/9/15

Ó cole andando, ou en bici... "Camiños escolares"

    ..."A xuízo de Tonucci, que nais e pais "non lles deixen saír aos nenos porque a rúa é perigosa" é todo un "paradoxo"."Eu creo que a rúa é perigosa porque non hai nenos nela, está abandonada", afirmaba. "Se os nenos non poden saír sós da casa non poden ser bos cidadáns, non contribúen a facer a cidade mellor", e se as vías urbanas "só serven para que pasen os coches, os coches non coidan a ninguén", mentres que os peóns "comunícanse, míranse, e se hai nenos na rúa, cóidanos". Con estes principios lanzouse hai xa máis de media década o primeiro Camiño Escolar de Pontevedra, que comezou experimentalmente no colexio Álvarez Limeses."...
   Na procura de ir dando pasos neste sentido, aquí en Xinzo de Limia... 
Botádelle unha ollada a este artigo pinchando no enlace seguinte

23/9/15

Un fill@ e un alumn@ son dúas persoas moi diferentes...

... Aínda que fisicamente se parezan moito, di Carlos Pajuelo neste artigo sobre as relacións entre familias e profesorado: Onde os pais/nais vemos fill@s o profesorado, os mestres/as vemos alumnado...    Pincha no enlace se queres lelo.

http://blogs.hoy.es/escuela-de-padres/2015/09/01/padres-y-maestros-mejor-aliados-para-educar/

18/9/15

Ángel Carracedo, Premio Nacional de Xenética

Pincha neste enlace se queres ler esta nova do 18 de setembro.
 Este ano, participou nas xornadas de Bibliotecas esolares en Marzo (Santiago) e foi como un agasallo especial para o peche dos encontros. Espectacular -para moitos de nós- pola súa humildade. Impactounos moi positivamente. Alegrámonos moito por esta nova !! Si que é unha sorte contar con xente así. Grazas !!!

E poñemos a continuación o texto que con motivo da celebración do Mes da Ciencia escribira  Ángel Carracedo

 Un grande empresario dicíame non hai moito tempo: “Aos científicos valorarannos aquí cando algún se faga moi rico cos seus achados”. A min non me parece que os galegos valoren pouco a ciencia e os seus científicos. Ao contrario, penso que estamos entre as profesións mellor consideradas. Temos a gran sorte de que a xente da nosa terra valora o traballo e a dedicación aos demais por riba de todo.

 Tampouco creo que ningún científico teña entre os seus obxectivos facerse rico. O seu tesouro é o coñecemento e a súa ilusión buscar o porqué das cousas. A súa gran ledicia prodúcese cando fan un descubrimento que lles dá respostas ás preguntas que se fixeron e que ninguén fora quen de albiscar. Gustaríalles traballar na súa terra, pero para iso precisan medios para investigar e un salario que lles permita vivir. Non lles importa que non sexa moito o que gañen, pero si que o proxecto, o grupo onde traballan e o ambiente sexa estimulante. 

 Cada vez concédolle máis importancia a divulgar a ciencia para poder xulgar criticamente o que nos din. E temos que procurar entre todos que estas condicións se dean aquí. O noso número de investigadores é aínda moi baixo e as condicións nas que se desenvolve o seu traballo distan moito de ser comparables coas dos países máis desenvolvidos. E é preciso cambiar esta situación. 

 A investigación é o motor do desenvolvemento e da riqueza dos pobos, e temos que procurar reter o noso talento e mesmo captar novo talento do exterior. Tamén temos, os propios científicos, que integrarnos máis na sociedade, na nosa cultura, no noso sistema produtivo, e sobre todo contar o que estamos facendo. Cos anos cada vez concédolle máis importancia a divulgar a ciencia. Facela é importante, pero tanto ou máis é contar que sabemos e tantos e tantos misterios e problemas que aínda non conseguimos chegar a entender. Saber isto é a única maneira de que a xente valore o que os científicos fan, pero sobre todo é a única maneira de comprender o mundo que nos rodea e poder xulgar criticamente o que nos din, o que é igual que ser máis libres.

 E para chegar á xente da nosa terra hai que facelo no nosa lingua. “Sentímolo noso”, escribía unha mestra dun dos institutos (o meu favorito) onde cada vez que podo voulles contar o que facemos aos alumnos. Entusiasmo e proximidade son a clave da divulgación científica, e que te sintan como eles, do seu mundo, coa nosa fala, é a garantía para que a ciencia se aprecie aínda máis e moitos dos nosos rapaces queiran dedicarse a ela. 

Melloras na nosa biblioteca





Este verán realizamos algunhas melloras no Ceip Rosalía: xa tod@s vos dariades conta de que se pintaron bastantes lugares (tanto no exterior como no interior), pero nós facémonos eco aquí das obras da biblioteca. Eliminouse un tabique para gañar espazo e luz natural. Agora estamos re-organizando e colocando os materiais, co ánimo, de aproveitalos mellor. Xa vedes nas fotos qué diferenza hai e iso que falta o mellor: vós para enchela de vida.
Así que, ídevos preparando... Especialmente os de 6º, para conformar os equipos de axudant@s, os do 1º para "debutar" como membros da charca dos libros con carné...; e tod@s para gozar coa lectura, coas mochilas viaxeiras e as diferentes actividades que estamos a preparar desde a Biblioteca.