No día de onte pola tarde detectamos a presenza dun exemplar de "procesionaria del pino (Thaumetopoea pityocampa)" na entrada do centro. Un vez localizado o seu niño nun dos cedros do patio, foi avisada Protección Civil de Xinzo de Limia, que organizou o dispositivo de Bombeiros, Policía Local e persoal da Brigada de Parques e Xardíns do Concello de Xinzo de Limia para a súa erradicación. Nos vindeiros días seguiremos observando por se tivera quedado algún outro exemplar, garantindo a seguridade dentro do centro para todo o persoal docente, non docente e, o que é máis importante, para todo o noso alumnado.
Despois da presentación feita ao Concello de Xinzo de Limia dos materiais elaborados (máis de 30 pictos cos edificios de servizos públicos) no curso pasado dentro do Proxecto de Formación Permamente do Profesorado (PFPP) na súa liña de Sistemas de Comunicación Alternativos e Metodoloxía TEACCH, implantadas no funcionamento da Aula Específica do noso centro, chegou o día de velos colocados por toda a nosa vila.
Nunha primeira visita por parte do alumnado e o profesorado desa aula ao concello, onde foron recibidos pola alcaldesa da nosa vila, xunt@s percorreron algúns dos edificios nos que se colocaron estes signos gráficos.
No día de hoxe o alumnado da aula de sexto curso de EP, grupo no que se integra e convive o noso alumnado con NEE, recibiu unha sesión de formación conxunta sobre que son os pictos, para que se empregan e para que tomen conciencia da súa importancia na comunicación destas persoas ás que fundamentalmente vai destinado, así como o respecto e coidado por estes sinais que a partir de agora poderán atopar nos edificios públicos de servizo na nosa vila.
E despois saímos a... CAZAR PICTOGRAMAS polas rúas da nosa vila !!!!
Resaltar tamén que Xinzo de Limia convértese no primeiro concello da provincia de Ourense e un dos poucos de toda Galicia que ten este sistema alternativo de comunicación para identificar os seus edificios, e que en breve aparecerá así identificado na páxina oficial de ARASAAC (http://aulaabierta.arasaac.org/mapa-de-arasaac-visual), do que informaremos puntualmente cando así se produza.
Dar as grazas ao Concello de Xinzo de Limia e ao persoal da súa Brigada de Obras pola súa total colaboración neste proxecto e dar os nosos parabéns ao resto de persoas deste proxecto, especialmente ás profes de Xavi e Valeria, Ana, Elena e Luz, pola súa implicación e compromiso neste e noutros moitos proxectos levados a cabo con este alumnado tan especial!!!
O 21 de marzo foi un día completo e variado en canto a conmemoracións, un día no que se facían visibles e presentes todas elas por igual, buscando obter maior visibilidade nunha sociedade que a veces as deixa caer no esquecemento. Así pois tal día como este 21 de marzo conmemorase:
- Día Internacional da Eliminación da Discriminación Racial, celébrase dende 1966 que a ONU o proclamou oficial pedindo a todos os países que fixeran o posible por eliminar todas as formas de discriminación racial.
-Día Mundial do Síndrome de Down, que se trata dunha condición producida por unha alteración no par cromosómico 21. Celébrase este día debido a que estos números 21/3 simbolizan a trisomía do par 21. Nesta data procurase dar un merecido lugar a todas as persoas con síndrome de Down, un día no que se celebra a diversidade o respeto a tolerancia e a aceptación. Este ano debido a pandemia o tema principal foi a "Conexión" e aproveitando isto quíxose facer visible que as persoas con síndrome de Down teñen que poder conectarse e participar en igualdade de condicións con toda a poboación e en todos os ámbitos da vida.
- Día Mundial da Poesía. Este xénero literario ten un día propio no que se busca agradecer todas as posibilidades comunicativas e expresivas que nos posibilita. A maxia de poder utilizar as palabras dun xeito diferente, de conectar co noso interior e encher de sentimento cada verso. A sutileza coa que se deslizan as palabras na súa locución ao mesmo tempo que empapan de emocións ao lector que non pode deixar de sentir e conectar co/coa poeta.
- Día da árbore. No cal se nos recorda a súa importancia e máis hoxe en día. A importancia de coidalos e repoñelos. As árbores son as protectoras do mundo en que vivimos, as que están freando e minimizando os danos que o ser humano lle está inflinxindo ao planeta Terra coa excesiva e constante contaminación. Celébrase nesta data pola coíncidencia coa entrada da primavera. Sabías que o premio á mellor árbore europea do 2021 foi para a Carrasca de Lecina (Huesca)? unha árbore incrible digna dese recoñecemento ;)
A continuación facilitámosvos algúns recursos relacionados con isto, clica na seguinte imaxe para acceder:
Aproveitando os contidos que se están a dar na materia de Sociais, o alumnado de 4º de Educación Primaria deuse estes días un "gran baño de realidade democrática". Sempre tentando conectar o "teórico" que se imparte nas aulas coa realidade que tod@s nós temos que vivir día a día (e máis intensamente nestes momentos...) o alumnado preparouse para escoller ás súas e o aos seus representantes políticos que velarán polo seu benestar e por levar adiante as melloras que toda boa clase política sempre promete...
Houbo unha dura campaña electoral onde as candidatas e candidatos expuxeron as súas propostas de mellora, debates, ... e finalmente chegaron á xornada de hoxe (despois dunha de reflexión) onde tiveron que facer uso do seu dereito democrático para escoller entre @s distint@s candidat@s. Censo electoral, furna, papeletas, ... non faltou ningún dos elementos necesarios para levar a a cabo todo este proceso.
E para ter máis datos sobre os que reflexionar, visitaron esta mesma mañá o noso concello, onde foron recibidos pola Sra. Alcaldesa e o Concelleiro de Tráfico, aos que expuxeron as súas preguntas sobre o funciomamento das institucións locais e fixeronlles as súas propostas de como mellorar a vila onde todas e todos vivimos.
Formando cidadás e cidadáns comprometid@s e democráticamente responsables!!
... E como actividade final para conmemorar o Día Internacional da Muller, todo o alumnado do centro colaboramos na elaboración dun mural baixo as directrices do artista Xosé Eladio, para ter presente esta data tan sinalada no calendario e recordarnos que é labor de todas e todos nós acadar esa igualdade de deberes e dereitos que debe estar presente na sociedade na que vivimos. Esperamos que gocedes tanto deste vídeo que fixemos coma todas e todos nós pintando os muros do noso cole!!
"Fixástesvos algunha vez o inxustos que son os contos infantís clásicos de toda a vida? Están cheos de referencias machistas a princesas que necesitan constantemente ser salvadas, que esperan pacientemente a chegada do príncipe azul mentres limpan e varren a casa, a mercé do seu destino e incapaces de tomar as rendas da súa vida… Pero se a Bela Dormente pásase o conto enteiro durmindo e é a protagonista principal!
Belén e Pablo, os creativos do estudo "Cuatro Tuercas", si que se deron conta. Non querían que os seus fillos Violeta e Nicolás crecesen asimilando a través desas historias valores inadecuados e desfasados. Suprimían tantas partes deses contos cando llos lían aos seus peques, que un día puxéronse ao choio e decidiron reescribilos por completo.
E así naceu "Érase dos veces", unha colección de historias que pretende inculcar nos nenos valores moito máis acordes aos novos tempos, máis coeducativos, igualitarios e responsables."
Dentro do Programa divulgativo posto en marcha polo Centro de Información á Muller do Concello de Xinzo de Limia en colaboración coa Cruz Vermella, o pasado luns 8 de marzo, Día Internacional da Muller, o alumnado de 4º de Ed. Primaria foi o destinatario dun obradoiro impartido por Susana e Eva para que todos as nenas e nenos tomen coinciencia da importancia de traballar día a día, todos os días do ano, para acadar unha igualdade de dereitos entre as mulleres e os homes na nosa sociedade, e así erradicar dende a infancia todos eses comportamentos machistas que tanto lastran, por desgraza, a que debería ser normal convivencia entre iguais nunha sociedade igualitaria en deberes e tamén en dereitos.
O día 8 de marzo conmemórase o día internacional da Muller. Nesta data quérese dar notoriedade e facer ver unha vez máis que ao cambio aínda lle queda un camiño que percorrer, que a igualdade de xénero aínda non está asentada na nosa sociedade e que aínda arrastramos moitas actitudes sexistas que están tan enraízadas na nosa cultura que as vemos como normais e pasan desapercibidas.
Orixinalmente coñeceuse como Día Internacional da Muller Traballadora, facendo oficial esta conmemoración a Organización das Nacións Unidas en 1975, co fin de facer visible a loita da muller por conseguir unha participación e dereitos parellos aos homes nunha sociedade de valores sexistas.
Non obstante moito antes desta data xa se celebraron numerosas concentracións co fin de visibilizar as diferenzas sociais que estaba a vivir o colectivo feminino. Xa polo 1909 en Estados Unidos se celebrou o Día Nacional da Muller esixindo a redución da xornada laboral, mellor salario e dereito a voto. En 1910 en Copenhague, nun 8 de marzo demandan o sufraxio universal para todas as mulleres, esta proposta foi respaldada polo cento de mulleres que asistiron a conferencia chegadas de mais de 17 países, e decidiron fixar esa data como Día Internacional da Muller.
Pasaron moitos anos dende que se celebrou por primeira vez, e aínda que as cousas foron cambiando, todavía queda moito por facer, e o mais importante para lograr que este cambio se complete eres ti, a túa actitude é clave para que este Día da Muller teña sentido.
No seguinte enlace deixamosvos unha serie de recursos que non te podes perder, clica na seguinte imaxe para acceder e curiosea todo o que preparamos para ti.
Achéganse novidades e actividades para os vindeiros días das que vos iremos informando puntualmente...
De momento recomendarvos este enlaceonde poderes atopar á Banda da Loba homenaxeando a Xela Arias cun novo videoclip no marco da programación das Letras Galegas da Xunta de Galicia, e onde se define á poeta de Sarria como "unha autora intensa de vocación feminista, transgresora e pioneira, tanto na estética como na poética", tan de actualidade nestas datas que están por chegar.... Un pouco de boa música e a poesía de Xela Arias para comezar este fin de semana!
O concello de Xinzo de Limia vén de convocar este certame de relatos breves dirixido na súa categoría A ao noso alumnado de sexto de Ed. Primaria e ata 18 anos (ambos incluídos) e na Categoría B para os/as maiores de 18 anos. Tedes todas as bases facendo clic no cartaz de dito certame. Animádevos todas e todos a participar!!!
Este ano propuxéramonos recordar como era o entroido anos atrás, volver ás raíces de todo o que hoxe en día disfrutamos ano tras ano.
Para iso pedíramos a vosa colaboración, e que nos mandarais fotos ataviados como os persoeiros típicos do entroido auténtico, e vos converterais vós nos protagonistas...
Coa chegada do bo tempo e ante o próximo comezo da primavera, o alumnado dos distintos cursos de Primaria e Infantil que este curso se comprometeron a pór en marcha cadanseu bancal empezaron os primeiros traballos para preparar a terra do noso horto escolar.
Ao mesmo tempo, os semilleiros xa están empezando a aparecer nas aulas coas sementes e xa están no horto os primeiros cultivos desta época do ano.
Destacar que este ano tamén contamos con información pictográfica para conseguir que todos os espazos da nosa escola sexan inclusivos.
Resaltar que esta actividade posta en marcha ao abeiro do Programa Voz Natura, é unha das máis esperadas por todo o noso alumnado e na que toman un contacto directo e poñen en valor o respecto e coidado polo medio natural no que vivimos.
Partindo do Plan de Formación Permanente do Profesorado existente no centro, propuxémonos sinalizar as dependencias con pictogramas, axudando así a normalizar e integrar ao alumnado con NEE no marco dunha educación inclusiva de calidade. Para levalo a cabo, recibimos 18 horas de formación sobre o Trastorno do Espectro Autista e os sistemas alternativos de comunicación, a cargo de Asociación Bata. Coa información recibida procedemos á toma de decisións sobre os espazos para sinalizar e comezamos a elaboración de claves visuais con pictogramas de ARASAAC. Colocamos no centro 45 pictogramas.
Contamos que en breve toda a nosa vila tamén estea presente, xa que nunha segunda fase do propio PFPP elaboramos unha serie de pictogrmas e que van ser colocados por parte do Concello de Xinzo de Limia nos edificios públicos e institucións. Pero disto, .... informaremos máis adiante!
Neste día 24 de Febreiro celébrase o día adicado a Rosalía de Castro, unha das poetas e escritoras máis influíntes do noso país no século XIX.
Rosalía, mito e símbolo de Galicia, unha escritora innovadora adiantada ao seu tempo. En moitas das súas obras utiliza a literatura para retratar á Galicia campesina e emigrante do momento, e faino na súa lingua, na nosa língua, língua na que ninguén se atrevera a escribir ata o momento, a língua que mellor podía reflexar todo o que estaba a acontecer por aquel entón na nosa terra, o galego.
Rosalía foi unha persoa que tivo unha vida peculiar, non tivo medo de ser políticamente incorrecta e podémola ver como precursora do feminismo reivindicando o papel da muller na cultura.
As súas obras mais importantes podemos decir que foron: Cantares Gallegos, Follas Novas e En las orillas del Sar.
Pero si queres saber máis sobre Rosalía, propoñemosche unha serie de recursos para que atopes toda a información que necesitas para saber todo sobre ela, fai click sobre a imaxe para acceder a toda a información. Anímate a facer as actividades que aí se propoñen que son moi dinámicas e divertidas, e coñecerás a Rosalía dun xeito diferente.
Esta cita de
Isidoro Rodríguez Pérez, profesor universitario e especialista en folclore galego, nado no barrio
de Magoi (Lugo) en 1958, pon en valor a importancia da lingua na que aprendemos a falar e a que nos trasmitiron os nosos proxenitores dende o berce.
A idea de celebrar o Día Internacional da Lingua Materna foi unha iniciativa de Bangladesh. Foi aprobado na Conferencia Xeral da UNESCO de 1999 e observouse en todo o mundo desde o ano 2000.
A UNESCO cre na importancia da diversidade cultural e lingüística para as sociedades sostibles. No marco do seu mandato en prol da paz, traballa para preservar as diferenzas de culturas e idiomas que fomentan a tolerancia e o respecto dos demais.
A diversidade lingüística atópase cada vez máis ameazada cun maior número de linguas que desaparecen. Cada dúas semanas, como media, unha lingua desaparece, levándose coa súa desaparición todo un patrimonio cultural e intelectual.
Con todo, grazas á comprensión da importancia que teñen as linguas maternas, alcanzáronse logros en materia de educación plurilingüe baseada nestas, en particular desde os primeiros estudos e o compromiso cada vez maior de que evolucionen na esfera pública.
As sociedades multilingües e multiculturais existen a través das súas linguas, que transmiten e preservan os coñecementos e as culturas tradicionais de maneira sostible.
A Secretaría Xeral de Política Lingüística da Xunta de
Galicia é unha das institucións que está adscrita á Rede Europea para a
Promoción da Diversidade Lingüística (NPLD), e tamén se suma á conmemoración da
UNESCO e lanza desde os seus perfís de Twitter e Facebook unha produción
audiovisual que incopora a lingua galega.
Dito audiovisual compila expresións de cultura oral nas
diferentes linguas dos membros da NPLD. As tradicións e expresións orais úsanse
para transmitir idiomas, coñecementos, valores culturais e sociais dunha
xeración a outra. Abranguen unha enorme variedade de formas faladas: adiviñas,
contos, rimas infantís, cancións, poemas, cantos, lendas e moito máis e, polo
tanto, representan un papel crucial para manter vivos os idiomas. A referencia
ao idioma galego faise neste vídeo a partir do minuto 09:05
A propia SXPL organiza este ano unha actividade de
dinamización lingüística que se emitirá en streaming o vindeiro 21 de febreiro
ás 11.00 desde a Cidade da Cultura de Galicia.
Trátase de "Puño, puñete", de
Baobab Teatro, unha orixinal proposta dirixida a nenos e nenas de 1 a 7 anos e
ás súas familias, que está orientada a ofrecerlles a estas recursos para cantar
e contar en galego cos seus fillos e fillas. Se queres acceder a ela preme na
imaxe.
Outra das iniciativas que loitan día a día a prol da
difunsión da literatura popular infantil
de Galicia para que siga sendo unha ferramenta educativa e de lecer para os/as
galegos/as do século XXI é orellapendella.gal.
Neste repositorio atoparemos infinidade de ditos, recitados, cancións, etc. que
acompañaron desde hai séculos ás brincadeiras dos/as nenos/as ou ás relacións
entre os membros maiores da familia e os máis pequenos.
Tod@s el@s conviven co Síndrome de Asperger demostrando que non é ningún impedimento para triunfar no seu día a día!
O Día Internacional da Síndrome de Asperger, conmemórase cada 18 de febreiro, en honra ao aniversario do seu descubridor, o psiquiatra austríaco, Hans Asperger, quen identificou un comportamento similar e pouco frecuente nun grupo de nenos aos cales describiu da seguinte maneira:
"Estes nenos presentan a miúdo unha sorprendente sensibilidade cara á personalidade dos seus profesores (…) Poden ser ensinados, pero soamente por aqueles que lles ofrecen unha comprensión e un afecto verdadeiros, xente que lles trata con agarimo e tamén con humor (…) A actitude emocional subxacente do profesor inflúe, de modo involuntario e inconsciente, no estado de ánimo e comportamento do neno".
A pesar que os seus estudos foron publicados en 1943, non sería ata a década dos 90, que as súas notas e descricións cobrasen valor para os estudosos do autismo e enfermidades neurolóxicas en xeral.
Na nosa Charca temos ao dispor do noso alumnado "A nena do vestido de Flores" de Manuel Fontemoura, onde nos amosa dun xeito fermosísimo e próximo o día a día dunha nena que ve o mundo dende esa realidade con esa sensibilidade tan sorprendente! Moitas grazas Manolo por darlle tanta visibilidade a estas persoas tan singulares!!!
Hoxe, 15 de febreiro, conmemoramos o Día Mundial contra o Cancro Infantil. Estas doenzas tan graves parecen máis inxustas, se pode ser, cando afectan á infancia. Debemos, polo tanto, dar visibilidade a todas esas familias que loitan xuntas contra esta enfermidade que tenta, sen conseguilo, borrar o fermoso sorriso das pequenas facianas das nenas e nenos que pelexan día a día contra estas doenzas como verdadeir@s superheroes.
Son moitas as asociacións sen ánimo de lucro que lle botan un man (cando non as dúas) a todas estas familias para facerlle frente a todas as contixencias económicas, sociais, de concialiación, ... que aparecen cando estas enfermidade é diagnósticada. Este ano queremos destacar a Bicos de Papel, xa que ten como ámbito de actuación, entre outros, o Hospital Álvaro Cunqueiro de Vigo, centro oncolóxico infantil de refencia para a provincia de Ourense, e onde estiveron e están, ingresados e atendidos aquelas nenas e nenos da nosa vila e provincia que están pasando esta enfermidade. Todos os anos organizan unha Gran Gala contra o Cancro Infantil (xa van pola cuarta edición) e este ano, debido ás condicións sanitarias, realizarase de maneira virtual. Convidamos a todo o mundo a que pase unha tarde distinta con esos sete grandes artistas que participarán nela e ao mesmo tempo colaboremos nesta causa tan xusta mercando unha entrada para ese evento. Nós xa temos a nosa!
Moito ánimo para tod@s es@s pequen@s superheroes nesa batalla na que loitan co mellor del@s día a día!
Proclamado en 2011 polos Estados Membros da UNESCO e adoptado pola Asemblea Xeral das Nacións Unidas en 2012 como Día Internacional, o 13 de febreiro converteuse no Día Mundial da Radio ( DMR).
A radio é un medio poderoso para celebrar a humanidade en toda a súa diversidade e constitúe unha plataforma para o discurso democrático. No plano mundial, a radio segue sendo o medio de maior consumo. Esta capacidade única de chegar á máis ampla audiencia significa que a radio pode dar forma á experiencia de diversidade dunha sociedade, erixirse como un escenario para que todas as voces exprésense, estean representadas e sexan escoitadas. As emisoras de radio deben servir a comunidades diversas, ofrecendo unha ampla variedade de programas, puntos de vista e contidos, e reflectir a diversidade de audiencias nas súas organizacións e operacións.
« Porque necesitamos máis que nunca este medio de comunicación universal, humanista, portador de liberdade. Porque, sen a radio, o dereito á información, a liberdade de expresión e, con ela, as liberdades fundamentais, veríanse debilitados; tamén a diversidade cultural, xa que as radios comunitarias son as voces de quen non teñen voz. »
Mensaxe da Sra. Audrey Azoulay, Directora Xeral da UNESCO, con motivo do Día Mundial da Radio
O día 11 de febreiro conmemórase o día internacional da muller e a nena na ciencia.
Con esta conmemoración preténdese recordar o papel fundamental que tiveron e teñen as mulleres e nenas na ciencia, co obxectivo de fomentar a súa participación de xeito pleno e equitativo.
Durante anos e anos moitas mulleres foron silenciadas no ámbito científico simplemente pola súa condición de xénero, a pesares de ser claves e protagonistas en moitos achádegos e avances que se fixeron na ciencia.
Tal é así que incluso este ano se lle quere dar especial visualización a través do lema "As mulleres científicas, líderes na loita contra o COVID", xa que a presenza e implicación feminina son clave no coñecemento e tratamento desta pandemia.
Para saber un pouco mais acerca da muller e a nena na ciencia, así como coñecer a grandes científicas... clicade na imaxe para acceder aos recursos que vos facilitamos.
Dentro das actividades propostas para a celebración do Día da Paz, todo o alumnado do centro estivo a traballar estes días nos valores que fan da convivecia, tolerancia e respecto cara @s demáis, elementos distintivos de toda a nosa Comunidade Escolar. Queredes ver o que fixeron? Non perdades este vídeo....
Este día 30 conmemorase o Día Escolar da Paz e Non Violencia. A tolerancia e o respeto deben de ser a base da educación de hoxe en día e son os obxectivos que se pretenden de cara a construír unha poboación crítica e cívica, capaz de xestionar e apreciar as diferenzas e similitudes que poida haber.
Nesta data conmemorase a morte de Mahatma Gandhi, persoa fundadora do movemento pacifísta, capaz de conseguir que a India deixara de ser colonia británica e lograra a súa independencia en 1947 mediante protestas pacíficas.
"No hay camino para la paz: la paz es el camino".
- Mahatma Gandhi -
No seguinte enlace deixamosvos unha serie de recursos relacionados con este día:
"A educación é un dereito humano, un ben público e unha responsabilidade colectiva."
"A Asemblea Xeral das Nacións Unidas proclamou o 24 de xaneiro Día Internacional da Educación (enlace ao documento), en celebración do papel que a educación desempeña na paz e o desenvolvemento. Sen unha educación de calidade, inclusiva e equitativa para todos e de oportunidades de aprendizaxe ao longo de toda a vida, os países non lograrán alcanzar a igualdade de xénero nin romper o ciclo de pobreza que deixa atrasados a millóns de nenos, novos e adultos.
Na actualidade, 262 millóns de nenos e mozos seguen sen estar escolarizados, 617 millóns de nenos e adolescentes non poden ler nin manexan os rudimentos do cálculo; menos do 40 por cento das nenas do África Subsahariana completan os estudos de secundaria baixa e uns 4 millóns de nenos e novos refuxiados non poden asistir á escola. O dereito á educación destas persoas vese afectado e iso é inaceptable" (https://es.unesco.org/commemorations/educationday)
No seguinte enlace (fai clic na imaxe) podemos coñecer outras realidades ben distintas ás nosas. Reflexionemos sobre o que nós podemos aportar para mellorar a formación d@s máis débiles e facer que as súas expectativas vitais melloren exponencialmente. Que afortunad@s somos... Apreciemos e valoricemos o que temos... Educación pública, universal, laica, gratuita e de calidade!!
Rematamos o primeiro trimestre deste curso tan especial. Ninguén podería ter asegurado que iamos ter uns primeros catro meses de curso tan "normais" como ao final así foron. As medidas de seguridade e distanciamento social tomadas e interiorizadas por tod@s @s que conformamos a comunidade educativa veñen de amosar uns resultados mellores dos que nun principio se podían prever. O papel fundamental do profesorado, concienciando ao seu alumnado do que realmente debiamos facer tod@s para minimizar o impacto desta pandemia e o comportamento extraordinario de todo o noso alumnado (dende os 3 ata os doce anos) fixo que o número de contaxios internos no centro fóra cero, e os poucos producidos fóra do entorno escolar, non tiveran ningún impacto entre o resto de compañeir@s c@s que compartían aula, patio, comedor, ...
Por esta razón e chegado este momento de parón, queremos recoñecer os esforzos levados a cabo por todo o persoal docente e non docente en cumprir e facer cumprir todos os protocolos establecidos no centro para manter á raia este maldito virus, pero sobre todo AGRADECER (con letras maiúsculas) o extraordinario comportamento de todo o noso alumnado (coa colaboración indispensable de todas as familias que conforman a nosa comunidade educativa) amosando un compromiso exemplar en todas e cada unha das situacións tan distintas e estranas que este principio de curso nos ten feito vivir. De corazón... MOITAS GRAZAS!
Desconectade, disfrutade destas datas (pero coa mesma responsabilidade que tedes tido no cole) ... e vémonos o 11 de xaneiro!
Hoxe foi unha mañá chea de fortes emocións. O alumnado de quinto de Ed. Infantil foi a felicitar estas festas ás nosas tan queridas persoas maiores da Residencia de Maiores "Santa Mariña" e do Centro de Día do noso concello. Debido á situación actual este encontro tívose que producir con certa distancia e temos que resaltar o comportamento exemplar de todas as persoas que nesta actividade participaron. Pais, nais, usuarios e traballadores de ambos centro e, por suposto, o noso alumnado, respectaron escrupulosamente todas as medidas de distancia social e fixeron desta mañá un momento de encontro entre xeracións moi emotivo e cargado de fortes sentimentos.
Aproveitaron tamén para achegarse a felicitar estas datas ao membros do acuartelamiento da Garda Civil da nosa vila, que recibiron encantad@s esta visita.
A estes tres colectivos faranlles chegar en breves datas as postais de felicitación en formato dixital nas que durante estes derradeiros días estiveron traballando e que por motivos de seguridade sanitaria non lles puideron entregar en man.
Como ben figura na entrada da Residencia de Maiores "Santa Mariña", "Ganaremos esta batalla" e nos vindeiros anos seguro que xa poderemos voltar a ver como as distintas xeracións da nosa sociedade fúndese nunha grande aperta de cariño e respeito! Boas Festas para tod@s!!
Hoxe entregamos o premio ao gañador deste VIII Concurso de Tarxetas de Nadal a Hugo Rodríguez Rodríguez de 5ºB. Mañá, martes 22 de decembro, todas as familias da nosa Comunidade Educativa recibirán esta felicitación de parte de todo o persoal docente e non docente do noso centro. Moitos parabéns para tod@s @s participantes e, en especial, para o traballo gañador!
Dentro das actuacións que a Biblioteca Escolar leva a cabo, unha das que máis lle gusta ao noso alumnado é a presenza no centro dos autores e autoras dos libros que teñen ao seu dispor na nosa Charca.
Esta semana foi a quenda de Manuel Seoane, limián e mestre, ben coñecido na nosa comarca. Vén de publicar o seu derradeiro libro de contos "A Raiña Loba", que conta coas ilustracións de Moisés Míguez, orientado polos seus profesores da Escola de Arte “Antón Faílde”, Carmen Lage e Luis Carreira, e co deseño e maquetación de Tonho Ferreiro, tamén profesor na “Faílde”.
No relato sobre a lenda da Raíña Loba, o texto de Seoane, recolle e interpreta a tradición oral sobre os feitos acontecidos nun tempo incerto nese agreste e mítico territorio entre os concellos de Os Blancos e Baltar.
A Raíña Loba é a terceira entrega de libros infantís ilustrados sobre as lendas da Limia que edita o Centro de Cultura Popular do Limia, neste caso en colaboración co Museo da Limia, e da Deputación de Ourense. Os anteriores foran A Lenda da Lagoa de Antela, de Delfín Caseiro, e O Paso do Esquecemento, de Antón R. Coello, que temén podedes atopar na nosa biblioteca.
O alumnado de cuarto de Primaria xa está traballando con el, e a verdade é que lles encanta!!
Dende o equipo da
Biblioteca ademáis de desexarvos unhas FELICES FESTAS deixámosvos o Boletín de
recomendacións de libros para todas as idades, por si vos poden axudar nos
encargos navideños.
Aquí quedan tamén algunas suxerencias para estes días de
lecer.
A situación pola que estamos a pasar fai que a área de Educación Física perda parte da súa identidade; compañeirismo, colaboración, traballo en equipo... son premisas que sempre estiveron presentes e as que lle dan ese carácter tan dinámico e particular a área, agora non perden o seu significado, solo se adaptan aos novos tempos.
E aínda que non poidamos usar material auxiliar para as nosas sesións... quén o necesita tendo a música do noso lado?
Coordinación, equilibrio, resistencia, ritmo... ademáis dunha especial cooperación, traballo en equipo e compañeirismo que nos levan a pasar momentos divertidos nos que o traballo, aínda que presente en cada movemento, parece que pasa a un segundo lugar cando se está disfrutando.
Compartimos unha pequena mostra do "traballo" dos rapaces e rapazas de 1º curso:
Como nos di a propia canción de Avicci :
"Un día todo quedará atrás, vive unha vida que recordarás"
O III Concurso de Debuxo e Redacción "Jóvenes y Mayores", que organiza "La Región" en colaboración coa Fundación Dorzán, brinda a oportunidade de rememorar unha vivencia especial entre os familiares a través dun relato ou un debuxo.
Durante o acto de presentación, o subdirector xeral de "La Región", Carlos Barbosa, explicou que esta convocatoria "pode ser unha actividade que axude a pasar un pouco mellor todas as dificultades que se están tendo"
Para Secundino Vidal, presidente da Fundación Dorzán, explicou que "con esta iniciativa queremos fomentar máis a interrelación entre os mozos e maiores, e precisamente este ano, cando os maiores están máis illados, queremos que os seus netos e os seus fillos achéguense máis a eles e préstenlles máis agarimo"
O traballo presentado pola nosa alumna Valeria Rodríguez Yebra foi recoñecido co terceiro premio na categoría de Educación Especial, unha das sete das que se convocaron neste concurso.
Moitos parabéns para ela e a súa familia, así como o recoñemento para o persoal docente e non docente da nosa Aula Específica, que tanto e tan ben traballan co seu alumnado. A seguir así, compañeiras Ana, Elena e Luz!!
En 1992, ao termo do Decenio das Nacións Unidas para os Impedidos
(1983-1992), a Asemblea Xeral proclamou o día 3 de decembro Día
Internacional das Persoas con Discapacidade. O Decenio fora un período
de toma de conciencia e de medidas orientadas cara á acción e destinadas
ao constante melloramento da situación das persoas con
discapacidades e á consecución da igualdade de oportunidades para elas.
Posteriormente, a Asemblea fixo un chamado aos Estados Membros para que
destacasen a celebración do Día, e así fomentar unha maior integración
na sociedade das persoas con discapacidades.
Dentro destas actuacións máis de 80 entidades sociais de toda Galicia decidiron conmemorar dende fai cinco anos esta data conxuntamente baixo o lema #BaixoOMesmoParaguas.
Este ano, debido as condicións sanitarias, convídannos a facernos unha foto cun paraugas e un lema, para visibilizar a todas esas persoas con habilidades distintas e que teñen o mesmo dereito que os demais a ser consideradas dentro da normalidade, con igualdade de oportunidades e xustiza social.
