Espectacular día na festa de Voz Natura

 

 

 

Pois si, tivemos moita sorte co tempo e o día acompañou. Moita xente; moitas actividades para gozar e tamén moitos traballos expostos dos colexios para aprender e valorar o que se fai na escola. Moitas grazas a tod@s os participantes do noso Ceip e ás familias que nos acompañaron; finalmente fomos 92 persoas. Un ano máis: Parabéns ó alumnado que superou os retos lectores e a tod@s os máis lectores da nosa biblioteca. 

Velaquí o enlace cara a nova que recolleu o evento no xornal do domingo 3 de xuño. 
https://www.lavozdegalicia.es/noticia/sociedad/2018/06/03/voz-natura-gran-fiesta/0003_201806G3E1993.htm

Preparándonos para participar na Festa de Voz Natura

Un ano máis . Do noso centro iremos en dous autocares;  case un cento de persoas estaremos o sábado 2 de xuño no parque de Acea de Ama, en Culleredo participando na festa de fin de curso 17/18. Unha xornada festiva, con numerosas actividades nas que participar de forma gratuíta. Os máis lectores, os que superaron os retos lectores e así lograron o pasaporte lector e algúns máis que sen alcanzalo fixeron parte do camiño imos aló.

A festa comezará ás 11.00 e prolongarase ata as 19.30 horas. Durante todo o día, os nenos poderán participar en xogos tradicionais e de aventura; saltar nos 20 inchables que se instalarán nunha pista de herba artificial; participar en competicións deportivas ou dar un paseo en pónei, entre outras moitas propostas que se poden consultar no programa de actividades dispoñible nesta mesma páxina.

Na festa deste ano terá especial protagonismo a protección do patrimonio etnográfico, tema central do curso que inspirou moitos dos 350 proxectos ambientais desenvolvidos polos centros participantes nesta 21.ª edición. Todos eles, poderanse ver na exposición que se montará na festa, onde tamén se entregarán os premios aos traballos máis destacados deste curso.

Onde comer…

…si queres aproveitar a xornada a lume de biqueira e pasar todo o día no parque, ten en conta que se trata dun recinto con amplas zonas verdes para comer de picnic, levando a comida de casa. Tamén, dentro do propio parque, podes comprar a comida (haberá pulpeira, bares e tres food truck con comida tex mex e mexicana, hamburguesas, saladiños e doces). Tampouco faltarán os postos de chuches e xeados.

Que levar…

…roupa e calzado cómodo, crema para o sol, un viseira e moita enerxía!

Ten en conta que o parque de Acea de Ama é un espazo seguro, pechado, con servizos e atención sanitaria.

Enlaces

Programa de actividades

Plano do Parque e Recomendacións

Minuto a minuto

E... naceron os poliños na incubadora do Ceip

Hoxe, luns 28 de maio, foi outro día espectacular no centro. Aínda que tiñamos anotado que mañá lle tocaba nacer, algúns poliños xa o fixeron hoxe. Cando chegamos, un pouquiño antes das 9 xa andaba un paseando polo chan da incubadora. Ó longo da mañá fomos, ós pouquiños, mirar e poidemos ver o nacemento doutros dous. E pola tarde xa había outro...

Esta primeira docena de ovos de galiña ten a particularidade de que son mesturas de varios tipos: araucana (que as diferenciamos por ter unha tonalidade azul claro na casca), de Mos, Piñeira, Kikas, etc. Procedentes todos de Lodoselo (CDR O Viso).

Tamén temos na incubadora ovos de Pava (1), Galiña de Guinea (3) e Oca (3) de Baronzás que nos deu Angel Isaac; outros que trouxeron algúns alumn@s como Noa F., Xoel M. e Noa Castro (de Rairiz de Veiga, Vilar de Barrio, Cualedro) e algunhas profesoras María (E. Inf.) e Tina. 

A maioría son de galiñas e o período de incubación é duns 21 días pero no caso da gallineta (Galiñas de Guinea) é de 27 días; para a pava 28-30 e para o oca 28-32. Así que teremos que esperar máis e a ver se todo vai ben. Moitas grazas a todas as persoas que fan que isto sexa posible e especialmente a Kisko que xa mediou para conseguirmos a incubadora, transportala... e segue pendente e axudándonos.   

Aprendendo de Anabell sobre Ecuador

O venres25 de maio tivemos con nós a nai de Jeremy (Anabell Torres) para que nos contara caraterísticas de Ecuador, o seu país.

Así que xa aprendemos cousas sobre o clima, o tempo, a comida, os indíxenas, a diferenza de horario con respecto a nós, a agricultura, a gandaría... e xa nos é máis familiar Quito, Guayaquil, o Océano Pacífico, etc.

        Moitas grazas! 

Cálculo ABN e visita de Jaime M. Montero

Este mércores 23 e xoves 24 de maio participamos en Ourense nun curso de formación sobre o Cálculo ABN. Perto de 400 persoas; só do noso centro estivemos 12. O cálculo aberto baseado en números (ABN) é un método que ten como fundamento principal o cálculo con números completos que teñen un significado. Facilita a comprensión do problema.

Este curso está funcionando no Ceip un PFPP sobre este método. E ó igual que outros 9 centros fixeron unha explosición dos materiais cos que traballan. Ademais as compañeiras do Ceip C. Casares, Ana e Eva, relataron a súa experiencia de traballo nestes últimos tres anos aplicando este método. 

O resto das dúas xornadas de 17 a 21 horas contamos con Jaime Martínez Montero, Doutor en Filosofía e Ciencias da Educación, que foi Mestre, Inspector, Profesor Universitario ... E que no Día de Andalucía deste ano recibiu o premio ó Merito á educación por ser o creador deste método. 

Ademais na mañá do xoves 24 visitou no noso colexio aos que están desenvolvendo esta metodoloxía activa e transformadora que lle permite ó alumnado transformar conceptos abstractos noutros que lle son propios. 

Participamos na II Feira de Educación... en Ponte de Lima

Este venres 18 de maio o alumnado de 3º e 4º de Primaria pasamos a xornada no Pavillón de Feiras e Exposicións de Ponte de Lima. Unha sorte gozar do percorrido que nos prepararon polos distintos espazos por aulas. Ó mediodía fomos xantar á Escola Básica 1 e poidemos estar no patio con todo o alumnado dese centro. Pola tarde volvemos á Feira ata a hora de regreso. Moitas grazas coma sempre a todas as persoas que tan ben nos acollen e atenden sempre, na vila máis antiga de Portugal e que cada vez que imos nos sorprende para ben. Ollade ben para facervos unha idea do que fixemos:

II Feira de Ed. Ponte de Lima 2018

Esta é uma mostra das últimas novidades tecnológicas disponíveis no mercado. Apresentadas pelo tecido empresarial apenso ao sector, na região, a Feira procura dar a conhecer os melhores projetos pedagógicos dinamizados pelos Centros Educativos de Ponte de Lima. Para além destes projetos pedagógicos, estão patentes na Feira da Educação, Ciência e Tecnologia, Cursos Profissionais e de Ensino Superior. Num contexto em que se visa que o público fique a conhecer as inovações tecnológicas e cientificas apoiadas pelos Centros de Investigação das supra ditas Universidades.

http://www.visitepontedelima.pt/pt/turismo/ii-feira-da-educacao-ciencia-e-tecnologia/

Pendentes da incubadora

 

 

Neste curso conseguimos unha incubadora espectacular para o Ceip. Grazas a algúns membros da comunidade educativa (sempre é necesaria esta implicación: comunidade, familias, centro educativo) poidemos traela, montala e agora aí estamos contando os días que faltan para ver se comezan a nacer os poliños; temos ovos de diferentes galiñas e de diferentes lugares (moita mestizaxe porque hai Araucanas, de Mos, Piñeira, de kikas... que viñeron de Lodoselo, Rairiz de Veiga, Vilar de Barrio, Lamas, Baronzás...); pero tamén temos algún ovo de Pava, de Oca, de Galiñas de Guinea... Os primeiros ovos metémolos o martes da pasada semana, 8 de maio, e desde entón temos ido metendo algúns así que ide botando contas para estar pendentes e a ver se temos a sorte de velos nacer. 

Moitas grazas a todas as persoas que contribúen a que estas pequenas accións vaian adiante. 

Recreos na Horta

Aprendendo no patio, na horta. Plantamos árbores polos espazos do patio que temos; algúns deles non van adiante pero seguimos porfiando... Preparamos a terra engadíndolle o compost que temos noutro recuncho do patio (e que fomos facendo sobre todo coas follas das árbores e o pouquiño esterco que lle engadimos dos coellos que tivemos no cole no 2º trimestre). E puxemos a malla contra as herbas que non queremos para a continuación plantar. Algunhas que botaramos e tiñamos nas aulas e outras que trouxemos, mercamos. E veu a xeada e levounos o pouquiño que fixeramos; así que volvemos a poñer acelgas, espinacas, brócoli, leitugas, tomateiras, pementeiras... E ata botamos nun anaquiño un pouco liño. E xa estamos controlando as fresas... Velaquí algúns destes momentos.

Horta maio 2018

17 de maio

“E os cachorros, ousexa os alumnos, saben moi ben con quen están en cada momento e responden, polo xeral, con bastante perspicacia. Aman os profesores que ven felices porque intúen amor nesa felicidade, e detestan os que ven tristes porque intúen desamor nesa tristeza. Así a aula pode ser para todos un paraíso ou un inferno.”

"Gústame o cheiro a pan
dos amenceres,
e as andoriñas tolas,
e as luces febles…

Gústame a vida
cando xermola en gozo
ó abrir o día."

“O corazón, coma as cousas que se saben, coma os cartos que se gañan, soamente serven para algo se se comparten cos demais.”

Textos de María Victoria Moreno. (InnovArte Infantil)

Traballamos cunha plantilla e o escornabot aprendendo moitas cousas de Mª Victoria Moreno. Grazas Geli!  http://www.seminariogalan.org/

Na nosa biblioteca tamén puxemos algunhas obras da autora homenaxeada. 

"Eu florezo nas aulas"
“A verdade é que isto de ser mestre vén sendo unha profesión tan dura coma a de baixar á mina. Pode chegar a ser desesperante iso de enfrontarse cada día con trinta rapaces (…) eu tiven a sorte de tratar con infinidade de compañeiros que estaban namorados da aula, dos cachorros e dos saberes que compartían con eles.”
María Victoria Moreno. (InnovArte Infantil)

Día Internacional da Familia

 

De sempre hoxe, o día 15 de maio se celebrou o S. Cidre, o día do labrego. Agora a  Asamblea Xeral das Nacións Unidas celebra o Día Internacional da Familia cada 15 de mao dende 1994.

O lema deste año é 'Familias, educacióne e benestar', unha temática que pretende resaltar a importancia do traballo de todos aqueles membros da familia que se dedican ó cuidado dos seus fillos, os seus padres, os seus irmáns, os seus netos, etc. 

En España, coma no resto del mundo, las familias no son lo que solían ser. Xa se pasou de moda ese concepto formado por un matrimonio entre muller e home con fill@s. Nos colexios, os institutos e as universidades, é frecuente tratar con persnas cuxos pais son homosexuais ou proveñen de familias monoparentais. Ademais, a tendencia demostra que cada vez son mais os moz@s que viven en parella pero non están casados nin teñen fill@s. ¿No son eles tamén unha familia?

  O Día Internacional da Familia preséntase como unha alternativa lóxica e razonable ó Día do Pai e o Día da Nai. Porque os tiempos avanzan, camiña ti tamén polo mundo da igualdade e a tolerancia. 

 http://noticias.universia.es/cultura/noticia/2017/05/15/1152386/hoy-celebra-dia-internacional-familia.html 

Come rico, vive san

Hoxe non só tivemos no Ceip ó chef coruñés Luis de Veira, do restaurante "Árbore da Veira" da Coruña... É que se encheu o colexio de "chefs". Mirade as imaxes e falade co alumnado de cuarto de primaria e xa veredes o que gozaron coa xornada deste xoves dentro do programa "Come rico, vive san " de Vegalsa -Eroski.

Antes deste día traballaron un Caderno de actividades sobre: dieta mediterránea, plato de Harvard, exercicio físico, clasificación dos alimentos... Tamén contamos cunha exposición complementaria que tivemos unha semana no Centro.

E no día de hoxe había tres talleres: roda dos alimentos, degustacion e exercicio físico. Para aprender, pasalo xenial e ademais ser quen de facer as dúas cousas ó mesmo tempo.  Velaquí algunhas imaxes desta actividade. Moitas grazas a todas as persoas que posibilitaron a realización desta estimulante experiencia.

Eroski Vegalsa no Ceip Maio 2018

Na percura do tesouro, no Gadis (Alimentes) e na Comisaría ... En Ourense.

Ourense 3 de maio 2018

O alumnado de 3º e 4º de primaria, xunto con outros centros, asistimos no Auditorio en Ourense ó teatro. A obra, "Na percura do tesouro, de Gaiteiros da Xistra", está dentro da programación de Actividades para escolares 2017/2018 de Afundación. Música tradicional en galego dirixida a escolares de 3º e 4º de primaria. 

Moura, a gardiá da cova, axudará a Xurxo a se liberar das mentiras e os enganos da malvada Serpe e daralle as pistas para descifrar os enigmas e así superar as probas para atopar o tesouro, A LINGUA. Coñecemos ós inventores de cantigas, escoitamos unha historia, escoitamos as pedras, descubriremos os sentimentos que agochan as mámoas… 

Música en directo, lendas, romances, zanfonas, alalás, cantigas, refráns e seres mitolóxicos conformaron a senda que nos levou a descubrir o auténtico tesouro colectivo; un tesouro que só ten valía se o compartimos e o respectamos. 

Despois os de terceiro fomos ata o Gadis do Centro Comercial e alí nos esperaba Rocío que dentro do programa Alimentes (que xa tiñamos traballado con materiais que nos enviaron) nos axudou a concienciarnos da importancia dunha alimentación sana. Os de cuarto estiveron na Comisaría da Policía e tamén gozaron de vela por dentro, coñecer as súas entrañas e ata subiron ó helipuerto...

Moitísimas grazas a tod@s as persoas que nos aprenderon tantas cousas neste día fóra das aulas. 

O Museo da Limia inaugurará a súa biblioteca esta semana

Os compoñentes do Consello Asesor do Museo da Limia de Vilar de Santos.

http://www.laregion.es/articulo/a-limia/museo-da-limia-inaugurara-sua-biblioteca-mes-abril/20180311103730777178.html
PAULA PALOMANES

O Consello Asesor do Museo da Limia de Vilar de Santos reuniuse durante esta fin de semana para conformar o seu programa de actividades de cara a este ano. Na xuntanza estiveron presentes, entre outros, o presidente do Padroado do Museo, Delfín Caseiro; o coordinador, Antón Jardón ou o alcalde de Vilar de Santos, Xan Jardón.

Un dos puntos máis importantes dos que se trataron foi a posta a punto da Biblioteca da Limia, un espazo que albergará obras de autores da comarca relacionados coas humanidades e tamén coa Baixa Limia. Neste senso, está previsto que a apertura oficial do espazo teña lugar a finais do mes de abril. O Consello Asesor estudará, ademais, a maneira de incorporar na biblioteca a presenza de creadores do ámbito da escultura, da pintura ou do cine, así como doutros materiais editados que garden relación coa comarca limiá.

Conversas na taberna

Na xuntanza de Vilar de Santos, o vicepresidente da Xunta Directiva, André Taboada, explicou a programación e o contido do formato "Conversas na taberna". Trátase dunha serie de foros de debate promovidos dende o propio Museo da Limia.

Este ano as conversas tratarán sobre a pataca, cultivos alternativos ao tubérculo e o 60 aniversario da desecación da Lagoa de Antela.

Saúde bucodental

Tamén durante este mes de abril, que hoxe remata, tivemos varias xornadas nas que unha especialista da Consellería de Sanidade estivo no Ceip para axudarnos a mellorar a nosa saúde buco dental. Trátase dun programa de promoción e prevención do Servizo Galego de Saúde que "cumpre co obxectivo de levar saúde á poboación dende idades temperás, promovendo unha cultura de auto-coidado e de prevención de enfermidades. 

Formamos parte dos 44 centros deste tipo, dos cales 4 atópanse situados na provincia de Lugo, 16 na de Pontevedra, 13 na da Coruña e 11 na provincia ourensá.

Kamishibai e alumnado bibliotecario

O equipo de axudant@s da biblioteca que todos os cursos é confeccionado e preparado ó comezo de curso ten varios cometidos. Este ano, aproveitando que mercamos para a biblioteca o Kamishibai, engadiron este novo traballo: pasar polas aulas do Ceip agasallándonos cun conto, especialmente preparado, empregando este artiluxio.

Velaquí un vídeo coa historia deste "teatro de papel"empregado desde hai séculos para contar contos.

https://www.youtube.com/watch?v=5CR5xHvq0Io 

Concerto Didáctico no Conservatorio de Música

O alumnado de 3º e 4º de primaria, ben acompañados polo doutros centros da comarca, asistimos o venres 27 de abril a un espectacular concerto dado polo alumnado do Conservatorio de Xinzo. 

Entre os artistas varios compañeiros das aulas; alumnado de piano, trompeta, violín, frauta, saxofón, guitarra, acordeón e clarinete; de 1º e ata de décimo curso... E para finalizar a orquestra e un xogo.

Ademais vivimos, en directo, e tamén cos medios (informativos na tele, periódico "Afina-Do") a desaparición misteriosa dos instrumentos, a captura do "escapado" e principal sospeitoso...

Como público temos moito que mellorar; cómpre saber respectar cun silencio como é debido e mesmo ser máis xenerosos cos aplausos, me parece.

Moitos parabéns ós organizador@s; é un luxo ter na vila un centro como este que imparte música e movemento (curso preparatorio para nen@s de 6 anos), iniciación musical /curso preparatorio para nen@s de 7 anos) e os graos elemental (de 1º a 4º) e profesional (de 5º a 10º).

Contos de valores no xardín dos sentimentos

Contos valores xardín sentimentos 2018

Durante dúas semanas está tendo lugar esta actividade: o alumnado de 4º, 5º e 6º que xa amadriñou no día do libro ó resto do alumnado do Centro está agora volvendo a apadriñar a unha ou dúas aulas enteiras. Cada día na hora de lectura baixan a un dos patios interiores (onde fixeramos un xartín de sentimentos) un par de alumn@s e unha aula para escoitar un conto. Un conto especial dun lote preparado para a ocasión, escollido para traballar os valores.

Madriñas, padriños, afillad@s lector@s

E chegou o día, un dos días espectaculares no noso centro; tod@s por parellas, tríos... lendo, escoitando a quen nos le. En cada recuncho do patio celebrando o Día mundial do libro e do dereito de autor.
Alentando, contribuíndo a descubrir o pracer da lectura. Valorando as irreemprazables contribucións de tod@s os que teñen impulsado o progreso social e cultural da humanidade.
Gozade destas estampas que tan ben captou o Luís. Graciñas a tod@s por este momento.

Día Internacional da Nai Terra

Este 22 de abril, como todos desde que no 2009 a ONU decidiu esta celebración en recoñecmento á necesidade de concienciar sobre a importancia de coñecer o planeta e protexelo e a todos os seus habitantes, facémonos eco desta celebración que promove, este ano, acabar coa contaminación que provocan os plásticos. 

https://www.youtube.com/watch?v=lu1Ef3n7vSE

http://ies.garciabarros.ccmc.climantica.org/2017/04/04/impactos-en-los-oceanos/

E mañá día mundial do libro e do dereito de autor; día simbólico para a literatura mundial porque nesta data de 1616 morreron Miguel de Cervantes e William Shakespeare. No Ceip facemos o amadriñamento/apadriñamento lector: todo un espectáculo. 

Solidariedade e cooperación entre xeracións

19 de abril 2018

Hoxe tivemos unha sesión moi especial coa xente maior do Centro de Día de Xinzo (María, Segio, Raúl, Ángel, Demetrio e Pura) que viñeron con Carmen e Alba a facer con nós uns xogos cooperativos. Moitísimas grazas! 

Adiantámonos así á celebración o vindeiro día 29 de abril do Día Europeo da Solidariedade e cooperación entre xeracións. As relacións interxeracionais son aquelas que se producen entre persoas de distintas xeracións.

A convivencia, a solidariedade ou a cooperación entre xeracións consegue mellorar a calidade de vida dos implicados. E consígueo porque transmite valores, tradicións, cultura, aprendizaxes... 

Celebrar este día é unha forma de sensibilizar e dar impulso ás relacións interxeracionais como factor potenciador dunha maneira de facerse maior dunha maneira activa e positiva.

Unha iniciativa que pretende animar á sociedade a reformularse o concepto de solidariedade interxeracional; a ensalzar as oportunidades que ofrece á hora de promover a cooperación mutua e a interacción xeracional entre nen@s e maiores para compartir habilidades, valores e experiencias.

Para a Organización Mundial da Saúde (OMS), a clave do envellecemento activo consiste en poder seguir exercendo un papel activo na vida, optando por participar e contribuír. A solidaridade, dar e recibir de maneira recíproca entre individuos, así como entre xeracións, é un dos principios para envellecer activamente.

Materiais dos encontros PLAMBE

Velaquí o enlace ós contidos dos encontros celebrados en Santiago os pasados xoves e venres.

Botádelle unha ollada e gozade da aprendizaxe; desfrutade da cantidade de boas prácticas que se fan nas aulas, nas bibliotecas...   

E, ánimo... A mellorar a nosa práctica aducativa diaria.  

http://www.edu.xunta.es/biblioteca/redeBE/course/view.php?id=32

Participamos nos encontros PLAMBE

Os días 12 e 13 de abril de 2018 celebráronse no Palacio de Congresos de Santiago de Compostela os ENCONTROS DO PLAN DE MELLORA DE BIBLIOTECAS ESCOLARES 2017/208, a cita anual do profesorado responsable das bibliotecas de centros non universitarios integradas neste programa da Consellería de Cultura, Educación e Ordenación Universitaria.

Estes encontros, configurados como espazo de traballo, aprendizaxe e intercambio de experiencias e propostas, reuniu a 646 docentes, ademais de persoas expertas en distintos ámbitos: bibliotecas públicas e escolares, lectura, didáctica da lingua e da literatura, competencias informacionais e mediáticas, narración oral, gamificación, radio, lectura en contextos de diversidade, literatura infantil e xuvenil, educación audiovisual, poesía, robótica ou impresión 3D e literatura de tradición oral. Así, acompañaron ao profesorado Rosa Piquín, Villar Arellano, Carme Fenoll, Pep Bruno, Charo Pita, Guadalupe Jover, Antonio García Teijeiro, Pilar Sampedro, Montse Pena, Pedro Iturburúa,  Luís Aldegunde, Miguel Horta, Ana Ordás, Ricardo Feijoo, Xerardo Feijoo (Ponte nas Ondas) e Antonio Reigosa.

PROGRAMA  

Alentando o gusto pola lectura

Aquí estamos contribuíndo a alentar o gusto pola lectura; e contamos cunhas nais e pais marabillosos que seguen participando no "Ti tamén contas"; colaboran achegándose á biblioteca para contarlles contos ás crianzas. Desta volta foi Mónica a nai de Tatiana que estivo xa o venres 6 de abril e volveu o xoves 12. O alumnado de 1º de primaria foron, nesta ocasión, os afortunados. Moitas grazas Mónica!  

 

 

Leo, Javier e o Coelliño Branco

Ti tamén contas 10 de abril 2018

Así de ben o pasaron os cativos de infantil cunha representación de títeres baseada no conto "O coelliño branco", a cargo de Javier Caamaño, pai de Leo da aula de 4 anos. Entre os dous, fillo e pai, interpretaron as aventuras do Coelliño branco e a Cabra cabresa "que era moi mala e era montesa". Como gustou tanto, reamatamos dándolle un gran abrazo e un diploma para que nunca esquezan a mañá tan especial que nos fixeron pasar. 

7 de abril: día mundial da saúde

Saúde para todos coa cobertura sanitaria universal

OMS: A cobertura sanitaria universal (CSU) lógrase cando existe unha firme determinación política. Significa garantir que todas as persoas, en calquier lugar, puoan ter acceso a servicios de saúde esenciais e de calidade sen ter que pasar apuros económicos.
Nos últimos decenios, a CSU xurgiu como unha estratexia clave para avanzar cara a consecución de outros oxjectivos relacionados coa saúde e co desenvlvemento máis amplios.
 Recursos para el Día Mundial de la Salud 2018

• Mensajes del Día Mundial de la Salud 2018
• Día Mundial de la Salud 2018 - Todo el mundo tiene un papel que desempeñar

2 de abril, Día Internacional do Libro Infantil - 2018

Coma en anos anteriores, o Ibby (International board on books for young people) chama á conmemoración do Día Internacional do Libro Infantil o día 2 de abril, data de nacemento de Hans Christian Andersen. 

A responsabilidade do cartel e o díptico deste ano 2018  correspondeulle a Letonia. 

Ten a autoría do texto a escritora letona Inese Zandere, poeta, editora e activista da promoción da lectura quen titula a súa mensaxe: Os libros fan grande o máis pequeno.

Pola súa parte, a imaxe do cartel é do ilustrador Reinis Petersons, recoñecido debuxante deste país báltico. 

Galix, Asociación Galega do Libro Infantil e Xuvenil, facilítanos a mensaxe, con tradución ao galego. 

• MENSAXE en galego e información sobre os autores
• CARTEL
• CONCURSO "Un conto de H.C. Andersen en cómic" (OEPLI) (Remata o prazo o 23 abril)
• DÍA DO LIBRO INFANTIL - OEPLI

http://www.edu.xunta.es/biblioteca/blog/?q=node/1069