Letras Galegas 2020: Ricardo Carvalho Calero

Conmemoramos neste 31 de outubro o Día das Letras Galegas debido o seu adiadamento dende o mes de maio. Unha celebración máis estrana e que as condicións sanitarias e de distanciamento social non nos permiten levar a cabo grandes actividades dun xeito conxunto no cole. En todas as nosas aulas tiveron nestes días un recordo especial para Ricardo Carvalho Calero, escritor ao que se adicou este ano esta grande homenaxe. 

Sirva esta pequena peza elaborada por Illa Bufarda para A Fundación para recordar os momentos máis sobranceiros da vida e obra do primeiro catedrático de Lingua e Literatura Galega da Universidade de Santiago de Compostela, numerario da Real Academia Galega e membro de honra da Associaçom Galega da Língua. 

Por mil primaveras máis!

Máis recursos e información en https://carvalho2020.gal/

Misteriosas presenzas no noso cole...

Samaín 2020. CEIP Rosalía de Castro. Ano complicado para compartir experiencias, para achegarnos, para poder facer cosas tod@s xunt@s... No medio desta situación algunha presenza aparece polo cole para encher de sonrisos (e algún que outro susto) ao noso alumnado. Moitas grazas querid@ compañeir@ por romper a regularidade do día a día e recordarnos que temos motivos para celebrar, conmemorar, facer  outros aprendizaxes distintos nestas circunstancias tan particulares que son tan ou máis importantes que os que aparecen nos libros de texto!

Recursos Samaín 2020

O Equipo da BE vén de recoller unha serie de recursos para traballar na aula referidos á celebración do Samáin que podedes atopar na nosa Biblioteca Escolar. Preme na imaxe para acceder a eles.

DÍA DA BIBLIOTECA

Nesta data celebramos o día do saber, da imaxinación, do pracer, do estudo, da cultura… Conmemoramos neste día 24 de outubro o Día da Biblioteca.

A iniciativa desta conmemoración remóntase a 1997, onde a asociación Española de Amigos do Libro Infantil e Xuvenil, co apoio do Ministerio de Cultura, promove esta homenaxe ás bibliotecas tras a destrución da biblioteca de Saraxevo en 1992 durante o conflito balcánico. Querían con isto retratar e resurxir a importancia da biblioteca como lugar de encontro de lectores de todas as idades, como lugar de convivencia, de formación e de cultura.

Certo é que as bibliotecas achegan o poder da lectura a tódolos públicos, independentemente da súa idade, posición e condición social, facendo que a cultura esté ao alcance de todos, e converténdose así nun axente igualitario da nosa sociedade. Hoxe en día as bibliotecas contan con recursos tanto en papel como dixitais, dotando aos usuarios da posibilidade de desenvolverse e acceder a tódolos contidos do mundo actual.

No eido educativo a biblioteca non fai mais que apartacións positivas ao noso colectivo. Convértese nun lugar de pesquisas interminables e saciador de curiosidades, nun lugar máxico onde perderse atopando libros, nun espazo de reflexión e aprendizaxe…  dándolle a posibilide a tódolos alumnos e alumnas de sentir voar a súa mente con cada parágrafo, con cada páxina… sendo cada libro unha viaxe a súa fantasía onde o único límite que teñen é a propia imaxinación.

Gozar do silencio exterior que rodea unha lectura chea de voces, persoaxes e aventuras, onde a inmersión lectora fará que perdas a noción do tempo, tempo o cal posibilitou vivencias e viaxes que na realidade física serían imposibles.

Vive mais, únete ao apaixoante mundo da lectura!

Merendas terroríficas!!

 

Concurso de minicontos de medo e terror

A Concellería de Cultura do Concello de Xinzo de Limia vén de convocar o I concurso de minicontos de medo e terror. Aquí podedes atopar as bases e toda a información que é necesaria para poder participar. Animádevos!

Bases completas do concurso

A lectura alimenta as caldeiras do cerebro

Ler non é un gran placer. ÉCHE UNHA obriga moral. Para pensar e reflexionar. E pescudar ata chegar ás propias conclusións. Tamén para gozar. Para perderse na viaxe interminable dun libro, extensión da imaxinación e da memoria, dicía Borges. Importante é o camiño, a festa do verán, xoias e perfumes no mercado de cada porto, cantan os versos de Kavafis. Todo o que atesoura a viaxe é preferible a Ítaca. Case é o itinerario que percorre entre as follas cada libro.

Ler é unha necesidade. Se non lemos, como imos aprender a escribir? Se non sabemos escribir, como imos pensar? E se non sabemos pensar, xamais chegaremos a ser humanos. No corazón do libro late o rumor do poderoso silencio. Percorres inéditas sendas do pensamento. Descobres o mundo e tamén o mundo dos outros. E se persistes, ata os propios adentros.

A cunca das mans que sosteñen o libro énchese co dourado po da beleza, a textura do tempo, todos os aromas dos ociosos paseos polo xardín das palabras. E que máis? vestidos adolescentes da primavera, a morna luxuria do sol, todas as esculturas que desnuda o inverno, o viño novo do outono. E que máis? Ulises e Safo. A estilizada beleza de Nefertiti e os seis mil crucificados con Espartaco. Cervantes da man de Shakespeare. A tantos filósofos desfalecidos na procura da verdade. Nos libros late o medo que queimou a bruxas que só querían ser mulleres. Figuras como Gandhi, a nosa Rosalía, Marie Curie, Olof Palme vivirán sempre nos libros.

E que máis? A pólvora dos canallas. Versos quentando o corazón. Dragóns nos contos infantís. Bolboretas e todas as alas do ceo. Soños. E realidades: en 2018 editáronse 62.180 títulos. Medran os lectores aínda que un 38,2% non le nunca. Mágoa, pero ler, como amar, non soporta o imperativo.

Non poden gañar os desprogramadores do cerebro, ese big bang con cen mil millóns de neuronas. Enleadas en billóns de sinapses, nelas aniña a intelixencia e a fantasía. E os odios. As pulsións do sexo e os latidos da solidariedade. Creatividade para recrear un mundo onde importan todas as veciñanzas dos seres vivos.

Cada libro éche unha viaxe a rexións xamais visitadas. Por exploradores vacinados contra as enfermidades dos fundamentalismos, ou o camiño unidireccional. Do fascismo, ou o matonismo da violencia e do odio. Do fanatismo ou nada máis que a miña verdade. Por iso, a primeira lección do ler é a dúbida razoable. A lectura alimenta as caldeiras do cerebro. Contra os manipuladores e sicofantes e a feligresía onde medra o ruído, os berros, os fanatismos inventáronse os libros. Son baratos. Gratuítos nas bibliotecas públicas. Nunca excesivos. Duran toda a vida. Sempre volvemos a eles. Algúns terán un lugar privilexiado nos faiados da memoria.

Si, ler non é un gran placer. É moitísimo máis. E tamén un gran placer.

Un artigo do amigo Juan Antonio Pinto Antón

Con esta entrada despídome do Blog que tratei de animar estes últimos anos como membro e coordinador do Equipo Dinamizador da Biblioteca.Moitísimas grazas pola vosa continua presenza na charca dos libros. E moito ánimo nestes difíciles momentos; cos mellores desexos de que todo vaia ben. Saúdos limiaos. 

 

Morreu Quino, pero Mafalda será inmortal.

 

O debuxante arxentino Joaquín Salvador Lavado, un nome que dicía pouco porque era mundialmente coñecido como Quino, faleceu este mércores aos 88 anos en Mendoza, a súa cidade natal, onde se instalou fai tres anos, tras a morte da súa esposa. Ao quedar viúvo, o humorista quedou sumido na mesma tristeza que hoxe embarga non só aos arxentinos, senón ao mundo de seguidores da historia e vida ficticia da nena á que non lle gusta a sopa. 

 “Morreu Quino. Toda a xente boa no país e no mundo chorarao”, tuiteou Daniel Divinsky, amigo e editor histórico do artista. Fillo de inmigrantes andaluces, con trece anos empezou a estudar Belas Artes en Mendoza pero fartouse do clasicismo para dedicarse ao cómic. Aos 18 anos foi vivir a Buenos Aires e logrou publicar a súa primeira tira cómica en 1954 no semanario “Isto é”. 

   Tardaría dez anos máis en presentar en sociedade á súa icónico personaxe, converténdose co tempo nun máis dos mitos arxentinos. As aventuras de Mafalda publicáronse entre 1964 e 1973, pero seguiron reeditándose, traducíndose, replicándose en revistas e diarios, e percorrendo o mundo e as distintas xeracións durante medio século. Ata hoxe.

Quino creou á nena para un anuncio -que nunca viu a luz- da axencia de publicidade porteña onde traballaba para financiar a súa paixón polo debuxo. Ese mesmo ano publicara a súa primeira recompilación de chistes gráficos nun libro titulado “Mundo Quino”. A primeira historieta de Mafalda acabaríase publicando o 29 de setembro de 1964 no semanario ‘Primeira Plana’. O nacemento de Mafalda e o resto de personaxes das tiras, como Miguelito, Felipe ou Susana , ocorreu nos convulsos e revolucionarios anos sesenta de Arxentina e Latinoamérica. 

A nena de inocentes ideas progresistas e pacifistas marcaron e ilustraron a unha xeración nova e de clase media arxentina, boa parte da cal acabou desaparecida ou no exilio. Quino e a súa esposa, Alicia, decidiron irse a vivir a Italia ao iniciarse a ditadura en 1976 e instaláronse en Milán. Coa recuperación democrática en 1983, o artista seguiu residindo en Europa pero viaxou frecuentemente a Arxentina ata que hai uns anos regresou definitivamente ao seu país natal.
   Aínda que a súa vixencia no século XXI é total, o debuxo de Mafalda quedou conxelado en 1973. Quino alegou que se lle secaron as ideas e seguiu creando outras historias. Con todo, o humorista non dubidou en recrear á nena por unha boa causa, como cando en 1977 ilustrou con Mafalda a Declaración Universal dos Dereitos do Neno para Unicef. O debuxante e a súa “filla” foron obxecto de múltiples homenaxes e recibiron galardóns por todo o planeta, destacando no 2014 o título de Caballero da Lexión de Honra de Francia e o Príncipe de Asturias de Humanidades.

 https://www.lavanguardia.com/cultura/quino-muere-dibujante-ilustrador-mafalda.

 

Las mejores-vinetas-Mafalda-Quino- 

La curiosa historia de cómo Quino creó a Mafalda

A vocación de todo ser humano non é outro que ser boa persoa

Esta é unha das aprendizaxes dun bo libro "Carta a una maestra" escrito polo alumnado da Escola de Barbiana, seguindo o método da escritura colectiva. Cun Lorenzo Milani que segue sendo actualidade. Se o pasado luns traiamos aquí a Paulo Freire e a Pedagoxía do oprimido, este luns toca D. Milani e esta Carta de obrigada lectura para os que se dediquen ou queiran traballar en educación. E ter claro que o que discrepa non trepa, que segue habendo moito Pierino e a opción dalgúns é outra.

Hoxe unha representación da comunidade do noso Ceip volvemos abrazar a nosa realidade e dicir que esto non serve, que temos que xerar outro sistema.  Que a educación ten que servir para dar máis oportunidades ós que máis o necesitan. Aprendemos e exercemos a solidariedade como o modo habitual de relacionarnos. Grazas!

Dous referentes nos meus estudos de maxisterio nos comezos dos anos 80 en Salamanca. Sempre coa análise da realidade como referente e cunha educación que sexa útil para o mundo real. Se en algo insistía D. Milani era en estudar o mundo real, en analizar o que pasa, en ver por que ocorren as cousas. A escola non pode ser un sistema alonxado da realidade.

Reler Carta a unha mestra é cuestionarse cando nos tomaremos a educación en serio.

 

Velaquí algunhas reportaxes que xa circulan grazas a Dende a Limia e a Voz de Galicia: 

Dende a Limia en directo: Abrazo e Cacerolada  

https://www.dendealimia.com/articulo/xinzo-de-limia/ceip-rosalia-faise-oir-cacerolada-multitudinaria

La Voz de Galicia. Edición Ourense 

EN VÍDEO | [20:10] Familias y pequeños del CEIP Rosalía de Castro, en #Xinzo de Limia, protestan con una cacerolada por la alta concentración de alumnos en dos aulas del centro educativo. Imágenes de Miguel Villar.

 

E unhas fotos desta acción feitas por Eva (ANPA). Graciñas.

 

 

Día Mundial do Corazón

   O Día Mundial do Corazón celébrase cada ano o 29 de setembro, e faise desde que no ano 2.000 a Federación Mundial do Corazón, co apoio da Organización Mundial da Saúde (OMS) designase este día, co obxectivo de concienciar sobre as enfermidades cardiovasculares, a súa prevención, control e tratamento.

    As enfermidades cardiovasculares son a primeira causa de morte no mundo. Os infartos de miocardio e accidentes cerebro vasculares cóbranse máis de 17 millóns de vidas ao ano. E estímase que a cifra ascenderá a 23 millóns para o ano 2030. 

    Unha gran proporción destas mortes podería evitarse cunha alimentación saudable que reduza o consumo de sal, con exercicio físico e evitando o consumo de tabaco. 

   Como coidar o teu corazón? A OMS pretende convencer ás persoas en todo o mundo de que se pode facer un cambio positivo e coidar o teu corazón e o dos teus seres queridos, cun compromiso para a nosa saúde.  

   Algunhas das cousas que podes facer para coidar o teu corazón son:

- Cociñar e comer san: dieta mediterránea evitando o consumo de graxas saturadas e aumentando a inxesta de omega 3 e peixe.

- Facer exercicio físico, polo menos media hora diaria. 

- Limitar o consumo de substancias prexudiciais como o sal, o tabaco ou o alcol. 

-  Controla o colesterol. 

- Controla o teu peso. A obesidade é un risco cardiovascular importante.

 

 https://www.diainternacionalde.com/ficha/dia-mundial-corazon

 

Día Europeo das Linguas

 

Onte 26 de setembro, foi o Día Europeo das Linguas; creado polo Consello de Europa para promover a diversidade lingüística. 

Celebrámolo compartindo con vós este fermoso poema de Antón Cortizas, titulado "Tamaño", do seu poemario Anatomía da lingua.

 

"É tan grande esta miña

pequena e humilde lingua

que nunca chegarei

a pronunciala enteira" 

 

http://www.nova-escola-galega.org/ 

 

 

ABRAZO ó ROSALÍA E "CACEROLADA": LUNS 28 ÁS OITO DA TARDE: CONTAMOS CONTIGO!

   De novo este vindeiro LUNS, 28, ás 20h IMOS RODEAR O COLEXIO POR SE AÍNDA NON SE ENTERARON QUE TEMOS O MELLOR DENTRO E QUE NOS IMPORTAN AS NENAS E OS NENOS.

 

   E faremos unha "cacerolada" para visibilizar a nosa protesta colectiva ante a decisión que manteñen de termos 2 aulas con 25 e 24 nenas/os cando o curso anterioo tiñamos 3 con 17, 16 e 16. E sen pandemia. E outros niveis tamén con 24 e 23 alumn@s por aula. 

   E seguimos lendo, escoitando que a Consellería contratou 2.000 profesores para novas incorporacións (240 para infantil e primaria) e resulta que aquí quitáronnos un. E o publico en xeral acaba coa idea de que si, que se mira pola educación, porque os medios contan o que poder quere que conten. 

E resulta que a realidade é outra. E a realidade é a que ten a razón.

Mantemos a nosa protesta porque o primeiro é a saúde, porque queremos poder dar unha atención de calidade, porque non podemos permitirlles que nos ninguneen desta maneira, porque non podemos consentir que sobre todo ó alumnado que máis o necesita non se lle posibilite unha atención que o curso pasado tiña. E loitamos polo cambio que queremos ver. Sabendo que o partido non acaba ata que acaba.

 

Así o recolleu o Dende a Limia:

https://www.dendealimia.com/articulo/xinzo-de-limia/ceip-rosalia-castro-convoca-cidadania-xinzo-cacerolada/

Que é GaliciaLe?

---

GaliciaLe é a plataforma de préstamo de libros, revistas, audiolibros e películas en formato electrónico das bibliotecas públicas galegas que ten por obxectivo facilitar o acceso de toda a cidadanía á cultura.

GaliciaLe proporciona un servizo de préstamo temporal de obras en formato dixital de temáticas diversas no que os intereses de todas as persoas lectoras terán o seu espazo (ficción, informática, historia, ocio etc.) e todas as idades o seu lugar.

En GaliciaLe o lector atopará dous catálogos: un que contén o “Catálogo galego” e outro que aloxa o “Catálogo en castelán”. As obras incluídas nestas dúas contornas poderán lerse e visionarse en dispositivos compatibles: tabletas, teléfonos móbiles e ordenadores persoais. No caso dos libros, poderá facelo, ademáis, desde un lector de libro electrónico.

 GALICIA LE

A plataforma de préstamo de obras en formato electrónico das bibliotecas públicas galegas

·      QUE É?

·      QUE PRECISAS?

·      COMO LER?

·      COMO VER UNHA PELÍCULA?

 

      itorial

Titorial

Se xa es socio/a dunha das bibliotecas da Rede de Bibliotecas Públicas de Galicia, soamente precisas introducir o usuario e contrasinal que che facilitaron na túa biblioteca.

Se esqueciches o teu contrasinal, preme aquí

Se desexas cambiar o teu contrasinal, preme aquí

Se non dispós de credenciais para acceder a GaliciaLe ou non as coñeces, podes solicitalas na túa biblioteca.

Se aínda non tes carné ou o que tés xa non está en vigor, diríxete a unha das bibliotecas da Rede de Bibliotecas Públicas de Galicia para obter a túa tarxeta de lector/a. Alí tramitarán o teu rexistro en GaliciaLe.

Unha vez rexistrado/a, e coas túas claves, xa podes acceder ao préstamo de obras en formato electrónico en galego ou en castelán premendo na icona correspondente.

Abrazamos o Rosalía: aprendemos a responsabilidade en comunidade

Aprendemos de Paulo Freire que " a realidade pode ser modificada cando as persoas descubrimos que é modificable e que podemos facelo." 

Aprendemos a pedagoxía da esperanza, de soños posibles, inéditos viables como a el lle gustaba chamar á utopía.

Aprendemos que a noción de educador/a non debe ser restrinxida ó profesorado; inclúe a todos os axentes educativos.

E hoxe familias da vila (crianzas, nais e pais, avoas e avós), dos pobos de Xinzo, de Trasmiras... Profesorado do Ceip Rosalía e doutros centros, representantes da Corporación Municipal e veciñanza en xeral fixemos realidade que sexamos considerados unha "vila educadora" (no camiño das cidades educadoras do admirado Tonucci); se facemos que "todo" sexa responsabilidade de "tod@s" o proceso educativo será máis efectivo, porque nos coloca a educadores e educandos, na mesma liña do proceso, sendo este recíproco; xa que non hai educandos e educadores por separado: hai "educadores-educandos" e "educandos-educadores".

Moitísimas grazas. Leccións que se aprenden na rúa.

E dous enlaces a Dende a Limia que recolleu así este acontecemento. Moitas grazas. Tamén estaba algún corresponsal de La Región e La Voz de Galicia. Isto é o que atopamos na Región ó día seguinte:

 https://www.dendealimia.com/articulo/xinzo-de-limia/os-limians/

SEGUEN A REIVINDICAR A NECESIDADE DE LOITAR POR UNHA EDUCACIÓN DIGNA E BASEADA NA GARDA DA SAÚDE

Os limiáns, convocados esta tarde a "abrazar" as peticións do CEIP Rosalía de Castro diante do centro

A ANPA do centro educativo anima a todos os veciños da Limia a unirse ás súas protestas diante do CEIP Rosalía de Castro este luns 21 de setembro ás 20:30 horas. 

https://www.dendealimia.com/articulo/xinzo-de-limia/mais-150-persoas-abrazaron-ao-ceip-rosalia-castro/

A CONVOCATORIA REMATOU CUN SONORO E REIVINDICATIVO APLAUSO DOS PRESENTES

Máis de 150 persoas “abrazaron” ao CEIP Rosalía de Castro reclamando a praza do mestre que lle quitaron

Mestres, nais e pais seguirán convocando á cidadanía para que Educación recúe e manteña o mestre de Primaria co que xa non contaron ao comezar o curso. 

Xeografías lectoras na biblioteca escolar.

 

 A Consellería de Cultura, Educación e Universidade publica o lema e o cartel para as bibliotecas escolares de Galicia de cara a este curso 2020/2021. O lema elixido, XEOGRAFÍAS LECTORAS NA BIBLIOTECA ESCOLAR, quere  poñer o foco nas posibilidades que ofrece a biblioteca escolar para a construción da persoa lectora a través das distintas actividades que programa e dos recursos que pon a disposición da comunidade educativa. 

Cada libro que o alumnado ten a oportunidade de ler é unha ocasión para ampliar a súa imaxinación e aumentar os seus coñecementos, de aí a importancia da selección de lecturas que se pon ao seu alcance. A ilustradora encargada este ano de interpretar o lema elixido foi Bea Lema, quen nos ofrece unha imaxe evocadora deses mundos imaxinarios que a lectura pode axudar a visitar e construír.

En tempos confusos como os que estamos a vivir cómpre volver ás orixes, ao fundamental: a lectura e toda a súa potencialidade, sen esquecer outras oportunidades da biblioteca escolar para unha formación integral do alumnado. Atravesar o mapa da lectura pode facerse desde distintas ópticas, comezar a viaxe desde distintos portos:

- Pescudar nas lecturas que convidan a viaxar, a explorar, a investigar. Lecturas que nos permiten chegar lonxe sen movernos da escola (ou da casa). Lecturas que axudan a incentivar o inconformismo, a necesidade de coñecer outros mundos, de ampliar a nosa visión, de "ler o mundo". 

- Configurar o itinerario  lector como punto de partida da nosa xeografía lectora.

- Debuxar o mapa das nosas curiosidades, exploracións e descubrimentos a través das lecturas.  Descubrir as relacións entre identidade e lectura.

- Observar o modo en que cambiou a nosa xeografía lectora durante o período de confinamento (os nosos hábitos, as nosas lecturas...).

- Saber que somos os nosos propios cartógrafos, os que organizamos o noso espazo lector (e o noso "liberespazo", o sistema de lecturas que imos creando ao longo da vida).

- Observar o noso corpo como un mapa de coñecemento, achegarnos á práctica da lectura a través do propio corpo. Descubir a capacidade reparadora da lectura. 

- Deixarse levar polas relacións entre cartografía e literatura,  que convidan á aventura (debuxar espazos peritextuais, con mapas e planos que crean expectativas e acompañan na aventura lectora, debuxar mapas que representan mundos coñecidos e mundos imaxinarios, relacionar as nosas lecturas a través de "constelacións literarias", en función da temática, os personaxes...).

https://www.edu.xunta.gal/biblioteca/blog/?q=node/1360

LUNS 21 ÁS OITO E MEDIA DA TARDE: ABRAZO Ó CEIP ROSALÍA. ESPERÁMOSTE!

LUNS, 21 ás 20.30h IMOS RODEAR O COLEXIO POR SE AÍNDA NON SE ENTERARON QUE TEMOS O MELLOR DENTRO E QUE NOS IMPORTAN AS NENAS E OS NENOS  

 Levamos desde a primeira semana de setembro saíndo todos os días ás 12h. uns cinco minutos simbólicos para facer visible o noso rexeitamento a unha decisión, entendemos que mal tomada, dadas as circunstancias coas que estamos convivindo polo covid. Decisión de non volver habilitar unha praza que tiñamos o curso pasado e obrigarnos así a ter que xuntar en dúas aulas de 25 e 24 o alumnado que estaba en tres con 17, 16 e 16. 

 Uns días máis xente e outros menos pero todos os días representación de pais (ANPA), profesorado, corporación municipal e veciñanza. E como parece que aínda non se enteraron os responsables de tal atentado xa non só contra unha educación que merecemos senón e tamén contra a nosa saúde, este pasado venres acordamos citar a todas as familias e veciñanza o luns ás 8.30 da tarde a rodear o colexio, sempre gardando a distancia de seguridade (que non podemos gardar nalgunhas aulas porque temos 23, 24 e 25 alumnos/as).

Así que recollendo o símil do abrazo ó río Limia que dende hai máis dunha década vimos facendo tanto aquí como en Ponte da Lima imos abrazar o CEIP Rosalía de Castro para ver se desta se enteran; parece ser que só teñen repercusión as fotos con moita xente e que esteamos só 10, 20 ou 50 non é impactante. 

Animamos pois a todas as persoas de ben, que entenden que a loita non é só para as familias afectadas por este agrupamento; é para toda a comunidade educativa e diría máis é para todas a vila, teñen ou non hoxe fillos/as no Rosalía. Como moi ben recolle un dito africano "fai falla todo un pobo para educar un neno/a."    

Espazos educativos ó aire libre: nun recuncho do patio

 

Hoxe tocoulle ó grupo de Valores de 1ºA  dedicar un tempo a botarlle a comida ás galiñas, poliños, coellos; así que esnaquizaron anacos de pan que sobrara do comedor e atentamente llos procuraban á fauna que temos neste espazo reconvertido despois de quitar de aquí hai anos o antigo depósito de gas. 

Tamén na horta probamos os physalis (tomates peruanos ou faroliños chinos que dicimos cando non nos lembramos do seu nome), buscamos algún amorodo (que seguimos tendo) e comprobamos os tomates que temos, así como as outras verduras (verza, apio, remolacha, pementeiras, berenxenas...); sen esquecer o ben que distinguimos algunhas plantas aromáticas (romeu, lavanda, etc.) 

Axenda escolar da ANPA para todo o alumnado e profesorado

 Este curso o ANPA do noso Ceip posibilitou que todos contemos cunha axenda escolar; é un proxecto que xurdiu -din na cantraportada- da irmandade coa asociación Limisi e en colaboración co CIM (Centro de Información á Muller, Concello de Xinzo) e o CIX (Centro de Información Xuvenil da Limia promovido polo CDR O Viso).

Para que todas as nenas e o nenos teñan presente no dia a día a igualdade entre homes e mulleres; unha invitación para a reflexión persoal e a creación de espazos libres de sexismo e desigualdades a causa do xénero.

Parabéns pola iniciativa. Retómase así algo que, sen este enfoque específico sobre a igualdade, comezara a facer o CIX para todos os centros de ensino da comarca. hai xa moitos anos. Velaquí a portada da do curso 2003/4 que atopei aínda por aquí.

 

Celebramos as boas novas do IES e lembramos que nós seguimos reivindicando

 Se hai dous días traiamos ó noso blog o escrito e a imaxe do IES Cidade de Antioquía hoxe celebramos con eles a consecución dos tres profesores que demandaban para poder iniciar o curso cumprindo coas garantías que esixe o protocolo covid.

IES CIDADE DE ANTIOQUIA

NOVAS INICIO DE CURSO

A consellería de educación ven de concedernos no día de onte os 3 profesores/as que demandábamos para poder iniciar e desenvolver o curso cumplindo coas garantías que esixe o protocolo covid para os centros educativos.

Todo o persoal do centro está a traballarna organización do inicio de curso, para que ésta se leve a cabo nas datas previstas e nasmellorescondicións posibles.

Queremos darlle as grazas a todas as persoas que botaron unhaman para que istotivese repercusión e chegase a bo fin.

A páxina web do centro estará en constante actualización para dar conta de todas as novidades que se produzan.

Xinzo de Limia 16 de setembro de 2020

E lembramos que nós seguimos concentrándonos todos os días lectivos á porta do Ceip membros do Claustro, da Corporación Municipal, da ANPA, familias e veciñanza. E chamando á xefatura Territorial para facilitarlle achegarnos a boa nova que agardamos. 

Testimoniando que se de verdade queremos lograr algo temos que loitar por conseguilo. Tamén é educativo aprenderlle ó noso alumnado o enfrontarmos a realidade confiando nos logros dos nosos esforzos, poñendo da nosa parte cada un o que poida porque polo xeral "loita quen ten conciencia, non quen máis o necesita".

No centenario de Mario Benedetti non nos rendemos

 Por suposto que non

E sumámonos ás accións do IES Cidade de Antioquía e agradecemos á Corporación Municipal o seu apoio acudindo algúns representantes e mesmo avisando e pedindo disculpas cando non poden achegarse. Entre tod@s podémolo conseguir.

 Biblioteca-Cidade-de-Antioquía

Concello Xinzo de Limia

Esta mañá, a alcaldesa de Xinzo, Elvira Lama, e os concelleiros Amador Díaz, Rafa Penabad, Manuel Pérez, Antonio Fernández e Luis Miguel Gil visitaron o IES Cidade de Antioquía. Tamén os acompañou a alcaldesa de Porqueira, Susana Vázquez.

Ao ramate da visita, Elvira Lama, Amador Díaz e Rafa Penabad desprazáronse ata o colexio Rosalía de Castro para sumarse á concentración diaria que mantén o profesorado e a Anpa.