Quen non probou o mel, non sabe o que é ben!!

... E o noso alumnado de primeiro e segundo de EP tiveron hoxe a oportunidade de probar o rico néctar feito polas artesás das flores!!

Da man do  Consello Regulador da Indicación Xeográfica Protexida Mel de Galicia, a través do seu programa "O doce mundo do mel de Galicia", os nos@s nen@s foron quen de coñecer todos os secretos que rodean o fascinante mundo da producción e recolección deste rico e saudable nutriente. E para rematar puideron levar ás súas casas un tarriño de riquísimo mel feito en Galicia... Que máis se pode pedir!!

Fotografías de Sonia Yañez

"O traballo en grupo é esencial para acadar a victoria" Carlos Canal Blanco.

Como é un día de entrenamento? Como te coidas física e mentalmente? A que che gustaría dedicarte de non se ciclista? Que recordas da túa primeira bici? Como te sintes levando a Xinzo e a Galicia polo mundo?

Estas e outras moitas preguntas foron as que o noso alumnado de terceiro e cuarto de EP lle fixeron  a Carlos Canal Blanco,  rosaliano dos pés á cabeza e ciclista profesional do equipo EUSKALTEL-EUSKADI (UCI PRO TEAM), que xa ten participado, a pesar da súa xuventude, en La Vuelta Ciclista a España, en a Volta Ciclista a Catalunya, no Gran Camiño (Volta Ciclista a Galicia) e en innumerables competicións e probas clásicas nacionais e internacionais onde xa ten acadado brillantes resultados.

Hoxe tivemos a gran sorte de poder contar con Carlos no noso cole e el foi o encargado de contestar a todas as cuestións propostas polas nosas nenas e nenos cun gran agarimo e complicidade con tod@s el@s. 

Ademáis, contoulles unha gran cantidade de curiosidades que están ao redor do ciclismo profesional. Díxolles que  a ciencia xoga un papel fundamental no seu deporte, dende o deseño das propias bicicletas ata o tipo de alimentación que levaban, entre outras moitas cousas.

Comentou que o "grupo" era esencial para acadar a victoria, que a victoria dun membro do equipo era a de todos. Tanto é así, que os premios económicos logrados por cada compeñente do seu equipo repártense entre todos eles.

Carlos é, sen dúbida, un claro exemplo do triunfo do esforzo e do empeño naqueles retos cos que podemos soñar. Que o traballo e a dedicación ao que a un máis lle gusta sempre ten como resultado acadar as metas que nos propoñamos. 

E para nós é un orgullo poder pensar que o seu paso polo noso cole contribuiu dalgún xeito á súa exitosa carreira como ciclista profesional,  pero sobre todo, a ser a excelente persoa que hoxe é! 

Moitas grazas, Carlos, pola túa visita e por compartir estes momentos con tod@s nós!

"Pés, para que vos quero, se teño ás para voar."

Frida Kahlo (1907-1954), soada pintora mexicana que se revelou contra os prexuízos sexistas, escribiu esta cita no seu diario persoal en 1953, un ano antes da súa morte, para reivindicar a liberdade.

Nós, dende a Biblioteca Escolar e dende o noso cole, pretendemos inculcar no noso alumnado de todas as idades, eses valores polos que Kalho, entre outras moitísimas mulleres de tempos pasados e de tempos actuais loitaron e loitan día a día para conseguir que non só o Día Internacional da Muller, que ten lugar cada 8 de marzo, sexa unha data de conmemoración da loita  polos seus dereitos e a igualdade de oportunidades dentro da sociedade, se non que cada día do ano poidamos vivir os valores do #8M.

Propoñemos ao longo de toda esta semana dentro do noso espazo creativo distintas actividades, pilotadas polo Equipo de Dinamización da BE e @s nos@s axundantes, para traballar todo o relacionado con esta conmemoración.

'As Sinsombrero': o maldito exilio interior das mulleres da Xeración do 27

Quen foi a primeira ‘sinsombrerista’? 

Así se denominaba Maruja Mallo (nada como Ana María Gómez González en Viveiro, Lugo un 5 de xaneiro de 1902 e falecida en Madrid o 6 de febreiro de 1995, foi unha pintora surrealista española.​ Está considerada como artista da Xeración do 27 dentro da denominada vangarda interior española).

Maruja, admirada por Andy Warhol, foi xunto coas súas compañeiras de xeración as grandes olvidadas das nosas artes nos principios do século XX. Esta denominación de "Sinsombrero" foi acuñada por Ramón Gómez da Serna que ía por toda España reivindicando que @s intelectuais se quitasen o chapeu para que deixasen voar as súas ideas.

https://www.elconfidencial.com/cultura/2017-03-08/sinsombrero-generacion27-dia-mujer-trabajadora_1343399/

Se queres saber máis sobre estas grandes mulleres, esquecidas na súa grande maioría, podes consultar estes enlaces:

As Sensombreiro: Sala de fuga dixital e máis.

Unha sala de fuga para escapar... do anonimato.

CONCURSO DE POESÍA ESCOLAR: AUGA EN VERSOS

Xa estamos no mes de marzo! Un mes cargadillo de celebracións importantes: 8 de Marzo, Semana da Prensa, Día da Poesía, Día do Libro... Para comezar, invitamos ao noso alumnado de Primaria e  Infantil a participar nun concurso de poesía coa temática da auga, como non podía ser menos neste curso ( PDI). 

O ALUMNADO DE INFANTIL PODE PLANTEXAR PROPOSTAS CREATIVAS QUE XOGUEN CON PALABRAS QUE RIMEN.

O día límite para entregar os vosos traballos é o 21 de marzo ( día da poesía).

A volta das vacacións da segunda avaliación entregaremos agasallos os premiados en cada ciclo e, na semana do libro,  invitaremosvos a que recitedes os vosos poemas na Biblioteca para que poidan pasar os vosos compañeiros e compañeiras a escoitalos. Xa vos informaremos do día concreto e quendas desta parte da actividade.

No cartel tedes máis información. Grazas pola vosa participación!

#SomosUnColeDeArtistas

Como verían Frida Kahlo, Andy Wharhol, Yayoi Kusama, Roy Linchtenstein, Romero Britto, Pauline Boty, Sir Peter Blake, o Equipo Crónica ou Keith Haring á nosa benquerida Rosalía de Castro?

Todos estes artistas do seculo XX, pertencentes na súa gran maioría ao movemento Pop Art, teñen unha pegada especial que sempre deixan nas súas obras.

O noso alumnado, como #ColeDeArtistas que somos, quixo tamén recrear na súas creacións os sinais de identidade de todos os artistas que citamos anteriormente. 

O resultado non puido ser máis espectacular nesta conmemoración do #DíaDeRosalía2023 !!!

"Cantarte hei, Galicia, na lengua gallega, consolo dos males, alivio das penas." (Rosalía de Castro, Cantares gallegos, 1863)

ECO-RETOS VOZ NATURA: #RetoPlantamos

Continuamos con esta actividade, posta en marcha na pasada edición, co obxectivo de seguir impulsando a acción e concienciación ambiental.

Como?

É moi sinxelo. Só tedes que mostrarnos en redes sociais o que estades a facer polo medio ambiente… Que é moito!

Cada mes, propoñerémosvos un eco-reto para realizar accións de recuperación ou defensa  ambiental no cole, en casa, con amigos, etc.

 

Cando o consigades, sacades unha foto ou facedes un vídeo cortito (menos dun minuto) e subídelo a Facebook ou a Instagram, engadindo o  hashtag  #AccionVozNatura e o  hashtag de cada mes.

E... Non vos esquezades de  etiquetar cada foto ou vídeo con: @voznatura para que podamos ver todo o que publicades! 

No mes de marzo, o reto é: Plantamos para protexer os nosos ecosistemas, reducir o cambio climático e frear o deterioro do planeta. Hashtag: #RetoPlantamos

É dicir, ás fotos ou vídeos dos retos que subades ao longo deste mes de febreiro, debedes engadir: #AccionVozNatura, #RetoPlantamos (ademais de  etiquetarnos con: @voznatura).

Animádevos a participar!!! Podedes etiquetarnos a nós tamén #acharcadoslibros

https://www.voznatura.com/articulo-de-actividad-2576-ECO-RETOS-VOZ-NATURA&idioma=Galego

“Se morre a abella raíña, ao ser humano quédanlle 4 horas de vida.” (A. Einstein)

O alumnado de 3º, 4º, 5º e 6º de EP tivemos a sorte de poder achegarnos, a través de Nico, a un mundo interesantísimo relacionado coa vida das abellas na colmea e fóra dela.

Comprendemos a importancia das abellas como un insecto doméstico que en explotacións axuda  a que as persoas se beneficien de produtos coma o pole, o mel e a cera, entre outros.

Mediante unha “colmea de observación” vimos en vivo e en directo como as abellas coidaban da raíña, como estaban situados nas celas os ovos e larvas da raíña e como estaban parceladas as celas na colmea de modo que a xelea real e o mel ocupaban o seu lugar.

Puidemos facer o centrifugado do mel e  probar unha “degustación” de pole e mel , dous produtos moi apreciados polas súas calidades excepcionais para unha alimentación sa e saudable.

Os grupos d@s máis maiores tamén foron quen de elaborar un fermosa candea coa cera que tamén obtemos dos panais.

En resumo, mediante unha exposición na que comezou Nico cunha representación teatral divertida e amena achegounos ao mundo da apicultura, dos abelleiros e dos meleiros. Concienciounos da importancia que teñen as abellas na polinización das especies vexetais, ata o 95% dependen delas. Ensinounos a apreciar e a coidarnos con produtos naturais creados por estes marabillosos insectos e ata fixemos unha candea coa cera producida na colmea. Todo un “proceso natural” sorprendente!

Desfile Entroido 2023

Vendo o resultado final... Pouco que engadir! Unha mañá chea de colorido e de ganas de pasalo ben despois de moitas semanas de duro traballo! 

Dar as grazas a @Pepe Nocelojar, a Hugo García e a Noemí Anta polas súas marabillosas fotografías!!!

Grazas a a todos @s que formamos parte da  Comunidade Educativa do CEIP Rosalía de Castro,  o desfile de Entroido deste ano resultou simplemente... espectacular!

Xornada de Bibliotecas Creativas

Assistimos á Xornada de Bibliotecas Creativas , celebrada este venres, 10 de febeiro de 2023 na EGAP de Santiago de Compostela.

A Consellería de Educación puxo en marcha este programa no curso 2015/2016 dun xeito experimental, xa que consideraba que "As bibliotecas en xeral, tamén as escolares, están a vivir importantes transformacións e unha das máis importantes e a de acoller todo tipo de actividades nas que as persoas usuarias (neste caso, alumnado, profesorado e familias) poden atoparse para pensar, deseñar, facer, construír e aprender xuntas, na liña dos makerspaces ou dos laboratorios de ideas.

Na actualidade, as bibliotecas escolares contemplan todo tipo de linguaxes (oral, escrito, icónico, audiovisual, artístico...) e posibilitan ao alumnado múltiples oportunidades de aprendizaxe, de expresión e de creación. Neste contexto de alfabetización múltiple encádrase a presente iniciativa, destinada a introducir nas bibliotecas escolares unha nova linguaxe, a linguaxe de programación, e impulsar a utilización de pequenos robots en actividades destinadas a mellorar a comunicación lingüística do alumnado, a expresión oral, a creatividade, o traballo colaborativo, a investigación, a aprendizaxe manipulativa e o xogo. " (https://www.edu.xunta.gal/biblioteca/blog/?q=node/852)

Todas estas premisas teñen evolucionado moito, convertendo este programa en un dos máis punteiros a nivel de Innovación Educativa da Asesoría das Bibliotecas Escolares, conseguindo que o noso centro se unira a el no curso 2018/2019, na segunda das súas convocatorias "oficiais", sendo un dos pioneiros na provincia de Ourense.

Estas Xornadas sempre son un punto de encontro, onde aprender uns dos outros e tomar contacto coas experinecias máis innovadoras que a nivel nacional e internacional podemos atopar no campo de traballo da introducción das novas linguaxes de aprendizaxe para o noso alumnado. 

Contamos este ano con Arantza Mariskal, que se desenrola a súa actividade no Medialab  de Tabakalera de San Sebastián , que  un centro para a creación artística e cultural, para promover o pensamento crítico e para facilitar o acceso e o goce da cultura. Na súa conferencia "Biblioteca de creación e laboratorios cidadáns" , relatounos todas as actividade que alí levan a cabo e que moitas delas son trasladables ao noso centro.

Moi interesante foi o "Obradoiro de Narrativa transmedia" de Lucas Ramada Prieto, que é investigador e doutor internacional especializado en estética da ficción dixital infantil e xuvenil e a súa relación coa educación artística e literaria dos nenos, nenas e novas. Dedícase principalmente á formación de docentes, bibliotecarioa e mediadoras culturais para integrar esta forma de arte dentro das súas prácticas profesionais ademais de divulgar o seu coñecemento na primeira canle de Instagram en español dedicado a este tema: Esto no va de libros  (https://gretel.cat/miembros/lucas-ramada/?lang=es)

Con el "limos" a aventura dun pato que atopa o seu "Doppelganger" e entendimos que é a "metalepsis" como estratexia de representación narrativa... Pero sobre todo... Pasamos unha hora e media estupenda e moi divertida vendo os 16 finais que ten a historia que el nos propuxo!! É un canditato para visitar o noso cole próximamente e traballar co noso alumnado e profesorado!!

E para rematar tamén observamos o bo facer de dous centros de Pontevedra e A Coruña, que teñen unha ampla experiencia neste traballo de introducir novas estratexias e linguaxes no global do seu quefacer didáctico e que marcan as pautas de por onde debe ir o rol da Biblioteca nos centros educativos. Sen dúbida o CEIP Plurilingüe de Outes e o CEIP de A Lama serán o destino das visitas que imos facer a outros coles para aprender todo o que poidamos deles!

Limuhe, a Dama da Lagoa de Antela

O pasado xoves, 8 de febreiro, tivemos a grande honra de contar coa presenza no noso cole de Xoxé Lois Carreira, escultor limiao de Parada de Ribeira e pai de tres fill@s rosalian@s!!!

Xosé Lois é o autor, entre outras moitísimas obras famosas en toda Galicia, da escultura da Dama da Lagoa que preside dende fai pouco a entrada á nosa vila, unha peza de case sete metros de altura e 75 toneladas de peso, feita en granito.

O motivo da visita de Xosé ten relación co traxe de Entroido escollido polo alumnado de sexto de Educación Infantil, e todo o traballo que levan feito ao redor deste personaxe, a súa lenda e de como o escultor foi quen de plasmar todo iso na súa magnífica obra.

O artista ensinounos os bosquexos da escultura, os pasos que deu ata chegar ao resultado final, as ferramentas que empregou e un montón de historias máis que atraparon a atención do noso alumnado dun xeito inaudito. 

Unha experiencia inesquecible para esta xente miúda de cinco anos!! 

Moitas grazas, Xosé Lois, por compartir con nós o grandísimo artista que es e por tratar ao noso alumnado con tanto agarimo!!!

Sentimento... Tradición... Respecto!!!

Hoxe estiveron con nós no noso centro Carlos e Leticia, da Asociación Cultural "A Pantalla"

Esta asociación naceu en Xinzo de Limia no Entroido do ano 1996. A súa finalidade é a protección, promoción e difusión do noso símbolo de identidade cultural máis significativo, a Pantalla.

Despois de moitos anos traballando duramente, a Asociación Cultural A Pantalla comeza en abril do 2017 un novo rumbo.

Renóvase a directiva realzando de novo o labor da asociación, ampliando o número de socias e socios e reconducindo unha vez máis o traballo para acadar os obxectivos xa mencionados e ampliando os campos de actuación.

Este novo período que vive a asociación está cargado de actividades e novas iniciativas, que se desenvolven en diferentes campos e ámbitos de traballo, para chegar a trasmitir a verdadeira esencia de ese Entroido máxico e tradicional que herdamos dos nosos antepasados.

Recollendo palabras de Castelao: "A verdadeira tradición non emana do pasado, non está no presente, nin se alvisca no porvir; non é serva do tempo. A tradición é a alma eterna de Galicia, que vive no instinto popular e nas entrañas graníticas do noso chan. A tradición non é a historia. A tradición é a eternidade e revélase no idioma, no espírito, na cultura, na arte , no xeito de vivir e pensar". (http://apantalla.gal/)

O alumnado de terceiro e cuarto contaron tamén coa participación de Anxo, de quinto de Educación Primaria, que ensinou @s seus compañeir@s o xeito perfecto de como vestir o noso traxe por excelencia para o Entroido!

Unha gran rolda de preguntas puxo fin á exposición que Carlos e Leticia fixeron, aos que non nos queda máis que agradecer poder contar con el@s un ano máis. Que comece a festa! Que empece o tempo de Entroido! #unsentimento

Corren coma galgos!!!

O pasado xoves, 26 de xaneiro, o noso centro tomou parte no Campionato Comarcal  da Limia de Campo a Través  nas instalacións do Hipódromo de Antela no concello de Sandiás..

Máis de trinta nenas e nenos de distintas idades participaron nesta xornada englobada no calendario do programa XOGADE da Secretaría Xeral para o Deporte da Xunta de Galicia.

Alumnado de distintos centros da comarca conviviron nesta xornada de deporte escolar, favorecendo así os moitos vaores que a actividade física trae consigo. 

Independentemente dos resultados acadados, podemos concluir que foi unha xornada única que est@s nos@s deportistas tardarán en esquecer!!

Oliñas veñen... e van!

Hoxe, a alumnado do comedor escolar celebrou o "Domingo Oleiro" con algo de retraso... 

Todos as nenas e os nenos gozaron desta data tan especial ... non sen algo de risco!! Pero... tranquilidade! As olas d@s máis pequenos eran totalmente... Irrompibles!!

Moitas grazas ás mamás colaboradoras do comedor escolar por facer posible estes momentos dificilmente inesquecibles!! #unsentimento

Tod@s botamos unha man!

 Estes derradeiros luns, todas as familias do alumnado de Educación Infantil botaron unha man (móis ben as dúas!) para colaborar coas mestras das súas fillas e fillos en confeccionar os disfraces que levarán con moito "porte" o vindeiro 17 de febreiro no Desfile Infantil de Entroido que dará o "pistoletazo" de saída aos días grandes da nosa gran festa!

Queremos dar grazas infinitas a todas as mamás (e aos papás.... que algún tamén tivemos) por todo este tempo de costura, recorte, patroaxe, "brilli, brilli", ... e todas as técnicas de corte e confección que nestas xornadas se puxeron en práctica. Grazas de corazón!!

Xa non queda nada... O Entroido xa está "case" aquí !! #unsentimento

A RAG e PuntoGal convocan o VI Concurso de microrrelatos

A Real Academia Galega e PuntoGal manteñen aberto durante todo o mes de febreiro o prazo para participar no VI Concurso de microrrelatos que convocan conxuntamente. Ambas as institucións premiarán os nove mellores relatos de ata 200 palabras que se presenten nas categorías infantil (ata os 11 anos), xuvenil (de 12 a 17 anos) e de persoas adultas.

Todos os detalles da convocatoria poden consultarse na páxina web https://relatos.gal

Arrancamos as actividades do noso Entroido!!

Chegan os día grandes do Entroido á nosa vila e o noso cole empeza a "quentar motores". Desta volta o alumnado de terceiro de Ed. Primaria foron @s primeir@s en visitar o noso gran Museo do Entroido e coñecer da man de Carlos Martínez cada pequeno detalle que alí está plasmado, en todo o relacionado co ciclo máis longo desta Festa deI Interese Turístico Internacional e cos diferentes traxes que alí se expoñen, destacando dun xeito moi especial para nós, como non podía ser doutro xeito, o da nosa benquerida pantalla. Mañá de aprendizaxes diferentes, pero moi importantes para afondar no máis próximo que nos rodea!

Segunda xornada de traballo coa Fundación Inspiring Girls

Segundo a súa propia web (https://www.inspiring-girls.es/), "Inspiring Girls é unha fundación que persegue aumentar as aspiracións das novas e nenas poñéndoas en contacto con mulleres inspiradoras que lles sirvan de exemplo e referente.

Achegamos ás nenas á gran variedade de traballos e profesións que existen, de forma que se convenzan de que poden ser o que queiran ser.

E iso facémolo dunha maneira sinxela pero eficaz: conectamos ás nenas con mulleres inspiradoras, que comparten con elas as súas experiencias persoais e profesionais, e convértense nas referentes que non teñen. Traballamos con nenas porque sabemos que as nenas experimentan unha perda do 30% da súa confianza en si mesmas entre as idades de 8 a 14anos. E que un asombroso 67% das mozas cren que non teñen as mesmas oportunidades profesionais que os mozos.

Sabemos que o noso traballo xera un impacto positivo. Polas nosas investigacións levadas a cabo sobre máis de 300 nenas participantes nos nosos programas en 2020 comprobamos que as sesións inspiradoras de Inspiring Girls “amplían as mentes das nenas, reducen os estereotipos e disparan as súas expectativas de éxito”.

Desta volta o alumnado de terceiro de Ed. primaria contou coa visita a través dunha videoconferencia coa doutoura enxeñeira industrial e enxeñeira de telecomunicacións, Patricia Maestre Esteban, que actualmente desenrola a súa tarefa profesional na compañía internacional GMV empresa punteira no seu campo de traballo.

Patricia compartiu co noso alumnado a súa traxectoria profesional existosa, facendo fincapé en que todo o mundo, homes e mulleres, poden acadar os seus retos que lle parecesen máis inalcanzables a base de "talento, constancia e esforzo". O propio desafío, a curiosidade, as ganas de innovar e a pasión que lle poñamos no noso traballo serán os nosos únicos límites. Foron moitas as notas que tomaron de toda a información que ela lles transmitiu, o que demostra o grao de motivación e interese que o noso alumnado amosa por este tipo de actividades!

"O éxito é a suma dos esforzos de todos os días", remarcou a doutora Maestre na súa conversa co noso alumnado, converténdose para todos eles, e sobre todo elas, nun exemplo a seguir e a imitar.

Teatro na Biblio

Co gallo da conmemoración do Día das Bibliotecas Escolares un grupo de alumnas e alumnos de quinto de Primaria dirixidos pola súa titora María José Peaguda escribiu, ensaiou e puxo en escea esta magnífica peza teatral "Non me gustan os libros".

Foi tal o éxito da representación que aínda que estaban programadas unhas poucas sesións durante o mes de outubro, estas bravas actrices e actores tiveron que repetir  esta obra para  todos os cursos do cole, chegando ata o mes de decembro coas súas representacións. 

Sexa este unha pequena homenaxe  para todo ese grupo de alumnado e, en especial, para a súa directora María, que a partir deste mes de decembro pasa a gozar dunha máis que merecida xubilación despois de tanto e tan bo traballo con todos os seus grupos de alumnas e alumnos... Vai por ti,  María, esta derradeira posta en escea!!

Empoderamento feminino. Programa InspirinGirls 2023

 

Coñecemos un pouco mellor o noso barrio

O alumnado de primeiro de Ed. Primaria levou a cabo unha actividade centrada en coñcecer un pouco mellor o barrio do Polígono onde está o noso centro escolar. Mediante pistas e as súas lupas de espías tiñan que atopar os distintos edificios singulares que hai ao noso redor e facer un pequeno traballo de investigación sobre eles. Sen dúbida, unha mañá moi aproveitada e chea de aprendizaxes diferentes!!

Xornada do Deporte Escolar na Piscina Climatizada

Retomamos as xornadas de Deporte Escolar, desta volta coa competición de natación. Houbo tempo para a toma de tempos clasificatorios para o campionato zonal e tamén para un bo rato de diversión na auga. 

Moitas grazas á Concellería de Deportes do Concello de Xinzo de Limia e en especial ao persoal da Piscina Climatizada por todas as facilidades que nos deron para organizar esta xornada e polo exquisito trato recibido. Volvemos en xaneiro con máis deporte!!

3 de decembro: Día Internacional das Persoas con Discapacidade

O Día Internacional das Persoas con Discapacidade foi declarado en 1992 pola Asemblea Xeral das Nacións Unidas mediante a resolución 47/3. O obxectivo é promover os dereitos e o benestar das persoas con discapacidades en todos os ámbitos da sociedade e o desenvolvemento, así como concienciar sobre a súa situación en todos os aspectos da vida política, social, económica e cultural.

A inclusión de todo o noso alumnado é un dos sinais máis relevantes dentro do  Proxecto Educativo de Centro e levamos a cabo moitas actividades ao longo de todo o curso que así o proban. Neste 3 de decembro tivemos a grande sorte de contar entre nós con Lorena Quintas que explicou o seu proxecto Xogo de fíos ao noso alumnado de quinto de Primaria. Quedaron marabillados do seu traballo e de como todo é mundo é quen de desenvolver as súas facetas persoais e profesionais se así o propón.

Por outra banda, o alumnado de sexto de Primaria realizou unha actividade de integración á inversa c@s seus compañeir@s da aula específica na que están incluíd@s. Unha experiencia que para el@s non é nova pero que si foi diferente ao facelo "ao xeito inverso".

Neste vídeo podedes comprobar canto aproveitaron esta xornada e como seguimos tentando facer da inclusión un dos  nosos sinais de identidade como centro educativo!

#25N A historia das irmás Mirabal

Para pechar as actividades que levamos a cabo para conmemorar o #25N, o noso alumnado de sexto de Ed. Primaria visitou o Parque da Igualdade en Cachamuíña, organizado pola área de Igualdade da Deputación Provincial de Ourense, onde se brinda unha fermosísima homenaxe ás máis de 1.100 mulleres asasinadas desde 2003 en España e cuxos nomes figuran ao pé da escultura “O abrazo”, de Manuel Buciños.

Contamos coa presenza de Luz Doporto Real, Licenciada en Psicoloxía, Especialista en Educación Emocional e con amplos estudos e coñecementos sobre violencia de xénero e malos tratos. Da súa man, coñecimos as orixes de cando e  por que a ONU escolleu o 25N para conmemorar esta data, de cal é a razón para ter o a cor violeta como símbolo da loita en feminino, como recoñecer as condutas diarias que nos poden alertar para descubrir micromachismos e as súas terribles consecuencias e un montón de máis datos e situacións que o noso alumnado agora é quen de coñecer e facerlle fronte sen medo algún.

Repetiu Luz varias veces ao longo desta xornada que ela creía que está xeración que estamos a formar hoxe en día será a primeira que estará libre desta terrible lacra que é a violencia contra as mulleres. Con actividades tan divulgativas e interesantes como esta, estamos convencidos que ASÍ SERÁ !!

#NinUnhaMenos #25NContraAViolenciaMachista

A ÁRBORES DOS DESEXOS