Vexo, Veo Xacobeo 2023

" O camiño é o que nos ensina a mellor forma de chegar e enriquécenos mentres o estamos cruzando." Paulo Coelho - "El peregrino de Compostela"

Un ano máis, o noso alumnado de sexto curso de Educación Infantil participou no Programa Vexo Veo , Xacobeo dentro do Plan Proxecta do noso centro.

Este programa educativo multidisciplinar achega ao alumnado o significado e os valores do Camiño de Santiago e do Xacobeo e traballa, dende as primeiras etapas, estes conceptos que forman parte da súa contorna social e cultural e consta dun conxunto de actividades que mostran a riqueza do patrimonio cultural e  natural do Camiño de Santiago, e traballa os valores que o definen como son o esforzo, a solidariedade, a hospitalidade e o respecto das diferenzas.

Unha xornada de aprendizaxe na contorna do colexio, ao aire libre e traballando valores que son fundamentais no ideario do noso centro.