30/5/25

Saída á granxa

Dentro do proxecto Quen vive na Limia? centrado nos animais que viven na nosa contorna, o alumnado de catro anos aceptou a invitación de tres alumnas do nivel para visitar os seus animais.

Tivemos a sorte de visitar a granxa de porcos de Iria, onde puidemos ver ás nais e  aos porquiños. Tamén saudamos á sua cadeliña, demos de comer ao seu cabalo e recollimos os ovos das galiñas.

Despois visitamos cerca da Saínza as vacas de Nagore, e a súa “burrita Lolita”, que comeu moitas cenorias e deixou a quen quixo subir ao seu lombo.

De paso alimentamos tamén aos coellos e pitas da avoa de Carmen.

Foi unha mañá fantástica, na que tamén nos invitaron á merenda e nos coidaron tanto que sempre nos quedarán ganas de volver!


26/5/25

Creando lembranzas

"El mejor trabajo es el que se hace en equipo" Hernán Sabio 

O profesorado, as familias e o alumnado de Educación Infantil gozaron todos xuntos dunha xornada especial, chea de emocións e diversión. Os xogos, bailes e a creatividade foron unhas das actividades principais desta xornada onde o traballo en equipo e a convivencia foron os verdadeiros protagonistas. Uníronse as fortalezas de cada un para acadar unha  meta compartida: crear recordos inolvidables para os nosos cativos.

22/5/25

Contamos contos

 " Un buen libro no es aquel que piensa por ti, sino aquel que te hace pensar" James McCosh.

Hoxe algúns nenos e nenas de 6° de Educación Primaria visitaron a Escola Infantil para contarlles un conto aos máis cativos. A actividade resultou ser moi enriquecedora tanto para os máis grandes coma para os máis pequenos. Non soamente desfrutaron do conto, senón que tamén estiveron interaccionando entre eles, un momento que de seguro recordarán todos.



19/5/25

Las herramientas de Ruby para hacer amigos

"A verdadeira amizade resiste o tempo, a distancia e o silencio". Isabel Allende, escritora chilena.

Este luns Uxía, mamá de Ana, decidiu repetir experiencia como pisacharcas. Desta vez elixiron para nós o conto "Las herramientas de Ruby para hacer amigos". Narra a historia de Ruby e as dificultades que supón a chegada a unha nova escola á hora de facer amigos. Pero nesta aventura contará coa axuda dunhas ferramentas moi valiosas (unha cinta métrica, uns alicates e unhas gafas de seguridade) que lle valerán para canalizar sentimentos como a ansiedade, o medo e o nerviosismo. Un conto moi tenro que nos mantivo coa intriga ata o final. Grazas pola túa visita, Uxía!




9/5/25

El niño con la cabeza de flores

 "Los libros son el avión,el tren,el camino. Son el destino y el viaje. Son el hogar" Anna Qindelen, periodista estadounidense.

Kenia, mamá de Mauro de 6⁰ de Educación Infantil, repetiu experiecia como mamá pisacharcas. Nesta ocasión, o conto protagonista foi "El niño con la cabeza de flores", que trata sobre a importancia da amizade, a superación de obstáculos e que verdadeira beleza reside na bondade e nas cualidades das persoas máis alá das aparencias.




7/5/25

Ovos de conto

 " La creatividad es inventar, experimentar, crecer, correr riesgos, romper las reglas, cometer errores y divertirse" Mary Lou Cook

Durante esta xornada o alumnado de Educación Infantil realizou unha actividade proposta desde Bibliotecas Creativas. Da man de Electra Menéndez desfrutaron dun contacontos diferente e moi chamativo. Posteriormente realizaron unha actividade manipulativa na que crearon os seus propios OVOS DE CONTO.



6/5/25

Serafin, el pájaro que buscaba su melodía

"Un libro es un regalo que puedes abrir una y otra vez." Garrison Keillor, humorista estadounidense.

Hoxe os cativos e cativas de 6º de Educación Infantil puideron desfrutar dun conto da man de Laura, mamá de Marcos e nova pisacharcas do cole.

A través do conto Serafin, el pájaro que buscaba su melodía, os nenos e nenas interiorizaron a importancia dos aprendizaxes da vida cotidiana como algo fundamental para conformar a súa personalidade.




Adiós, soledad. ¡Hola, amor!

"Ser empático é ver o mundo cos ollos do outro, e non ver o noso mundo reflectido nos ollos del." Carl Rogers, sicólogo estadounidense.

Mercedes, mamá de Lola da aula de 5 anos A, quixo compartir con todos nós o conto "Adiós, soledad. ¡Hola, amor!".

A través desta lectura, e da man da pequena tartaruga Olivia, reflexionamos sobre a empatía, a capacidade de poñerse no lugar do próximo e o valor da verdadeira amizade. Grazas Mercedes por estas ensinanzas tan valiosas!!