Recomendacións de lecturas para este Nadal 2025

 

Sete (+1) Portas que se abren para o coñecemento

“Non é só unha biblioteca. É unha nave espacial que che levará aos puntos máis afastados do universo, unha máquina do tempo que che levará ao pasado afastado e ao afastado futuro, un mestre que sabe máis que ningún ser humano, un amigo que che divertirá e consolarache e sobre todo unha saída a unha vida mellor, máis feliz e máis útil” Isaac Asimov, divulgador ruso.

Nunha escola onde cada biblioteca é un portal ao infinito, comeza a viaxe. Sete gardiáns de mundos onde a lectura esperta o coraxe, acende a memoria e restaura a esperanza a quen se atreve a cruzalos. Cada porta abre a historias que cambiaron o mundo, historias que nos lembran que a liberdade é un dereito, nunca unha coincidencia.

Aquí resoan a voz de Malala, firme fronte ao silencio imposto. Aquí revisitamos a inocencia perdida en O neno cos pixamas raiados e sentimos os nosos corazóns latexar entre as páxinas do Diario de Ana Frank. Aquí lembramos que un simple xesto pode transformar un país, como fixo Salgueiro Maia, e preguntámonos, con emoción, avoa, onde estabas o 25 de abril?

É neste lugar onde descubrimos que cada neno ten dereitos, os Dereitos do Neno, e que coñecer estes dereitos é coñecer o propio futuro.

Aprendemos que Todos Somos Diferentes, e é nesta diferenza onde reside a forza do mundo, e celebramos o poder daqueles que abriron camiño, como as historias de vinte e cinco mulleres que cambiaron xeracións.

Tamén os soños habitan nestas portas: palabras que brillan no Dicionario de Palabras de Soño, maxia que se agocha no Caixón Máxico, sementes que medran en cada lector que descubre que ler é imaxinar o imposible.

E cando chega o frío do inverno... o Nadal estoura nas páxinas. Vémolo en Ese Nadal, oímolo en Cando cae a neve, sorrimos coa promesa de Papá Noel e recoñecemos que mesmo os corazóns máis duros poden aprender a amar. Porque, ao fin e ao cabo, o que permanece é a xenerosidade.

E entón lembramos a verdade máis grande: «O esencial é invisible aos ollos».

Pero o esencial está aquí. En cada porta que se abre. En cada libro que se colle. En cada lector que esperta.

Aquí, a lectura non só conta historias.

A lectura cambia todo. 

Texto orixinal elaborado polo Equipo Dinamizador da Biblioteca António Feijó de Ponte de Lima

Versión em galego - • https://youtu.be/6SaefYh91VE?si=3fGA8u4pXIt8Mb1d

English version - • https://youtu.be/ymZOTdLRD5A?si=uRFzgZhR-2XLeJqx

Derradeira reunión do Consello da Infancia no 2025

" A Educación é o pasaporte cara ao futuro, o mañá pertence a aqueles que se preparan para el no día de hoxe." Malcolm X, activisita estadouindense 

Este  luns reuniuse de novo o Consello da Infancia.

Comentamos a noticia que saíu na prensa sobre o premio recibido polo colexio.

Tamén puxemos en común as propostas de mellora das aulas e fixemos a foto de familia.

Acordamos analizar as propostas na próxima reunión que se celebrará en febreiro.

Comentamos a problemática do fútbol nos recreos e aportamos ideas para a celebración do día escolar  da non violencia e a Paz en xaneiro.

Estamos moi orgullosas do funcionamento deste órgano de participación do alumnado, a implicación é máxima e as ideas sempre son interesantes.

DÍAS DE PORTAS ABERTAS NA BIBLIOTECA ESCOLAR

 Dende o Ceip Rosalía de Castro, queremos convidar ás familias á xornada de portas abertas na que se exporán diferentes traballos promovidos pola Biblioteca Escolar. Os horarios para visitar a exposición serán o xoves 18 e venres 19 durante  os recreos, de 11:45 a 12:15, e de 14.00 ás 15:15.

Achegádevos á entrada da biblioteca a desfrutar dunha mostra dos traballos que fixeron os cursos de 2º e 4º de educación primaria no seo do programa "Cidadáns do Mundo" e outras manualidades nas que vos poderedes inspirar para decorar este Nadal.

Poderedes observar os fantásticos froitos resultado da convivencia e da
cooperación das familias co centro escolar a través das pontes que tende a biblioteca do cole. Mostraremos así o esforzo que da lugar a productos de aprendizaxe que vos deixarán abraiados. Agardamos a vosa visita á Charca dos libros!

Cosita linda

"Cada novo amigo que gañamos na carreira da vida perfecciónanos e enriquécenos máis aínda polo que de nós mesmos nos descobre, que polo que del mesmo nos da"

Miguel de Unamuno.

Hoxe traémosvos a un autor de álbumes moi recoñecido polas súas obras. Con pouco texto e grandes e expresivas ilustracións, Anthony Browne nos transmite que as necesidades emocionais tamén son importantes.  Grazas a  Noela, nai pisacharcas de Xabier,  coñecemos esta historia sobre o respeto ás diferenzas e sobre a amizade que nos fala dun gorila que é ensinado a comunicarse a través de xestos. Cando o gorila aprende a facer peticións ós seus coidadores, unha vez que ten as necesidades materiais cubertas decátase de que o que máis desexa é un amigo, neste caso a Linda, unha gatiña. Así é como lle ensina aos máis pequenos e pequenas, que entre nós, existen diferenzas  pero non teñen por que ser impedimento para desfrutar xuntos. 

Cuentos para entender el mundo

 "A lectura fainos a todos inmigrantes. Lévanos lonxe da casa, pero o máis importante é que nos atópa fogares en todas partes"

 Jean Rhys, novelista.

Nesta segunda sesión de contacontos a man de Tita, nai pisacharcas de Alba de 4º de educación primaria, escolleu CUENTOS PARA ENTENDER EL MUNDO. 

É un compendio de contos que o autor recupera e adapta ós tempos actuais deixando de fondo as mensaxes orixinais e a esencia dos mesmos. Con eles invítanos a reflexionar sobre a vida, a sociedade e as relacións e emocións humanas. O alumnado tivo a  oportunidade de explorar, dende a Biblioteca Escolar, temas como a soidade, o amor, o medo e a esperanza. 

¿Este perro no tiene cola?

O libro para ler non é o que pensa por ti, senon o que te fai pensar. 

Harper Lee.

Nesta sesión contamos coa nai pisacharcas de Iria, de 5 anos. Tita fixo que a clase da súa filla o pasase pipa con este conto. 

A de hoxe é unha divertida historia sobre a chegada dun novo membro á familia. É útil para aquelas familias que queren preparar ao futuro irmanciño ou irmanciña maior para a chegada  dun bebé. Todo visto dende o punto de vista dun can que observa como os demáis familiares enchen ó novo integrante da familia de atencións e agarimos. Pero algo non lle encaixa ó noso protagonista. Pensará Rufus que o bebé é un can?

Mi pequeña

 " Un fogar sen libros é como un corpo sen alma" 

Cicerón.

O conto de hoxe, MI PEQUEÑA, é un relato epistolar para todas as fillas do mundo. Neste caso foi un libro especialmente adicado a Kloe de 1º, xa que o que o veu a contar Karla, a súa nai pisacharcas. Trata sobre o proceso, ás veces difícil pero necesario e enriquecedor, de deixar voar aos fillos e fillas, de promover o seu crecemento como un proceso natural nos que acompañalos. Ás veces hai que invitalos a atreverse, a ser valientes, a pedir axuda e en definitiva a descubrir o mundo.  Que mellor xeito que dar alento dende a Biblioteca Escolar. 

La primera aventura del ratoncito Pérez

 «Un libro é unha proba de que os seres humanos son capaces de facer maxia»,

Carl Sagan.

De novo con nós unha nai pisacharcas, desta vez Magalí , a nai de Ares. Que terá que ver o fondo marino co ratón Pérez? Pois ahí comeza a aventura, cunha ostra que perdou a súa perla e que precisa algo semellante, branco, duro e brillante.

O noso protagonista xunto con moitos e diversos animais, serán os encargados de buscar unha solución para axudar á ostra. Un conto sobre a creatividade, sobre as similitudes e un xeito máxico de explicar aos máis pequenos a onde van os dentes que marcan o feito de que se fan maiores.

A pantasma das bragas rotas

"Os nenos fanse lectores no regazo de seus pais" 

Emilie Buchwald, autora estadounidense.

Fai uns días asistimos ao contacontos de A PANTASMA DAS BRAGAS ROTAS da man dun pai pisacharcas, Fabio. Os compañeiros e compañeiras de Lía de 3 anos, pasárono en grande escoitando esta historia chea de sustos.  

En Castrelo Pesadelo, os veciños non poden durmir nin vivir tranquilos porque a Pantasma das bragas rotas asústalles a todas horas. Para rematar con este asunto, irán ao seu castelo Mario Abecedario, Augusta a Robusta e Eira a Bombeira, pero todos fuxen aterrecidos. Como conseguirán solucionar o problema da Pantasma das bragas rotas? Garda o segredo Finiña a Avoíña.

La bella y la bestia y Peter Pan

 "Hai máis tesouros nos libros que en todo o botín do pirata de “A illa do tesouro”.

Walt Disney

A quen non lle gusta un clásico? Aos nenos e nenas do colexio Rosalía de Castro sí. E desfrutaron de dous deles, PETER PAN E LA BELLA Y LA BESTIA grazas a Mª Carmen, nai de Mélody de educación infantil.

Dúas historias inolvidables. Unha chea de indios, piratas, crocodilos famentos e nenos incansables que non queren crecer, senon seguir deixando voar a súa imaxinación. A outra ensínanos unha princesa que devora libros, unha bestia e outras personaxes atrapadas na forma de reloxo, armario ou taza e que solo a través do amor se liberan.

Na nosa Biblioteca Escolar aínda agardan moitos clásicos para ser lidos. Animádevos!

Festa de medo na nosa biblioteca

"Polo Samaín, as meigas veñen a min e asustanme sen fin" Refrán popular

Durante estas dúas semanas previas á celebración do Samaín, todo o equipo da nosa Biblioteca Escolar vén de realizar unha chea de actidades: decorar banderins, construir bruxas, xogos de mesa do Samain como tres en raia, dominó, cartas, ...

Ademáis levamos a cabo unha selección de títulos relacionados con esta temática e fixemos outras propostas que tiveron moito éxito entre o alumnado.

Non deixedes de pasar pola Bilio estes días que quedan. Aínda quedan moitas máis sorpresas por desvelar......

El monstruo de las rabietas

"Quizais sexa por iso que lemos, e por iso que nos momentos de escuridade volvemos aos libros: para atopar palabras para o que xa sabemos" 

Alberto Manguel, escritor arxentino.

Se algunha vez consideráchedes a importancia de porlle nome ás emocións que guian os comportamentos dos nosos pequenos e pequenas especialmente en momentos de enfado, entón atoparedes un contido útil no conto "EL MONSTRUO DE LAS RABIETAS". Kassandra, a nai pisacharcas de Helena de 4 anos A, escolleu este album ilustrado que explica a adultos e pequenos dun xeito claro e sinxelo que son a raiba e as rabechas e como xestionalas de xeito sano. Acompañar aos fillos e fillas en momentos de enfado ou frustración é clave para canalizar e validar sentimentos naturais para que poidan expresarse sen facer dano e permitirse sentir tanto cousas agradables como desagradables.

Agradecemos dende a Biblioteca Escolar que se contribua a facer do alumnado, futuras persoas responsables afectivamente e cada día maís conscientes a nivel emocional. 

La araña Malena

 "O que le moito e anda moito, ve moito e sabe moito". 

Miguel de Cervantes

"LA ARAÑA MALENA" veu a ensinarnos certas nocións sobre seguridade vial. Da man de Mariano, pai pisacharcas de Miguel Melero de 3 anos B, os nenos e nenas desta clase camiñan un pouquiño máis seguros polas rúas de Xinzo. 

O conto está recomendado pola Direción Xeral de Tráfico para ensinarlle a nenos de 3 a 6 anos a cruzar en verde para os peóns e o valor dos chalecos reflectantes, entre outras. 

Malena é unha araña que un día cruza a rúa co semáforo vermello para os peóns. Por desgracia un coche lle manca unha pata, así que mentres se recupera e espera que nazan os seus fillos vóvlese moi previsora. Tanto que tece chalecos brillantes para que vaian seguros ao colexio e visitan ó oculista para arranxar a vista dunha das fillas que precisa ver con claridade cando o semáforo está verde para cruzar. 

Dende a Biblioteca Escolar aprenden cousas importantes para á vida fóra da escola e para encamiñar ao alumnado a ser cada día máis autónomos. 

EXPERIMENTO: QUE PASA CAS CORES?

 O venres 17 de outubro as aulas de 3 anos A e B xuntáronse cos avoiños do Centro de Día. No seo das actividades do Espazo Creativo da nosa biblioteca, tanto maiores como pequenos levaron a cabo un experimento científico cheo de cores e texturas. 

Se queredes saber cal foi o resultado que deixou abraiado a algún que outro e que mantivo a atención de todos e todas, teredes que:

1º- Nun recipiente con pouca profundidade botar leite como base.

2º- Enriba do leite deixamos caer (sen mesturar) varias gotas de cada (amarelo, azul e vermello) do colorante alimenticio líquido. 

3º- Mollar abundantemente un hisopo de algodón en xabón de cociña ou deterxente.

4º- Introducir o hisopo no leite, deixalo en repouso dentro e agardar o efecto!

Esperamos que o disfrutedes tanto como nós, pois no Ceip Rosalía de Castro o alumnado de infantil xa agarda impaciente a seguinte visita destes e destas grandes colaboradoras que tanto teñen por ensinar. Moitísimas grazas pola visita!

Pétala, a pomba branca

 "Os libros son o avión, o tren e o camiño. Son o destino e a viaxe." 

 Anna Quindlen, escritora e xornalista estadounidense. 

Desta vez visitou a nosa biblioteca Boris, o pai de Mateo de 4 anos. Este pai pisacharcas narrou a historia de "PÉTALA", unha pomba que loita polos seus amigos e por que as cousas sexan xustas. Nada máis e nada menos que contra un horrible e voraz dragón que está acabando con toda a auga, un ben moi prezado para todos e todas. 

Un libro sobre enxeño, fantasía e sobre a amizade que invita aos nosos nenos e nenas a ser valentes a través dunha divertida aventura. Esta e moitas historias máis agardan ser lidas na Biblioteca Escolar. 

Día das Bibliotecas

 «O que é máis importante nunha biblioteca que calquera outra cousa, é o feito de que existe», Archibald MacLeish,  poeta modernista y escritor estadounidense

Este ano, o Día das Bibliotecas, 24 de outubro, dedícase a un tema de máxima actualidade: a loita contra a desinformación. Con este motivo, La Voz de Galicia comparte un contido informativo de interese para os centros educativos, co obxectivo de concienciar ao alumnado sobre a importancia de acceder a fontes fiables, contrastar información e desenvolver o pensamento crítico.

O xornalista César Rodríguez ofrecerá un relatorio sobre a IA (desInformAción) na biblioteca do IES Urbano Lugrís, de Malpica, na que se abordarán cuestións como que é a desinformación, en que contexto se produce, a IA e a sabedoría das multitudes: algo é certo se se repite moito, imaxes e vídeos: autopistas para a desinformación e facilitará pautas para combater a desinformación clásica e a nova.

A charla, pensada para alumnado de educación secundaria emitirase en directo por diferentes canles de La Voz de Galicia e o seu programa educativo (Prensa-Escuela). Os centros que o desexen poderán conectarse en directo coa emisión e seguir o relatorio, así coma enviar preguntas pola canle de YouTube: https://youtube.com/@lavozdegalicia?si=E3pZQS9-cN8lJLv4

Esta actividade, que terá lugar o venres 24 de outubro ás 10 horas, quedará dispoñible en diferentes plataformas para que aquelas persoas interesadas poidan acceder ao contido en diferido.

Marcapáxinas para as vosas lecturas

 "Pensa antes de falar. Le antes de pensar.-" Fran Lebowitz. escritora estadunidende

Unha das peticións do Consello da Infancia do centro foi darlle máis visibilidade á páxina web do centro e a do blog da Biblioteca Escolar.

Por esta razón elaboramos un marcapáxinas que foi distribuido entre todo o alumnado do centro cos códigos QR dende os que acceder a esas direccións electrónicas.

Esperamos que vos guste esta iniciativa e que este marcapáxinas viaxe con todas as vosas futuras lecturas!!

El salto de Chilú

"Os libros son unha incomparable maxia portátil." Stephen King 

Hoxe, Lola,mamá de Violeta , visitounos para que os cativos e cativas de 5º de Educación Infantil B desfrutasen da con lectura" El salto de chilu".Conto que narra a historia dun neno que viaxe polo mundo cun cofre onde garda os medos, coa misión de recuperar os soños da súa irmá Ikigai, quen deixou de soñar por medo a escuridade.

Xuntos e guiados da man de Lola tamén tivemos a posibilidade de gardar todos os nosos medos no cofre de Chilú.

MOCHILA VIAXEIRA DE 4º B

 "Non saber o que ten sucedido antes de nós é como ser incesantemente nenos"

Cicerón

Dende fai décadas, a sociedade deu grandes pasos en prol da igualdade. Sábese que un dos camiños para lograr derrubar estereotipos de xénero é presentando á rapazada modelos de mulleres fortes e testemuñas de historias reais protagonizadas e loitadas por elas e por tanto cun papel importante na historia. Este libro, incluido na mochila viaxeira de 4º B de educación primaria, "DANIELA E AS MULLERES PIRATAS DA HISTORIA", contribúe a unha socialización dos rapaces e rapazas máis igualitaria e xusta ca historia as veces silenciada do sexo feminino. O conto nos relata como Daniela descobre un antigo libro da súa avoa coa historia de dez valentes mulleres piratas. Dende os mares da China ata a costa de Nova York, dende a antiga Grecia ata os tempos modernos, estas mulleres piratas surcaron os océanos en busca de riquezas. Aínda que moitas veces tentaron impedirlles navegar, elas negáronse a aceptar o seu destino ou loitaron por melloralo. Awilda, Mary Read, Lai Choi San, Grace O’Malley, Ching Shih… As súas vidas e fazañas inspiraron a Daniela.

Non se pode rematar a publicación sen mencionar o incrible traballo realizado por Lucas e a súa familia. Perfecto globo terráqueo co que traballar dun xeito integrado a historia, a xeografía e valores!

Neste conto non hai ningún lobo feroz

"As persoas libres xamais poderán concebir o que os libros significan para aqueles de nós que vivimos encerrados" 

Ana Frank.

Estes días tivemos outra visita dunha nai pisacharcas. Ela é a mamá de Zara de 6º de educación infantil B. Os nenos e nenas desta clase estiveron moi atentos a "NESTE CONTO NON HAI NINGÚN LOBO FEROZ", unha encantadora historia que explora a vida de Lorenzo, un lobo que chega sempre tarde ás narracións dos contos clásicos, o que provoca situacións cómicas e reflexións sobre os roles nas historias.

 Trátase dun libro que pode ser disfrutado tanto na escola como en familia e que, ao mesmo tempo, pode servir de punto de partida para conversas interesantes sobre a natureza dos contos e sobre a importancia, as veces, de cuestionar as normas. Un relato que non decepciona.