Hoxe, 10 de novembro, celébrase o Día mundial da Ciencia para a paz e o desenvolvemento. Por isto os museos científicos -dinos o blog voznatura- están de festa. Tedes máis información no enlace seguinte
9/11/16
3º e 4º de Primaria: Aprendendo por Ourense
Este mércores 9 de novembro o alumnado de 3º e 4º de Primaria pasamos a xornada en Ourense. Primeiro no Auditorio, con outros centros da Provincia e da Capital, vendo a obra de teatro "Pulgarcito". Nela, Teatro Paraíso, da man do autor e director Iñaki Rikarte, asistimos a unha versión singular do conto; son un pai e un avó, os que dan vida ó relato, para recrear una nova historia tantas veces contada na noite dos tempos. Con moita miga, máis da que captaron as crianzas...
Despois o alumnado de terceiro foron ata o Xardín Botánico onde ademais tiveron a posibilidade de ver unha exposición de bonsais e seguir as interesantísimas explicacións do noso veciño limiao José Manuel Corbal.
Os de 4º estivemos na Praza Maior de Ourense e mentres esperamos a coller o tren turístico poidemos ver o salón de plenos e a exposición filatélica San Martiño na aula de cultura do Liceo. Despois gozamos do percorrido ata baixarmos en Outariz e desfrutar daquel entorno.
4/11/16
Novembro, Mes da Ciencia en Galego nas Bibliotecas
http://www.edu.xunta.es/biblioteca/blog/
O auditorio da Biblioteca Pública Ánxel Casal, de Santiago de Compostela, foi o escenario para a presentación do Manifesto e as actividades de NOVEMBRO, MES DA CIENCIA EN GALEGO NAS BIBLIOTECAS,
A Arquitecta Isabel Aguirre de Urcola,
Premio de Ciencia "María Josefa Wonenburger"- 2015, foi a científica
convidada este ano para a elaboración do "Manifesto" a favor da ciencia
en galego nas bibliotecas, que se edita e se distribúe polas bibliotecas
de Galicia. Na presentación, Isabel Aguirre insistíu na importancia das
bibliotecas como espazos de depósito do coñecemento, na diferencia
entre información e coñecemento e na importancia de aprender a ciencia
en galego nas escolas. Incidíu na sorte que temos os galegos de podermos
contactar na nosa lingua con millóns de persoas por todo o mundo "algo
que deberíamos darlle máis valor".
O Secretario Xeral de Cultura presentou, así mesmo, o díptico que se
edita coas actividades das bibliotecas públicas programadas para este
mes de novembro, así como os recursos e actividades que sobre a ciencia
en galego se levan a cabo tamén nas bibliotecas escolares.
"Nós aleitadoras, nós conquistadoras, brillantes activistas da vida cotiá"...
O 25 de novembro, conmemórase en todo o mundo o Día Internacional da Eliminación da Violencia contra a Muller, porque é a data na
que, en 1960, tres activistas políticas dominicanas, as irmás Mirabal,
foron asasinadas polo dictador Trujillo.
Para honrar este día e conmemoralo a cantante e gaiteira gallega Guadi Galego (que nestes días ven de publicar un novo traballo "O Mundo está parado") sacara esta canción que homenaxea ás matriarcas gallegas, as mulleres que sobre a súas costas levan adiante non só as súas familias senón que sustentan a base do Fogar de Breogán (Galicia,
como di o seu himno) ó que chama “o país dos alalás”.
Sumámonos a este máis que merecido homenaxe ás matriarcas galegas e convidámosvos a que gocedes desta espectacular obra de arte:
https://youtu.be/VSuS_pdCvSE
Como nos contan os nosos amigos Pili e Eloi en "Son de Pau" esta Gaiteira, compositora é unha das voces imprescindibles da música contemporánea galega. Despois de "Benzón" e "Lúas de outubro e agosto", chega "O mundo está parado": o terceiro disco en solitario de Guadi Galego.
Na súa intensa traxectoria musical, a compositora galega tamén formou parte de proxectos como Berrogüetto, Nordestin@s, Espido ou a CadaCanto.
3/11/16
Cando a Morte se fai arte
Atopamos isto na Biblioteca do IES San Paio: Lembrando ós mortos coa arte.
Descubrir, no día de Defuntos, a morte da man da arte (Biblioteca e morte: territorio das artes).
28/10/16
3º e 4º de primaria no Energytruck e na feira
Energytruck é unha iniciativa do Museo do Gas da Fundación Gas Natural Fenosa que permite vivir unha experiencia didáctica, interactiva e amena no ámbito da enerxía, o medio ambiente e el patrimonio industrial.
O alumnado de 3º e 4º poidemos descubrir onte, xoves, na praza Carlos Casares, cómo o desenrollo tecnolóxico nos fai avanzar como sociedade, suliñando os cambios históricos e o avance social que supuxo a chegada do gas e a electricidade. Tamén, que é a enerxía, como podemos consumila de maneira responsable...
Por equipos experimentamos, co método científico e sorprendémonos moitísimo. Despois algúns, aproveitando que era día 27, demos unha volta pola feira e probamos unhas talladiñas de polbo (GRAZAS PUCHO), falamos coa xente (mesmo cunha estatua vivinte ou estatua mimo), atopamos a algunha persoa moi interesante (Antonio Lourenço Fontes, Vilar de Perdizes, Montalegre), convidáronnos a caramelos (Agro Xinzo). Aquí vos deixamos unhas imaxes desta xornada
25/10/16
No día das bibliotecas...
24 de outubro DÍA DA BIBLIOTECA
"Alguén me contou que o 24 de outubro é o Día da Biblioteca. Sería xenial organizar unha festa con confeti e pompas de xabón. Celebrala ao grande. Encantaríame vestirme para tal ocasión como o personaxe dalgún libro, sentarme na mesa dunha biblioteca da cidade onde vivo e esperar a que fosen visitarme. Nas bibliotecas podes ser quen ti queiras. Desde Mary Poppins ata Matilda, Atreyu, Drácula ou mesmo Pippilotta Viktualia Rullgardina Krusmynta Efraimsdotter Långstrump. Podes poñerte botas de pelo, plumas, zancos e chapeus. Chapeus! Iso é! Imaxino a unha pequena lectora achegándose a min discretamente, atraída polas cores e formas do meu chapeu:
-- Sombreireira tola, que festa máis marabillosa! Sería tan amable de servirme unha cunca de té?"
Este fermosísimo texto é de Ledicia Costas, Premio de Clubs de Lectura 2016 .
las-30-bibliotecas-mas-espectaculares-del-mundo
21/10/16
VII Abraço ao río Lim(i)a en imaxes
Como estaba programado os pasados martes e mércores (18 e 19 de outubro) estivemos en Ponte de Lima cun programa moi completo e coas mellores compañas. Moitas grazas por todo. Tamén moitas grazas a Amândio por esta espléndida reportaxe fotográfica que compartimos e divulgamos
Quedamos pois á espera de que ó longo deste curso veñan eles aquí. Engadimos nesta entrada esta imaxe do nacemento do río Lim(i)a para facer, nós mesmos, un contraste despois de terrmos estado estes días na desembocadora en Viana do Castrelo.
Velaquí unha imaxe do nacemento do río Lim(i)a no Monte Talariño, na parroquia de Paradiña, concello de Sarreaus. Río que ten unha lonxitude de 108 quilómetros e unha cunca de 2.387 km² dos que 1.329 km² están en territorio galego.
O regato baixa polo pobo de Paradiña e discorre pola aldea de Couso pasando por Freixo e chegando a Sarreaus. Dende este último Concello percorre toda a Limia ata que chega a Portugal onde pasa polos municipios de Ponte da Barca, Ponte da Lima e Viana do Castelo para rematar no Océano Atlántico.
13/10/16
Outubro: Mes internacional das Bibliotecas escolares
Por este motivo estamos acabando de preparar unha das actividades que facemos todos os anos con moito éxito: un xogo de pistas na biblioteca.
O obxectivo vai ser atopar un libros a partires dun dato que vos achegamos.
Se resolvedes atinadamente esa primeira proba ímosvos achegar outro apuntamento...
E así ata conseguir atopar o libro en cuestión.
Outra maneira de aprender como temos colocados/clasificados os libros na nosa biblioteca, o que significan ese números/letras que teñen os libros no lombo (tejuelo), etc,
Tamén achegamos aquí hoxe, 13 de outubro, a publicación de blognatura no que, ademais de podermos ler algunhas propostas interesantes para a biblioteca do centro ou de aula, nomea "A charca dos libros" e fai un enlace cara o blog da biblioteca (no que se recolle a nosa participación na festa de voz natura a finais do curso pasado)
http://blogs.voznatura.es/blogmaestrovnat/blog/2016/10/13/rincon-voz-natura-en-la-biblioteca-escolar/
VII Abraço ao río Lim(i)a
O
alumnado de cuarto de primaria imos participar, un curso máis, na
actividade “Abraço ao río Lima” os vindeiros 18 e 19 de outubro. Esta
actividade consistirá en dúas xornadas de convivencia co alumnado de
Ponte da Lima (Portugal).
Xa imos pola sétima edición e todos e todas
estamos desexando visitar aos nosos amigos/as portugueses.
Máis información no seguinte enlace: http://www.cm-pontedelima.pt/evento.php?id=1975
A Agrupación Musical da Limia no Ceip
O pasado venres 7 de outubro tivemos no Ceip á Agrupación Musical da Limia. Organizaron tres obradoiros (vento metal, vento madeira, percusión) polos que pasamos por niveis todo o alumnado para coñecer máis de cerca estes instrumentos da man dos que os tocan (moitos deles compañeir@s noso do cole). Rematamos a xornada cun pequeno concerto. 
A agrupación pon en marcha
unha escola que inclúe tamén actividades extraescolares Démoslle así un pulo a esta actividade que se oferta como actividade extraescolar nas dependencias do cole.
A oferta complétase, ademais de coas modalidades de
vento metal, vento madeira e percusión, co reforzo dos estudos reglados do
Conservatorio de Xinzo. Así mesmo hai o xardín musical para nenos de 4 a 5 anos ou a banda
infantil.
A matrícula ten un custe de 20 euros e
un pago de 15 euros ó mes por tres sesións semanais. Existe outra
modalidade de pago que son 50 euros ó mes por catro horas semanais e
inclúe 1 hora de instrumento, 1 hora de linguaxe musical e 2 horas de
banda de música.
O director da agrupación, José José Luis
Tielas, declarou que se trata dun bo momento para darlle un pulo á
institución musical e coa escola poder garantir a súa contiuidade.
10/10/16
Nace 'O Papagaio', xornal para nenos e nenas de primaria e secundaria
Vén de nacer un novo xornal en papel, dirixido especialmente a nenos e nenas de Primaria e Secundaria. Chámase O Papagaio,
ten periodicidade mensual (dez números ao ano, descansando no verán),
12 páxinas a toda cor e publícase integramente en galego.
Está impulsado por Edicións moito conto,
inclúe temas de actualidade e empresta unha atención especial á
ciencia, tecnoloxía, ecoloxía, historia, arte, cultura, integración e
banda deseñada. Está aberto á participación dos centros de ensino. O primeiro número xa está dispoñible na rede e ofrécese a posibilidade de subscribirse de xeito anual.
Os seus responsables destacan que a sección de ciencia e tecnoloxía estará asesorada por científicos/as e será presentada por un personaxe fixo: Simio o científico. De igual xeito, a sección de Ecoloxía contará
tamén co asesoramento de profesionais e nel trataranse temas
relacionados coa agricultura ecolóxica, a bioconstrución ou a reciclaxe.
Os temas irán acompañados dun experimento que os e as lectoras poderán
poñer en práctica.
Na sección de arte, un pintor chamado Pierrot
explicará os segredos dos principais movementos pictóricos da historia;
este apartado inclúe a proposta dun exercicio práctico sobre o estilo en
cuestión. Dentro do obxectivo de fomentar a integración, aparece a
sección Pratos para compartir culturas, que achega receitas de distintos paises. No apartado de Natureza terá
un papel destacado "a fabulosa fauna lectora do noso hábitat", que
relacionará as distintas especies animais autóctonas coa
literatura universal; e, de igual xeito, incluirarse a sección SOS Especies ameazadas, na que os animais en perigo de extinción trasladarán as súas queixas a través dunha carta.
Tamén se inclúe unha sección fixa de banda deseñada,
protagonizada por Wifi, un can intergaláctico que vive intensas
aventuras nos distintos universos paralelos que nos rodean. E unha tira
humorística, Viladenihil, con temática de ciencia ficción social.
7/10/16
VII Xornadas de Bibliotecas escolares
Os días 18 e 19 de novembro, no Palacio de Congresos de Santiago de Compostela, terán lugar as VII Xornadas de Bibliotecas Escolares de Galicia,
a cita anual do profesorado interesado polas bibliotecas escolares, a
lectura e as competencias en medios e información (ALFIN/AMI).
Serán día e medio intensos dedicados a revisar algúns aspectos
fundamentales sobre a biblioteca escolar e as súas funcións nos centros
educativos, como soporte e ferramenta imprescindible para unha educación
acorde ás necesidadees do alumnado do século XXI e no contexto galego.
Xunto coa difusión de experiencias de interese en todos os ámbitos de
actuación da biblioteca escolar (promoción da lectura, traballo coa
información, metodoloxía de proxectos, implicación das familias na
construción de lectores, apoio ao desenvolvemento do currículo,
integración das TIC, interculturalidade e atención á diversidade
(biblioteca inclusiva)... Así mesmo haberá unha sesión para
comunicacións super-breves titulada "A fume de carozo" no que
se poderán coñecer un máximo de 10 actividades "potentes" procedentes de
10 centros (en breve abrirase o prazo de propostas).
A lectura e as linguaxes artísticas, as narracións transmedia, a poesía,
a educación artística ou musical, a metodoloxía de proxectos e as
necesarias transformacións no modelo de biblioteca escolar serán tema
para a reflexión e a ampliación de coñecementos, axudados por expertos
nos seus ámbitos como Andrea Giráldez, Xosé Tomás, Guadi Galego, Silvia
González Goñi, Mónica Muñoz Sobrino e Asunción Carballo, Glória Durban,
Carlos C. Scolari e Fran Alonso.
Até o día 19 de outubro está aberto o prazo de inscrición en FPROFE: https://www.edu.xunta.es/fprofe/ empregando a referencia G1602011.
4/10/16
" As aves do Limia". Exposición fotográfica na B. E.
Con motivo da celebración do día das aves, aproveitamnos para poñer na BIblioteca unha exposición fotográfica sobre "As aves do Limia". Moitas grazacias a Xosé Calleja por facer isto posible. Así que convidamos a toda a comunidade educativa do Ceip; achegádevos por aquí e gozade do fascinante mundo das aves.
Porque convivimos coas aves e para moitísima xente son unhas grandes descoñecidas. As aves aportan vida e cor ó noso entorno e serven de bioindicadores da saúde ambiental. Unha boa maneira de achegarnos á avifauna é coñecer as especies dos noso entorno máis próximo.
30/9/16
Sesións de benvida ó alumnado de 1º de primaria
26/9/16
Día Europeo das Linguas
Unha conmemoración que organizan, conxuntamente, o Consello de Europa e
a Unión Europea dende o ano 2001 cos obxectivos de celebrar a
diversidade lingüística no territorio comunitario e de promover a
aprendizaxe de linguas entre a cidadanía europea.
Celebramos neste día, como cada 26 de setembro, a importancia e mais a
necesidade de preservar e fomentar a rica diversidade cultural e
lingüística de Europa, así como de incrementar o grao de entendemento
intercultural e lingüístico a través do impulso da aprendizaxe de
linguas.
Neste sentido, non se deben pasar por alto datos como que en
todo o continente europeo existen arredor de 200 linguas nativas, que a
Unión Europea é a institución do mundo máis plurilingüe ao recoñecer 24
linguas oficiais (ás que cómpre sumar arredor de 60 linguas denominadas
rexionais ou minoritarias) ou que se falan no seu territorio algo máis
de 100 linguas procedentes doutros continentes do mundo que usan a
diario persoas inmigrantes.
Facemos presente que unha das transformacións á que
aspiramos consiste en lograr que a lingua que foi o código de expresión
das persoas que habitaron Galicia durante os mil últimos anos estea en
condicións de seguilo a ser durante os mil anos futuros como vehículo de
comunicación útil e dinámico.
19/9/16
Semana da Mobilidade. 19-23 de setembro
A Semana Europea da Movilidade 2016 quere facernos reconsiderar a maneira na que facemos os nosos desprazamientos.
A campaña sobre promoción da mobilidade urbana sostible e
intelixente, SEMANA EUROPEA DA MOBILIDADE, supón unha oportunidade
perfecta para explicar os retos que afrontan as ciudades e os pobos
para promover un cambio no comportamento e camiñar cara unha
estratexia de transporte máis sostible.
E ti, anímaste a facer algo? Velaquí algúns enlaces sobre isto.
Semana Europea de la Mobilidad
Semana da Mobilidade. Pontevedra
Semana da Mobiblidade. Seguridade vial e ruta en bici: Carballo
Semana da mobilidade. Burela
Semana da Mobilidade. Plans en Madrid
16/9/16
A lectura, unha chave de futuro
Recomendamos a guía dixital A lectura, unha chave de futuro, porque nos pode dar boas ideas para tratar a lectura coas familias e para deseñar orientacións para a lectura en familia desde a biblioteca escolar.
É un proxecto de Letra en Obras, o portal educativo Botóns e da Xunta de Galicia, a través da Secretaría Xeral de Cultura.
É un proxecto de Letra en Obras, o portal educativo Botóns e da Xunta de Galicia, a través da Secretaría Xeral de Cultura.
O recurso está dividido en dez apartados nos que se describe a importancia do hábito lector para o futuro dos nenos e das nenas, os primeiros pasos na animación á lectura, o tipo de libros máis axeitados para cada idade, regras básicas para a lectura en familia,a lectura no mundo dixital, o papel das librarías e bibliotecas, tamén a escolar, como espazos comúns de lectura. Propón asimesmo algunhas actividades para facer na casa en torno aos libros.
Complétase o recurso co apartado Compartindo experiencias onde persoas destacadas do mundo da literatura, do ensino, das bibliotecas e librarías e de diferentes asociacións contan a súa experiencia e dan algunhas claves para a animación á lectura.
Publicado por Asesoría Bibliotecas Escolares para Rede Lectura el 9/09/2016 08:26:00 a. m.
14/9/16
Roald Dahl: Centenario do seu nacemento
(Llandaff, Cardiff, Gales, 13 de setembro de 1916 - Oxford, Inglaterra, 23 de novembro de 1990) foi un novelista e autor de contos británico de ascendencia noruega; famoso escritor para nenos e adultos. Entre os seus libros máis populares están Charlie y la fábrica de chocolate, James y el melocotón gigante, Matilda, El gran gigante bonachón, Las brujas y Relatos de lo inesperado. Algúns dos que se converteron en películas: Matilda, Fantastic Mr. Fox, Charlie and the Chocolate Factory, James and the Giant Peach.
http://www.biografiasyvidas.com/biografia/d/dahl_roald.htm
https://www.youtube.com/watch?v=0_O--92SCE8 Los tres cerditos y el lobo - Cuentos infantiles en verso- Roald Dahl
Las Brujas. Roald Dahl
UN XENIO!!!!
Se aínda non o descubriches... Estás a tempo
13/9/16
BENVID@S. Curso 2016/17
"Biblioteca escolar - Territorio das Artes" é o lema escollido
para os materiais que a Consellería de Cultura, Educación e Ordenación
Universitaria edita a comezo do curso 2016/2017 con destino ás
bibliotecas escolares dos centros educativos galegos. Nesta ocasión foi MINIA REGOS a creadora convidada a interpretar o lema anual.
A imaxe creada por Minia Regos
garda moitas sorpresas para as lectoras e os lectores; propón un xogo
de exploración e aventura por este "territorio" complexo e engaiolante
que é toda biblioteca escolar.
Nos últimos anos, as bibliotecas escolares demostraron que é posible
integrar as ciencias e as humanidades nas actividades de lectura e de
acceso e construción do coñecemento. Os materiais de divulgación
científica, os xogos matemáticos, a xeografía ou as aventuras da
exploración física ou simbólica foron temática de traballo e son xa
parte esencial das programacións e dos proxectos coordinados desde as
bibliotecas. Cómpre agora facer visible esa parte do coñecemento humano
que conecta directamente coa creatividade: as Artes todas teñen cabida
na biblioteca escolar e así o demostran as múltiples actividades
programadas anualmente con esta temática.
Biblioteca escolar, territorio das Artes convida a
explorar fórmulas para espertar nos lectores e nas lectoras o interese
por achegarse e apreciar os produtos artísticos, pero sobre todo a
experimentar o pracer de expresarse a través da música, a pintura, a
arquitectura, a danza, o teatro, a literatura, a escultura, as artes visuais (cine, cómic, fotografía, videocreacións, videoxogos).
Convidámosvos a descubrir o último vídeo de Agustín Fernández Paz para as Bibliotecas Escolares dentro deste cartel a través da aplicación Aurasma de Realidade Aumentada.
30/6/16
Bo verán!!!
Velaquí unha guía de lecturas para o verán preparada polo Ceip Virxe do Carme. Para E. Infantil e Primaria; en galego, castelán e inglés. Nela hai libros publicados xa hai uns anos e outros que son novidades que acaban de saír ao mercado. Pincha no enlace seguinte:http://es.calameo.com/read/003266612f90f76ccb07c
No verán un libro na man
27/6/16
21/6/16
Coñecendo o Judo..
O venres 17 rematamos as xornadas de deporte escolar coa visita dun grupo de mestres de Judo que deron a coñecer esta modalidade ao alumnado de 1º e 2º de Primaria...
Orientación no colexio
O pasado xoves o alumnado de 6º de Primaria puido experimentar un ano máis a modalidade deportiva de orientación.
Actividade moi interesante e motivadora. Agradecemos a Asociación Deportiva Limiactiva que se brindara para a organización desta xornada que sen dúbida nos encantaría repetir nos vindeiros cursos.
Actividade moi interesante e motivadora. Agradecemos a Asociación Deportiva Limiactiva que se brindara para a organización desta xornada que sen dúbida nos encantaría repetir nos vindeiros cursos.
18/6/16
E... graduación dos de Infantil
Con demasiadas bágoas e moitas emocións
Recollo esta testemuña á que tiven acceso e que compartimos
"Un aplauso con maiúsculas ás compañeiras de Infantil polo sentimento e o inmenso traballo que levaron para facer posible que o día de hoxe fose especial en cada familia... Como compañeira e como nai estoy orgullosa de formar parte de todo isto." (Mari)
Parabéns!!! Perdoade que non conseguira máis fotos.
17/6/16
Os de 3º por Vigo: Zoo, Samil, Vitrasa...
Hoxe venres, 17 de xuño o alumnado de 3º pasamos a xornada por Vigo. Coa sorte de gozar dun espléndido día (dinnos que por Xinzo choveu bastante e nós non só non vimos chover en Vigo, senón que tivemos sol...) pasámolo xenial no zoo, en Samil (mágoa de non ter máis tempo para probar a auga), no autobús turístico de Vitrasa e despois nas súas instalacións. Moitísimas grazas ao limián Juan Carlos Villarino Castillo, Director Xeral da compañía, que nos acompañou e aos traballadores que nos posibilitaron coñecer as instalacións e probar o andarmos nun autobús híbrido, nun modelo de 1968 e nos últimos modelos que está estreando a compañía. Ah! e moitas grazas ó noso Director que fixo de guía no bus turístico aprendéndonos moitas cousas da mariña. (Este home sabe de todo!!!)
O alumnado de 4º en correos
Onte, xoves, 16 de xuño o alumnado de 4º estivo en correos, aquí ó lado... Moitas grazas, Ramón e a todo o persoal de correos que forman parte da nosa comunidade educadora.
15/6/16
Galego atletismo
Exitoso campionato galego de atletismo no Barco de Valdeorras. Boas sensacións, boas actitudes e bos resultados....Ata o ano que ven!!!
6/6/16
Participamos na festa de voz natura
Este sábado pasado, día 4 de xuño, medio centenar do noso alumnado de infantil, 1º, 2º, 3º, 4, 5º e 6º de primaria, acompañados por catro adultos, pasamos a xornada no parque deportivo Acea de Ama, no municipio de Culleredo, a 6 km. da Coruña.
Coa novidade de facer o percorrido completando unha xincana e gozando dun fermoso día, de encontros con outra xente, de compartirmos as aprendizaxes que puidemos ver na exposición... xusto no día anterior ó Día Mundial do medio ambiente celebramos o punto e final desta 19 edición e quedamos convocados para participarmos o vindeiro curso na vixésima.
Aquí vos deixamos unhas cantas imaxes...
1/6/16
Visitamos "O Rexo"
O alumnado de 5º de Ed. infantil pasaron unha estupenda xornada de excursión.
Primeiro visitaron a hípica de Allariz e despois o Rexo ( eco espazo, aula de educación ambiental, ovellas e queixería)
Voz Natura. Preparando a festa final
O vindeiro sábado, 4 de xuño, participaremos na festa de Voz Natura en Culleredo (A Coruña). Alumnado de 2º, 3º, 4º, 5º e 6º de primaria. Alumnado que conseguiu os retos de lectura, axudantes da biblioteca escolar, os mellores lectores segundo o contador do Meiga, participantes no programa de Voz Natura.
Este é o cartaz que enviamos para achegar o noso granciño de area.
Entra aquí se queres ver o "Programa de actividades"E se queredes máis información e mesmo ver as fotos do ano pasado velaquí tedes outro enlace:
http://www.voznatura.com/fiesta/index.php?idseccion=11
Suscribirse a:
Entradas (Atom)