#DiaMundialAutismo #SomosInfinitos

«Cada pequeno logro na viaxe do autismo merece ser recoñecido e aplaudido, lembrándonos que o progreso se mide en pasos, non en saltos.» Sally Ozonoff, Profesora universitaria especialista en psiquiatría e comportamento social na Universidade de California.

O autismo é un trastorno do desenvolvemento que afecta á comunicación e á interacción social. O azul é a cor que se asocia a el. Desde hai anos, utilizouse para dar visibilidade ás persoas con trastornos do espectro autista (TEA), así como para mellorar a súa comprensión, promover a súa aceptación, difundir as súas experiencias, reafirmar os seus dereitos e, en definitiva, sensibilizar á sociedade con esta realidade.

A Asemblea Xeral da ONU designou o 2 de abril como Día Mundial de Concienciación sobre o Autismo no ano 2007. A asociación estadounidense Autism Speaks creou en 2010 a iniciativa Light It Up Blue (en español, Ilumina de Azul) para apoiar ás persoas con trastornos do espectro autista. Segundo explica a organización Autismo España, cada 2 de abril miles de edificios e monumentos emblemáticos de todo o mundo ilumínanse coa cor azul "como mostra de apoio e solidariedade coas persoas con autismo e as súas familias". Más de 400 fixérono en España en 2024.

Día Mundial da Ciencia 2023

"O que coñecemos é unha pinga, o que non coñecemos é un océano." (Isaac Newton)

Celebrado cada 10 de novembro, o Día Mundial da Ciencia para a Paz e o Desenvolvemento destaca o importante papel da ciencia na sociedade, e a necesidade de involucrar a diversas audiencias nos debates sobre temas científicos emerxentes. Tamén subliña a importancia e relevancia da ciencia na nosa vida cotiá.

Este ano 2023, o Día Mundial da Ciencia celébrase baixo o lema: Xerar confianza na ciencia.

A ciencia só pode asumir plenamente o seu papel na configuración do noso futuro colectivo se xera confianza. De feito, é a confianza na ciencia o que impulsa o desenvolvemento e a aplicación de solucións baseadas en evidencia para resolver os múltiples desafíos do noso mundo. 

A confianza na ciencia é unha cuestión complexa. Afecta a forma en que traballan os científicos e a forma en que a sociedade percibe a ciencia. Ademais, xerar confianza na ciencia tamén fortalece as decisións políticas baseadas na ciencia e o apoio social para a súa implementación. (https://www.unesco.org/es/days/science-peace-development#theme)

Para aprender máis e ter lecturas moi amenas e axeitadas a cada idade as #bescolaresgalegas, mediante a súa plataforma de préstamos dixitais para as Bibliotecas Escolares (E-LBE.2) pon ao dispor de todo o noso alumnado unha gran selección de títulos relacionados co campo da ciencia. Preme na imaxe para acceder ao catálogo e co teu carné da Biblioteca do cole poder acceder ao préstamos deses libros. Un xeito distinto de conmemorar este Día Mundial da Ciencia.

Traballamos sobre os nosos Dereitos

'En cada nena e neno deberíase poñer un cartel que dixese: Tratar con coidado, contén soños' (Mirko Badiale, escritor y filósofo italiano).

Un ano máis, con motivo da conmemoración do Día Universal dos Dereitos da Infancia, a Plataforma de Organizacións de Infancia de Galicia mediante a Plataforma de Infancia estatal, co apoio do Ministerio de Asuntos Sociais e Axenda 2030 e da Xunta de Galicia, organiza un proceso participativo para nenos, nenas e adolescentes para a formación, toma de conciencia e divulgación dos seus dereitos recollidos na Convención sobre os Dereitos do Neno.

Este ano, baixo o lema «INFANCIA E POBREZA», intégrase como acción a desenvolver en relación á promoción de iniciativas para a loita contra a pobreza infantil e a exclusión social, co obxectivo de coñecer a visión das mozas e mozos sobre o impacto da pobreza e a desigualdade. 

En colaboración co CDR O Viso, da man de Lucía, Mila e Estela este ano o noso alumnado de terceiro de Educación Primaria participa activamente nesta iniciativa con dúas sesións de traballo no propio centro coas actividades propostas pola POIG e nunha fase posterior participaremos no Acto Central polo Día da Infancia 2023 que realizaremos da man da propia Plataforma, en coordinación coa Consellería de Política Social e Xuventude da Xunta, en conxunto co Consello Autonómico de Infancia e Adolescencia (composto por nenos, nenas e adolescentes da comunidade) e outros centros educativos galegos.  

O acto terá lugar en Santiago de Compostela o día luns 20 de novembro, no cal conmemoraremos a firma da Convención sobre os Dereitos do Neno das Nacións Unidas.

A idea é que os grupos de nenos, nenas e adolescentes que participamos nas actividades poidamos expoñer unha das temáticas que se atopan recollidas. Estas son: 

• Ámbito de bens de primeira necesidade.
• Ámbito educativo.
• Ámbito do ocio e cultura.
• Ámbito sanitario

Empoderamos ás mulleres e ás na nenas científicas!

Como cada 11 de febreiro conmemoramos o Día Internacional da Muller e Nena na Ciencia. Este ano e da man da Área de Responsabilidade Social e Cooperación da Universidade de Vigo chegou ao noso centro a exposición BRAVXS, onde "a través destas caretas ilustradas por Marta Riera, exprofesora da Facultade de Belas Artes, a Universidade de Vigo pretende darlles visibilidade a mulleres científicas, investigadoras e inventoras con traxectorias vitais paradigmáticas nas que se observan trazas de inxustiza e discriminación no ámbito da ciencia (o chamado «efecto Matilda»), pese á importancia e á relevancia das súas achegas e descubrimentos.

Lynn Petra Alexander, primeira doutora honoris causa da Universidade de Vigo; Ángela Ruiz Robles, profesora ferrolá e deseñadora do primeiro prototipo de libro electrónico; Ada Lovelace, inventora da linguaxe de programación; Jane Goodall, primatóloga que revolucionou esta disciplina grazas ás súas observacións e análises; Hedy Lamarr, inventora da wifi; Jocelyn Bell, descubridora dos pulsares ou Rosalind Franklin, clave no descubrimento do ADN, son algunhas destas destacadas e fantásticas mulleres científicas e investigadoras" 

(UVIGO - IGUALDADE  01/03/2021- Mulleres científicas, investigadoras e inventoras)

Moitos dos nosos cursos pasaron pola exposición para tomar boa nota da vida, da obra e do exemplo destas mulleres (entre outras moitísimas que tamén forman parte da nosa historia pasada e actual) co fin de telas como referente para futuras vocacións científicas, tal necesarias na sociedade que vivimos hoxe en dñia.

Día mundial das nais e os pais

Parabéns a todas e todos neste día! Un daría o que fose por facelo ben e deste desexo que todas as nais e pais temos nace unha dolosa vulnerabilidade. Os que traballamos en educación sabemos da importancia da familia; en Preescolar na Casa sempre se dicía que "o saber, as raíces ten na casa de cadaquén". "Os pais/nais son insbstituíbles no proceso educativo". "As nais, os pais educan". 

Como tantas outras "incomprensións" resulta que aprendemos a ser mellores fillos/as cando nos convertimos en nais e pais. 

O Día Mundial das Nais e Pais elébrase dende setembro de 2012, grazas á declaración emitida pola Asemblea Xeral das Nacións Unidas. O seu principal obxectivo foi render un tributo a todo o traballo, esforzo e dedicación que os pais de todo o mundo dedican á crianza dos seus fill@s.

Por outra banda, este decreto fai énfase na importancia que ten a familia na educación, protección e coidado de todos as crianzas, para facer deles seres integrais cun desenvolvemento pleno dentro dun fogar cheo de amor, tolerancia, comprensión e felicidade.

Resulta esencial que os gobernos apliquen políticas que lle permitan ás nais e pais gozar de maior tempo para estar preto dos seus fill@s, o cal ás veces non é posible debido a factores como a falta de igualdade de xénero, o abandono do fogar dalgúns dos proxenitores, a pobreza, a discriminación, e outros factores, que contribúen a provocar a fragmentación de moitos fogares.

18 de maio: Día Internacional dos Museos 2020. Actividades en liña do Museo Arqueolóxico

Co tema “Museos pola igualdade: diversidade e inclusión“, o Día Internacional dos Museos 2020 quere converterse nun punto de encontro para celebrar as diferentes perspectivas que constitúen as comunidades dos museos, abogando por ferramentas que permitan identificar e superar os prexuízos, non só nos obxectos que se expoñen, senon tamén nas historias que as coleccións contan.

Tralo brote da COVID-19 e as conseguintes recomendacións das autoridades sanitarias, decidimos adaptar o formato do 2020 e orientarnos ás actividades dixitais, para promover os valores do DIM e ao mesmo tempo garantir a seguridade do público e do persoal.

O vindeiro 18 de maio o Museo Arqueolóxico Provincial de Ourense celebrará o #DIM2020 cun programa de actividades en liña:

O Museo por dentro. Que son e que fago

Museos pola igualdade. Creando lazos

Quebracabezas interactivo con imaxes vinculadas ao museo

Preme na imaxe para ter máis información

14 de novembro: día mundial contra a Diabetes

Protexe a túa familia

Novembro 2019 marca o segundo ano da campaña dedicada á familia e a diabetes. O lema da campaña deste ano é “Diabetes: Protexe a túa Familia”. 

Un estudio levado a cabo pola Federación Internacional de Diabetes (FID) revela que moitos pais/nai terían dificultades para detectar os signos de alerta da diabetes nos seus propios fillos. A pesar de que á mayoría dos que se lles preguntou tiñan un familiar con diabetes, 4 de cada 5 pais/nais terían dificultades para recoñecer os signos de alerta. 1 de cada 3 non os reconocería en absoluto.

O principal obxectivo da campaña é aumentar a concienciación sobre o impacto que a diabetes ten sobre a familia e promocionar o papel da familia na xestión, a atención, a prevención e a educación da condición do diabétic@.

Diabetes: Protege a túa familia

https://www.fundaciondiabetes.org/diamundial

https://www.lavanguardia.com/vida/20191114/dia-mundial-contra-diabetes-que-es-enfermedad-14-noviembre-video-

https://www.lavanguardia.com/vida/salud/enfermedades/diabetes-insulina-pancreas-diabetes-tipo-1-diabetes-tipo-2-diabetes-gestacional.html

A Orixe do día do libro

A celebración do día do libro remóntase a principios do século XX. A historia do libro faise festiva e xorden actividades literarias en toda España. Hoxe, o día 23 de abril celébrase en todo o mundo, o día do libro internacional.

A Orixe do día do libro remóntase a 1926. O 23 de abril de 1616 falecían Cervantes, Shakespeare e Inca Garcilaso de la Vega. Tamén nun 23 de abril naceron – ou morreron – outros escritores eminentes como Maurice Druon, K. Laxness, Vladimir Nabokov, Josep Pla ou Manuel Mejía Vallejo. Por este motivo, esta data tan simbólica para a literatura universal foi a escollida pola Conferencia Xeral da UNESCO para render unha homenaxe mundial ao libro e os seus autores, e alentar a todos, en particular aos máis novos, a descubrir o pracer da lectura e respectar a irreemplazable contribución dos creadores ao progreso social e cultural.

A idea orixinal da celebración do Día do Libro partiu de Cataluña, do escritor valenciano Vicente Caravel Andrés, propoñéndoa á Cámara Oficial do Libro de Barcelona en 1923 e aprobada polo rei Alfonso XIII de España en 1926. O 7 de Outubro de 1926 foi o primeiro Día do Libro, pouco despois, en 1930, instáurase definitivamente a data do 23 de abril como Día do Libro, onde este día coincide con Sant Jordi - San Jorge, patrón de Alemaña, Aragón, Bulgaria, Cataluña, Etiopía, Xeorxia, Grecia, Inglaterra, Líbano, Lituania, Países Baixos, Portugal, Eslovenia e México. É tradicional regalar unha rosa ao concluír unha lectura, evento ou pregón e que os namorados e persoas queridas intercámbiense unha rosa e un libro.

En 1995 o día do libro convértese nunha FESTA MUNDIAL. O Día do Libro foi proposto pola Unión Internacional de Editores (UTE), e presentada polo goberno español á Organización das Nacións Unidas para a Educación, a Ciencia e a Cultura (UNESCO). En 1995, aprobouse proclamar o 23 de abril de cada ano o "Día Mundial do Libro e do Dereito de Autor".

DÍA MUNDIAL DA TERRA

22-04-2018

Promovido polo senador norteamericano, Gaylord Nelson, o 22 de abril de 1970 instaurouse o Día da Terra, co obxectivo de crear unha conciencia común sobre os problemas de contaminación, a conservación da biodiversidade e outras cuestións relativas á protección da terra.

Xurdiu, nun primeiro momento, como un movemento estudantil. Nesta primeira concentración participaron dúas mil universidades, dez mil escolas primarias e secundarias, ademais doutros colectivos. A mobilización deu os seus froitos e o goberno norteamericano creou a Axencia de Protección Ambiental e unha serie de leis destinadas ao coidado do medio ambiente.

Progresivamente, a cita foise consolidando ata converterse nun movemento global no que diferentes grupos ecoloxistas aproveitan para revisar os problemas ambientais do planeta e expor as súas reivindicacións.

¿Qué é o Día Mundial da Terra?

Web do Día Mundial da Terra

http://www.voznatura.com/calendario-33-Almanaque-de-Voz-Natura-4--Castellano&idioma=Galego

Día Mundial do Teatro

O Día Mundial do Teatro ( World Theatre Day) celébrase o mércores 27 de Marzo de 2019.

O día mundial do teatro creouse en 1961 polo Instituto Internacional de Teatro ( IIT). Celébrase todos os anos o 27 de Marzo polos centros do IIT e a comunidade teatral internacional. Organízanse distintos eventos de teatro nacional e internacional para resaltar esta ocasión. Un dos máis importantes é a distribución da Mensaxe Internacional tradicionalmente escrito por unha personalidade do teatro de talla mundial convidada polo Instituto Internacional de Teatro.

É bo día para lembrar as sabias palabras de Federico García Lorca: «O teatro é a poesía que se levanta do libro e faise humana. E ao facerse humana, fala e grita, chora e desespérase».

https://www.cuandopasa.com/index.php?v=v59225f Máis información: www.world-theatre-day.org

Día Mundial da Radio

Celébrase cada 13 de febreiro para homenaxear o nacemento de Radio Nacións Unidas (1946).

dia-mundial-radio-historia_ 

En algúns Ceip(s) teñen incorporada esta actividade. No noso, aínda que a solicitamos este curso, non fomos un dos centros ó que lla concederon.

 Velaquí algúns enlaces do que se está a facer:

No CEIP Plurilingüe de Covas en Viveiro os nenos e nenas de 5º de primaria grabaron o primero programa sobre os Dereitos Humanos para conmemorar o Día MUNDIAL DA Radio. Queredes escoitalos?

https://m.soundcloud.com/biblioteca-covas/radio-na-biblio-ceip-plurilingue-de-covas-viveiro

 Na Biblioteca do CEIP de Celeiro acabamos de rematar o programa conmemorativo para a celebración do Día Mundial da Radio.

Podemos velo no seguinte enlace

DÍA MUNDIAL DA RADIO 2019: 13 DE FEBREIRO

 O pasado luns 4 de febreiro tivemos o obradoiro de Radio Escolar coa Asociación Cultural e Pedagóxica "Ponte... nas Ondas". Foi todo un éxito, onde aprendemos un montón e elaboramos o noso primeiro programa de radio.

No seguinte enlace podedes ver o programa e algunha foto do obradoiro.

 Obradoiro de Radio na Biblio.

Día Mundial da Saúde Ambiental: 26 de setembro

A Fundación Vivo San pon en marcha por quinto ano consecutivo o programa didáctico Saúde ambiental na escola, que xa foi impartido en máis de 200 colexios e que este curso chegará ás aulas de medio centenar de centros educativos.

Organismos internacionais como a OMS e a Comisión Europea subliñan a importancia da prevención e a educación desde a infancia, así como a necesidade de divulgar á cidadanía as relacións causa-efecto entre medio ambiente e saúde.

É a quinta edición do programa educativo que con ese mesmo nome, Saúde ambiental na escola, leva a cabo a Fundación Vivo San nos colexios que o solicitan, co obxectivo de educar e sensibilizar aos nenos sobre os riscos que levan para a saúde determinadas substancias contaminantes presentes no medio ambiente cotián. Ata o momento, máis de 26.000 escolares de 207 colexios de toda España seguiron este programa educativo nos catro anos que leva en marcha.

Todos eses alumnos aprenderon en clase que os alimentos frescos poden ter residuos de pesticidas e como protexerse deles e evitalos, sensibilizáronse sobre os riscos de usar plásticos nos envases de comida, asimilaron a importancia de optar por produtos de aseo persoal ou de limpeza ecolóxicos, saben como ler unha etiqueta e que substancias deben evitar, e en definitiva están máis concienciados de que a súa saúde e o futuro do planeta e do medio ambiente está nas súas mans. A pesar das súas temperás idades, xa saben que son os ftalatos e o bisfenol A, onde se atopan e como afectan o seu organismo.

https://www.sanidadambiental.com/2014/09/22/dia-mundial-de-la-salud-ambiental-26-de-septiembre-abordando-las-desigualdades-en-salud-ambiental/

Madriñas, padriños, afillad@s lector@s

E chegou o día, un dos días espectaculares no noso centro; tod@s por parellas, tríos... lendo, escoitando a quen nos le. En cada recuncho do patio celebrando o Día mundial do libro e do dereito de autor.
Alentando, contribuíndo a descubrir o pracer da lectura. Valorando as irreemprazables contribucións de tod@s os que teñen impulsado o progreso social e cultural da humanidade.
Gozade destas estampas que tan ben captou o Luís. Graciñas a tod@s por este momento.

Día mundial da saúde mental

Para a Organización Mundial da Saúde (OMS), a saúde mental defínese como "un estado de benestar no cal o individuo é consciente das súas propias capacidades, pode afrontar as tensións normais da vida, pode traballar de forma produtiva e frutífera e é capaz de facer unha contribución á súa comunidade".

A importancia da saúde mental destácase tamén na definición de saúde que figura na propia Constitución daOMS: "A saúde é un estado de completo benestar físico, mental e social, e non soamente a ausencia de afeccións ou enfermidades".

Para coidar a nosa saúde mental, debemos atender:

• Os hábitos de alimentación: para previr problemas de saúde física e mental, o ideal é ter unha dieta equilibrada.
• O autocoidado: é dicir, poñer atención á hixiene persoal, a vestimenta, etc.
• O estilo de vida: debemos potenciar os ritmos tranquilos, gozar das cousas importantes da vida e do tempo de ocio, evitar o estrés e os excesos, fuxir do sedentarismo, etc.
• O consumo de tóxicos: é importante reducir ou evitar o consumo de substancias tóxicas, tanto legais coma ilegais, para axudar a previr a aparición de enfermidades mentais.

  A enfermidade mental

  O trastorno mental é unha alteración de tipo emocional, cognitivo e/ou do comportamento no que quedan afectados procesos psicolóxicos básicos como a emoción, a motivación, a cognición, a conciencia, a conduta, a percepción, a aprendizaxe e a linguaxe, o cal dificulta a adaptación da persoa ao ámbito cultural e social no que vive e crea algunha forma de malestar subxectivo.

  É importante saber que as enfermidades mentais poden tratarse para lograr a recuperación ou permitir que a persoa que a padece poida ter unha mellor calidade de vida.
• É fundamental entender a enfermidade mental como unha parte da nosa vida e unha circunstancia máis da persoa, e non como un elemento que anula o resto das nosas capacidades.
• En Galicia, hai cerca de 30.000 persoas con certificado de discapacidade por enfermidade mental, sendo esta a segunda causa de discapacidade despois da física. Estes datos, recollidos no censo da Consellería de Política Social da Xunta de Galicia 2015, revelan que se trata dun problema cunha amplísima repercusión, tanto nas persoas con enfermidade mental como nos seus familiares.

http://feafesgalicia.org/GL/content/saude-mental

Conectar ás persoas coa natureza

Este é o lema do día de hoxe, 5 de xuño, Día Mundial do Medio Ambiente. Anímanos a que gocemos ao aire libre e que nos perdamos na natureza para apreciar a súa beleza; reflexionar que somos parte integrante da mesma e o moito que dependemos dela.

O país anfitrión do Día Mundial do Medio Ambiente, onde teñen lugar as celebracións oficiais, varía anualmente. Este ano é Canadá.  

Día mundial da Ciencia

Hoxe, 10 de novembro, celébrase o Día mundial da Ciencia para a paz e o desenvolvemento. Por isto os museos científicos -dinos o blog voznatura- están de festa. Tedes máis información no enlace seguinte 

http://blogs.voznatura.es/blogmaestrovnat/blog/2016/11/08/el-10-de-noviembre-los-museos-cientificos-estan-de-fiesta/

2 de febreiro: Día mundial dos humidais

Interesante post sobre o Día Mundial dos Humedais, que se celebra o 2 de febreiro, e no que temos información e actividades de interese:
 

http://blogs.voznatura.es/blogmaestrovnat/blog/2016/01/28/humedais-para-o-noso-futuro/

Día mundial dos coidador@s

O 5 de novembro de 2014 celebrouse -que saibamos- o día mundial do coidador/a. Por iso, nesta data, 5 de novembro queremos poñer aquí a imaxe da coidadora do Ceip Rosalía: A Luz de Trasmiras. Parabéns!!!

7 de abril: día mundial da saúde

  

O tema do Día Mundial da Saúde 2015 é a inocuidade dos alimentos

Os alimentos insalubres están relacionados coa morte de 2 millóns de persoas ó ano, na súa maioría nen@s. Os alimentos que conteñen bacterias, virus, parásitos ou substancias químicas nocivas causan máis de 200 enfermidades, que van dende a diarrea ata o cancro.

Cinco claves para a inocuidade dos alimentos:

• Clave 1: Manter a limpeza
• Clave 2: Separar alimentos crus e cociñados
• Clave 3: Cociñar os alimentos completamente
• Clave 4: Manter os alimentos a temperaturas seguras
• Clave 5: Usar auga e materias primas inocuas

O Día Mundial da Saúde 2015 é unha oportunidade para alertar aos que traballan en diferentes sectores do goberno, aos campesinos, aos fabricantes, aos minoristas, aos profesionales sanitarios e aos consumidores da importancia da inocuidade dos alimentos; e conciencialos do papel que cada un pode desempeñar para que todos teñamos confianza en que os alimentos que nos chegan ó prato son inocuos.

Palabras que engaiolan: Árbore e poesía

O vindeiro día 21 de marzo celébranse moitas cousas

• Día Mundial da Poesía establecido en 1999 pola Unesco
• Día Internacional da Eliminación da Discriminación Racial, proclamado en 1966 pola Asemblea Xeral das Naciones Unidas en memoria da masacre de Sharpeville en Sudáfrica (1960).
• Día Internacional do Nowruz
• Día Internacional dos Bosques
• Día Internacional da Cor, establecido pola Asociación Internacional da Cor e aprobado por asociacións e miembros de máis de 30 países.
• 21 ó 27 de marzo: Semana da solidariedad cos pobos que loitan contra o racismo e a discriminación racial
• Cultura inca: festival Sitwa Raymi, celebrando o equinoccio de primavera.
• Día do Síndrome de Down

“PALABRAS QUE ENGAIOLAN”

Árbore e Poesía. Desde a Biblioteca do cole queremos propoñervos a realización -ó longo desta semana- dunha árbore moi especial cheíña de poesía e decorada con follas elaboradas por tod@s. 

Co sosego e a imaxinación dos poetas pensaremos palabras:  poéticas, poderosas, sonoras, silenciosas, que nos fagan rir ou chorar, que garden segredos, que nos ofrezan calor ou sabor, que nos sorprendan, nos abracen, nos emocionen…  De todas elas elixiremos a que máis nos engaiole e:

Os máis pequenos escribirán a palabra na folla, colorearana de verde e colgarana.

Os demais realizaremos unha composición poética coa palabra elixida: un verso, un pareado, un haiku, un acróstico, unha pequena estrofa… escribirémola con letra clara na folla da árbore, e, despois de coloreala, colgarémola.

Feliz celebración

O equipo da Biblioteca