Atletas.

E seguimos co deporte escolar. Neste caso practicamos atletismo participando nas probas de velocidade (60m), salto de lonxitude, lanzamento de peso e lanzamento de pelota.
A esta xornada acudimos preto de 90 rosalian@s xunto con alumnado do CEIP de Vilar de Barrio, CEIP dos Blancos, CEIP Carlos Cid Arregui (Rairiz) e CEIP Carlos Casares.
Familiarización con novas modalidades deportivas, convivenvia, exercicio físico, valores...e todo cun precioso día de sol.

Atletismo 2017

Coma todos os anos os rapaces e rapazas do centro participaron no deporte escolar na modalidade de atletismo.
A fase comarcal onde se tomaron tempos e marcas levouse a cabo o 14 de marzo. Grazas aos bos resultados máis dunha decena de atletas do Rosalía e ao redor de 30 rapaces e rapazas da limia participaron nas diferentes fases previas os pasados sábados 1, 22 e 29 de abril e 6 de maio. Chegando todos eles a fase final do sábado 20 de maio.
Aquí deixamos unha mostra do vivido neses días, destacando as súas boas actitudes e como non os boísimos resultados

Galego atletismo

Exitoso campionato galego de atletismo no Barco de Valdeorras. Boas sensacións, boas actitudes e bos resultados....Ata o ano que ven!!!

galego 2016 - Kizoa Editar Videos - Movie Maker

Provincial atletismo

Despois da xornada comarcal na Moreira e as 3 xornadas de previas celebradas o 9, 23 de abril e7 de maio en Monterrei, o pasado sábado 21 desenvolveuse a fase final provincial escolar de atletismo. Coma sempre a participación do alumnado do Rosalía así como doutros atletas da Limia foi moi importante, chegando a superar a trintena.
Foron 4 xornadas de nervios e diversión nas que se viviron experiencias novas tanto para nós coma para os rapaces e rapazas.
Sen dúbida modalidade a seguir practicando ao longo dos vindeiros anos.

atletismo2016 - Kizoa Editar Videos - Movie Maker

Comarcal atletismo

Xornada de atletismo na Moreira o pasado venres 8 de abril. Sobre 90 atletas do centro participaron nesta actividade, acompañados por outros rapaces e rapazas  de Rairiz, Sarreaus, Vilar de Barrio, do IES Cidade de Antioquía e do CEIP Carlos Casares.
Deporte, saúde e convivencia concentrados nun so día.

Campionato galego federado de atletismo

Xornada de boísimas sensacións a do pasado sábado, na que varios alumnos do Rosalía participaron no campionato galego federado de atletismo.
Máis dunha decena de rapaces das A.D Limiactiva e A.D Limia se fixeron notar nas diversas probas de atletismo realizadas ao longo de todo o día na cidade de Vigo.
Destacar o bronce de Alejandro Morales en lanzamento de peso, a prata en 1000m de Xavier Rodríguez, os bronces de Annas e Said e os boísimos postos de Daniel Rodríguez, Alex Rodríguez, David Álvarez, Kevin Rodríguez e Óscar Vences; todos entre as 10 mellores marcas das súas probas.

Agradecer a todos os pais e nais a súa colaboración para o transporte e o correcto desenvolvemento desta aventura. Sen vós sería moi complicado poder brindar estas experiencias tan gratificantes e inolvidables aos nenos e nenas.

Ata aquí as xornadas de deporte escolar do curso 2013-2014...para o vindeiro ano máis e mellor!

Atletismo en Ourense

Ao longo do mes de marzo, abril e maio celebráronse en Monterrei (Ourense) tres probas previas clasificatorias para o campionato provincial de atletismo. Concretamente leváronse a cabo os sábados 22 de marzo e 5 de abril e o domingo 11 de maio.
Finalmente o pasado sábado 24 de maio acudimos á final provincial con máis dunha decena de rosalianos.
A experiencia foi incrible, tivemos tempo de participar, xogar, coñecer novos amigos, comer, guerrear...
E os resultados impresionantes...trouxemos para o cole máis medallas que atletas!!!

provincial atletismo - Movie Maker

Xogando co atletismo

Esta mañá, un gran número de alumnos/as do cole participaron nas diferentes probas de atletismo que se desenvolveron na Moreira.
Nesta xornada practicouse o lanzamento de pelota, lanzamento de peso, salto de lonxitude, e carreira de velocidade (60m).
Ademáis dos/as atletas rosalianos/as tamén participaron nestas actividades outros colexios e agrupacións, como o colexio de Rairiz, o colexio de Vilar de Barrio e a agrupación deportiva Limiactiva.
Os/as rapaces regresaron ao colexio encantados despois de practicar deporte, almorzar con novos/as amigos/as e animar ao resto de participantes.
Aqui deixamos algunha imaxe para recordar o día.

atletismo 2014 - Video Maker