Lendo etiquetas para coidar da miña saúde

 “Só hai un medio para manter en pé unha sociedade libre e é manter ao público informado.” Joseph Pulitzer

Sabemos o que comemos? Somos capaces de ler as etiquetas e distinguir relamente o que estamos a consumir? Coñecemos realmente a cantidade de azúcares e outros compoñenetes nocivos para a nosa saúde que están presentes na maioría de bebidas e bollería industrial que comemos día a día?

As resposta a estas e outras moitas pregunta foron o obxecto do obradoiro que o Grupo de Innovación Docente “Aliméntate con Ciencia e Conciencia” formado dentro da Universidade de Vigo impartiu ao noso alumnado de 2º,4º e 6º durante o día de hoxe.

"Estímase que 2000 millóns de persoas en todo o mundo teñen sobrepeso ou son obesas e o 40,6 % da poboación infantil española ten exceso de peso (Estudio Aladino, 2019). A obesidade relaciónase cun maior risco de padecer distintas enfermidades (cardiovasculares, diabetes, etc.) que afectan a calidade de vida das persoas e ao seu benestar. Unha alimentación sa e saudable pode axudar a combater a obesidade. Malia todo, a poboación non ten demasiada formación en temas alimentarios e nutricionais. Para facer unha compra axeitada ás nosas necesidades nutricionais é prioritario ler e entender a información alimentaria que se amosa na etiqueta dos alimentos envasados. Unha correcta comparación do etiquetado nutricional e da lista de ingredientes entre alimentos similares é imprescindible para implantar hábitos saudables e escoller aqueles alimentos que presenten un menor contido de sal, azucre e graxas saturadas e/ou un maior contido en fibra, e graxas mono- e poliinsaturadas.

Co gallo de dar unha resposta a esta necesidade social, no ano 2022 creamos na Universidade de Vigo o Grupo de Innovación Docente “Aliméntate con Ciencia e Conciencia”, o cal pretende acercar o coñecemento en materia alimentaria ao alumnado, universitario e preuniversitario, formándoos como consumidores e desenvolvendo un espírito activo na promoción da súa saúde. Para iso:

• Estamos a elaborar materiais divulgativos (podcasts, píldoras de aprendizaxe e vídeos) que se distribuirán entre o alumnado.
• A maiores, puxemos en marcha o Proxecto de Innovación Educativa en Aprendizaxe-Servizo (Aps): Lendo etiquetas para coidar da miña saúde no que participan os nosos alumnos do Grao en Ciencia e Tecnoloxía dos Alimentos e os centros educativos de educación primaria da contorna. Mediante a súa participación voluntaria, o noso alumnado adquire competencias transversais da titulación e outras específicas, pon en práctica os coñecementos adquiridos, e desenvolve habilidades e actitudes mediante un servizo á comunidade."

https://foodandhealthomics.es/grupo-innovacion-docente

Unha mañá chea de aprendizaxes significativos e relacionados cos ODS, especialmante co ODS 3 Saúde e Benestar,  que fan que a partir de hoxe todo o nos alumnado sexa quen de saber realmente o que están a consumir e sexa competente para racionalizar o consumo destes azúcares nocivos para a súa saúde.

300.000 grazas!!!

"Sempre imaxinei que o Paraíso sería algún tipo de biblioteca". Jorge Luis Borges

Arrancabamos alá polo ano 2009 (fai 15 anos xa...) con toda a ilusión do mundo, despois de levar a cabo unha renovación total na Biblioteca do noso cole. Un espurgo de títulos,  un cambio de localización,  buscar un nome e unha mascota atractiva para si, a incorporación ao Plan de Mellora de Bibliotecas Escolares (PLAMBE) da Consellería de Educación.... obxectivo tras obxectivo acadado cun grupo de mestras e mestres (queremos acordarnos especialmente de Toño, de María Cerradelo, de Ana Cid, de Pepa ... e de tant@s outr@s que lle dedicaron horas e horas a este marabilloso proxecto) moi implicado e coincienciado no rol que a Biblioteca Escolar tiña que ter na vida cotiá do noso centro escolar. 

Non só viña o alumnado a buscar libros e a ler contos  se non que tamén toda a comunidade escolar  participaba na creación de materiais audiovisuais,  en facer traballos de investigación e  formación bibliográfica,  falar do seu libro favorito, lerlle historias a outros grupos de alumnado.... e tantas e tantas outras actividades que convertiron a nosa Charca nun punto de encontro para a todos nós. 

E este Blog sempre estivo aí! Para ser testigo e notario de todas esas actividades que se foron facendo e que cada ver abarcaban máis aspectos da vida escolar: Deporte Escolar, Animación á lectura, ANPA, Robótica, Voz Natura, Espazo Creativo, ... e moitos máis que están por chegar.

Mil trescentas cincuenta e unha (1351) entradas nestes quince (15) anos de vida, e trescentas mil (300.000) visitas de tod@s vós que estades pendentes deste humilde cartafol escolar onde saber algo máis do cole de tod@s nós... do Rosalía!

Que feira rapaza / se cantas faremos ...

"Eu son libre. Nada pode deter a marcha dos meus pensamentos, e eles son a lei que rexe o meu destino” Rosalía de Castro | 1837-1885

23 de Febreiro. Día de Rosalía de Castro. Todo o noso centro está cheo de recunchos e lugares máxicos onde a escritora de Padrón é a verdadeira protagonista, como non podía ser doutro xeito.

Durante toda esta xornada foi Rosalía quen encheu as nosas aulas con poemas, cancións, debuxos e tantas e tantas expresións artísticas que non fixeron outra cousa que recordarnos a cada momento á máis gran figura da nosa literatura que Galicia ten.

Baixo o título "Ti es especial por...", este ano o noso EDLG fixo unha proposta de expresión da azimade. Cada alumna e alumno do centro escollería á súa amiga/o e diríalle que é que atopa "singular" nela ou nel.... Un fermoso florilexio de misivas que chegaron ás súas destinatarias/os cun fermoso poema da autora de Padrón e un gran corazón na súa portada!

Un ano máis enchemos as rúas de cor!

 "O tempo que se goza é o verdadeiro tempo vivido." Jorge Bucay, escritor argentino

Nin a chuvia pode con nós! Cunha semana de retraso todo o traballo levado a cabo por familias e profesorado para preparar este gran Desfile Infantil de Entroido veu  o seu resultado polas rúas ateigadas de xente da nosa vila que nos acompañou por todo o percorrido, feito que é salientable para recoñecer, sendo un día laborable!

Queremos dar as grazas a todos os centros de ensino da zona da Limia participantes por facer ese gran esforzo de desprazarse cos seus propios medios para facer, aínda se cabe, máis grande esta data tan sinalada na nosa festa máis importante do ano. Destacar a gran acollida e a perfecta organización coa que o CEIP Carlos Casares nos recibiu para, despois dun gran desfile, poder recuperar folgos cun chocolatiño quente e bica a esgalla!

Agradecer igualmente ao Concello de Xinzo de Limia, Policía Local, Protección Civil e á Asociación A Pantalla polo seu papel imprescindible para que a xornada se desenvolvese con toda normalidade e coa seguridade garantida en todo o percorrido.  

Temos que salientar, sen dúbida, a implicación total de todas as familias que compoñen a nosa gran Comunidade Educativa. Talleres de confección de disfraces que comenzaban as 15.15h os luns e remataban máis alá das 20.00... Colaboración total na aquisición de materiais e complementos para que o noso alumnado lucira espectacularmente... E, finalmente, a estupenda resposta ao chamamento do centro para acompañar aos distintos grupos do centro aportando medios musicais e facendo do Desfile deste ano un dos mellores que se poden recordar. Non temos palabras para agradecer todas as aportacións que sempre facedes cando así volo pedimos.

Por suposto temos que recoñecer o  marabilloso traballo levado a cabo polo profesorado do noso cole. Planificar, decidir disfrace, facer patróns, coser, adquirir complementos, xestionar compras... e unha longuísima lista de traballos a realizar sen horarios e cunha dedicación e entrega case exclusiva merecen, pensamos, un grandísimo aplauso para tod@s el@s... Moitas grazas, compañeir@s!!

E por último, pero para nada menos importante, o noso alumnado. Colaborativo, @s máis grandes e "sufridor@s", o máis miúdo, son, sen dúbida, @s grandes protagonistas deste día. Sen el@s, nada disto tería sentido! 

Esperando xa o Entroido 2025, non queda máis que gozar con elas e eles, cheos de cor, enchendo de que maneira as rúas da nosa vila!!

Eu son unha/un Pisacharcas !!!

"Creo que algo moi máxico pode suceder cando se le un bo libro." (JK Rowling)

Queres ser unha/un PisaCharcas? Queres vir a contarlle/lerlle á clase da túa filla/fillo, neta/neta, sobriña/sobriño o seu conto/libro favorito? O único que tes que facer é enviarnos un correo electrónico a acharcadoslibros@gmail.com onde poñas no asunto "Eu quero ser unha/un Pisacharcas" e nos indiques os seguintes datos:

Nome do nai/pai, avó/avoa, tía/tío, .... :

Nome da nena/neno:

Curso da nena/neno:

Mestra/mestre da nena/neno:

Nome do conto/libro que vas vir a contar/ler:

Día a que che vai mellor vir ao cole (sempre de luns a venres á hora de ler: 12.10):

Contestaremos ao teu correo ou porémonos en contacto contigo tan pronto coordinemos coa clase da túa filla/o.

Anímate a participar!!!

O día do amor na nosa terra

"Pola Candeloira casan os paxariños e maila galiñola." Refraneiro Popular

O Día das Candeas ou Día da Candeloria celébrase no 2 de febreiro, época importante no ciclo astronómico, pois coincide coa metade do inverno, no intre xusto entre o solsticio da estación fría e o equinoccio de primavera, (pola candeloria, medio inverno vai fóra), no momento en que medran os días e a natureza comeza a preparar o estourido de vida que está a chegar.

A partir da candeloria, ningunha ave voa soa di o refrán para lembrar que o mes de febreiro comeza, na cultura popular, cunha celebración ben especial, xa que casan os paxariños, ao que comeza o retorno das aves migratorias e os cortexos preludian o renacer primaveral.

O noso alumnado de sexto B conmemorou esta data participando nun taller de elaboración de postais de temática amorosa, por suposto, traballando a creación literaria e o uso da nosa lingua dun xeito natural e moi motivador para tod@s el@s. O resultado... Espectacular!!!

E vestimos a nosa Pantalla!!!

 "A tradición non se herda, conquístase." André Malraux (1901-1976) Novelista e político francés.

#Tradición #Respecto #Sentimento son os valores que a Asociación A Pantalla ten como finalidade transmitir e facer perdurar no tempo, porque como el@s din: #OQueNonSeEsqueceNonMorre. Leticia e Lourdes, membros da Asociación, coa inestimable axuda de Carla (da que son tía e nai) foron quen de comunicar ao alumnado de Educación Infantil todos eses valores e o importante que é coñecer como vestir e  como levar o noso máis emblemático traxe.

Estamos segur@s que cada neno e cada nena que asistiron con tanta atención e ilusión a todas estas fermosas explicacións que elas hoxe nos deron,  serán o día de maña elos moi fortes desa gran cadea dos nosos  Bens de Interese Cultural do Patrimonio Inmaterial, dos que xa forma parte con todo merecemento o noso Entroido e como non … a nosa Pantalla!!

Bolsas de fabricación propia

 A natureza sempre loita por preservar o universo. Robert Boyle.

Dentro da actividade "Plantando árbores con pinceis", monitorizada por Afundación, o noso alumnado  de quinto de Ed. Primaria realizou un obradorio de pintaro de bolss de tea. Nesta actividade pónse en valor os materiais reciclados e o emprego de pinturas de orixe ecolóxico e respectuosas co medio ambiente.

Ademáis de traballar competencias relacionadas coas ODS 2023 (ODS 4, educación de calidade; ODS 14, accion por el clima) o noso alumnado pasou unha mañlá diferente levando a cabo actividades de xeito lúdico e para rematar a actividade levaron, como non, a bolsa resultado de seu traballo que lles recordará todo o aprendido.

Aprende que comes

“A nutrición óptima é comer as cousas adecuadas”. Siim Land.

Alimentes é o programa educativo de Gadis para fomentar hábitos de consumo responsable e de alimentación saudable. É importante ter en conta que o factor máis importante para conseguir o obxectivo é a organización. Elaborar con antelación menús semanais e a lista da compra pode marcar a diferenza para que logres manter unha dieta variada e equilibrada e para reducir ao máximo o desperdicio alimentario.

O prato ALIMENTES é a guía visual que creamos para axudar a deseñar comidas equilibradas e pode ser unha ferramenta moi útil para a planificación dos menús. Ademais, pódese consultar algunhas das ideas de almorzos, merendas, comidas e ceas que fomos publicando no noso blogue, ás que ir engadindo as propias propostas para ampliar o abanico de posibilidades, adaptándoas aos produtos de tempada.

No que respecta a a preparación do material e os últimos detalles para a volta ao cole, deixámosche algunhas claves para fomentar a sustentabilidade:

Opta por materiais e recipientes reutilizables para o tentempié: unha botella termo que, ademais, axudará a manter a auga fresca; unha friameira ou un envoltorio para bocadillos reutilizable; pano de mesa de tea…

Reutiliza todos os materiais que estean en boas condicións do curso anterior.

Pregunta a familia e amigos para aproveitar roupa e material que xa non utilicen.

Procura que as túas compras sexan sostibles, apostando por criterios de proximidade, de respecto polo medio ambiente e pola xustiza social. Confírma que os artigos inclúen a marcado CE que garante o cumprimento dos requisitos de fabricación e de seguridade esixidos pola Unión Europea.

Fomenta o coidado das pertenzas, sendo exemplo para que os teus fillos e fillas vaian aprendendo e asumindo as súas responsabilidades. Se algo se estraga, trata de reparalo con eles e elas antes de pensar en comprar un novo.

Se algo xa non se pode utilizar, entón tocará reciclar. Asegúrate de depositar os residuos no contedor adecuado.

Involucra aos máis pequenos na planificación das súas merendas saudables. Busca a variedade e aposta polos produtos de tempada.  (https://www.gadis.es/saludable/una-vuelta-al-cole-sostenible-con-alimentes/

O noso alumnado de sexto B visitou ao abeiro deste programa o supermercado que GADIS ten no CC Ponte Vella de Ourense, onde puideron comprobar de primeira man todo o que na plataforma virtual figura como elementos de sostibilidade na cadea alimentaria da multinacional galega e ter unha xornada de aprendizaxe relacionada cos ODS2030 no referente a Saúde e Benestar (ODS3) e Producción e Consumo Responsables (ODS12)

Oliñas veñen e van ...

"Un pobo sen tradición é un pobo sen porvir. "Alberto Lleras Camargo (1906-1990) Político, xornalista e diplomático colombiano.

O noso alumnado de sexto de Educación Infantil segue transitando polo ciclo do Entroido máis grande do mundo.

Desta volta, visitaron o Museo Galego do Entroido, onde Carlos foi o seu "Cicerone" e presentou ás nosas nenas e nenos de cinco anos os fermosísimos traxes representativos de moitos dos Entroidos espallados por toda Galicia e Portugal  cos que este magnífico noso museo conta, sempre co mesmo agarimo e trato afable que Carlos nos dispensa cada vez que imos ata o MUGAE.

E como non!! Chegado o segundo domingo/luns do noso Entroido foi tempo de xogar coas olas, co resultado final que era de esperar... centros de cachiños de cerámica espallados polo patio de Educación Infantil!!!

Pecha os ollos ... Pensa na Paz!

"Non hai camiño para a paz; a paz é o camiño". - Mahatma Ghandi -

O 30 de xaneiro celébrase este día, dedicado a conmemorar nos centros educativos unha cultura de non violencia e paz.

A educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz son motivos para lembrar o 30 de xaneiro. No Día da Paz, os centros educativos comprométense como defensores da paz e entendemento entre persoas de distinta procedencia e modos de pensar.

Nese día celébrase o aniversario da morte do Mahatma Gandhi (India, 1869-1948), líder pacifista que defendeu e promoveu a non violencia e a resistencia pacífica fronte á inxustiza e que foi asasinado por defender estas ideas.

Unha educación inspirada nunha cultura de non violencia e paz permite ao noso alumnado adquirir coñecementos, actitudes e competencias que reforcen o seu desenvolvemento como cidadáns globais críticos e comprometidos cos seus dereitos e os doutras persoas. (https://www.unicef.es/educa/dias-mundiales/dia-escolar-no-violencia-paz)

Este ano no noso cole quixemos pechar os ollos e plasmar a primeira palabra, debuxo, frase, ... que se nos viñera á cabeza ao escoitar o termo PAZ.

Con todas elas fixemos un fermosísimo mural que estes días podedes ver na entrada das aulas de Educación Infantil. 

Non quixemos rematar doutro xeito que cantar a pulmón cheo que somos nenas e nenos que respectamos aos que temos preto e que fundimos os rancores que se quedan dentro... Para seguir crecendo!!

Non importa o lugar... O importante é ler!!

 Lemos para saber que non estamos sós.William Nicholson (Escritor británico)

Dentro das distinas actuacións que leva a cabo o Equipo da Biblioteca Escolar do centro e coa inestimable colaboración do alumnado axudante, sacamos os títulos máis atractivos do noso fondo bibligráfico ao patio, desta volta para que o alumnado de Ed. Infantil puidesen gozar deles.

O sol acompañou e a convocatoria foi todo un éxito! Sen dubida... Repetiremos!

Primeira nevarada no noso cole !!!

“Gústame a xente con ese átomo de tolemia que fai que a existencia non sexa monótona, aínda que sexan persoas desgraciadas e estean sempre nas minchas.” Carmen Laforet. Escritora.

Seguindo co afondamento no noso gran ciclo do Entroido, o alumnado de sexto de Ed. Infantil, "sufriu" desta volta os efectos da primeira gran nevarada no patio de recreo. O Fareleiro Infantil é o primeiro gran domingo dos cinco que completan o Entroido máis longo do mundo! Unha toma de contacto que, sen dúbida, non é a primeira vez para el@s, pero que foi unha mañá chea de ledicia e diversión cos resto d@s súas compañeir@s!!!

Coñecemos como se fai a nosa fermosa máscara!

 “Ver traballar a un artesán dame acougo, ancórame na terra, inspírame. Lémbrame a extraordinaria importancia que neste mundo ten o traballo ben feito.” Andre Agassi, tenista profesional norteamericano.

O pasado venres, 19 de xaneiro, tivemos a enorme fortuna de poder visitar Arrebol, o taller dos artesáns Aurora e Santi, que con tanto agarimo  e durante tantos anos levan facendo para moitísimas xeracións de limiás a súa pantalla.

O noso alumnado de sexto de Educación Infantil foi quen de poder descubrir todo o proceso dende que se colle esa chapeu de feltro ata que se chega á grandiosidade na nosa bela pantalla.

Queremos manifestar a nosa máis grande gratitude a Aurora e a Santi polo agarimo, proximidade e trato marabilloso que nos brindaron esta maña na que será, sen dúbida, unha experiencia e aprendizaxe que endexamais se borrará deste grupo de nenos e nenas que teñen este traxe e esta máscara como algo seu … como #unsentimento!!!

Non son un mal estudante, só aprendo de maneira diferente

"Non vexas a dislexia como unha debilidade, senón como unha habilidade diferente." 

Levamos a cabo unha nova xornada de formación sobre situacións de necesidades educativas específicas que están presentes en parte do noso alumnado. Desta volta tivemos o provilexio de contar no noso centro, con Paula Outón Oviedo, profesora titular do Departamento de Pedagoxía e Didáctica na área de Métodos de Investigación e Diagnóstico en Educación da Universidade de Santiago de Compostela e un dos maiores referentes a nivel nacional no estudo e intervención nos casos de dislexia.

Ao longo de máis de dúas horas, Paula foi debullando todos os aspectos máis significativos a tratar cando temos que facer fronte a alumnado que teña esta condición especial de aprendizaxe. Empezou definindo dislexia, as súas orixes físicas, as súas consecuencias na adquisición da linguaxe oral e escrita para proseguir coas distintas estratexias para tomar por parte do profesorado e as familias para minimizar os efectos que a dislexia pode causar no alumnado que a presenta.

Todas as persoas que asistimos a esta sesión de formación (profesorado e nais e pais do centro) chegamos a conclusión que, poñendo os medios necesarios, a dislexia non pode ser un obstáculo para o noso alumnado que lle impida acadar todas as metas que se propoña, sendo Paula Outón, que ela mesma se recoñeceu como disléxica, claro exemplo desta premisa.

E @s gañador@s son...

"O único que importa é o esforzo." Antoine de Saint-Exupery. Escritor, ilustrador e aviador francés.

Chegou o momento de facer a entrega dos premios do IV Concurso de Relatos Breves do Samaín 2023, convocado polo Equipo de Dinamización Lingüística do centro e que nesta ocasión tiña catro categorías correspondentes aos cursos de terceiro a sexto de Educación Primaria. @s gañador@s desta edición foron Inés Lorenzo Gómez (3ºB), Antón Rodríguez Vispo (4ºB), Laura Ferreira Feijoó (5ºA) e Mencía Meire Martínez (6ºA), que recibiron un vale por valor de 15€ para canxealo en calquera libraría da nosa vila polo fantástico libro de lectura que el@s escollan, para seguir así facéndose brav@s devorador@s de marabillosas aventuras.

Se queredes coñecer os traballos galardoados, só tedes que visitar este enlace: https://www.edu.xunta.gal/centros/ceiprosaliaxinzo/?q=node/930

Moitos parabéns para tod@s @s participantes e xa sabedes.... estade atent@s a futuros concursos para participar en todos eles!!!

Vaia ritmo!

 "A música é a miña vida, e o ritmo é a miña alma." Buddy Rich, baterista de jazz estadounidense.

O noso alumnado de 1º e 2º de Edcación Primaria acudiu hoxe á posta en escea desta "permormance" que inclúe Afundación a través do seu programa de actividades para escolares.

"Improvisación e imaxinación para espertar o enxeño con este concerto que propón Odaiko. A través do factor sorpresa, e facendo uso do humor e a interacción, preséntannos diferentes elementos de percusión que nos levarán a melodías cheas de ritmo e, polo tanto, con diversión garantida."  (https://escolares.afundacion.org/actividad/vaia-ritmo/)

O Rato Pérez precisa da nosa axuda!

«Conecta cun científico e estarás conectando cun neno». Ray Bradbury, escritor estadounidense de ciencia ficción e de misterio

Este ano a UCC do CSIC en Galicia volve a participar, co visto bo do Rato Pérez, na X Campaña de recollida de dentes de leite para o Grupo de Antropoloxía Dental do Centro Nacional de Investigación sobre la Evolución Humana (CENIEH).

O próximo domingo 03 de decembro estaremos no Culturgal (Pazo da Cultura de Pontevedra, Rúa Alexandre Bóveda) a carón da Aula 1.

Nesta aula proxectarase a película “Pérez, o ratiño dos teus soños” ás 11.30 e ás 16.30 horas e poderedes deixar os vosos dentes antes ou despois do filme. Ademais, acéptanse todas as pezas dentais (de cativos e adultos) sempre que se dispoñan dos datos necesarios para a súa catalogación (idade aproximada de caída, lugar de nacemento, alimentación...).

Tódalas persoas doantes levarán un diploma e tamén un agasallo do Rato Pérez.

oa os teus dentes á Ciencia. Necesitamos a vosa implicación nesta iniciativa.

Domingo 03 de decembro

11.30 e 16.30 horas

Aula 1, Pazo da Cultura de Pontevedra. Rúa de Alexandre Bóveda

Feliz Día d@ Mestr@!!

“Unha boa mestr@ pode crear esperanza, acender a imaxinación e inspirar amor pola aprendizaxe” Brad Henry, político estadounidense

O 13 de agosto de 1948 José de Calasanz foi declarado patrón universal das escolas cristiás no mundo polo papa Pío XII. A igrexa católica considérao o santo patrón dos educadores e mestres, xunto con Juan Bautista da Sáelle. 

O 27 de novembro celébrase en España o día dos mestres na súa honra.​ Nesa data de  1597, este sacerdote aragonés tivo a idea de abrir unha escola para nenos pobres en Roma: a asistencia era voluntaria, pero en 1618 xa atendía a uns 1500 nenos romanos, polo que llo considera o fundador da escola pública gratuíta moderna en Europa.

Mens sana ...

 "Tan só xoga, divírtete, goza do xogo." Michael Jordan, ex-xogador da NBA

Despois de varios aprazamentos polas condicións climatolóxicas adversas, celebramos no campo de fútbol da Moreira o Campionato de Campo a Través da comarca da Limia, na que participaron máis de 400 rapazas e rapazas nas categorías cadete, infantil, alevín e benxamín tanto feminino como masculino.

Ademáis do noso centro, os centros que competiron nesta soleada mañá de novembro foron o IES Cidade de Antioquía, IES Lagoa de Antela, CEIP Carlos Casares, CEIP de Baltar, CEIP de Sandiás , CEIP Plurilingüe Carlos Cid Arregui, CEIP Sarreaus, CEIP Plurilingüe dos Blancos, CEIP Plurilingüe Vilar de Barrio e AD Limiactiva.

Unha mañá chea de convivencia entre centros, onde todo o alumnado deu o mellor de si para afrontar as distintas distancias correspondentes a cada categoría.

Dende aquí queremos felicitar a todas e todos as/os partcipantes polo seu esforzo e entrega, e especialmente ao alumnado do noso centro entre as que debemos destacar a Lucía Chapado Pérez e Noa Carballo Rivero (INF FEM), Lara Diz Chapado e Cecilia Enríquez Blanco (ALE FEM) e Iria Enriquez Dorrío e Sara Conde Moure (BEN FEM). Moitos parabéns para tod@s el@s!

Sen medo!

"A educación é a vacina contra a violencia e a ignorancia." Mafalda

O pasado xoves, 23 de marzo, e dentro da programación de actividades postas en marcha co gallo da conmemoración do Día Internacional da Eliminación da Violencia contra a Muller e da man do Centro da Información á Muller do Concello de Xinzo de Limia, a compañía Trécola Teatro puxo en escena o conto “Sen medo”, onde dúas coidadoras dun parque natural contan as historias de Roi e Silo, dous pingüíns macho que queren ser pais; das tartarugas Clementina e Artur que comezan unha vida en común aparentemente feliz, ata que el comeza a poñer unha pesada carga de obxectos e desprezos sobre ela... Tamén falarán de mulleres que, ao longo dos séculos loitaron polos seus soños, poñendo  un valioso gran de area na historia do feminismo. Retallos de vida que plasman diferentes realidades que nos rodean, desde un punto de vista optimista e positivo: se queremos que algo suceda, deberemos loitar por conseguilo entre todas e todos.

O noso alumnado de quinto e sexto gozaron da posta en escena deste grupo de teatro afeccionado radicado na cidade de Ourense, nacido no ano 2004. Os seus integrantes son: María Díaz, Ledicia Álvarez, Uxía Pérez, Alfonso Míguez e Tegra.

A formación de todos eles comeza na Aula de Teatro Universitaria da Universidade de Vigo, Campus de Ourense -Maricastaña-, complementando ésta con cursos de diversa índole ao longo de todos estes anos.

O traballo da compañía baséase en montaxes teatrais que abranguen distintos estilos e teñen como obxectivo a público moi diverso: desde teatro de actor para adultos e para público infantil a teatro de rúa, animacións teatrais, contacontos ou performances…

 

#NoHayExcusa #NonHaiExcusa

"Defende a túa vida, loita pola túa independencia, busca a túa felicidade e aprende a quererte". Izaskun González.

Para culminar as distintas actividades que levamos a cabo para concienciarnos sobre a terrible traxedia que supón cada ano recordar as vítimas de violencia de xénero que cada 25N, Día Internacional da Eliminación da Violencia contra a Muller, queremos dar unha mensaxe optimista.

E sabendo e entendendo que este é un labor de todas e todos, de nenas e nenos, homes e mulleres, hoxe queremos ser NÓS, as mulleres do CEIP Rosalía de Castro as que gritemos alto e claro que hai esperanza, que nas futuras xeracións nenas e nenos serán quen de convivir en igualdade e respecto.

#NoHayExcusa #NonHaiExcusa é o lema que as Nacións Unidas propón este ano para recordar esta data. A violencia contra as mulleres e as nenas segue sendo unha das violacións dos dereitos humanos máis estendidas e xeneralizadas do mundo. Calcúlase que, a nivel global, 736 millóns de mulleres -case una de cada tres- foron vítimas de violencia física e/o sexual polo menos unha vez na súa vida.

Trátase dunha secuela que se intensificou en diferentes contornas, incluídos o lugar de traballo e os espazos en liña, e viuse agravada polos efectos pospandemia, os conflitos e o cambio climático.

A solución radica en gran parte en respostas sólidas que invistan na prevención.

Con todo resulta alarmante a escasa cantidade de recursos económicos que os países están a destinar. Tan só un 5% da axuda gobernamental mundial vai destinada á violencia de xénero e invístese menos do 0,2% na súa prevención.

Precísase máis recursos económicos nas organizacións de mulleres, melloras na lexislación e a aplicación da xustiza, servizos para os sobreviventes e capacitación para axentes da orde pública.

A violencia de xénero é un custo para todas e todos nós.

(https://www.un.org/es/observances/ending-violence-against-women-day)

A importancia de xestionar ben o diñeiro

"Se engades o pouco ao pouco e falo así con frecuencia, pronto chegará a ser moito." Hesíodo. Poeta da Antiga Grecia

Dentro do programa Eduemprende da Consellería de Cultura, Educación, FP e Universidades,  o programa de AFundación ofertou ao noso centro a actividade "Gran Prix financeiro. Xogamos a ser maiores?"

Nesta actividade o noso alumnado  de 4º, 5º e 6º de Primaria, a través dunha experiencia baseada no xogo da OCA,  aprende a valorar o esforzo para poder ter a capacidade de mercar e elixir entre os desexos e as necesidades, e a xestionar adecuadamente un orzamento mensual para chegar á meta con diñeiro aforrado.

Unha maneira distinta de traballar valores, neste caso relacionados coa economía, e formar persoas competentes para enfrontar distintas situacións da vida cotiá.

"A música é a poesía do aire"

 "A música pode dar nome ao innombrable e comunicar o descoñecido". Leonard Bernstein, Músico estadounidense

O 22 de novembro celébrase o Día Internacional da Música, como unha data dedicada a todos os músicos e amantes da música.

Nesta data conmemórase a morte de Santa Icía, patroa dos músicos. Esta mártir cristiá foi retratada no século XV polos artistas da época, sempre tocando o arpa ou outros instrumentos musicais. Por iso vinculóuselle tanto a esta arte da música. (https://www.diainternacionalde.com/ficha/dia-internacional-del-musico)

A música, entre outros moitos beneficios, é capaz de reducir a ansiedade e o estrés, contribúe a reducir a sensación de dor física, axúdanos a mellorar a nosa memoria, sóbenos o estado de ánimo volvéndonos máis optimistas, activa a segregación de óxido nítrico no noso sangue e axúdanos a mellorar a circulación e serve de tratamento para algunhas lesións cerebrais.

Ademais, dános acubillo, acompáñanos e mesmo ás veces, algunhas cancións sérvennos de espello para que cheguemos a ser conscientes de cales son os nosos problemas e que é o que de verdade nos importa.(https://los40.com/los40/2021/06/20/musica/1624020280_204601.html)

Descubrindo mulleres referentes

 “A proba para saber se podes ou non facer un traballo non debería ser a organización dos teus cromosomas”. Bela Abzug, política estadounidense

Comezamos a conmemorar o 25N Día Internacional contra a Violencia cara ás Mulleres cunha actividade proposta polo Centro de Información á Muller do Concello de Xinzo de Limia. Neste Escape Room o alumnado de cuarto e sexto de Ed. Primaria tiñan que traballar en grupos para buscar pistas que lles levaran ata o descubrimento de que muller estaban a investigar.

Rosalía de Castro, María Pita, Maruja Mallo e Concepción Arenal son as catro mulleres que nesta actividade se  lles presentan ao noso alumnado para que poideran descubrir e recoñecer  nelas referentes de igualdade e empoderamento feminino.

Visibilizar, educar e formar ás novas xeracións será o primeiro paso básico para erradicar condutas violentas e de segregación e discriminación por causa de xénero. 

Podedes ver a reportaxe que nos fixeron na TVG neste enlace:

https://www.edu.xunta.gal/centros/ceiprosaliaxinzo/?q=node/925

As nosas opinións importan

 "O que se lles dea aos nenos, os nenos darán á sociedade." Karl Menninger, psiquiatra estadounidense

Baixo este potente e fermoso lema tivo lugar hoxe o encontro que a Plataforma de Organizacións da Infancia Galegas organizou hoxe na Cidade da Cultura de Santiago de Compostela. Asistimos cerca de 200 escolares de entre 8 e 12 anos pertencentes a catro centros educativos galegos e da Fundación Down Compostela. Os participantes agruparon as súas achegas en catro ámbitos: bens de primeira necesidade, pobreza, ocio e cultura, educación e saúde.

Neste encontro puxemos en común as conclusións dun proceso participativo convocado pola Plataforma de Organizacións de Infancia este ano baixo o lema “Infancia e Pobreza” e que ten como obxectivo que as propostas dos e das rapazas sexan tidas en conta no desenvolvemento de políticas públicas.

Heráldicas, torres e castelos

“Os valores son os escudos que levas ao longo da vida e protéxenche de todo o que a vida che depara”. Raíña Rania de Xordania.

Dentro dos actos da inauguración da exposición “Os nosos castelos: A Limia, terra de torres”, organizada polo Instituto de Estudios Gallegos Padre Sarmiento,  o noso alumnado de 3º e 5º de Educación Primaria levou a cabo un taller de heráldica impartido por Jeniffer, unha das súas investigadoras, para que deseñen o seu propio escudo familiar.

Nesta actividade coñecemos todos os elementos que compoñen un brasón e todo o vocabulario relacionado con eles (cores, disposicións, ….) e puxemos en práctica todo o aprendido para levar o noso propio “escudo de armas”.

Unha actividade que nos ensina aprendizaxes distintos da man de verdadeiros especialistas nesas materias.

Reflexionar e traballar sobre os nosos dereitos

'O marabilloso da infancia é que calquera cousa é nela unha marabilla'. Gilbert Keith Chesterton. Ensaísta inglés.

Seguimos a preparar a nosa participación no Día da Infancia 2023 que se vai celebrar o vindeiro luns, 20 de novembro, na Cidade da Cultura de Santiago de Compostela, organizada pola Plataforma de organizacións de Infancia de Galicia (POIG), onde conmemoraremos tamén a sinatura da Convención sobre os Dereitos d@ Nen@ das Nacións  Unidas.

Seguimos traballando con Lucía, Mila e Estela, do CDR O Viso, as que queremos agradecer o seu compromiso e a súa dedicación con este proxecto para preparar a nosa intervención diante dos demáis centros onde reflexionaremos sobre que condiciona as posibilidades de ocio e cultura entre a poboación infantil e adolescente e nas contornas onde se desenvolve a súa vida e proporemos algunhas solucións.

Estamos aprendendo un xeito distinto de traballar, onde somos os verdadeiros protagonistas de todo o proceso e chegamos a conclusións que, doutro xeito, sería máis complicado alcanzar.

Triloxía Fotográfica de Blas González «Cadernos da Limia»

 

"Cando fotografías a unha persoa en cor, fotografías a súa roupa, cando o fas en branco e negro, fotografías a súa alma." Ted Grant, político británico

"Paisaxe, identidade e memoria, configuran o corpo desta triloxía fotográfica que levou ao autor, o fotógrafo Blas González (que desenvolve a súa carreira entre España e Reino Unido onde completa a súa formación na University for the Creative Arts), nunha viaxe sen retorno emocional ás terras limianas: “Notas dunha lagoa ausente” (paisaxe), “Civitas Limicorum” (retratos) e “Interseccións” (arquivo intervido). A identidade é un tecido de natureza sutil, tramado cos fíos invisibles da memoria e as delgadas hebras que nos vinculan aos lugares que amamos. Os Cadernos da Limia son, en parte, resposta a esa pregunta de identidade. Hai moito de procura persoal nestes Cadernos que se inician interrogando á paisaxe, que buscan nos arquivos da memoria ou que se miran no espello das persoas retratadas. E o caderno vermello que acompañou a Blas nesta viaxe foi a carta de bitácora na que rexistrou nomes de persoas e lugares, datas, recordos, anécdotas e… fotografías." (https://www.sandias.es/novas/actividades/exposicion-triloxia-fotografica-de-blas-gonzalez-cadernos-da-limia/)

Por iso,  temos unha cita ineludible o vindeiro sábado, 18 de novembro ás 18.00h no corazón da Limia, nas beiras mesmas da Lagoa ausente para asistir á inauguración da exposición “Cadernos da Limia: Paisaxe, Identidade e Memoria” na Casa da Cultura do Concello de Sandiás. Non a podedes perder!!

Coñecemos a pegada franciscana na cidade de Ourense

"O verdadeiro ensino que transmitimos é o que vivimos; e somos bos predicadores cando poñemos en práctica o que dicimos." San Francisco de Asís

O alumnado de sexto de Primaria tivo a oportunidade de participar da man do Arquivo Histórico Provincial de Ourense en dúas actividades relacionada coa pegada que os monxes franciscanos deixaron na cidade de Ourense.

Por unha banda, fixeron a visita dramatizada "Os segredos dos franciscanos", deseñada especialmente para complementar coñecemento sobre o legado histórico e artístico que os franciscanos deixaron na cidade de Ourense. Nesta actividade tamén se pon en valor o patrimonio documental, moi rico e descoñecido para moitas persoas de calquera idade, dunha forma amena, dinámica e adaptada a cada nivel educativo. 

Xoana a lavandeira e Frei Xan o Farrapeiro invitaron  a descubrir ao noso alumnado os segredos dos franciscanos a través dun percorrido por lugares emblemáticos da cidade que rematou cun entretido xogo histórico no claustro do antigo convento de San Francisco, hoxe sede o Arquivo Histórico Provincial.

O outro grupo levaron a cabo o Obradoiro de escritura medieval, onde de xeito moi participativo coñeceron todo o relativo á escritura da Idade Media, poñendo en valor singulares documentos históricos do período. Aprenderon como elaboraban a tinta os monxes daquel tempo e utilizaron unha pluma de ave para escribir un documento que deu  fe da liñaxe de cada participante.

Trátase dunha experiencia moi enriquecedora dende o punto de vista didáctico, xa que permite ver o contraste existente entre os nosos acelerados tempos dixitais fronte a un pasado analóxico no que a pericia manual e o tempo pausado eran a dinámica da cultura.