Da man dos supermercados Eroskiparticipamos un ano máis no seu programa "Visita o teu súper", baseado en "actividades socioeducativas próximas, pedagóxicas, lúdicas e gratuítas nas que os escolares poden aprender de forma práctica e divertida os valores que achega levar unha alimentación sa e hábitos de vida saudables"
Queremos agradecer a todo o persoal do Supermercado Eroski da Avenida de Celanova polo trato dispensado ao noso alumnado e a Eva da Fundación Eroski por facilitarnos un ano máis poder participar nesta iniciativa.
No Clube Náutico de Castrelo de Miño e da man do Servizo de Deporte Escolar co seu programa Xogade, o noso alumnado de sexto de Educación Primaria participaron na actividade "Navegamos en drakkars", onde as nosas nenas e nenos convertéronse en brav@s e temibles viquing@s dispostos a saquear o litoral do norte e oeste de Europa por un día!!
Esforzo físico, cooperación no traballo, sincronización, empatía, bo rollo e sobre todo moita diversión foron os principais ingredientes desta marabillosa actividade ao aire libre que non podía rematar doutro xeito que con un bo mergullo nas "mornas" aguas no noso Río Miño!
No mes de maio, o reto é: Reciclamos para reducir residuos, conservar os recursos naturais, protexer os nosos hábitats e fomentar o consumo responsable.
Hashtag: #RetoReciclamos
É dicir, ás fotos ou vídeos dos retos que subades ao longo deste mes de maio, debedes engadir: #AccionVozNatura, #RetoReciclamos (ademais de etiquetarnos con: @voznatura).
“A vellez existe cando se empeza a dicir: nunca me sentín tan novo”, Jules Renard (1864-1910), escritor e dramaturgo francés.
Dentro das actividade programadas para a conmemoración do Día do Libro, esta foi quizais, a que nos fixo máis ilusión poden levar a cabo.
En colaboración co Centro de Día de Xinzo de Limia, organizamos unha lectura a viva voz do conto de Inma Jardón Rivero e ilustrado por María de Santiago Lama titulado "DE QUE TRATA O AMOR”, presentado na biblioteca do no noso cole fai uns días.
Foi o alumnado de quinto A o encargado de compartir coas persoas maiores deste centro unha mañá chea de literatura e xogos. Aprender d@s nos@s maiores é algo que nos enriquece como persoas e el@s son unha fonte inesgotable de novas aprendizaxes por realizar.
Unha experiencia que, de seguro, será moi difícil de esquecer para tod@s el@s!
Cando tod@s son incluídos, tod@s gañan.- Jesse Louis Jackson (8 de outubro de 1941). Activista estadounidense polos dereitos civís.
Nun contexto onde a superación das desigualdades sociais é xustamente a base na que se fundamenta a articulación dunha economía social, desde Afundación lanzamos un programa presencial para os centros de toda Galicia co que, a través de diferentes actividades culturais, escolares de toda Galicia participarán do valor da diversidade como elemento de enriquecemento social e persoal.
É importantísimo que os nenos e nenas vexan desde a súa infancia que a diversidade funcional non é unha fronteira, senón unha invitación para comunicarse, a aprender e a crecer. Por iso, levar estas actividades aos centros supón unha evolución lóxica do noso compromiso coa cultura e coa sensibilidade social.
É de vital importancia normalizar o papel das persoas con diversidade funcional na sociedade, poñer en valor a diversidade como elemento de enriquecemento social e persoal, educar en valores: esforzo, empatía, aceptación da diferenza, autoestima, respecto, ..., mellorar a sensibilidade afectiva e emocional, favorecer unha sociedade equitativa, xusta e diversa, facilitar o establecemento de relacións interpersoais, achegar a creación artística en diferentes formatos desde unha vertente práctica. e fomentar a creatividade.
Nesta actividade,CIRCUITO CIRCENSE, nun espazo amplo crean o seu propio circo. Colocaron un circuíto con diferentes estacións nas que o noso alumnado tivo que realizar actividades de equilibrio, puntería e acrosport. As actividades circenses destacan polo seu carácter innovador e motivador. Fomenta valores educativos como a mellora da convivencia, a cooperación, o aumento da autoestima persoal e grupal, o coñecemento e control do propio corpo e a superación de límites.
TODAS E TODOS CONTAMOS nace para converterse nun referente de boas prácticas aliñado cos valores de sensibilización social no marco dos centros escolares.
O seu desenvolvemento leva a cabo en colaboración coa Fundación Igualarte dedicada a traballar en favor do colectivo de persoas con diversidade funcional e a súa inclusión.
É imprescindible sensibilizar e dar exemplo poñendo en marcha iniciativas que poñan en valor a diversidade como elemento de enriquecemento social e persoal, e este programa nace nese marco como unha iniciativa pioneira, innovadora e completa, que se converte nunha achega creativa ao devandito obxectivo.
VARIADO é unha empresa de lecer e tempo libre que presenta unha oferta de animación diferente e exclusiva, onde o punto para destacar é a inclusión real. Isto é así porque o equipo está formado por artistas e auxiliares de monitores/as de lecer e tempo libre con diversidade funcional.
El@s entenden a arte como un dereito que pertence a tod@s, que axuda a coñecerse e explorarse desde novas facetas, sempre desde unha perspectiva lúdica, servindo de motor para o desenvolvemento de experiencias sensoriais, físicas e emocionais.
Así mesmo, cren firmemente na importancia do contacto co medio que nos rodea, facendo chegar esa esencia en todo o seu traballo.
Manuel Curros Enríquez (Celanova 1851, A Habana 1908)
Esta mañá, o alumnado de 6° de Infantil, da Aula Específica e das aulas de 1° e 2°C de Primaria celebrou a festa dos Maios.
Cada participante aportou dúas flores con cadansúas palabras. Fixéronse equipos mixtos buscando a interrelación entre etapas. Ademais, participaron nunha actividade de exploración polo recinto da escola para atopar al flores e fomentar o coñecemento e a interacción co seu entorno máis próximo.
A actividade rematou coa creación dun fermoso Maio cheo de cores primaverais e feito con materiais reciclados.
O pracer de ler é dobre cando se vive con outra persoa coa que compartir os libros. Katherine Mansfield (1888-1923) Escritora neozelandesa.
... E chegou un dos días grandes ao noso cole!!! Como colofón a esta Semana do Libro compartimos un Apadriñamento/ Amadriñamento lector que non tiñamos feito dende antes da pandemia. Todo o alumnado e o profesorado en distintos lugares do centro compartindo unha boa lectura! E a verdade é que resultou ser unha actividade espectacular!
@s máis grandes lendo @s máis pequenos, tod@s compartindo momentos emocionantes que será difícil para el@s esquecer! Só nos queda por ver as caras de felicidade nunh@s e nos outr@s gozando do fermoso momento de compartir un libro... Imos alá!
Todas as aprendizaxes máis importantes da vida, fanse xogando! (Francesco Tonucci, Fano, 1940. Pensador, psicopedagogo e debuxante italiano.)
Tivemos a fortuna un ano máis de poder contar cos educadores do Centro de Cultura Popular Xaquín Lorenzo e o seu obrdadoiro didáctico de Xogos Populares.
Este programa ten como obxectivo recuperar, divulgar e revitalizar xogos e modos de divertimento hoxe esquecidos polos nosos nenos e mozos. Mediante a organización de cursos nos que se forman monitores especializados en xogos populares, así como obradoiros que se levan a todos os colexios da provincia de Ourense, o Obradoiro de Xogos Populares conta cun equipamento que lle permite poñer en práctica actividades como a billarda, a porca, o xogo de aros, a chave, etc.(http://www.ccpxaquinlorenzo.es)
O noso alumnado de sexto de EP tivo a oportunidade de aprender distintos bailes, ditos, ... xa case perdidos hoxe en día e practicar un "deporte" tan galego, que algúns e algunhas debido á nosa idade aínda recordamos, como é o xogo da Porca.
Dous sesións cheas de aprendizaxe e divertimento que, de seguro, estas nenas e nenos serán quen de manter nas súas lembranzas e contribuír así a que este patrimonio cultural inmaterial endexamais caia no esquecemento!
“A liberdade só reside nos estados nos que o pobo ten o poder supremo.” (Cicerón. Orador, político y filósofo latino. Arpino, actual Italia, 106 a.C. - Formies, id., 43 a.C.)
Coñecer as nosas institucións democaráticas e coñecer como funcionan tanto o noso poder lexislativo (Parlamento de Galicia) como o executivo (Xunta de Galicia), as súas funcións e maneiras de proceder é a misión deste programa educativo que xurdiu dun convenio de colaboración asinado entre o Parlamento de Galicia e a Consellería de Cultura, Educación e Universidade o 14 de xaneiro de 2022 e que permite organizar visitas guiadas conxuntas ás sedes deses poderes para o alumnado de 5º e 6º de educación primaria e alumnado de educación secundaria obrigatoria de centros educativos de titularidade pública da Comunidade Autónoma.
O noso alumnado de quinto de Educación Primaria tivo a oportunidade de coñecer as tres funcións do Parlamento de Galicia, a lexislativa, a electiva e a de control ou como as nosas parlamentarias e parlamentarios pertencen a disitintos partidos políticos e se reúnen para acordar melloras para toda a cidadanía, tendo a "palabra" como única ferramenta para chegar a acordos cos demais.
Tamén puidemos visitar as distintas estancias do Pazo do Hórreo, sede actual do Parlamento de Galicia e observar todas as obras de arte (máis de 300 pezas) que constitúen unha autentica sala de exposicións de artistas galegos de todos os tempos.
Agradecer a presenza e a compaña do único parlamentario da nosa vila, Carlos Gómez Salgado Vedmar, que nos tratou con ese cariño e atención especial que sempre ten con tod@s nós.
Trasladámonos logo á sede da Xunta de Galicia no Edificio Administrativo de San Caetano, antigo centro educativo para nen@s xord@s sendo hoxe o emplazamento de case a totalidade das Consellerías que forman o goberno galego, traballando alí máis de 3000 persoas ao servizo d@s cidadáns.
Visitamos a sala de reunións dos secretarios técnicos de todas as áreas de goberno, e alí nos explicaron que son el@s realmente quen toman a maioría das decisións importantes, que son refrendadas ao día seguinte polo conxunto de Conselleir@s na súa habitual reunión dos xoves.
Finalizamos esta xornada tan especial na casa da "nosa" Rosalía de Castro en Padrón. Alí observamos as estancias e os aveños que ela e a súa familia empregou nos derradeiros anos da súa vida.
Foi unha xornada para non esquecer!! Aprendizaxes significativos no medio que se producen!
A orixe do Día do Libro remóntase a 1926. O 23 de abril de 1616 falecían Cervantes, Shakespeare e Inca Garcilaso de la Vega. Tamén nun 23 de abril naceron – ou morreron – outros escritores eminentes como Maurice Druon, K. Laxness, Vladimir Nabokov, Josep Pla ou Manuel Mejía Vallejo. Por este motivo, esta data tan simbólica para a literatura universal foi a escollida pola Conferencia Xeral da UNESCO para render unha homenaxe mundial ao libro e os seus autores, e alentar a todos, en particular aos máis novos, a descubrir o pracer da lectura e respectar a irreemplazable contribución dos creadores ao progreso social e cultural.
A idea orixinal da celebración do Día do Libro partiu de Cataluña, do escritor valenciano Vicente Caravel Andrés, propoñéndoa á Cámara Oficial do Libro de Barcelona en 1923 e aprobada polo rei Alfonso XIII de España en 1926. O 7 de Outubro de 1926 foi o primeiro Día do Libro, pouco despois, en 1930, instáurase definitivamente a data do 23 de abril como Día do Libro, onde este día coincide con Sant Jordi - San Jorge, patrón de Alemaña, Aragón, Bulgaria, Cataluña, Etiopía, Xeorxia, Grecia, Inglaterra, Líbano, Lituania, Países Baixos, Portugal, Eslovenia e México. É tradicional regalar unha rosa ao concluír unha lectura, evento ou pregón e que os namorados e persoas queridas intercámbiense unha rosa e un libro. (https://www.diadellibro.eu/)
Na nosa Bilblioteca Escolar poderedes atopar un montón de títulos que vos farán viaxar a un sinfín de lugares que doutro xeito non poderiades visitar e coñecer personaxes que seguro que fan desta gran aventura de ler unha experiencia inesquecible! Creamos novos espazos para que vos sexa máis doado escoller esas aventuras que tedes/temos por facer! Animádevos a coñecelos!! #DiadelLibro2023 #diadilibro2023 #ODS4
Aqualogia é un programa educativo da Escola da auga destinado a centros escolares de educación primaria co que transferimos e compartimos coñecementos sobre a auga e o medioambiente. A través de varios recursos interactivos como vídeos, xogos e experimentos, mergullámonos no universo da auga desde unha perspectiva sostible e tomamos conciencia da súa importancia e dos seus ciclos natural e urbano.
O noso alumnado de cuarto de Ed. Primaria tivo a oportunidade de participar neste programa, levado a cabo polo persoal da compañía VIAQUA. e tivemos a oportunidade de comprobar como traballan día a día en levar a auga ás nosas casas e cales son os procesos que son necesarios para potabilizala e para despois do seu uso devolvela en óptimas condicións aos nosos ríos.
Aprendizaxes moi significativos adquiridos mediante a experimentación persoal e a observación directa da realidade científica!
No mes de abril, o reto é: Concienciamos para sensibilizar sobre as consecuencias que poden ter as nosas accións no medioambiente e fomentar a acción social para coidar o planeta. Hashtag: #RetoConcienciamos
É dicir, ás fotos ou vídeos dos retos que subades ás vosas redes sociais, ao longo deste mes de abril, debedes engadir: #AccionVozNatura #RetoConcienciamos (ademais de etiquetarnos con: @voznatura).
O 2 de abril celébrase o Día Mundial de Concienciación sobre o Autismo, unha data instaurada por Nacións Unidas para visibilizar ás persoas con trastorno do espectro do autismo (TEA) e contribuír a promover o exercicio efectivo dos seus dereitos.
Cada ano, o movemento asociativo do autismo en España promove unha campaña de sensibilización co obxectivo de que a cidadanía coñeza mellor a especificidade do autismo, empatice coas persoas no espectro e as súas familias, e contribúa así a mellorar a súa calidade de vida e a participar na sociedade en igualdade de condicións.
O autismo non é lineal, senón que é un espectro, unha condición diversa.
Aínda que as persoas autistas comparten o mesmo diagnóstico, cada unha delas é diferente ás demais e ten as súas propias capacidades, necesidades e intereses. Por iso, precisa duns apoios individualizados e especializados que se axusten a cada etapa do seu ciclo vital para promover a súa participación social en igualdade de condicións.
A gama de cores mostra tamén esa gran diversidade, especificidade e singularidade que hai dentro do espectro autista.
Nós queremos visibilizar a todas esas persoas, en especial ás nenas e aos nenos que teñen este espectro autista e darlles o noso maior apoio nas súas reinvindicacións de necesidade dunha atención específica dentro do mundo escolar e, por susposto, en todo aquilo que fagan no seu día a día. E xa sabedes...
Asisitimos un ano máis ao Encontros do Plan de Mellora de Bibliotecas Escolares, celebrados este ano o 31 de marzo no Pazo de Congresos e Exposicións de Santiago de Compostela.
Foi todo un día de experiencias e foros abertos onde as novas estratexias para este veterano Plan (do que o noso centro forma parte dende o curso 2008/2009) foron os temas chave que artellaron a unha selecta escolla de ponentes expert@s no seus ámbitos de traballo.
Comezamos a sesión matutina de traballo (despois da inauguración oficial dos Encontros por parte do Conselleiro de Educación, Román Rodríguez González) cunha primeira ponencia por parte de Carlos Alberto Scolari, profesor da Univeridade Pompeu Fabra de Barcelona. Scolari propuxo 10 interesantes tesis sobre a Intelixencia Artificial e todo o relacionado co tan renomeado ChatGPT.
De seguido, foi a quenda dos ambaxes do novo programa de xestión de BE Koha, da man de María Begoña López Soto, profesora de linguas no IES Fernando Esquío de Neda, titora en cursos PLATEGA sobre este tema e ponente habitual en xornadas e encontros de BE.
Para rematar esta mañá de traballo, Anna Juan Cantavella, docente, investigadora, asesora, promotora da lectura e editora no mundo da literatura infantil, fixo un relatorio titulado "O conto de nunca acabar: sobre selección, literatura, infancia e escola" na que nos convidaba a ter moi presente os paspectos plenamente literarios dos libros que pomos ao alcance do noso alumnado, porque como ela mesma dixo : "La selección de libros es la primera elección que tomamos con nuestros usuarios de la biblioteca". "Los libros no siempre tienen que tener una finalidad, la literatura de ellos es una finalidad en sí misma", dijo la autora do blog La coleccionista.
Comezamos a sesión vespertina con Alicia Sellés Carot e o seu "refrán", "O bo coñecido e o bo por coñecer: tendecias e innovación en bibliotecas". Esta documentalista castellonenca defendeu con moito ímpeto todas as novas estratexias que en moitas partes do mundo están sendo tendencia no traballo de cotío dos distintos tipos de bibliotecas. Porén... púxonos tarefa!! Participar no programa SocialBiblio!!
"Mirar, ler e pensar", era o atraínte título da ponencia de Ellen Duthie, interesada na práctica da filosofía con nenos, fai cousas en Wonder Ponder, en Filosofía a la de tres e en Filosofía de cuento. Ela misma di que "estos libros tienen muchas preguntas y ninguna respuesta". Nas súas obras, son @s propi@s lectores @s que teñen que buscar a resposta a esas preguntas que Ellen propoñe ... e facer un montón de preguntas máis. Filosofía en estado puro para nen@s de o a 99 anos ... que máis pedir!
E para rematar por todo o alto... Helena Villar Janeiro. Que dicir da "vicedecana da Literatura Galega", tal e como ela mesma se define. A poeta de Becerreá enfundouse no seu rol de pedagoga para darnos unha charla maxistral titulada "As bibliotecas, memorias paralelas", sobre as bibliotecas da súa vida e como eses espazos foron chave para formar a artista que hoxe é, facendo toda esta súa exposición empregando o seu máis grande tesouro, a súa voz, "sen powerpoints nin chorradas desas" como ela manifestou! Arrancou moitisimos aplausos ao longo da súa intervención e deixounos abraiados coa súa definición de biblioteca como o "conxunto de saberes atesourados en libros" e falounos do valor "propedeútico" das Bibliotecas Escolares, porta de entrada a disciplinas ou estudos máis profundos.
Non cabe dúbida que Vilar Janeiro é unha das máis grandes figuras da Literatura Galega actual, pero despois de escoitala hoxe, tamén podemos afirmar que ten unha filosofía pedagóxica que compartimos na súa totalidade!
Non queda máis que felicitar a todo o Equipo da Asesoría das Bibliotecas Escolares, por acadar un ano máis este nivel de excelencia nas ponencias e nos ponentes propost@s para unha xornada de intensas aprendizaxes. Xa estamos expectantes cos próximos Encontros PLAMBE, sinal de distinción e calidade e referencia entre todas as Biliotecas Escolares de España e de Europa.
Tivemos a sorte de que visitaran o noso cole a autora do libro , ”DE QUE TRATA O AMOR”, Inma Jardón Rivero, acompañada da ilustradora do mesmo, María de Santiago Lama.
A través de dous talleres o alumnado de terceiro e de quinto de primaria puideron gozar da lectura deste marabilloso texto no que se trata a igualdade e o amor dende unha perspectiva moi achegada ao contexto escolar. Porque como ben escoitamos da boca da propia autora, “hai persoas que non deciden ser diferentes ao resto, tócalle selo” e en boca do papá dun dos protagonistas, Xián, escoitamos unha extraordinaria definición:...”diso trata o amor. De querer sen importar se somos diferentes. Non importa de onde sexamos, de que cor teñamos o pelo, o que nos guste, as nosas ideas e pensamentos, as nosas capacidades. Témonos que respectar. Todos nós somos diferentes”.
Ademais con María tivemos a oportunidade de gozar do debuxo do aspecto físico das persoas , valorando a diversidade e a riqueza cultural que nos rodea dende o momento que o “homo sapiens” poboou o planeta Terra; facendo un percorrido pola historia dende unha perspectiva de reflexión na igualdade e na riqueza da variedade de culturas que existen no mundo.
En definitiva ,unha xornada de aprendizaxe emocional imborrable.
Nesta mañá solleira de finais do mes de marzo, chegou a hora de transplantar os nosos semilleiros ao noso bancal no horto escolar do centro.
A partir do día de hoxe estamos tod@s encargad@s de coidar das nosas plantas, regalas e quitar as malas herbas se as houber. Concienciación e coidado do medio ambiente, un dos sinais de identidade do noso cole.
Outra actividade máis incluída no Programa @voznatura e o seu eco-reto deste mes de marzo #AccionVozNatura #RetoPlantamos
O pasado xoves 23 de marzo o alumnado de sexto de EP visitou no Museo Centro Gaiás da Cidade da Cultura, en Santiago de Compostela a quinta edición do Congreso de Innovación na Formación Profesional, FP Innova Galicia 2023.
FP Innova Galicia 2023 é unha magnífica ocasión para coñecer máis de cerca as posibilidades da formación profesional. O noso alumnado experimentou en primeira persoa coas novas tecnoloxías a través da visualización dos proxectos de innovación desenvolvidos nos centros e da participación nos obradoiros que se organizaron sobre hidróxeno verde, ciberseguridade, biotecnoloxía, robótica aplicada, creación de videoxogos, realidade virtual e aumentada, aplicacións móbiles ou impresión dixital, entre outros.
Tamén se mostraron experiencias innovadoras desenvolvidas nos centros a través de proxectos emprendedores, visualizando as miniempresas creadas por alumnado e profesorado de diferentes niveis educativos e outros programas dentro do Plan Eduemprende.
Foi unha mañá chea de aprendizaxes onde puidemos facer distintas experiencias titorizadas polos profesores dos distintos CIFP que alí presentaban as súas dinámicas de traballo.
Aproveitamos o día para tomar un cafeciño … (ía moito frío e choveu a cachón …) e visitamos a Casa de Rosalía, “alma mater” do noso cole. Aprendemos unha chea de cousas sobre a vida e obra da nosa autora de referencia e vimos de primeira man a casa e os aveños que empregou nos seus últimos anos de vida.
“O Deseño Dixital é como unha pintura en óleo, agás que a pintura nunca se seca”. Neville Brody (Deseñador e director de arte. Londres, 1957)
Comezamos cos cursos de deseño en Thinkercad para o alumnado de sexto de Educación Primaria. Da man do noso coordinador da Bilioteca Escolar, Alfredo Dorribo, as nenas e os nenos do último curso de Ed. Primaria que así o soliciten, terán unhas sesións de formación durante os tempos de lecer en grupos de máximo de dez persoas neste programa de iniciación ao deseño en 3D, para rematar coa impresión dos traballos que alí realicen.
Tinkercad é un programa de software libre en liña, de deseño 3D que funciona a través dun navegador web. Dispoñíbel dende 2011, constitúese nunha plataforma popular para crear modelos para impresión 3D así e é un programa de introdución neste ámbito para traballar nas escolas.
Tinkercad foi fundado polo antigo enxeñeiro de Google Kai Backman e o seu cofundador Mikko Mononen, co obxectivo de facer modelaxe en 3D, especialmente traballando o deseño de elementos físicos, accesíbel ao público xeral, e deixando que os usuarios publiquen os seus deseños baixo unha licenza de Creative Commons. En 2011, tinkercad.com foi lanzado como ferramenta para navegadores WebGL habilitados. En 2012 a empresa traslada a súa sede central a San Francisco. Ese ano, máis de 100,000 deseños en 3D estaban publicados por usuarios neste sitio web. En maio de 2013, Autodesk anuncia na Feira Maker que compran Tinkercad. E en 2017, a empresa migra todos os seus deseños e programas a esta plataforma.
Unha iniciativa máis da nosa Biblioteca Cretaiva. Novas aprendizaxes para as novas realidades que contén o día a día no noso centro!
O noso alumnado de cuarto e quinto de Ed. Primaria asistiu onte a esta obra de teatro que forma parte do programa de educación financeira de AFundación, que axudará ao estudantado para comprender mellor a importancia dunha boa xestión das finanzas persoais.
Nunha clase dun instituto, tres dos seus alumnos falan sobre a viaxe de fin de curso e o que terán que facer para conseguir o diñeiro que lles permita apuntarse. Ningún dos tres ten unha familia adiñeirada, e tras a pandemia e os ERTES, en ningunha casa andan sobrados de diñeiro para unha viaxe de estudos.
Eles levan meses sen poder saír, verse coas amizades, para eles esta viaxe é a súa fuxida, a súa busca do paraíso, a viaxe a Ítaca.
Para conseguir realizar este soño embarcaranse en decisións e accións que en moitas ocasións poñerán en risco a súa economía, a das amizades e familia..., en fin, poñerán en risco a súa saúde financeira e a súa saúde persoal.
Unha viaxe antes da viaxe, situacións divertidas, sorprendentes que nos farán vivir na pel das persoas que están en escena. Unha auténtica aventura!
Novas aprendizaxes moi interesantes e relevantes para o día a día!
Con motivo do Día Mundial da Síndrome de Down que se celebra o vindeiro martes 21 de marzo, DOWN ESPAÑA lanza a súa nova campaña: #NoSomosUnEstereotipo, somos mucho más. O seu obxectivo é cambiar a forma de ver ás persoas con síndrome de Down, unha forma de miralos que a miúdo está cargada de prexuízos e estereotipos que dificultan a súa inclusión na sociedade.
Xeneralizacións como as de que son todos cariñosos ou uns "angelitos" ou algunhas máis despectivas referidas a que levan unha vida sen aspiracións nin metas, ou a que son persoas inactivas, que representan unha carga familiar, etc… contradinse coa realidade que viven as propias persoas con síndrome de Down hoxe en día. Eles senten que teñen vidas plenas, cargadas de ilusións e proxectos. Por, iso reivindican unha imaxe acorde coa autonomía da que xa gozan, que os dá acceso a unha vida sen límites.(https://www.sindromedown.net/noticia/down-espana-lanza-la-campana-nosomosunestereotipo-somos-mucho-mas-para-el-dia-mundial-del-sindrome-de-down/)
Tatiana no noso cole é unha máis. Unha nena que lle gusta xogar, ter amig@s, saír ao patio, falar c@s compis da clase... e das outras clases tamén!! E unha nena que da moito amor a todo o mundo que lle rodea e que tod@s nós queremos crer que así tamén llo devolvemos! Hoxe, e todos os días, tod@s nós damos o noso apoio ás persoas con síndrome de Down, porque estamos convencid@s (e é un sinal de identidade do noso centro educativo) que a verdadeira inclusión é posible ... e NECESARIA!
Un grupo de 50 nais de nenas e nenos con síndrome de Down creou un vídeo estilo Carpool Karaoke (Karaoke no coche) para espertar a conciencia da xente sobre menores cun cromosoma adicional. Segundo publican varios medios, estas 50 nais forman parte do grupo de Facebook Designer Xenes e teñen en común que todas deron a luz a nenos e nenas con síndrome de Down entre 2013 e 2014. Para a filmación, inspiráronse nun vídeo filmado con linguaxe de acenos.
Seguimos coa nosa teima (que comezou xa case fai doce anos) de ter cada día un cole máis "bonito"... Desta volta tocoulle a quenda ás aulas de Educación Infantil que dende hoxe teñen novos protagonistas que lle darán á benvida todos os días ao noso alumnado máis miúdo.
Gran traballo de @J Ozono Arte @o'Ras Deguanteblancoque despois de moitas horas traballando intensamente lograron este resultado espectacular!!
Este é o espírito que tod@s s axudantes da nosa Biblioteca Escolar teñen para colaborar co alumnado usuario deste servizo. E temos tres fichaxes novas para botar unha man na nosa Biblioteca Escolar!!!
Inés, Thayná e Xana son as últimas incorporacións ao noso equipo de alumnado colaborador na Biblioteca Escolar. Elas, xunto co resto d@s seus compañeir@s, identificad@s coa súa característica camiseta vermella con Papacontos nela, son os encargad@s de axudar ao resto d@s seus/súas compañeir@s a buscar os títulos que máis lle gustan entre os fondos literarios e non literarios que temos na nosa Charca…
Tamén son el@s @s que botan unha man no espazo creativo axudando con xogos e os distintos materiais que están a dispor de todo o alumnado durante os recreos dispostos por quendas cada día da semana.
Lego, Kapla, material de pintura, xogos de mesa, … son algunhos exemplos de todo o que a Biblioteca Creativa brinda ás nenas e nenos do noso cole…
E, en breve, traeremos máis novidades! Estade atent@s!
.jpeg)
.jpeg)
.jpeg)
.jpeg)
.jpeg)
