Primeira "excursión" d@s nos@s benxamíns !!

Inicia o alumnado de tres anos o seu itineraio de actividades extraescoalres cunha saída moi esperada por tod@s! O seu destino e o pobo escola de Lodoselo, onde a vivir un montón de aprendizaxes distintos aos que fan día a día na escola. Facer pan, montar en carro, escoitar historias, plamtar unha planta, experimentar cos seus sentidos, ... son algunhas das actividades que ao longo desta xornada fixron e que estamos segur@s que quedarán para sempre nos seus recordos de nenez! Grazas a Toño e q todo o equipo do CDR do Viso por facer desta visita unha experiencia inesquecible para @s máis pequen@s do noso cole!!

Fotografías: Ana López e Tilde Martínez

Música:: TheHousemartins - Me And The Farmer

 

Que planta/folla é esta?

Terceira xornada de convivencia c@s usuari@s do Centro de Día de Xinzo de Limia. Desta volta, axudad@s por as persoa maiores e por Carmen, o alumnado de cinco anos do noso centro aprenderon a distinguir as plantas e follas máis comúns que poden atopar se van a dar unha volta polo campo. Posteriormente, elaboraron un cardeno de campo onde puxeron exemplares destes vexetais e os seus nomes. Unha mañá marabillosa de aprendizaxe e de convivencia interxeracional. Bravo por el@s!!

Fotografías: Sonia Pombar e Diana Vispo

Música: Rauw Alejandro & Camilo - Tattoo Remix

Visitamos os Museos Científicos da Coruña

Chega o final de curso e con el as saídas didácticas dos distintos cursos. Nesta ocasión é a quenda do alumnado de quinto de Educación Primaria que aproveitaron un día espléndido na Coruña para visitar a Casa dos Peixes, o Domus e a Casa das Ciencias.

Moitisímas actividades e novos aprendizaxes que fixeron noutros ámbitos diferentes ao de todos os días e unha xornada que, sen dúbida, tardarán en esquecer!!

Fotografías: Sonia Yañez e José M. García

Música: Chanel - SloMo, Sebastián Yatra, Aitana - Las Dudas

Que ricas son as patacas da Limia !!

O pasado luns 23 de maio, visitamos a fábrica de Jaly´s, empresa dedicada á transformación do producto insignia da nosa comaraca, a pataca. Foi Pablo o que nos explicou todo o proceso dende que os tubérculos chegan á súa nave, no Poligono Industrial de Xinzo, ata que terminan nesas bolsas tan recoñecibles e que podemos atopar en todas as cadeas de alimentación da nosa vila e en gran parte de toda a provincia de Ourense. Outro xeito de adquirir coñecementos, unha maneira distinta de aprender!!

Fotografías: Diana Vispo e Sonia Pombar

Música: Bárbara Bandeira - Onde Vais (feat. Carminho)

Rosalía Sound Festival!! Antonio Luz en directo!!!

Que gran privilexio poder contar con este gran artista de Sarreaus no noso cole!! Antonio estivo ... xenial !! Primeiro na entrevista que lle fixeron unha selección de alumnas e alumnos dos distintos cursos de Primaria e Infantil que puideron seguir todos os cursos por videoconferencia e ás que contestou con grande agarimo e empatía. 

E despois .... o gran broche final !! Un concerto no que interpretou os seus temas máis coñecidos e os de o seu último albúm. Tod@s vibramos co seu "Entroido" !! Non podía ser doutro xeito !! 

Moitas grazas por compartir con nós unha mañá distinta que será difícil de esquecer!!

Enlace á entrevista completa a Antonio Luz.

Fotografías: Profesorado do CEIP Rosalía de Castro

Música: Antonio Luz - "Entroido"

As pombas de Bastián... María Canosa na nosa Bilio

Hoxe tivemos a grande sorte de poder contar coa presenza de María Canosa na nosa Blioteca Escolar para que nos falara sobre o seu libro "As pombas de Bastíán", incluído no noso itinerario lector de 4º curso de Ed. Primaria.

María, nada en Cee o 20 de agosto de 1978, é unha enxeñeira de Camiños, Canais e Portos galega, coñecida pola súa participación como xurado en programas concurso da Televisión de Galicia e como escritora de literatura infantil e xuvenil.

Nesta obra, Minia observa desde a fiestra da súa casa todos os días como un home lles dá de comer ás pombas da rúa. As aves semellan ser as súas únicas amigas, mais a rapaza intúe que aquel home agocha unha maxia especial tras a soidade en que semella vivir. Por iso a nena toma unha decisión: achegarse a el. A partir do primeiro encontro prenderá neles a ilusión que vai alumear unha fermosa amizade.

O noso alumnado deste curso fíxolle á autora unha intensa entrevista onde se interesaron por aspectos máis relevantes desta historia e por outras curiosidades da vida e obra desta escritora, ás que contestou cunha enorme empatía.

Grazas pola túa visita, María!!

Enlace á entrevista completa a María Canosa.

Fotografías: Manuela Vázquez Bouzas

Música: MJ Pérez - Ai de min!

Florencio Delgado Gurriarán. Dende Córgomo para toda a galeguidade

Conmemoramos esta ano o Día das Letras Galegas con diversas actividades que poñen en relevo a figura do gran autor valdeorrés, Florencio Delgado Gurriarán.

Asistimos á posta en escea por parte do grupo Trémola do Ferrol dos datos máis salientables tanto da súa vida como da súa obra. Podemos levar a cabo esta representación grazas á colaboración, unha vez máis, do Concello de Xinzo de Limia, a través da súa Concellería de Cultura, para a cesión do Auditorio da Casa da Cultura.

En todas as aulas traballáronse distintos materiais cos que afondar no coñecemento do autor que se lle dedica este ano esta celebración e todas as aulas prepararon nunha "folla de vide" un verso do seu poema Galicia Infinda, follas que xa penduran nas pólas dás árbores do centro!

Fotografías: Profesorado do CEIP Rosalía de Castro

Música: TANXUGUEIRAS – Pano Corado

Apuntámonos a non beber!

Dentro Plan Proxecta do noso centro, implementamos, en colaboración co Servizo de Prevención de Conductas Adicitivas da  Consellería de Sanidade, o programa "Apuntámonos a non beber" do que tedes toda a información relativa nel neste enlace.

O noso alumnado de sexto de Ed. Primaria tomou conciencia deste serio problema e como actuar antes os estímulos negativos que tanto a publicidade como a sociedade en xeral envía para fomentar o consumo destas sustancias negativas para a súa saúde.

Na procura do tesouro de Pascua!!

Onde estará agochado ese tesouro que as profes nos dixeron que deixou o coelliño de Pascua?

Tivermos que pescudar por todos os rincóns do cole para atopar as pistas que el foi deixando e que nos levarían ata a recompensa que finalmente atopamos no sitio que menos pensabamos... Quederes saber onde? Non perdades este vídeo!!

Fotografías: Sonia Pombar e Diana Vispo

Música: Sara Correia - Quero É Viver

Non queda outra!!! Temos que transplantar!!

Despois de que os  sementeiros do alumnado de 4º de Ed. Primaria pasasen todo o inverno coidando das súas plantas para protexelas do frío e das fortes xiadas, chegou a hora de transplantar os seus productos á horta do noso cole.

Chícharos, patacas, cabazas entre outros xa están na terra que, despois de meses de rego e coidados, darán o seu froito e poderán observar o seu crecemento e evolución e aprender como o ciclo da vida vexetal abrése paso día a día. 

Un xeito distinto de aprender mediante a experimentación e a adquisición de competencias básicas, complementando o que aprendemos na aula!

Fotografías: Manuela Vázquez

Música: Xabier Díaz & Adufeiras de Salitre - Cantiga da Montaña

Rompamos xunt@s barreiras!

Este dous de abril, baixo o lema «Unha feliz viaxe pola vida», a campaña do Día Mundial de Concienciación sobre o Autismo 2022 pon o foco no dereito das persoas con trastorno do espectro do autismo (TEA) e as súas familias para gozar dunha vida feliz.

Moitas delas enfróntanse a un nivel moi alto de discriminación en todos os aspectos da vida, debido en boa medida á falta de concienciación sobre o  TEA. É preciso eliminar os prexuízos existentes e  empatizar co colectivo. Coñecer e comprender as súas necesidades para poder facilitarlles os apoios específicos que lles permitan vivir felices e participar na sociedade en igualdade de condicións respecto ao resto da cidadanía. (https://diamundialautismo.com/)

No noso centro quixemos pór en valor este día e ás persoas que teñen este trastorno cunhas grandes gafas que serven visualizar esta e tantas outras situaicóns que fan de cada un de nós, alguén particular, moi especial e á/ao que merece moito  a pena acercarse e coñecel@ moito mellor!!

Rompamos xunt@s as barreiras que non nos permiten ver máis alá !!

Fotografías: Profesorado do CEIP Rosalía de Castro

Música: Autismo, mi historia. (Respirar – Bebe)

A Santiago vou... lixeiriño... caminando!

Non foi o caso do noso alumnado de quinto de Primaria. O pasado xoves, 24 de marzo, tivemos un día cheo de actividades e bos momentos, despois de dous anos sen poder "saír" do cole.

Visitamos primeiramente o MUPEGA, onde poidemos aprender como eran as escolas de antes, cheas de tinteiros, mesas de madeira e vellos libros enciclopédicos.

Logo visitamos a Praza do Obradoiro e a Catedral, entrando pola Porta Santa, so aberta coa ocación deste Ano Santo.

Desprazámonos ata a Alameda, onde visitamos ás Marías, xantamos e fomos logo a rúa do Franco a facer unhas compriñas....

E por último, visitamos o Parlamento de Galicia, onde Laura nos esplicou todo o traballo que os nosos representantes alí fan e onde nos convertimos en "deputadas e deputados" por un día.

Foi unha xornada moi completa onde aprendimos moitas cousas e, por suposto, pasámolo xenial !!!

Fotografías: José M. García e Sonia Yañez

Música: Fredi Leis - Santiago DC / A Santiago vou - Astarot

Tempo de actualizarrnos!!

Dentro do proceso de actualización e formación que todo o profesorado do noso centro leva a cabo, dende o Equipo da Biblioteca Escolar organizouse un taller sobre  programación con scratch, e-textiles e todo o relacionado co pensamento computacional. Tivemos a gran fortuna de contar coa presenza de Paola Guimerans, referente neste ámbito formada nas universidades de Sevilla, Nueva York e Madrid e cunha ampla experiencia en formacións, tanto para alumnado como para profesorado, impartindo numerosos cursos para a propia Consellería de Educación.

Pola mañá Paola tivo catro sesións co alumnado de terceiro e cuarto, onde puido demostrar ao alumnado que aprender tamén pode ser moi divertido e que ademais de outras competencias tamén é necesario traballar a competencia "computacional", entendo como funcionan os "robots" que nos rodean no día a día.

Xa pola tarde foi a quenda para o profesorado do centro, facéndonos ver que necesario é introducir dun xeito gradual todas estas competencias 4.0 no noso xeito de ensinar e como as xeracións que estamos formando manexarán todas estas ferramentas dun xeito habitual, o que supón un cambio similar á introducción da Internet de das TICs no ensino, vinte anos atrás...!!!

So queda agradecer a Paola a súa implicación e paixón en todo aquilo que ensina e amosa, facendoo moito máis motivador e parecendo que sexa moito máis doado o achegamento a estas novas competencias.

Fotografías: José M. García e Manuela Vázquez

Música: MARO - "Saudade, saudade" (Live in Avinyó)

Tempo de sementar!

O alumnado de cinco anos non para!! Desta volta fixeron un taller de platación de romeu, pirixel, "hierbabuena" e menta, en colaboración co persoal e as persoas maiores do Cemtro de Día de Xinzo de Limia. Ees nos dixeron como escoller as plantas, como poñelas en terra e os coidados que lles temos que dar.... Canto aprendemos dos nosos maiores !!!

Fotografías: Sonia Pombar e Diana Vispo

Música: Músicas de Salitre: Teu nome por mar e terra

Quen fai un cesto, fai un cento; se lle dan vimbios e tempo !!

Pois o noso alumnado de cinco anos xa ten o primeiro feito... So lles quedan... 99 !!!

Unha actividade máis dentro do proxecto que este ano levan a cabo para coñecer distintas tradicións e profesións relacionadas co universo da artesanía.

Da man de Sergio Moreno, cesteiro de Allariz, as nenas e nenos de 6º de Ed. Infantil coñeceron de primeira man como se fai un cesto de vimbios... empezando como non pode ser doutro xeito pola base, como todas as boas aprendizaxes!

Fotografías: Sonia Pombar e Diana Vispo

Música:: Xabier Díaz & Adufeiras de Salitre - No Salón das Cereixas

Celebramos o Día da Árbore ... dun xeito moi especial!

Día 21 de marzo de 2022 ... Día no que comeza a primavera, Día da Árbore, día de pechar ciclos e abrir outros novos que comezan...

Hoxe, o alumnado de 2º A puxo un precioso final a un ciclo doloroso que, por desgraza, lles tocou vivir. Ao lado do exemplar de Ginko Biloba que dende hoxe está no noso patio quedarán para sempre as lembranzas e as vivencias que Mari Carmen compartiu con tantas xeracións de rosalianas e rosalianos. 

Sempre no noso recordo, benquerida compañeira!

LER É DIVERTIDO E MUSEO DO LIBRO 2022

MUSEO DO LIBRO 2022

Estimadas familias, co gallo da celebración do día do libro 2.022, desde o Equipo de Dinamización da Biblioteca Escolar queremos celebralo cunha exposición temática na que o libro sexa o protagonista. O alumnado e profesorado van preparar diversos materiais nas aulas con cada curso. Pedimos tamén a colaboración a nivel individual de familias e alumnado para que poidades aportar as vosas propostas a este singular “MUSEO DO LIBRO”. Calquera tipo de proposta que mesture creatividade, orixinalidade e que xire en torno ao libro como protagonista utilizando materiais diversos será ben acollida ( esculturas, logotipos, manualidades, collage, cadros,…).

LER É DIVERTIDO

Por outro lado,no noso blog abrimos o espazo “LER E DIVERTIDO”. Neste recuncho pódese aportar unha fotografía (non máis) que mesture lectura e situcións divertidas e orixinais. Está permitido editar as fotografías para engadirlle un toque artístico, sempre e cando sexan respectuosas desde calquer punto de vista.

Enlace ao formulario:

Tamén podedes achegar as vosas fotografías a: acharcadoslibros@gmail.com

ASUNTO: LER É DIVERTIDO!

Engadir arquivo coa fotografía e facer constar curso do alumno/a, nome( sen apelidos) e, se pode ser, unha moi breve descrición da fotografía.

Con todas as propostas encheremos un mural temático na entrada da Biblioteca.

DATA LÍMITE PARA PARTICIPAR: venres 17 de abril de 2022

Ánimamos a tod@s a participar POR UNHA BIBLIOTECA CREATIVA e porque:

LER É DIVERTIDO!!!

Imaxe:pixabay.com

Todo ... Rico, rico !!

Que ben volver á Casa da Cultura do Concello de Xinzo de Limia (moitísimas grazas polas facilidades dadas polo persoal da Concellería de Cultura, María e Alfonso, para poder levar a cabo esta actividade) máis de dous anos despois e cunha obra tan divertida como este Saaabor!! da man de Félix Rodríguez e Fran Rei, que nos fixeron pasar unha hora de risas e entretemento!

"Saaabor!, Premio do público  Festiclown 2018,  é un espectáculo cómico que mestura música, maxia, humor, ritmo e participación do público, co mundo da gastronomía de fondo. Os nosos protagonistas convértense en dous recoñecidos chefs que nos ofrecen pratos para todos os gustos: desde a comida máis práctica e sinxela ata a máis elaborada, sen esquecer viño e sobremesa, elaborando un saboroso menú para toda a familia.

Félix Rodríguez é un actor e músico con ampla traxectoria escénica en compañías como Odaiko,  Píscore e Trío  Refugallo, que nesta ocasión compleméntase perfectamente con Fran Rei, cómico que participou en máis de 20 montaxes con compañías como Vos  Sete Magníficos  máis Un,  Pallasos en Rebeldía ou  Acontrabutaca."  https://www.culturactiva.org/es/espectaculo/saaabor

Xuntos crearon este espectáculo, unha receita chea de sabor que fixo as delicias dos padais máis esixentes entre o noso alumnado!

Fotografías: Manuela Vázquez Bouzas

Música: Dj NiFran - Danza Invisible - Sabor de amor

Imos trampeando!

Despois da charla que o coordinador da Agrupación de Protección Civil de Xinzo de Limia, Jesús Rivas, deu ao alumnado de sexto de Ed. Primaria sobre a importancia do control da véspora velutina, a clase de sexto B concienciouse de tal xeito que elaboraron unha chea de trampas para atrapar o maior número destes insectos e así contribuir ao control desta praga invasora que ameaza ás nosas especies autóctonas. Agora só queda colocalas en lugares estratéxicos para que cumpran a súa función e así participar nesta inicitaiva tan interesante!

#EmpoderamentoFeminino

Sabías que podemos conectar os auriculares por bluetooth grazas a unha muller? Que os nosos automóviles teñen luces de freo porque unha muller se lle ocorreu que eran necesarias?

Para conmemorar o Día Internacional da Muller todos os cursos fixemos un traballo de investigación sobre mulleres que teñen influido dun xeito moi importante nas nosas vidas cotiás e que, con toda seguridade, non o sabiamos!!

#8M2022 #EmpoderamentoFeminino

Fotografías: Profesorado do CEIP Rosalía de Castro

Música: Sés - Tempestades de sal

OBRADOIRO DE MÁSCARAS

O alumnado e mestras de 6º de Primaria traballou durante o pasado mes de febreiro no espazo creativo da Biblioteca para crear as súas propias máscaras. No vídeo podedes apreciar os bos momentos que pasaron durante a elaboración. 

 

MATERIAL: globos, cola, auga, alkil periódicos, pinturas e pincéis.

PROCESO DE ELABORACIÓN: 

1º Darlle aire aos globos e forralos de pedaciños de papel coa axuda da cola e un pincel. Como hai que dar varias capas, temos que deixar secar ben unha antes de dar a seguinte.

2º Agora temos que pinchar os globos e, no molde que nos queda, recortar por abaixo; que é por onde imos a meter a nosa cabeza cando este rematada a máscara. Tamén temos que abrir a zona para os ollos.

3º. É  hora de darlle forma a cara usando de novo papel e cola.

4º Deixamos secar e pintamos, cada quen ao seu gusto.

5º Deixamos secar de novo a pintura e dámoslle unha capa de alkil.

LISTAS PARA ENTROIDAR!!!

Nova visita ao MUGAE

Dous grupos máis do noso centro (6º de Ed. Infantil e 4º de Ed. Primaria) fixeron unha visita ao Museo Galego do Entroido, onde da man de Carlos Martínez, percorreron todos os días sinalados do noso gran ciclo do Entroido e coñeceron de primeira man unha numerosa variedade de traxes singulares dos Entroidos máis coñecidos de Ourense, Galicia, España e Portugal, destacando entre todos eles, como non podía ser doutra forma, a nosa querida Pantalla, da que Carlos deu todos os detalles de como vestila e de como portarse cando a levamos posta. Temos relevo xeracional garantido!  

Fotografías: José M. García, Sonia Pombar e Manuela Vázquez

Música: TANXUGUEIRAS & RAYDEN - Averno

Cantarte hei, Galicia, na lengua gallega, consolo dos males, alivio das penas...

"Eu son libre. Nada pode conter a marcha dos meus pensamentos e eles son a lei que rexe o meu destino" (Rosalía de Castro)

Conmemoramos un ano máis o Día de Rosalía, mudando por primeira vez de data e traslandándoa a este 23 de febreiro.

Como todos estes anos, seguimos as pautas da Asociación de Escritoras e Escritores en Lingua Galega para a celebración deste data tan especial para o noso centro, seguindo o cancelo #SementadePensamentos

Foron moitas as actividades feitas por todos os grupos do centro (elaboración de pensamentos, plantación de flores, un circuito onde o alumnado tiña que buscar datos sobre a vida e obra da nosa autora de cabeceira, ... entre outras moitas) para darlle a ben merecido homenaxe que a esctitora de Padón ben merece.

Aquií vos deixamos unha mostra de todo o que levamos a cabo esta xornada.

Fotografías: José M. García, Sonia Pombar,Mª Carmen Rodríguez, Manuela Vázquez

Música: ASTAROT - ADIÓS RÍOS, ADIÓS FONTES

Domingo Corredoiro no Rosalía!

E seguimos en tempo de Entroido no noso centro! Desta volta o alumnado de sexto de Primaria fixo unha vista ao Museo Galego do Entroido, onde, da man de Carlos Martínez, poideron coñecer curiosidades do noso e de outros entroidos de toda Galicia.

Aproveitamos tamén a visita para pescudar na vida e obra do autor de cabeceira da Limia, Carlos Casares, facendo unha investigación persoal a través da exposición "Os mundos de Carlos Casares", sita na planta baixa do museo. Alí descubrimos o seu amor pola fotografía e polos trens a escala, así como a súa "obsesión" por coleccionar exemplares do "Principiño" en diferentes edicións e linguas.

Para rematar esta xornada visitamos tamén a sé da Asociación Cultural A Pantalla, onde puidemos observar exemplares moi antigos da nosa máscara, os primeiros traxes e un montón de elementos moi significativos de todo o noso ciclo de Entroido.

Rematamos cunha charla de Carlos e Leticia, da propia Asociación, onde nos explicaron como se debe vestir e comportar unha Pantalla nestes días de festa que están por chegar.

Fotografías: Trini Fortes, Jose M. García e Mª Jose Peaguda

Música: Habitación Vudú - Tu Carnaval

Seguimos aprendendo sobre o noso Entroido!!

Hoxe, o alumnado de sexto de Educación Infantil (5 anos) tivemos o grande privilexio de recibir no noso cole a Antonio Gómez, mestre artesán, que durante moitísimos anos era a persoa que máis vexigas preparaba en Xinzo para que as nosas Pantallas poideran "batilas" con forza durante os días grandes do noso Entroido. 

Contounos todo o proceso de como se fai para que queden perfectamente curadas e non rebeten ás primeiras de cambio, de que animal son, ... e un montón de cousas interesantes que descoñeciamos totalmente. 

Vimos tamén un vídeo, onde o noso invitado tamén aparecía, cos elementos máis significativos deste noso longo ciclo de días sinalados que temos na nosa vila (Fareleiro, Oleiro, Corredoiro, Entroido e Piñata).

Ao final, Antonio contestou a un montón de preguntas que previamente prepararamos en clase.

Unha mañá distinta! Un xeito distinto de aprender! Moitas grazas por todo!

Fotografías: Sonia Pombar e Diana Vispo

Música:  Luar Na Lubre - Os tafenos da gaurra. Con Maria Xosé Silvar(Sés) e a Coral de Ruada

Entre tod@s conseguiremos ter a mellor árbore de Europa !!

Se non quedaches conforme co que pasou na selección da canción de Eurovisión... 

Se queres que un carballo galego sexa declarado a mellor árbore de Europa do ano...

Segue os pasos que nos conta Luis Zahera e vota polo Carballo do Bosque do Banquete de Conxo. (Preme no enlace para obter información sobre a árbore)

Tal como di Luis, teriamos que:

1. Premer no seguinte enlace: https://www.treeoftheyear.org/Vote
2. Seleccionar dúas árbores (unha, evidentemente o noso carballo, a outra... segue o consello de Luis...)
3. Temos que escribir unha dirección de correo electrónica VÁLIDA
4. A organización enviaranche un mail, que temos que confirmar.

E xa está !!! Animádevos !!! Entre tod@s conseguirémolo !! 

E ademáis por cada voto, a organización comprométese a plantar unha árbore autóctona.

Que máis se pode pedir!!

Celebramos o amor!!

Aproveitando a celebración do Día do Amor e da Amizade o 14 de febreiro, o alumnado de sexto de Educación Infantil (5 anos) elaboraron unha fermosa tarxeta para as súas familias baseada nun poema da nosa autora de cabeceira, Rosalía de Castro. 

Despois acercáronse ata a oficina de Correos da nosa vila, onde despois de franquealas correctamente, contamos unha vez máis coa colaboración inestimable de Ramón Freire para asegurarnos que todas e cada unha delas chegara ao seu destino. Agardecer dende aqu´i o trato exquisito, unha vez máis, que Ramón sempre ten co noso alumnado, ao que lle enregou un obsequio en recordo desta visita. 

Moitas grazas, Ramón! 

Aquí tedes unha pequena reportaxe de todo o que fixeron e o ben que o pasaron, aprendendo dun xeito diferente!!!

Fotografías: Sonia Pombar e Diana Vispo

Música: A Dama Que Ia No Branco Cabalo/O Cabaleiro Da Pruma Na Gorra – Amancio Prada

TODOS PODEMOS SER CREATIV@S!

 Ola de novo, alá polo mes de decembro Papacontos convocou un concurso para "MENTES CREATIVAS" que quixeran deseñar modelos orixinais para un cartel de entrada o espazo creativo da nosa Biblioteca. No seguinte vídeo podedes ver e apreciar que houbo propostas moi divertidas e interesantes...

E @S GAÑADOR@S  DO CONCURSO SON:

1º Posto : ClaudiaUrones Fid, de 5º curso.

2º Posto : Hállany Parejas Dos Santos, de 6º curso.

3º e 4º Posto: Adrián Chapado Cestrone de 3º curso e mateo Fidalgo garcía de 4º curso..

NORABOA A TODOS E A TODAS POLA VOSA PARTICIPACIÓN!! 

Campo a través en estado puro! Volve o Deporte Escolar

Celebrouse este domingo, 13 de febreiro, o Campionato Provincial Escolar de Campo a Través no circuito de A Veronza - Parque O Xestal de Ribadavia cunha ampla representación de atletas da Limia representados nas dúas entidades da nosa comarca, A.D. Limia e Limiactiva, con presenza de alumnado do noso cole.

A nivel de equipos, a Agrupación Deportiva Limia acadou un meritorio terceiro posto na categoría Benxamín Feminino co equipo formado por Lucía, Estela, María, Bimba e Naila.

Destacar que a nivel individual Hugo Gándara Guede acadou un fenomenal segundo posto e medalla de prata na súa categoría, Benxamín Masculino.

Tamén reseñar que houbo presenza por equipos e de xeito individual en todas as categorías e que acadaron un gran resultado. Parabéns para todas e todos os/as participantes!!!

Empoderamos ás mulleres e ás na nenas científicas!

Como cada 11 de febreiro conmemoramos o Día Internacional da Muller e Nena na Ciencia. Este ano e da man da Área de Responsabilidade Social e Cooperación da Universidade de Vigo chegou ao noso centro a exposición BRAVXS, onde "a través destas caretas ilustradas por Marta Riera, exprofesora da Facultade de Belas Artes, a Universidade de Vigo pretende darlles visibilidade a mulleres científicas, investigadoras e inventoras con traxectorias vitais paradigmáticas nas que se observan trazas de inxustiza e discriminación no ámbito da ciencia (o chamado «efecto Matilda»), pese á importancia e á relevancia das súas achegas e descubrimentos.

Lynn Petra Alexander, primeira doutora honoris causa da Universidade de Vigo; Ángela Ruiz Robles, profesora ferrolá e deseñadora do primeiro prototipo de libro electrónico; Ada Lovelace, inventora da linguaxe de programación; Jane Goodall, primatóloga que revolucionou esta disciplina grazas ás súas observacións e análises; Hedy Lamarr, inventora da wifi; Jocelyn Bell, descubridora dos pulsares ou Rosalind Franklin, clave no descubrimento do ADN, son algunhas destas destacadas e fantásticas mulleres científicas e investigadoras" 

(UVIGO - IGUALDADE  01/03/2021- Mulleres científicas, investigadoras e inventoras)

Moitos dos nosos cursos pasaron pola exposición para tomar boa nota da vida, da obra e do exemplo destas mulleres (entre outras moitísimas que tamén forman parte da nosa historia pasada e actual) co fin de telas como referente para futuras vocacións científicas, tal necesarias na sociedade que vivimos hoxe en dñia.

Oliñas veñen, oliñas van !!!

Segundo domingo do mellor Entroido do mundo! No cole quentamos motores e practicamos a lanzar as olas tal e como marca a tradición. Moitas grazas á Comisión do Entroido de Xinzo, e en especial a Adriana, por estar sempre dispostos a colaborar con nós en todas as actividades que organizamos! En breve, máis e mellor!!

E resultou ser un Castelo !!!

Tanto tempo presente entre tod@s nós, pensando que simplemente era una torre e grazas aos traballos arqueolóxicos levados a cabo pola empresa adxudicataria descubrimos que tiñamos todo un castelo ao alcance da vista.

O noso alumnado de cuarto de Ed. Primaria, acompañado das súas mestras, poideron aprender de primeira man todos os secretos que esta edificación agocha e prestando toda a atención posible ás explicacións de Israel, arqueólogo ao cargo destes traballos de recuperación, tomaron moi boa nota do que alí está a acontecer e como, pouco a pouco, este noso castelo vai seguir sendo un sinal de referencia e de identidade para tod@s @s que vivimos na Limia.

Aproveitamos tamén esta xornada para visitar a Pedra Alta de Cortegada, testigo do paso dos distintos pobos e civilizacións por estas terras do Alto Limia.

Fotografías: Pepa Barge, Manuel Teijeiro e Manuela Vázquez

Música: Xabier Díaz & Adufeiras de Salitre - No Salón das Cereixas

Aprendemos novas estratetexias para o noso alumnado TEA

No CEIP Rosalía consideramos que a formación e a actualización educativa para o noso profesorado é un tema chave para dar resposta á realidade cada vez máis diversa do alumnado que acollee o noso centro. 

Hoxe máis de sesenta asistentes, entre os que se contaban nais e pais, profesorado de distintos centros de toda a provincia e xente involucrada no trato día a día con este alumnado, asistiron á charla coloquio impartida pola Dra Dagmar Gabriela Nedelcu cun curriculo moi amplo (que pode ser consultado neste enlace) sobre este tema tan de actualidade. 

Foron máis de dúas horas de encontro, onde a ela abordou tanto as bases teóricas deste transtorno, como as estratexias a levar a cabo por parte de familias e docentes para acadar uns mellores resultados académicos e, o que é moitísimo máis importante, unha inclusión no maior grado posible destes nenos e nenas na escola e na sociedade na que conviven. Asemade, a doutora contestou á todas as dúbidas propostas polos asistentes dos casos particulares aos que se enfrontan de xeito cotiá.

Contamos con que esta sexa a primeira de máis charlas onde abordar problemas e situacións cotiás que vivimos día a día na nosa escola e ás que tratamos de dar a mellor contestación posible que estea nas nosas mans.

Afondamos na nosa tradición aprendendo novos xeitos de xogar!

Ao longo de dúas xornadas e da man do incombustible Lito, do Centro de Cultura Popular Xaquín Lorenzo, dependente da Deputación de Ourense, o noso alumnado de sexto de Educación Primaria tivo a oportunidade de aprender como xogaban as xeracións anteriores e volver, de algún xeito, ás épocas nas que o xogo era algo espontáneo e onde as "pantallas" de videoxogos e telefónos intelixentes non tiñan ningunha presenza.

Na primeira sesión traballaron nun taller de baile, onde todas e todos compartiron unha experiencia moi enriquecedora na que a presenza da música cobra un papel fundamental á hora de pasar un bo rato.

Na derradeira sesión foi turno de aprender a xogar á "porca", e a verdade que non foi soamente un momento moi "intenso", en canto a competitivade se refire, se non tamén unha oportunidade para enteder todo ese vocabulario que vai unido a estes xogos tradicionais.

Agradecer unha vez máis ao CCP Xaquín Lorenzo e en especial a Lito a súa dedicación a este arduo traballo de recuperar e esparexer todas estes elementos que forman unha parte tan importante do noso patrimonio cultural inmaterial.

Enlace ao video

Fotografías: Pilar Pato, Trini Fortes, José M. García e Rita Reza

Música: Tanxugueiras - TERRA, Guadi Galego feat. Iván Ferreiro - Cedeira

Xa temos Palabra do Ano en galego!!

Como todo parecía prever ‘Tanxugueiras’ foi a escollida. Tedes toda a información e a súa curiosa orixe neste vídeo da xenial Esther Estévez no seu "Dígocho eu"

Toda a información desta escolla anual no enlace do Portal das Palabras, unha inciativa da RAG e da Fundación Barrié (preme na imaxe para acceder o seu sitio web)

PUBLICAMOS UN NOVO BIBLIOBOLETÍN

Ola de novo habitantes e visitantes da Charca dos Libros, queremos aproveitar esta nova entrada para transmitir o desexo de Papacontos de que pasedes unhas felices festas neste Nadal. e que, tendo en conta as circunsrtancias, disfrutedes en familia e cos vosos seres queridos, incluidos os libros! Si, un libro é unha das mellores compañías que podemos atopar, xunto a eles non é doado aburrirse!

Seguro que nestas datas atopades algún intre para adicarlle á lectrura,tanto  a nivel individual como para compartir en familia. Tamén é máis sinxelo atopar uns momentiños para xogar en familia. Este é o obxectivo deste biblioboletín, lembrarvos algúns títulos e xogos educativos que consideramos poden ser do voso interés ,xunto a outros moitos que poderedes atopar se  visitades algunha librería ou Biblioteca, ou "navegades" buscando xogos e libros.

Tamén queremos visualizar que a nosa Biblioteca segue estando en continuo cambio e á procura de novas vías que nos acheguen a superar, pouco a pouco, o simple lugar de préstamo de libros. Ese é o obxectivo do Espazo Creativo, que pasiño a pasiño, xa está de novo en funcionamento. Non son tempos fáciles para ninguén, e para o ámbito escolar e a nosa Biblioteca tampouco. Sabemos que sen a colaboración de todos: familias, Institucións, profesorado e persoal non docente e, por suposto alumnado non sería posible avanzar, polo tanto: grazas a todos e todas e a seguir crecendo!

A continuación podedes visualizar o biblioboletin do que falamos e que tamén levaron todos os alumnos e alumnas do noso Centro en formato papel.

Boletinnadal 2021 blog from PapacontosE

Con todos os nosos mellores desexos !!!

Despois deste comezo de curso tan complicado cheo de dúbidas e de inquedanzas e despois de sufrir unha grandísima perda dentro do noso claustro de profesorado, somos quen de levantar o noso ánimo e desexarvos todo o mellor para estes días de reunións familiares e recordo para aquelas persoas que, desgrazadamente, xa non poden sentarse á nosa mesa.

Moita precaución, moito sentidiño ... pero celebrar!!! Que nestas épocas é o que toca !!!

Coñecemos as nosas institucións !!

Este curso 2021 - 2022, o alumnado de sexto de Educación Infantil ten un ambicioso proxecto. Da man das súas mestras, Diana e Sonia, teñen previsto coñecer as distintas institucións locais, provinciais, autonómicas e nacionais que teñen presenza na nosa vila, ademáis doutros lugares que teñen unha especial relevancia no día a día de tod@ @s limiáns.

Comezan polo máis próximo, o noso concello, onde foron recicbidos por Elvira Lama e por Alberto Martínez, Concellerio de Educación.

Nesta "sesión plenaria", o noso alumnado compartiu coa nosa Alcaldesa un montón de preguntas para saber "que tiña pensado facer o próximo ano, como facía para que todos a escoitasen e obedecesen, se tiña fillos, como celebraba o seu aniversario, se xa decorara a súa casa de Nadal", e incluso preguntáronlle como era posible "que se mandas en todo Xinzo, por que non mandas no meu papá ..."

Destacar o trato recibido, cordial e cariñoso, por parte de Elvira e Alberto, pendentes sempre das nosas nenas e nenos, agasallando a tod@s el@s cun pequeno recordo desta xornada tan especial.

Aproveitaron tamén para visitar a Biblioteca Municipal, onde viron todos os seus recursos que nun futuro moi próximo poderán aproveitar como grandes lector@s que seguro serán!!

Enlace ao video

Música: Guadi Galego - Pícanme os Ollos ft. DePedro

DiversXs desde pequenXs !! Educando en diversidade Afectiva-Sexual, de Xénero e Familiar

Durante estes días o colectivo ´"Nós mesm@s" impartiu a varios grupos de Educación Infantil e Primaria unha serie de "contacontos, charlas, obradoiros…que teñen como obxectivo desenvolver as capacidades afectivas deste alumnado en todos os ámbitos da personalidade e nas súas relacións coas demais persoas, así como unha actitude contraria á violencia, aos prexuízos de calquera tipo e aos estereotipos sexistas e de discriminación por cuestións de diversidade afectivo-sexual e de xénero".

Son  actividades que consideramos moi necesarias para coincienciarnos todas e todos da necesidade de recoñecer a identidade de cadaquen e respectar toda a diversidade d@s que nos rodean, evitando así nun futuro condutas violentas, tan presentes, por desgraza, na sociedade na que vivimos. Educar en valores ás xeracións de hoxe, garantiza un cambio nos adultos de mañá...

Enlace ao vídeo

Música: TANXUGUEIRAS - Figa