Avanzamos na inclusión de tod@s! Chegan os pictos ao noso centro

Dentro do PFPP do noso cole deste ano, unha das liñas de actucación foi "Estratexias para o fomento da comunicación no alumnado con TEA" e como unha das consecuencias de todo o traballo proposto realizáronse unha serie de "pictos" personalizados coa imaxe corporativa do centro e seguindo os estándares da ARASAAC que facilitan enormente a identificación dos distintos do centro por parte do alumnado e das persoas con acneae e polo tanto mellorar a súa inclusión co resto dos seus compañeiros. Noraboa ao Departamento de Orientación, o profesorado da aula específica e ao resto dos compeñentes desta liña de traballo polo espectacular resultado!

O virus das metodoloxías reprodutivas

"Temos que facilitarlle traballo on line ao noso alumnado ou damos recomendacións?" 

"Unha vez máis estamos a desaproveitar unha ocasión. Culpa nosa e culpa das familias. Os pequenos, coitadiños, farán o que se lles pida."

"Viviamos e conviviamos, medramos e aprendemos, espelímonos e valoramos esas aprendizaxes. Cremos que somos o que somos grazas á infancia que tivemos."

"Non intentemos ser bos robots, porque por fortuna, os bos mestres non se poden clonar nin substituír por máquinas por moito que haxa quen se empeñe en facelo."

Que o día de mañá lembremos este tempo como unha oportunidade de volver ao básico, ao achegado e ao fundamental nas relacións familiares e sociais, dependerá en gran medida daquilo ao que nos dediquemos. Así será tempo perdido ou ganado. Nós eliximos!"

https://innovarteinfantil.wordpress.com/2020/03/19/o-virus-das-metodoloxias-reprodutivas/?fbclid=IwAR1TsvGjiln9OmD-e97_r4r0zJADMKRl2FcI-rQmXBNS23pbravC7evEunI

Un fill@ e un alumn@ son dúas persoas moi diferentes...

... Aínda que fisicamente se parezan moito, di Carlos Pajuelo neste artigo sobre as relacións entre familias e profesorado: Onde os pais/nais vemos fill@s o profesorado, os mestres/as vemos alumnado...    Pincha no enlace se queres lelo.

http://blogs.hoy.es/escuela-de-padres/2015/09/01/padres-y-maestros-mejor-aliados-para-educar/

Comarcal orientación

O pasado mércores 14 de maio levouse a cabo na Sainza o 1º campionato comarcal de orientación.
Ao redor de 20 rapaces e rapazas de 6º curso do Rosalía xunto con outros nenos e nenas do Carlos Casares, do colexio de Vilar de Barrio e do colexio de Rairiz participaron nesta interesante e divertida xornada.
Foi un día cheo de busquedas, exercicio e aventuras que serviu para iniciar aos rapaces na orientación en territorios alleos ao centro.
Agradecer á Agrupación Deportiva Limiactiva a súa total implicación na organización desta actividade. Esperamos que nos vindeiros anos podamos seguir desfrutando da mesma.

orientaión 2014 - Movie Maker

Na busca do tesouro..

O pasado mércores 26 de marzo levouse a cabo no noso cole unha carreira de orientación. Xa é o segundo ano no que podemos disfrutar e participar neste tipo de disciplina. Nesta ocasión tamén se transladaron ata o noso centro os rapaces/as do colexio de Rairiz.
A primeira parte da xornada consistiu nunha breve iniciación e presentación da orientación a través dos medios audiovisuáis. Posteriormente, os nenos/as de 6º de ambos coles participaron nunha sinxela carreira de orientación polo patio.
Agradecemos á agrupación Limiactiva a oportunidade de poder disfrutar desta disciplina e desexamos poder repetilo nos vindeiros anos.