ABRIMOS AS PORTAS DA NOSA BIBLIOTECA!

O vindeiro luns día 05 de outubro a biblio do CEIP Rosalía de Castro abre as súas portas para o alumnado. Estaremos esperándovos! 

Uns que veñen, outros que se van!

 Esta mañá o alumnado da clase de 6º A estivo de visita na Escola Infantil A Galiña Azul de Xinzo. Foron ler varios contos aos pequenos e pequenas, que pola súa parte escoitaron encantados. Con esta actividade preténdese non únicamente fomentar a lectura en diferentes ciclos educativos, senón que simboliza un cambio de etapa tanto para os que marchan á ensinanza secundaria para o curso que ven como para os futuros alumnos de nova entrada ao Ceip Rosalía de Castro.

 A maiores algúns e algunhas das nosas alumnas aproveitaron para relembrar e saudar con agarimo ás que foron as súas primeiras mestras da infancia máis temprana. Dende aquí mandamos forza e agradecemento para as traballadoras e traballadores deste primeiro ciclo de Educación Infantil, que tanto valor teñen.

DÍA DA FAMILIA

Este venres 15 de maio celebrouse no CEIP Rosalía de Castro o Día da Familia. Co fin de estreitar lazos e tender pontes entre a familia a escola, dende a etapa de educación infantil convidamos a nais, pais e demáis familiares a compartir unha xornada na que fixemos varias actividades. Para comezar un pouquiño de música e baile, seguimos cun xogo grupal e cun mural elaborado por todas e todos. Finalizamos cunha merenda a base de bica e un chocolate quente para rematar unha mañá na que disfrutamos e nos coñecimos un pouquiño máis. Só nos queda darvos as grazas, familias!

Visita de Marta Villar

 A escrita é unha longa introspección, é unha viaxe cara ás covas máis escuras da conciencia, unha lenta meditación. Isabel Allende.

Esta semana o alumnado de 3º da nosa escola tivo a enorme sorte de coñecer a Marta Villar. É a autora de "Os peidos máxicos de Sultán", obra que lles encantou e coa que de seguro riron un cacho. Ademáis é un relato baseado na historia real de seu can e que terá a continuación publicada próximamente nas librerías.

Marta, ademáis de firmar libros organizou actividades moi amenas e motivadoras coas que chegou sen dúbida aos nenos e nenas. Eso si é promoción da lectura!

DÍA INTERNACIONAL DA MULLER E DA NENA NA CIENCIA

 

A importancia de "moverse" !!

"Os movementos non os facemos só por movernos, cada movemento ten o seu propósito" 

María Montessori (Pedagoga e humanista coñecida  pola súa filosofía de educación)

Durante esta etapa infantil é moi importante traballar e potenciar a psicomotricidade para conseguir un desenvolvemento completo, favorecendo as habilidades motrices, creativas, cognitivas, afectivas e expresivas dos mais pequenos. 

Coas actividades realizadas melloran a memoria, a atención,  control dos seus movementos, coordinación, equilibrio e orientación entre outras destrezas.

Durante as sesións de psicomotricidade os nenos coñecen e relaciónanse cos seus compañeiros  e o mesmo tempo coñécense mellor a eles mesmos sendo capaces de afrontar os seus medos e superalos.

Un curso de duro traballo cuns resultados acadados dos que estamos moi orgullosas e  que nos motivan para fixar novos e ambiciosos retos e obxectivos cara o curso que vén!!

Novo na nosa comunidade educativa

Este segundo trimestre contamos cun coelliño no cole. O alumnado pode ir en grupos de cinco, nos recreos, ó lugar onde se atopa e tamén todos os días hai uns encargados de atender que teña comida, auga... que se lle cambie a "cama"...

O monte é vida

   Estamos acabando de preparar o espazo para poñer esta exposición da Sociedade Galega de Historia Natural... Así que mirade os días, horarios e pasade a vela cando poidades. As clases xa teñen asignada unhas horas cada semana para a biblioteca; nas horas dos recreos tamén está aberta e o resto da comunidade educativa ten a posibilidade de vir polas tardes de 15.15 a 17h.  

Camiseta do 40 aniversario do Ceip

  

O alumnado de sexto de primaria pon a venta a camiseta conmemorativa do 40º aniversario de posta en funcionamento do CEIP Rosalía de Castro de Xinzo de Limia. Temos dispoñibles as tallas: 4, 8, 12, 16, S, M, L, XL e XXL. Cada camiseta ten un custo inicial de 4€. Sae a venda a 6€. A variación de prezo pretende axudar a costear a viaxe de fin de curso prevista para o vindeiro mes de maio. Se queredes ver unha mostra tedes unha na administración do centro, no perfil do facebook do centro ou no blog da biblioteca. Para adquirila dirixídevos a algún neno ou nena de sexto que vos tomará nota, ou ben á Administración do cole. Moitas grazas por colaborar.

o Limia e os animais da Lagoa

A continuación tendes unha pequena presentación dos traballos realizados polas nenas e nenos de Educación Infantil e as alumnas e alumnos de 5º A e B. Estes traballos permitíronlle coñecer mellor o seu entorno máis próximo, o lugar onde viven e do que se sinten tan orgullos@s. Estas actividades están enlazadas co proxecto documental integrado (PDI) que compartimos este curso na nosa escola. Esperamos que vos guste! 

OS ANIMAIS DA LAGOA E O LIMIA on PhotoPeach

Limia é...

Limia é... on PhotoPeach

aqueles marabillosos anos...

AQUELES MARABILLOSOS ANOS... on PhotoPeach

nas letras galegas... poemas da Limia

Aquí tendes o traballo realizado por toda a comunidade escolar: pais, alumnos, administrativos... Esperamos que vos axude a coñecer de preto a Limia, o seu río e aos seus poetas, os que están e os que nos deixaron. Nós, dende o CEIP Rosalía de Castro, descubrimos cada día algo novo da nosa terra e da nosa lingua.