Fotos Aurora patio
Se hai uns días vos faciamos partícipes do Agave do patio hoxe achegámosvos estas fotos que fixo Aurora (moitas grazas) do recuncho da nosa horta e dos animais. Para observar o loureiro, as espinacas, o physalis, frambuesas, amorodos, romeo, tomateiras... Porque aínda que son moitos os que vos achegades a velos desde fóra, tamén hai xente que vive máis lonxe e non lle pilla esta visita tan a man.
E os animais. Mirade como teñen medrado os que naceron cando comezou o confinamento e tamén como vai a última niñada. A maiores o niño que fixo a coella que acaba de parir este venres; polo que tivemos que pillar o coello e retiralo de aquí ata que se críen estes que acaban de nacer.
E ó lado de onde pariu a coella xa está incubando a outra galiña. Esta vez puxémoslle uns ovos de faisán e outros de galiña. Metemos uns días antes os de faisán porque o tempo de incubación é de entre 24-26 días e o das galiñas de 21-22 para que veñan a nacer máis ou menos xuntos.
No hay comentarios:
Publicar un comentario