Día Europeo das Linguas 2023

"Saber outro idioma é como posuír unha segunda alma". Carlomagno

O 26 de setembro é o Día Europeo das Linguas. Con este acto preténdese, en xeral, promover e manter a rica diversidade lingüística e cultural de Europa. Tamén se pretende ampliar a gama de linguas que aprenden as persoas ao longo da súa vida para desenvolver as súas capacidades lingüísticas e potenciar o entendemento intercultural. O Día Europeo das Linguas é unha oportunidade para celebrar todas as linguas de Europa, incluídas as linguas minoritarias e as linguas dos inmigrantes. O Día é unha iniciativa do Consello de Europa que se celebra cada ano desde o Ano Europeo das Linguas 2001.

Máis información en 

https://portaldaspalabras.gal/lexico/allos-con-bugallos/dia-europeo-das-linguas/

Primeiras veces de moitas cousas

«O primeiro paso é o máis importante. É o máis crucial e o máis eficaz, xa que iniciará a dirección que tes elexido».

Steve Backley. Ex-atleta británico especialista en lanzamento de xavelina

Son os primeiros días no cole novo... Cheos de novas experiencias e onde todo é diferente... Nov@s compañeir@s de xogo e de aprendizaxes. Camiñamos con paso firme e adaptándonos pouco a pouco, con moito esforzo e ilusión e algunha que outra lagrimiña… Pero sempre da man das nosas referentes, as nosas mestras que coidan de nós e fan que todo sexa moito máis doado... 

Non cabe dúbida que as mestras de Educación Infantil son doutra pasta!! Gran traballo, compañeiras!!

Arrancamos un novo curso!!!

 “Descubrín que un novo comezo é un proceso. Un novo comezo é unha viaxe, unha viaxe que require dun plan.”

Vivian Jokotade,  artista visual internacional, empresario creativo, e relatora que inspira unha audiencia global coa súa arte, palabras, e voz. (https://jokotade.com/)