ARASAAC NO MUNDO.... Xa nos podes atopar como centro inclusivo... e en breve... Máis novidades tamén para a nosa vila!

Dende hoxe xa figuramos como unha das institucións que ten sinalización con pictogramas no centro e que se pode comprobar nesta dirección web: 

http://aulaabierta.arasaac.org/mapa-de-arasaac-visual

Partindo do Plan de Formación Permanente do Profesorado existente no centro, propuxémonos sinalizar as dependencias con  pictogramas, axudando así a normalizar e integrar ao alumnado con  NEE no marco dunha educación inclusiva de calidade. Para levalo a cabo, recibimos 18 horas de formación sobre o Trastorno do Espectro Autista e os sistemas alternativos de comunicación, a cargo de Asociación Bata. Coa información recibida procedemos á toma de decisións sobre os espazos para sinalizar e comezamos a elaboración de claves visuais con  pictogramas de  ARASAAC. Colocamos no centro 45 pictogramas. 

Contamos que en breve toda a nosa vila tamén estea presente, xa que nunha segunda fase do propio PFPP elaboramos unha serie de pictogrmas e que van ser colocados por parte do Concello de Xinzo de Limia nos edificios públicos e institucións. Pero disto, .... informaremos máis adiante!