Compilación de recursos da Coordinadora Galega de ENDL Letras Galegas 2014

Galiza pode en min. E n-hai fortuna pra min coma esta gloria de querela. Amei a Galiza porque onte era miña. Agora a amo porque eu son seu. Galiza en min, meu Deus, pan que me deron, leite e centeo e soño e lus de aurora! Longa rúa de mar, fogar da terra, e esta crus que nos mide de alto a baixo.

Coordinadora Galega de ENDL  Letras Galegas 2014
Compilación de recursos sobre Díaz Castro,
http://www.coordinadoraendl.org/letras2014/materiais.html

A Coordinadora territorial EDLG -Gabinete de Normalización Lingüística- tamén nos achegou que 

A Secretaría Xeral de Política Lingüística vén de publicar no seu web as guías e os carteis gañadores do Concurso-Exposición Letras Galegas 2014.

Podedes consultalos na seguinte ligazón: 

http://www.xunta.es/linguagalega/xose_maria_diaz_castro

Neste espazo tamén atoparedes novos recursos e actividades sobre Xosé María Díaz Castro que foron elaborados polos equipos de dinamización da lingua galega.

Por outra banda, comunicámosvos  que, dentro das actividades cinematográficas do Festival de Cine Internacional de Ourense (OUFF), convócase este ano a V edición do Certame OUFF Escola. Este concurso de creación audiovisual, organizado pola Concellería de Cultura e Normalización Lingüística do Concello de Ourense en colaboración coa Secretaría Xeral de Política Lingüística, vai  dirixido aos centros de ensino públicos e privados. O prazo para participar finaliza o 27 de xuño de 2014.  Podedes ver as bases na seguinte ligazón: http://www.ourense.es/portalOurense/RecursosWeb/DOCUMENTOS/1/0_5648_4.pdf