Regalemos Galego

Na web dos ENDL está colgado, como iniciativa destacada, o catálogo de agasallos de Nadal en galego, feito polo CPI Vicente Otero Valcárcel de Carral (unha nova proposta de catálogo actualizado de agasallos que nos ofrece un suxestivo percorrido polo mundo do lecer en galego co que poder sorprender os familiares e as amizades. Xogos electrónicos, libros, cine, computadores, xogos de mesa, documentais, música, roupa, mp4, móbiles etc. reunidos baixo un denominador común: o galego como lingua de aprendizaxe e comunicación. E sen esquecer algúns consellos importantes para exercer un consumo responsable). Preme na imaxe para ver ese catálogo.