Finalistas en Xornalistas na escola

Hoxe, 12 de febreiro, sae o "Eu son... Rosalía" (elaborado no noso Ceip)  no Xornal Escolar suplemento dos mércores na Región. Parabéns ós/ás participantes!!!

Un curso máis FINALISTAS en XORNALISTAS NA ESCOLA 2019-2020.

Este concurso, convocado pola Región (suplemento xornal escolar), ten por obxecto a elaboración dun periódico con contidos informativos de interese para a comunidade escolar e o seu entorno social. 

Poden participar os alumnos/as de calquera clase de educación primaria, educación secundaria obrigatoria ou educación especial de centros públicos, privados o concertados da provincia de Ourense, baixo a dirección dun dos seus profesores/as.

A Región designa ós membros que forman parte do xurado do concurso, que son os encargados de fallar os premios en cada unha das categorías. O xurado está formado polo director da Región, a coordenadora do suplemento Xornal Escolar e outros periodistas.

Selecciónase un traballo gañador por categoría . O alumnado dos traballos gañadores serán gratificados cunha festa á que deberán ir acompañados por un profesor responsable do colexio. Os traballos gañadores e os finalistas de cada categoría  publícanse no suplemento Xornal Escolar. 

Concurso de carteis: doazón e transplantes

Un ano máis e co ánimo de seguir traballando en espertar interese entre o alumnado na importancia da concienciación sobre a doazón de órganos e tecidos, animámosvos a participar no II CONCURSO DE CARTEIS RELACIONADO COA DOAZÓN E OS TRANSPLANTES convocado pola Coordinación Autonómica de Transplantes da Axencia de Doazón de Órganos e Sangue (ADOS) e a Consellería de Educación, Universidade e Formación Profesional e dirixido ao alumnado de 5º, 6º de educación primaria e 1º, 2º e 3º de educación secundaria obrigatoria (ESO) de todos os centros educativos da Comunidade Autónoma de Galicia.

O prazo de presentación das obras remata o 30 de abril de 2020.

 No seguinte enlace están as bases do concurso:

https://www.sergas.es/Doazon-e-Transplantes/Documents/178/Bases%20Concurso%20de%20Carteis%202019-2020.pdf

Nos enlaces "Doazón e Transplantes"e "Doazón na Escola", podedes atopar información útil para o desenrolo da actividade:

https://www.sergas.es/Doazon-e-Transplantes

https://www.sergas.es/Doazon-e-Transplantes?idcatgrupo=11282

Polo San Brais na Lagoa de Antela a barquiña verás....

Hoxe tivemos o pracer e o luxo de desfrutar toda a mañá con Anxo Moure. Todo o alumnado puido gozar das historias sobre ríos, fontes, regatos, ... que Anxo trouxo ao noso cole.

Esta iniciativa está financiada pola Confederación Hidrográfica do Miño - Sil dentro do seu programa "O Barqueiro dos ríos" que prentende reforzar a educación ambiental falando dos ríos máis próximos, da súa problemática, de que xestos debemos cambiar para melloralos e, por suposto, iniciativas diversas para desfrutar deles.

Trasnos, árbores, xacias, xacios e outros moitos seres reais e imaxinarios que poboan os nosos ríos foron os protagonistas dunha multidade de historias que Anxo e @s  axundantes do Rosalía pescaron nas augas tranquilas do río Limia....

Acompañáronnos nesta actividade representantes da Confederación Hidrográfica e a alcaldesa do noso pobo, que tamén pasaron un moi bo rato escoitando atentamente a este Barqueiro dos ríos. Non perdades todas as fotos e as cariñas do noso alumnado... Sen dúbiba, unha mañá moi especial!

Anxo Moure, mañá na charca dos libros

Pois si, mañá venres 7 teremos durante toda a xornada sesións de contacontos para todos os niveis na nosa biblioteca. Estará con nós o amigo Anxo Moure.

Dicir Anxo Moure, o carballo con botas, é dicir Contos Solidarios: 

Contos Solidarios é un proxecto cultural, medioambiental e de solidariedade promovido polo contacontos galego Anxo Moure, que dende o ano 1989 percorre as terras de Galiza, Asturias, Portugal, O Bierzo..., contando historias solidarias coa terra e coas persoas que a habitan.

Contos Solidarios defende o conto como ferramenta educativa, de sensibilización e loita para construír un mundo en harmonía co ecosistema e garante da xustiza social.

Contos Solidarios leva xa máis de 6.600 sesións de contacontos en perto de 1.200 centros escolares, bibliotecas, e tamén en espazos abertos como bosques, parques, prazas, ríos... superando xa os 300.000 participantes, dende nenas e nenos de 0 a 3 anos ata os nenos maiores de ata 100 anos.

Contos Solidarios transforma o conto en bosque coa plantación de miles de árbores autóctonas ao longo destes anos e transforma o conto en solidariedade coa entrega de bicicletas e material escolar en proxectos de cooperación en máis de 30 países de America Latina, Asia e Africa.

Contos Solidarios é unha proposta aberta a todas e todos os que queirades participar a través dun feixe de actividades diversas, dende achegarvos a escoitar un contiño enriba dunha árbore dentro dos Contos na Casa das Árbores, coñecer aos carballos que nacen dentro de botas vellas para transformarse en contos que lle dean vida ao bosque dentro das historias do Carballo con Botas, ata convidar á Ciclobiblioteca á vosa escola, vila, pobo ou mesmo á vosa casa para que roden contos e cantos e se espallen en liberdade.

http://www.contosolidarios.org/contosolidarios.htm

Recreos, residuos cero

Tal e como recolle este cartel que temos na entrada do Ceip: Accións polo clima.

Promovemos desde o comezo de curso a realización dunha comparativa entre as aulas contabilizando o lixo que xeramos co "envoltorio" no que traemos o sobrealmorzo, premiando á aula máis respectuosa co medio. 

Así, de cando en vez, alguén (José Luís E. como fotógrafo) pasa polas clases e pide que se poña enriba da mesa o que trouxemos para tomar no recreo; así dialogamos, valoramos, concienciamos, entre outras cousas, sobre a utilización de recipientes, envases reutilizables (panos de tela de algodón, cera de abella e aceite de jojoba- antibacteriano-...) e posibilitamos a reducción no emprego de plásticos. 

O reporteiro de Voz Natura estivo no noso centro

Pois si, unha vez máis tivemos con nós a Alejandro e na aula fixouse nos sementeiros que temos de tomates, pementos, feixóns, cabaceiras, etc. E fixose eco, desta pequena acción, na web de voz natura. Grazas!

SEMENTEIROS NA AULA

28-01-2020
No CEIP Rosalía de Castro de Xinzo de Limia preparan os seus sementeiros e aprenden sobre os cultivos que chegarán ao seu horto dentro de moi pouco. Mentres duren as choivas os alumnos poden ver o proceso de xerminación.

http://www.voznatura.es/articulo-de-actualidad-1849-Semilleros-en-el-aula&idioma=Galego

www.voznatura.com%2Fel-reportero-10-EL-REPORTERO

O alumnado de Primeiro fomos de "Safari"

Onte, inserido no programa de artes escénicas para escolares de Afundación, e da man de La Baldufa Companyia ide Comediants asistimos á obra de teatro “Safari”, dirixida a escolares de 1º e 2º de Educación Primaria.

O bullying é o tema a abordar neste espectáculo, en que nenas e nenos poderán entender as súas ameazas a partir do comportamento dos seus protagonistas: os animais da sabana. A preocupación dos nosos investigadores, Piñote e Calabacín, será a de descubrir que está a suceder e axudar estes animais ensinándolles que, a través das nosas actitudes e comportamentos en positivo, podemos convivir dunha maneira doce e tranquila, respectando a todo o mundo.

Educación inclusiva e en valores, temática que está moi presente no noso Proxecto de Centro Educativo e no noso día a día!

Espazos educativos

    Xadrez, parchís, oca... Outras alternativas para os nosos tempos de lecer no Ceip. A maiores do tenis de mesa (cada xornada teñen acceso a ela, durante os recreos, o alumnado dunha aula) tamén nos corredores do primeiro andar, do edificio principal, habilitamos unhas mesas con estes xogos incorporados. 

Día da Paz 2020

Este ano toda a comunidade educativa do CEIP Rosalía de Castro conmemoramos o Día Internacional pola Paz trasladándonos ata a Praza Maior de Xinzo de Limia, onde dúas compañeiras, en representación de tod@s nós leron este "Manifesto pola Paz":

Hoxe, 30 de xaneiro, estamos aquí reunidos para celebrar o Día Escolar pola Paz e a Non Violencia. Con este acto queremos manifestar o noso rechazo a toda forma de violencia nas nosas aulas, no noso patio, no noso cole, na nosa vila e no mundo. Queremos renovar unha vez máis o noso compromiso pola Paz. 
Pero… que é a Paz?

É a capacidade que temos os seres humanos para vivir en calma, con sosego. Non significa soamente ausencia de loitas, implica tamén vivir nun entorno libre de toda forma de violencia.

Conseguila non é cousa dun só día, senón que cada día todos e todas temos que poñer o noso gran de area e alzar as nosas voces para esixir Paz.

Por moi insignificante que nos pareza o noso esforzo, cada un de nós é a gota de auga que pode apagar o lume da violencia. Xuntos podemos cambiar as cousas.

Para conseguir Paz temos que respectarnos uns a outros, temos que respectar as opinións dos demais, as súas crenzas, a súa cultura… porque a base da Paz é o respecto e a tolerancia.

Todos e todas temos que intentar mellorarnos a nós mesmos para conseguir ese obxectivo que temos en común.

Como di Juanes na súa canción….

Posteriormente, signamos a canción de Juanes "Paz" como símbolo de integración co maior número de persoas no mundo...

Día Moi especial que seguro que permanece por moito tempo na nosa memoria.... Moitas grazas ao Concello de Xinzo de Limia, Policía Local e Protección Civil pola súa colaboración na organización e seguimento deste día.

https://www.dendealimia.com/articulo/xinzo-de-limia/non-hai-camino-paz-paz-camino-mahatma-ghandi/20200130193545019210.html

Campionato comarcal de campo a través 2020

O pasado xoves 23 de xaneiro, acompañad@s pol@s profes Juan, Jorge e Elena, participamos no campionato comarcal de campo a través nas instalacións  de A Moreira de Xinzo de Limia cunha grande representación do noso alumnado. Foi unha xornada de convivencia entre todas as nenas e nenos da Limia dos distintos centros educativos da nosa zona. Moitos parabéns a tod@s @s participantes!!! (e grazas á profe Elena polas fotos)

Rosalía no firmamento

A poeta galega deu nome ao astro HD 149143, situado na constelación de Ofiuco, e o planeta que o acompaña chámase Río Sar

A poesía de Rosalía de Castro mantén unha relación moi íntima coa noite. 

Nos seus escritos, tanto os astros como os animais nocturnos ou a propia escuridade son reivindicados como elementos esenciais das paisaxes 

que non só a inspiraban, senón que ademais formaban parte da súa vida.

 Esta relación especial da poeta compostelá coa natureza nocturna

 inspirou á Agrupación Astronómica Coruñesa Ío para acudir á 

convocatoria de NameExoworlds, un proxecto da Unión Astronómica Internacional (IAU, nas siglas en inglés) para bautizar estrelas 

acompañadas por exoplanetas.

Co gallo do seu centenario, este organismo -o único con competencias

 para nomear obxectos astronómicos- invitou os cidadáns de todos

 os países que quixesen participar a bautizar unha estrela e o seu 

planeta co nome «dun obxecto, persoa ou lugar de relevancia cultural, 

histórica ou xeográfica» relacionado co firmamento. (Podes seguir 

lendo neste enlace)

https://www.lavozdegalicia.es/noticia/lavozdelaescuela/2020/01/22/span-langgl-firmamento-xa-ten-estrela-rosalia-spanspan-langgl-elixiron-outrosspanspan-langglatopar-rosaliaspan/0003_202001SE22P4991.htm

Equipo life rexenera Limia

Recibimos este correo do EQUIPO LIFE REGENERA LIMIA . Copio e pego. Por se lle queredes botar unha ollada. Moita información e o noso chamamento a ser críticos.

Este correo tiene como fin difundir entre el ámbito educativo los resultados del PROYECTO EUROPEO LIFE REGENERA LIMIA LIFE13ENV/ES/00027  ?Depurar para recuperar. Hacia un sector agroganadero sostenible?, (2014-2019) en la comarca de A Limia (Ourense), los socios del proyecto consideramos que sus resultados pueden ser interesantes para su alumnado, ya que trata aspectos de desarrollo sostenible del sector agroganadero y la conservación de ecosistemas fluviales y humedales.

Por medio del Proyecto LIFE REGENERA LIMIA se implementaron en el periodo 2014-2019 varias soluciones con carácter demostrativo en la Comarca de A Limia (Ourense) enfocadas directamente para reducir la presencia de nutrientes, fundamentalmente de origen agroganadero, en las masas de agua de la Comarca de A Limia, contando con la colaboración de los sectores agrícola y ganadero y la función autodepurativa de los ecosistemas fluviales y humedales.

En la web del proyecto www.regeneralimia.org, se puede consultar entre otros, el informe resumen de resultados o Layman  y el Plan para la Sostenibilidad y Transferencia de Resultados  que analiza la viabilidad de las actuaciones para implementarlas en otras zonas de España con similar problemática; además de, documentación útil como son buenas prácticas agrícolas y ganaderas, estudio de alternativas de los sistemas de tratamiento y aplicaciones de purines en explotaciones ganaderas, restauración de ecosistemas fluviales y humedales y otras particularidades de las distintas actividades desarrolladas por el proyecto para reducir la contaminación agroganadera de las aguas en la cuenca del río Limia.

En los siguientes links está a su disposición toda la información de las acciones de proyecto, con aspectos añadidos referidos a la normativa de aplicación al tratamiento de residuos y purines, mejores técnicas agroganaderas a las explotaciones y experiencias similares:

·         http://regeneralimia.org/

·         https://www.youtube.com/channel/UCrXdUcq-HWFTgV2Tj5pqCwQ. Vídeos resumen de cada una de las acciones del proyecto

·         https://www.facebook.com/Proyecto-LIFE-Regenera-Limia-1551144455122819

·         https://twitter.com/RegeneraLimia

O alumnado de quinto e sexto de primaria gozaron co "Alice World"

Hoxe asistimos a representación de "Unboxing Alice" na que xa  pasou moito tempo desde que Alicia visitou Wonderland por última vez. Chegou o momento de actualizarse! Tweedle Dee e Tweedle Dum soben ao carro dos youtubers e serán os encargados de nos guiar por unha viaxe esmendrellante para desvelarnos a verdadeira natureza de Alice! Todo un «unboxing video»! Nesta obra houbo gran participación do público (Lucía e David do noso cole sábeno....) e foi unha experiencia práctica e divertida para asimilar novos coñecementos e aprender a expresarse en inglés.

Despois o alumnado de sexto visitaron no Edificio Marcos Varcárcel a exposición de "ARTE PRIVADA EN OURENSE cOLECTIVA". Esta exposición acomete un percorrido, cun discurso cronolóxico e estético, polas coleccións particulares da cidade desde o s. XVI ao XX. Recolle obras de arte de gran valor cultural que sairán, en moitos casos, por primeira vez á luz pública.

Por outra banda as nenas e nenos de quinto fixeron un percorrido polo centro urbán de Ourense coñecendo as principais estatuas que alí poden atopar.

Para todas e todos.... Unha mañá de aprendizaxe diversa e diferente !!

Certame de cooperativismo no ensino

A Consellería de Economía, Emprego e Industria vén de publicar as bases reguladoras do Certame de Cooperativismo no Ensino 2020.

O obxectivo deste programa é difundir e promover o cooperativismo entre o alumnado dos centros de educación infantil, primaria, secundaria, educación especial, formación profesional e ensinanzas de réxime especial de Galicia, impulsando a realización de actividades de fomento do cooperativismo nos centros educativos.

Establécense as seguintes modalidades de participación:

• Actividades artísticas: dirixidas ao alumnado de educación infantil e primaria.
• Actividades cooperativizadas: dirixidas ao alumnado de educación secundaria obrigatoria.
• Proxectos empresariais cooperativos: dirixidas ao alumnado de formación profesional e de ensinanzas de réxime especial.

O orzamento total ascende a 28.000 euros.

O prazo de presentación de solicitudes finaliza o 30 de abril de 2020.

Para consultar a orde completa, preme aquí.

Para que vos animedes a participar e veades unha mostra dalgúns dos traballos que fixeron os rapaces noutras edicións, podes visualizar este vídeo.

Concurso de debuxo e expresión plástica

 Da Asociación Cultural a Pantalla que traballa no eido do respecto, sentimento e tradición cara o legado cultural e identidade da Limia, a través da figura da Pantalla e doutras máscaras da comarca, recibimos esta convocatoria dun Concurso de artes plásticas.
  

As bases son as seguintes:

 1 O tema da obra é “O Ciclo do Entroido de Xinzo”.

 2 Cada obra debe ir acompañada dun título.

 3 Os datos de cada participante deben aparecer detrás de cada composición.

 4 Establécense tres categorías de participación: 

 - Categoría infantil, 1º e 2º de primaria: DEBUXO. 

 - Categoría de 3º, 4º, 5º e 6º de primaria: BANDA DESEÑADA. 

 - Categoría de educación secundaria: BANDA DESEÑADA. 

5 O tamaño pode oscilar entre DIN A3 ou DIN A4. 

6 Só se permite unha obra por participante. 

7 O xurado darase a coñecer ao emitirse o fallo, será xente relacionada coa Asociación A Pantalla o Entroido e o mundo artístico. 

8 A data máxima de presentación será o día 14 de febreiro ás 20:00h. 

9 Os traballos enviaranse de maneira escaneada coa mellor calidade ó mail da Asociación: asociacionapantalla@gmail.com, indicando a que etapa educativa corresponde cada un. 

10 A entrega de premios farase nun acto realizado na sede da Asociación Cultural A Pantalla. O fallo darase a coñecer a través da páxina web e do Facebook da Asociación, informando tamén aos centros educativos por correo electrónico. 

11 Haberá dous premiados/as por cada categoría. 

12 Os gañadores ou gañadoras entregarán a obra orixinal e serán publicadas nas redes sociais da Asociación Cultural A Pantalla. Os dereitos de publicación serán cedidos a dita Asociación. 

13 As autoras ou autores gañadores, recibirán un bonito obsequio relacionado co Entroido de Xinzo. 

Quentando motores no Ceip

Tema Entroido: Seres máxicos e mitolóxicos.

Cartaz de Iria Prol (Eu son... Rosalía): Parabéns!!!

E xoves de compadres (13), xoves de comadres (20)...

https://www.laregion.es/articulo/a-limia/fechas-programa-entroido-2020-xinzo-mes-celebracion/20200115180817919195.html

Novos artigos sobre bibliotecas escolares

A Consellería de Educación, Universidade e Formación Profesional vén de facer público o novo número da Revista Galega do Ensino (EDUGA),  que conta cunha sección fixa de Bibliotecas Escolares . Neste número 78 de decembro de 2019 publícanse un total de 8 artigos, nas tres sub-seccións: Biblioteca escolar, Boas prácticas e Hora de ler. Nestes artigos, atopamos reflexións e actividades arredor dos programas de Biblioteca Creativa, Radio na biblio,  Voluntariado na biblioteca escolar, Lecturas no Canmiño, Clubs de lectura e Traballos por proxectos. Unha revisión destes artigos, e do resto de traballos publicados en números anteriores da revista, serve para achegarse á realidade das bibliotecas escolares galegas, auténticos motores de innovación e viveiros de cidadanía.

	As bibliotecas gañan espazos. Avaliar para aprender.  Asesoría de Bibliotecas Escolares
	Protagonistas. Axudantes de biblioteca Escolar.  IES Valadares (Vigo-Pontevedra)
	A voz da Mata. Podcast Os Cabaqueiros.  CPI Manuel Suárez Marquier (O Rosal-Pontevedra)
	Sementando curiosidade.  CEIP Enrique Barreiro Piñeiro (Cambados-Pontevedra)
	Falarte: un proxecto documental integrado da EOI de Lugo  Escola Oficial de Idiomas de Lugo
	Lecturas no canmiño. Lecturas apoiadas por cans.  Marta Jaquet e CEIP Lamas de Abade  (Santiago de Compostela- A Coruña)
	Ler para facer. Retos do espazo creativo e traballo co texto instrutivo.  CEIP de Leirado (Salvaterra do Miño-Pontevedra)
	Un club sobre rodas. As viaxes literarias como motores dos clubs de lectura.  Ies Universidade Laboral de Ourense

https://www.edu.xunta.es/biblioteca/blog/?q=node/1278

Retos lectores 2020

Un ano máis poñemos en marcha os retos lectores. Así que, se te animas, pásate pola biblioteca, recolle o teu pasaporte de lectura e atoparás 9 ou 10 retos dependendo de se es alumn@ do 1º, 2º ou 3º ciclo. A continuación segue as bases de participación que atoparás no teu pasaporte. Velaquí tés a portada dos pasaportes:

Querid@s estudantes: Hoxe é unha data importante porque iniciamos unha nova viaxe fantástica. Para esta viaxe, precisaredes un documento de identificación e de constancia do voso percorrido: Un pasaporte!!! Neste caso será un pasaporte de lectura que reflectirá a vosa viaxe pola fantasía, a ilusión e o coñecemento que os libros nos aportan a todos/as. FELIZ VIAXE!!! FIN DA VIAXE: 5-6-2020

5 de xaneiro: Memorias dun neno labrego

O 5 de xaneiro de 1961 sae do prelo Memorias dun neno labrego.

Dedicado a todos os nenos e todas as nenas que falan galego, trátase dunha novela de denuncia social de Xosé Neira Vilas publicada na Arxentina pola editorial Follas Novas. 

Máis de 700.000 exemplares vendidos; traducións ao castelán, inglés, francés, alemán, checo, ruso… foi traducido tamén ao maia, o esperanto e o braille. 

En maio de 1968, coincidindo co Día das Letras Galegas, saíu a segunda edición en Ediciós do Castro, con ilustracións de Isaac Díaz Pardo.

(Asociación Socio-Pedagóxica Galega)

Bo Nadal e feliz 2020

E rematamos o 1º trimestre con moita actividade: diferentes actividades por cursos, niveis e ciclos. Velaquí algunhas imaxes do "Ti si que vales" e dos que se dedicaron a pedir o aguinaldo polo colexio e a pesares da chuvia na Residencia Santa Mariña e no Centro de día; aquí ademais xa nos tiñan preparada unhas fotocopias para podermos cantar tod@s xuntos coa música do ande, ande, ande...

"Vamos, vamos, vamos con moita alegría

e todos cantamos como unha familia.

Vamos, vamos, vamos, vamos con amor

e todos cantamos con moita ilusión."

   E con este estribillo ata dez estrofas con moita sabedoría; como mostra este botón:

"Aínda que sexamos vellos

temos moito que aportar

escoitade ben atentos

o que vos imos cantar."

Moitísimas grazas e  

"Este canto de nadal   

xa chegou ó seu fin

esperamos para o ano

que o poidamos repetir"