"Bibliopatio": dinamizando os recreos e contribuíndo ó fomento da lectura

Actividade "ó aire libro" 

Co alumnado de 5º de Primaria como axudantes puxemos en marcha unha actividade que axude a fomentar o gusto pola lectura e a posibilidade de gozar dos libros no patioOutra achega do equipo de dinamización da biblioteca escolar para posibilitar que ó aire libre ("ó aire libro") gocemos de estampas como as de varias crianzas gozando dalgún libro, de nenas que lle len a nenos, dalgún neno que lle enseña a outro o descubrimento que atopou nunha revista, nun libro, ó aire libre.Os axudantes da biblioteca, perfectamente identificados coa camiseta que así o indica, pasean polo patio e posibilitan que o alumnado poida coller un libro, revista... que levan no carro. Sabe, porque así llo fan saber os que lle fan o préstamo que no remate do recreo debe devolver o libro ó carro que estará ó lado do banco baixo as imaxes de Rosalía, na entrada ás aulas de primaria, no edificio principal, cun cartel que identifica ese recuncho: Bibliopatio.Se quixese levar ese libro para a casa, sei que teño que ir á biblioteca para poder formalizar o préstamo, como cos demais libros (achegando o dato do meu número de socio da B.E.). Moitas grazas ó alumnado de 5º de primaria por asumir esta responsabilidade e propiciar, que nos nosos tempos de lecer teñamos máis opcións, cada día, de pasalo moi ben.  

Sen magosto, pero con Dávide aprendendo Italia

 

Aínda que Luís e Pepe andaron a preparar o tixolo e ata queimaron a leña o mal tempo imposibilitou que poideramos celebrar o magosto no Ceip. 

Unha mágoa porque ademais tiñamos hoxe no cole a Dávide, un mozo italiano que está a prestar o SVE (Servizo de Voluntariado Europeo) no CDR O Viso e que nos veu a falar do seu pais. Non poidemos amosarlle o noso magosto pero el si que nos aprendeu moitas cousas no espazo creativo sobre Italia:

Aprendemos algunhas palabras italianas: benvenuti, grazie, lo stivale... Comparamos a extensión e poboación coa de España. Contounos algúns episodios da historia (imperio romano) e ata a Festa della Repubblica (2 de xuño). 

"Viaxamos" por algunhas cidades e situamos nelas algo característico: Roma (Coliseum e a lenda da loba amamantando a Rómulo e Remo), Milán (Duomo), Venecia (carnaval e góndolas), Nápoles ( Vesubio, volcán), Florencia e Pérgamo (de onde é Dávide). 

E preguntámoslle, como non, pola pizza así que tamén nos falou da lasaña, risotto, queixos, viños, o  tiramisú e a stracciatella. E de fútbol, ciclismo (giro e a maglia rosa), carreiras de cabalos (Palio de Siena, de orixe medieval nas que pode gañar un cabalo que chegue sen xinete), Ferrari...

Moitas grazas, Dávide!!!

Novembro. Datas sinaladas

6 : Día para  a prevención da explotación do medio ambiente nas guerras

10: Día mundial da ciencia para a paz e o desenvolvemento

16: Día internacional do Patrimonio Mundial

20: Día internacional dos dereitos do nen@

24: Darwin publica A orixe das especies, en 1859

29: Día mundial sen compras

http://www.voznatura.com/calendario-33-Almanaque-de-Voz-Natura-11-

Exposición na Casa de Cultura de Xinzo

https://www.youtube.com/xogo de fíos

https://xogodefios.com/entrevista-en-galicia-viva/

Lorena Quintas: dereito ó emprego das mulleres...

Progresismo ou ignorancia historica?

No século XIX, emigrantes escoceses e irlandeses levaron aos EEUU o Samhain onde lle chamaron Halloween (véspera do santo). Os celtas co Samhain, o día un de novembro, tranquilizaban os poderes do outro mundo, lembraban aos antepasados e propiciaban a abundancia das colleitas. Reuníase unha gran multitude no nemeton, claro do bosque, porque era unha festa obrigatoria. Quen non asistía corría o perigo de perder a razón. Crendo que poñían unha pica en Flandes, Cazadores de novidades e mercadores de sentimentos, todos moi progres, importaron de EEUU o Halloween crendo que poñían unha pica en Flandes.

Texto do noso veciño e amigo Manuel Mandianes Castro. Antropólogo. Loureses. Os Blancos

https://hipertextual.com/2016/10/halloween-samain

X Festival de Coros de Música Popular

Axudant@s da B.E. e animador@s do Espazo Creativo

Despois de facer unha campaña entre o alumnado de 6º de primaria que quixeran coidar da biblioteca durante os recreos, axudar a mantela ordenada, aprender e colocar os libros segundo as normas que temos, colaborar nas actividades da B.E, aprenderlles ós máis pequen@s a coidala... en defitiva ser referentes da Charca dos libros. 

Despois de presentar o seu currículo, facer unha pequena formación e asinar un Comprométome a:

·         Ser axudante durante o curso 2019/20.

·         Facer as actividades que me propoñan os profes do Equipo da Biblioteca.

·         Manter a orde na zona que me corresponda.

·         Axudar a localizar os libros que me piden os compañeir@s.

·         Empregar sempre boas maneiras: falo en voz baixa, non me enfado, non rifo…

Temos un equipo de persoas que fai posible que a biblioteca do Ceip funcione mellor. Moitas grazas                                                         

ESPAZO CREATIVO
SEMANA	OUTUBRO
1	AXUDANTES		1	2	3	4
2	AXUDANTES	7	8	9	10	11
3	6º	14 ORDENADORES EXPERIMENTOS ESCORNARÁ CONSTRUCIÓNS	15 ORDENADORES EXPERIMENTOS ESCORNARÁ CONSTRUCIÓNS	16 ORDENADORES EXPERIMENTOS ESCORNARÁ CONSTRUCIÓNS	17 ORDENADORES EXPERIMENTOS ESCORNARÁ CONSTRUCIÓNS	18 ORDENADORES EXPERIMENTOS ESCORNARÁ CONSTRUCIÓNS
4	5º	21 ORDENADORES EXPERIMENTOS ESCORNARÁ CONSTRUCIÓNS	22 ORDENADORES EXPERIMENTOS ESCORNARÁ CONSTRUCIÓNS	23 ORDENADORES EXPERIMENTOS ESCORNARÁ CONSTRUCIÓNS	24 ORDENADORES EXPERIMENTOS ESCORNARÁ CONSTRUCIÓNS	25 ORDENADORES EXPERIMENTOS ESCORNARÁ CONSTRUCIÓNS
5	4º	28 ORDENADORES EXPERIMENTOS CONSTRUCIÓNS	29 ORDENADORES EXPERIMENTOS CONSTRUCIÓNS	30 ORDENADORES EXPERIMENTOS CONSTRUCIÓNS	31 ORDENADORES EXPERIMENTOS CONSTRUCIÓNS
NOVEMBRO
6	3º	4 ORDENADORES EXPERIMENTOS CONSTRUCIÓNS	5 ORDENADORES EXPERIMENTOS CONSTRUCIÓNS	6 ORDENADORES EXPERIMENTOS CONSTRUCIÓNS	7 ORDENADORES EXPERIMENTOS CONSTRUCIÓNS	8 ORDENADORES EXPERIMENTOS CONSTRUCIÓNS
7	2º	11 ORDENADORES	12 ORDENADORES	13 ORDENADORES	14 ORDENADORES	15 ORDENADORES
8	1º	18 ORDENADORES	19 ORDENADORES	20 ORDENADORES	21 ORDENADORES	22 ORDENADORES
9	AXUDANTES	25	26	27	28	29