Limia é...

Limia é... on PhotoPeach

aqueles marabillosos anos...

AQUELES MARABILLOSOS ANOS... on PhotoPeach

o abraço ao río Limia

Os ríos unen xentes, culturas, pobos... As nenas e nenos da nosa escola compartiron dúas xornadas de convivencia con alumnas e alumnos de Ponte da Limia, xornadas encamiñadas a potenciar as relacións entre estes dous pobos, irmandados dende fai máis de 25 anos. Viron o nacemento do río, preto de Xinzo, exploraron o seu curso, visitaron os lugares por onde pasa, xantaron xuntos, cantaron, bailaron, representaron... unha chea de actividades. O III abraço ao Limia tivo lugar en Ponte da Lima, no mes de Outubro. Unha pequena mostra do  IV abraço ao Limia, neste mes de maio en Xinzo, é a presentación de fotos que tendes aquí. 

o abraço ao río Limia on PhotoPeach

sesión de cinema na Casa da Cultura

Co gallo das Letras Galegas organizamos na nosa escola un ciclo de cinema "Ollando en galego". A pasada semana adicámola ás curtas, nesta estamos a proxectar longametraxe. Onte as alumnas e alumnos de 4º, 5º e 6º viron "O Apóstolo" na Casa da Cultura de Xinzo de Limia, falaron co director da película, Fernando Cortizo, e puideron ver e tocar a algúns dos personaxes. Aquí os tendes!!!

nas letras galegas... poemas da Limia

Aquí tendes o traballo realizado por toda a comunidade escolar: pais, alumnos, administrativos... Esperamos que vos axude a coñecer de preto a Limia, o seu río e aos seus poetas, os que están e os que nos deixaron. Nós, dende o CEIP Rosalía de Castro, descubrimos cada día algo novo da nosa terra e da nosa lingua.

 

O APÓSTOLO

O vindeiro mércores 22 de maio, no ciclo de cinema "Ollando en galego" (Letras Galegas, 2013), veremos a longametraxe "O APÓSTOLO". Falaremos co seu director Fernando Cortizo e poderemos escoitar como foi a rodaxe, e aprender moito sobre o cinema. Se queredes saber algo máis sobre o filme, premede sobre o logo da película e accederedes á súa web oficial.

Ollando en galego... ciclo de cinema

Estas son as curtas que presentaremos na semana do 13 ao 16 de maio:"As caras de Rosalía",elixida por ser a primeira autora homenaxeada no ano 1963 nas Letras Galegas" e elaborada polo Equipo Dinamizador do CEIP Rosalía de Castro; presentación sobre Roberto Vidal Bolaño, o autor, director e actor homenaxeado este ano (elaborada polo CEIP Pedrouzos de Brión); "A apócema máxica", curta ideada e gravada na nosa escola o pasado ano e interpretada por tres exalumnas do colexio, "A escola das areas" e "Alistán, o demo oveiro", curtas de animación elixidas polas mestras dos distintos ciclos e, por último, "Os Bolechas", curtas baseadas nos contos de Pepe Carreiro, elixidas polos nosos alumn@s de E. Infantil.

 Para a semana do 21 ao 24 de maio, eliximos as seguintes longametraxes:  "A tropa de trapo no país onde sempre brilla o sol",para @s rapaces dende 1º a 3º ; os de 4º, 5º e 6º verán "O Apóstolo" na casa da Cultura de Xinzo e terán unha charla co seu director, Fernando Cortizo, e os de E.Infantil, continuarán coa proxección dos seus preferidos, "Os Bolechas". Esperamos que disfrutedes con esta actividade. Agradecemos a CRTVG a súa inestimable colaboración á hora do empréstito de parte do material e ao Concello de Xinzo por permitirnos o uso do salón de actos da Casa da Cultura para a proxección de "O Apóstolo". 

Agradecemos a profe Maite o seu esforzo e axuda na preparación deste Ciclo e a súa colaboración durante  o tempo que se desenvolveu a actividade.

Premede na fotografía para poder acceder ao vídeo sobre a vida de Roberto Vidal Bolaño elaborado polo CEIP Pedrouzos de Brión. 

Ollando en galego

Este ano, co gallo das Letras Galegas, propoñemos unha nova actividade no noso cole: cinefórum. A vindeira semana é a semana das curtas e a seguinte proxectaremos algunhas longametraxes. Aquí tendes os carteis que as anuncian e os horarios:

...máis recursos para celebrar as Letras Galegas no 2013

Dende a BE do CEIP Rosalía de Castro queremos compartir con vós a seguinte ligazón, onde poderedes acceder a recursos para poder traballar nas aulas as Letras Galegas. Tamén os podedes ver premendo na imaxe da esquerda que representa a Roberto Vidal Bolaño, autor e actor homenaxeado iste ano. 

música na Limia...

E como vos gustou tanto a música do vídeo "Lembranzas do Certame Escolar Carlos Casares", aquí tendes a interpretación en vivo de Arcadio e Jorge, tal e como foi, o 15 de xuño do 2012 no Concerto de fin de curso do Conservatorio Profesional de Música de Xinzo de Limia.

recursos letras galegas 2013

O blogue das Bibliotecas Escolares de Galicia vai actualizando día a día toda unha chea de recursos para poder traballar as Letras Galegas nas escolas. Podedes acceder a eles premendo na imaxe do autor homenaxeado iste ano, Roberto Vidal Bolaño.

lembranza do Certame Escolar Carlos Casares na Limia, curso 2011/12

Con motivo da conmemoración do décimo aniversario do pasamento de Carlos Casares, foi convocado un concurso de creación plástica e literaria, no que varios nen@s do CEIP Rosalía de Castro de Xinzo de Limia, foron premiados. O concurso estaba destinado a todos os escolares da zona e promovido conxuntamente polo Centro de Cultura Popular do Limia, o Museo da Limia e a Fundación Carlos Casares. Adobiámolo vídeo con música interpretada polos alumn@s do Conservatorio Profesional de Xinzo de Limia no  seu concerto de fin de curso.

As caras de Rosalía

Comezamos o mes das Letras Galegas. Dende  a BE de Xinzo de Limia, facemos unha pequena homenaxe á primeira persoa a que se lle adicaron as Letras Galegas, alá polo ano 1963. Pescudamos na rede e atopamos as distintas facianas que nos amosan a Rosalía de Castro e atopamos tamén a música xenial dun rapaz  que rapea á  escritora, KadiGB.

abril e os libros

Ao longo desta semana, especialmente o martes 23, na escola Rosalía de Castro realizamos diversas actividades relacionadas co DÍA INTERNACIONAL DO LIBRO.
Na hora de formación de usuari@s, cada unha das mestras do equipo  prepararon  distintos traballos: de información e documentación, de animación lectora...

Na hora de ler, os nos@s axudantes levaron un pequeno agasallo literario por todas as clases. 

Tamén continuamos a traballar no proxecto que comezamos o ano pasado, que consiste en dar nomes de personaxes literarios ás nosas clases. Este curso, ao longo desta semana, elaboramos pequenos traballos de investigación para saber como se chaman as distintas aulas do colexio e por que foi elixido o nome. A profe Mari, durante o tempo de lecer, agasallou aos nen@s que respostaban ben as cuestións relacionadas con estes traballos.

Os pais e as nais dos nosos alumnos e alumnas poden disfrutar, a partir deste mes de abril e ata final de curso, do seu "recuncho lector" á entrada do edificio administrativo.

23 de abril, día do libro

Co gallo do Día Mundial do Libro 2013, a escritora, narradora, actriz e directora teatral, Paula Carballeira, agasalla ás Bibliotecas Escolares de Galicia cun texto que  que comeza así: 

Non sei que facer. 

Miña irmá regaloume un libro. 

Un libro.

Entre todos os agasallos que puido escoller, escolleu este. 

Un libro

Por que?

Que lle fixen eu?

"O PRINCIPIÑO" estivo de aniversario!!!

O 6 de abril cumpriu 70 anos!!! Esta novela do escritor francés Antoine de Saint-Exupéry, está traducida a 180 linguas e a versión galega do libro foi realizada por Carlos Casares. Lembrade que esta obra forma parte do itinerario lector do noso cole.

Os alumnos de 5º A e B investigan sobre o río Limia

Os alumnos/as de 5º A e B están recollendo información sobre o río Limia. A súa investigación forma parte do Proxecto Documental Integrado no que estamos a traballar na nosa escola: "Coñecemos a Limia". A continuación podedes visualizar o seu guión de traballo:

LETRAS GALEGAS 2013

Comezamos este trimestre traballando nas distintas actividades en prol da Semana das Letras Galegas que o noso Centro celebra todos os anos. Como de costume, pedimos e agradecemos a vosa colaboración nas distintas actividades que plantexamos. Unha delas é o concurso literario e plástico, que nos anos anteriores tamén viñamos organizando. A continuación tendes toda a información:

Outra das actividades a realizar nesta semana é a organización dunha exposición de fotografías antigas sobre a Limia. 

poesía...

 "El viaje definitivo" de Juan R. Jiménez (preme na imaxe para velo e escoita)
  

ABRIL, MES DOS LIBROS

        Como xa sabedes, o 2 de Abril celebramos o Día Internacional do Libro Infantil . Conmemórase dende o ano 1967, para lembrar o  nacemento do escritor Hans Christian Andersen.  Cada ano a IBBY (Organización Internacional para el Libro Juvenil, por las siglas inglesas de International Board on Books for Young People), encárgalle unha imaxe e un texto a autores de diferentes países. Nesta ocasión a autora do texto é a mexicana Pat Mora e o ilustrador do cartel da esquerda é o estadounidense Ashley Bryan. Podedes ler o texto en cinco idiomas se premedes no cartel.

  Conmemórase tamén o Día Internacional do Libro o 23 de Abril. Se premedes na imaxe da dereita accederedes a recursos para celebrar este día, recopilados polo Equipo de Biblioteca do CEIP Mestres Goldar.