FACENDO HIP HOP NO XIMNASIO

OBRADOIRO HIP HOP letras galegas 2011 on PhotoPeach

Letras Galegas 2011

Celebramos na nosa biblio un pequeno homenaxe aos autores que escribiron na nosa lingua e lle deron un pulo que hoxe é máis necesario ca nunca. Orgullosos de ser galegos!

SALVANDO LIBROS.LETRAS GALEGAS 2011

Esta fermosa iniciativa xurdiu con motivo de celebración do día das LETRAS GALEGAS, entre as bibliotecas escolares incluídas no PLAMBE.
Que libro da literatura galega salvarías ti, se ocorrese o que nos conta a novela Fahrenheit 451?
Esta foi a idea da que se partiu e aquí podemos ver o resultado dos libros salvados en Primaria e E.Infantil.
Queremos dar as grazas a Jaime Jauriguizar que foi quen deseñou os cartaces que serven de soporte á actividade e tamén a Mª Dolores e Sabela que foron as encargadas de coordinar e dar forma á esta actividade conxunta, conseguindo este espléndido traballo.



">




">

LOIS PEREIRO IES LAGOA DE ANTELA

No blogue do IES Lagoa de Antela"O falar non ten cancelas" atopamos este fermoso vídeo sobre Lois Pereiro.

Lingua minoritaria

Lois Pereiro. O poeta do amor

SOGAMA, DOMUS E RIAZOR

O venres ,29 de Abril, fomos visitar o Complexo de SOGAMA en Cerceda. Comemos na Coruña, preto da torre de Hércules, fomos ao Domus e o estadio de Riazor. Pasámolo xenial!!! Aquí tendes un resumo da nosa viaxe.

EXCURSIÓN A CORUÑA on PhotoPeach

COLABORANDO CO MEDIO AMBIENTE

AS "PATRULLAS VERDES" EN ACCIÓN on PhotoPeach

Encontros do PLAMBE 2011

Recursos para traballar no Día das Letras Galegas

Grazas aos nosos compañeiros de "O recanto de Mik" por amosarnos esta recompilación de recursos e actividades para traballar nas aulas estes días.

ENCONTROS PLAMBE 2010-2011

O pasado día 8 celebráronse en Santiago os encontros do PLAMBE e alí estivemos. Inaugurounos o Conselleiro de Educación e a primeira exposición : "Avaliar para avanzar. Prácticas de autoevaluación na biblioteca escolar" estivo a cargo de Mónica Baró e Teresa Mañá. Despois dun café, houbo unha presentación simultánea de experiencias realizadas nalgunhas bibliotecas pertencentes ao PLAMBE: "Literatura en imaxes. Cine e Banda Deseñada". Pero o mellor esperábanos ao final, un peche moi emotivo a cargo de Xosé Neira Vilas. Foi un placer escoitar a " o único clásico que aínda queda vivo" como dixo Pilar Sampedro na súa presentación. Falounos das súas lembranzas en torno aos libros e as bibliotecas, do seu empeño para que o libro galego estivese presente en moitos lugares do mundo... Se queredes ver os materiais das exposicións premede AQUÍ entrade como convidados. E tamén fotos que nos chegan grazas ao SEGREL DO PENEDO

Os profes do 1º Ciclo leron "Polgariña" de Hans Christian Andersen on PhotoPeach

DÍA DA ÁRBORE

O día 26 de marzo celebramos no cole o "Día da árbore". Cada clase plantou unha árbore, que coidará, nunha maceta. Posteriormente plantarémolas no bosque. Neste vídeo están os alumnos de 6º A facendo a plantación.

Traballando no proxecto dos bosques

2011, ANO INTERNACIONAL DOS BOSQUES on PhotoPeach

Os nen@s de 6º pasamos unha mañá fantástica en Ourense

Concerto Griffin, tren turístico e visita ás pozas de Outariz on PhotoPeach

Desfile Entroido CEIP Rosalía de Castro

Os rapaces, rapazas e profes do noso cole desfilan polas rúas do pobo...

Os nen@s e prof@s preparan o Entroido

Se queredes ver unha pequena presentación de como preparamos o Entroido os nenos, nenas e profes do noso cole, aquí tendes. Esperamos que vos guste. Axiña poderedes ver a do desfile.

02/01/2011: Día Internacional do Libro Infantil e Xuvenil

Co gallo da celebración do Día Internacional do Libro Infantil e Xuvenil a nosa biblioteca organiza un concurso para saber máis sobre esta data e sobre o autor de contos Hans Christian Andersen. Animádevos e participade!!

Recursos para o Entroido

A Coordinadora Galega de Equipos de Normalización Lingüística recolleu varios recursos para empregar no Entroido: contos, debuxos, xogos... Podedes visitar a súa páxina e comprobalo.

...E se queres, aquí tes información e fotos sobre o Entroido de Xinzo de Limia, o máis longo de España.

Xa chegou o ENTROIDO!!

Aínda que o ciclo do entroido na nosa vila é moi longo, (Fareleiro, Oleiro, Corredoiro e Entroido), nós imos comezar a celebralo na semana que ven. Van ser días especiais no noso cole e que remataremos cun gran desfile polas rúas da vila. Convidámosvos a que nos veñades visitar...