O alumnado de 3º e 4º de primaria do noso Centro estivemos na Casa de cultura acompañados polos compañeiros e compañeiras de 1º, 2º e 3º de primaria do Ceip Carlos Casares no Teatro para escolares dentro do programa Nadal 2019.
Mostrando entradas con la etiqueta teatro. Mostrar todas las entradas
Mostrando entradas con la etiqueta teatro. Mostrar todas las entradas
16/12/19
Fomos ó teatro a Ourense
O luns, 16 de decembro, as aulas de 1º e 2º de primaria xunto coas súas titoras fomos ó Auditorio de Ourense a ver un musical “A nena e o grilo máis aló”
https://www.afundacion.org/es/agenda/evento/escolares-a-nena-e-o-grilo.-ourense
11/12/19
Temos sesión de teatro na Casa de Cultura
O vindeiro luns 16
Neve, tres pingüíns, o desexo e dous boletos para a A.R.C.A. (Aparello Rescatador de Animais) de NOEÉ (Novos Observadores Especialistas da Evacuación) son os elementos desta historia narrada cunha linguaxe sinxela e contundente. Os pingüíns reflexionan sobre o valor da amizade: como facer para salvarse os tres cando só teñen dúas pasaxes? Cando está permitido e cando non romper as regras?
Tres amigos enfréntanse ao dioivo universal, ou ao cambio climático ou como lle queiramos chamar neste principio de século. As ordes son moi claras, so están convidados dous. Na ARCA só admiten parellas. Nestas circunstancias pregúntanse polas leis humanas e divinas, polo sentido da existencia, pola amizade e o desexo de sobrevivir á conta do outro, o “outro como algo moi diferente ao meu. Con humor e espíritu lúdico o espectáculo plantexa preguntas ao redor da nosa relación coa natureza.
28/3/19
Ourense: teatro, cidade, tren turístico...
Ourense 28 de marzo 2019
http://www.kizoa.es/Editar-Vídeos-Movie-Maker/d258349786kP847408753o1l1/ourense-28-de-marzo-2019
O alumnado do segundo ciclo, 3º e 4º de primaria, pasamos a xornada en Ourense. Primeiro no auditorio gozando dunha obra de teatro (bon appètit) e despois os de cuarto con José Ramón (guía turístico) fixemos unha visita guiada e moi ben comentada pola cidade (panorámica, catedral, praza maior e burgas); rematamos visitando a praza de abastos. Moitísimas grazas, José Ramón!
O alumnado de terceiro colleu o tren turístico na praza maior e fixeron o percorrido ata Outariz.
27/3/19
Imos ó Teatro: Bon appètit
https://www.afundacion.org/ga/area-educativa/evento/xenerica.-bon-appetit.-escolares-2018-2019
Unha mestura de teatro físico, música, monicreques e un texto de enredo con moito xogo de palabras, isto é Bon Appètit, a obra de Teatro dos Ghazafellos.
Esta programación está dirixida exclusivamente a centros escolares.
Música / teatro
Teatro dos Ghazafellos
Galego / 60 min
3º e 4º Educación Primaria
Comedia en clave de clown onde tres chefs «franceses» tentarán mostrar os segredos da cociña galega, seguindo o prestixioso libro de receitas escrito por Álvaro Cunqueiro, A Cociña Galega: «A cociña é arte, a expresión cultural que un pobo desenvolve ao longo do tempo». Cunha posta en escena colorista, estes personaxes enganchan @s nen@s desde o primeiro momento, facéndoos partícipes das desventuras, malos entendidos e solucións para cada prato.
26/3/19
Día Mundial do Teatro
O Día Mundial do Teatro ( World Theatre Day) celébrase o mércores 27 de Marzo de 2019.
O día mundial do teatro creouse en 1961 polo Instituto Internacional de Teatro ( IIT). Celébrase todos os anos o 27 de Marzo polos centros do IIT e a comunidade teatral internacional. Organízanse distintos eventos de teatro nacional e internacional para resaltar esta ocasión. Un dos máis importantes é a distribución da Mensaxe Internacional tradicionalmente escrito por unha personalidade do teatro de talla mundial convidada polo Instituto Internacional de Teatro.
É bo día para lembrar as sabias palabras de Federico García Lorca: «O teatro é a poesía que se levanta do libro e faise humana. E ao facerse humana, fala e grita, chora e desespérase».
https://www.cuandopasa.com/index.php?v=v59225f Máis información: www.world-theatre-day.org
3/5/18
Na percura do tesouro, no Gadis (Alimentes) e na Comisaría ... En Ourense.
O alumnado de 3º e 4º de primaria, xunto con outros centros, asistimos no Auditorio en Ourense ó teatro. A obra, "Na percura do tesouro, de Gaiteiros da Xistra", está dentro da programación de Actividades para escolares 2017/2018 de Afundación. Música tradicional en galego dirixida a escolares de 3º e 4º de primaria.
Moura, a gardiá da cova, axudará a Xurxo a se liberar das mentiras e os enganos da malvada Serpe e daralle as pistas para descifrar os enigmas e así superar as probas para atopar o tesouro, A LINGUA. Coñecemos ós inventores de cantigas, escoitamos unha historia, escoitamos as pedras, descubriremos os sentimentos que agochan as mámoas…
Música en directo, lendas, romances, zanfonas, alalás, cantigas, refráns e seres mitolóxicos conformaron a senda que nos levou a descubrir o auténtico tesouro colectivo; un tesouro que só ten valía se o compartimos e o respectamos.
Despois os de terceiro fomos ata o Gadis do Centro Comercial e alí nos esperaba Rocío que dentro do programa Alimentes (que xa tiñamos traballado con materiais que nos enviaron) nos axudou a concienciarnos da importancia dunha alimentación sana. Os de cuarto estiveron na Comisaría da Policía e tamén gozaron de vela por dentro, coñecer as súas entrañas e ata subiron ó helipuerto...
Moitísimas grazas a tod@s as persoas que nos aprenderon tantas cousas neste día fóra das aulas.
24/1/18
Teatro en inglés, A molinera, aceites Abril...
O alumnado de 4º, 5º e 6º de primaria estivo onte, 23 de xaneiro, no Auditorio en Ourense participando dunha actividade de Afundación "Teatro de actor en inglés dirixido a escolares"
Unha divertida comedia musical para reflexionarmos sobre a amizade, o respecto e as consecuencias derivadas das decisións que tomamos na vida. Cambiariamos algo se puidésemos dar marcha atrás? Seguro que si.
Oxalá Eli tivese escoitado o seu pai. Quizais tería aprobado o seu exame de ciencias sobre o sistema solar. E se a relación coa súa irmá fose mellor, tería podido gañar o concurso de talentos. E se…
Despois estiveron os de 4º visitando a Molinera (centro de innovación social dixital) e os de 6º Aceites Abril.
8/11/17
Laberinto no Auditorio e visitas en Ourense e Allariz
O pasado sete novembro o alumnado de cuarto, quinto e sexto de Educación Primaria fomos ao Auditorio Municipal de Ourense á posta en escea de "Laberinto", onde se nos amosa que o camiño máis doado non sempre é o que te axuda a saír do labirinto.
Para saír sempre precisas ter un camiño que te leve pola vida, os amigos, a
familia, a escola...
Daniel sabe que na casa non sobra o diñeiro, mais, por que non pode ter un
Iphone como os seus amigos? Ou unhas Nike Air Zoom Pegasus 34? A el
gustaríalle deixar os estudos e traballar para poder mercar o que quixese.... Un alegato contra o consumismo e o "o imperio das marcas" tan presente hoxe en día.
Posteriormente, os grupos de cuarto visitaron o Claustro do Convento de San Francisco (hoxe en obras), visitaron a sala que o Museo Arqueolóxico de Ourense alí ten para finalizar este día tan completo cunha visita ao casco histórico de Allariz.
31/10/17
Teatro e visitas en Ourense
O alumnado de terceiro e cuarto de primaria pasamos a xornada deste martes 31 de outubro por Ourense.
Primeiro estivemos no Auditorio nunha das actividades de Afundación; vendo Rubicundo, unha fermosa historia sobre a amizade, a constancia, perseveranza, a ilusión e o traballo como camiño á posibilidade de perseguir os nosos soños.
Rubicundo é unha obra de teatro do grupo Ghazafelhos onde tres persoaxes interactúan con obxectos, monicreques, bailan e cantan en directo. Fala da necesidade de prestar atención aos pequenos detalles.
Despois manducamos algo que cadaquén levou para a media mañá e os de terceiro subimos ata o xardín botánico desde onde temos un sitio espectacular para ver Ourense e sorprendémonos do que nos contou o noso veciño José Manuel sobre as plantas carnívoras; os de cuarto fixeron o percorrido no tren turístico pola cidade de Ourense, desde a praza ata Outariz.
11/10/17
Con Tanxarina na Casa de Cultura
Na xornada deste mércores 11 de outubro o alumnado de 1º, 2º e 3º de primaria estivemos gozando co grupo Tanxarina da súa espectacular versión de A Galiña Azul.
A compañía Tanxarina Títeres fundouse en 1983 por varios ex- alumnos de Harry Tozer, profesor de construcción e manipulación de marionetas con fíos do Institut del Teatre de Barcelona. Esta compañía ten presentado os seus traballos nos máis importantes festivais de teatro de títeres do estado, Europa e América.
Despois o alumnado de terceiro fixemos unha ruta pola vila para ir coñecer, entre outras cousas, a casa na que vivu a partir dos catro anos o autor de A Galiña Azul, Carlos Casares, no grupo Santa Mariña.
24/3/17
No salón de actos da Casa de Cultura de Xinzo
O domingo 26 de marzo ás 12 da mañá. Vémonos alí!
Adaptación teatral a cargo de Ubú Teatro da obra homónima de Carlos Casares
Adaptación teatral a cargo de Ubú Teatro da obra homónima de Carlos Casares
FalaRedes 2017 abre cunha
actividade - homenaxe ao autor a quen a Real
Academia Galega lle dedica este ano o Día das Nosas Letrase e para nós, limiaos, toda unha referencia: Carlos
Casares.
A galiña azul contén cinco historias entrelazadas que
transmiten menxalles tan importantes como a defensa da diversidade
lingüística, a importancia das diferenzas ou a libertade de
expresión. Para iso, empregan diferentes técnicas, como a narración
oral, a manipulación de títeres ou o clown.
14/2/17
Auditorio (Xistralia), Ourense, Pop Art...
Ourense 13 de feb.2017 - Kizoa Editar Videos - Movie Maker
A xornada do luns 13 de febreiro foi una tanto especial para o alumnado de 3º e 4º de Primaria. Fomos unha vez máis a Ourense. Primeiro, no Auditorio, asistimos á obra de "Sandra e Meirol en Xistralia. Gaiteiros da Xistra" dentro da programación para escolares Afundación. Gustounos moito porque ademais poidemos gozar coa presenza dun coñecido para nós: César, o home orquestra.
Despois de tomarmos algo de "sobre almorzo" o alumnado de terceiro, cun guía de luxo, José Ramón, aprendemos a mirar doutra maneira a Ourense (catedral, praza, as burgas...). Moitas grazas!
Os de 4º achegámonos ata o Centro Cultural Marcos Valcárcel para vermos a exposición de Pop Art Icons e aprender pasándoo moi ben, grazas á nosa guía, Tatiana.. Andy Warhol e Steve Kaufman xa forman parte da nosa cultura artística. Moitas grazas! E parabéns a tod@s!!!
7/12/16
Teatro na Casa de Cultura
Este mércores 7 de decembro, entre dous festivos, o alumnado de 3º, 4º e 5º de primaria con algún profesorado fomos ata a Casa de Cultura de Xinzo. O motivo foi que o grupo Sarabela nos ía representar a obra "O secuestro da bibliotecaria". Tamén estaba alumnado do Ceip Carlos Casares co seu respectivo profesorado.
A obra gustounos moito e tod@s quedamos contentos porque tiñamos cravada esa "espiña". Resulta que a última vez que estiveramos no mesmo auditorio para gozar dunha obra de teatro a experiencia non fora moi positiva; co pouco silencio, por parte do público, non fomos quen de "engancharnos" á obra e ninguén o pasamos ben (nin o público, nin os artistas que tanto tempo adicaran a preparala para nós...).
Hoxe todo foi mellor. Así que, parabéns a tod@s!!!! Pero moi especialmente ó grupo Sarabela e a tod@s os que fixeron posible que poideramos gozar desta actividade aquí no pobo. Grazas!
9/11/16
3º e 4º de Primaria: Aprendendo por Ourense
Este mércores 9 de novembro o alumnado de 3º e 4º de Primaria pasamos a xornada en Ourense. Primeiro no Auditorio, con outros centros da Provincia e da Capital, vendo a obra de teatro "Pulgarcito". Nela, Teatro Paraíso, da man do autor e director Iñaki Rikarte, asistimos a unha versión singular do conto; son un pai e un avó, os que dan vida ó relato, para recrear una nova historia tantas veces contada na noite dos tempos. Con moita miga, máis da que captaron as crianzas...
Despois o alumnado de terceiro foron ata o Xardín Botánico onde ademais tiveron a posibilidade de ver unha exposición de bonsais e seguir as interesantísimas explicacións do noso veciño limiao José Manuel Corbal.
Os de 4º estivemos na Praza Maior de Ourense e mentres esperamos a coller o tren turístico poidemos ver o salón de plenos e a exposición filatélica San Martiño na aula de cultura do Liceo. Despois gozamos do percorrido ata baixarmos en Outariz e desfrutar daquel entorno.
12/5/16
Teatriño organizado polas axudantas da biblioteca
Tiñamos pendente de subir as fotos da actividade que prepararon -xa no mes de abril, con motivo do día do libro e este ano do IV centenario da morte de Cervantes- algunhas das persoas que conforman este curso o equipo de axudantes da biblioteca escolar. Adaptaron o capítulo de "El quijote" que nos representaron como " A aventura dos muíños". Parabéns, artistazas!!!
10/12/15
Espantallo amigo e Neira Vilas
O alumnado de 3º e 4º de primaria traballamos este primeiro trimestre co libro de Xosé Neira Vilas "Espantallo amigo" porque tiñamos programado ir ver a obra de teatro con este mesmo título de "Os quinquilláns". O día 9 de decembro era o día sinalado e fomos ata a Casa de Cultura; tamén estaba o alumnado do segundo ciclo do Ceip Carlos Casares. E si, alí estaba, porque para coidar cada figo naceu o Espantallo amigo.
O que non contabamos era que neste tempo nos deixara o noso admirado Xosé Neira Vilas. Hoxe lembrámolo dunha maneira especial como tamén o fixemos -cando finou- indo aula por aula a lerlles aos compañeir@s o alumnado de 3º A (aula Neira Vilas)
"Eu son... Balbino. Un rapaz da aldea. Como quen dis, un ninguén. E ademais, pobre. Porque da aldea tamén é Manolito, e non hai quen lle tusa, a pesares do que lle aconteceu por causa miña" ...
4/11/15
"Nana para un soldado"
Este mércores 4 de novembro o alumnado de 3º e 4º de primaria pasamos a xornada en Ourense. Primeiro no Auditorio gozamos dunha actividade promovida pola Afundación "nana para un soldado" teatro dos Ghazafelhos, xunto a outros escolares da provincia. Despois os de 3º cun guía (moitas grazas José Ramón) visitamos a zona histórica de Ourense (catedral, praza maior, burgas...) e os de 4º con outro bo limiao (moitas grazas José Manuel) visitaron o parque botánico de Ourense, en Montalegre.
Suscribirse a:
Entradas (Atom)