Mostrando entradas con la etiqueta ceiprosalia. Mostrar todas las entradas
Mostrando entradas con la etiqueta ceiprosalia. Mostrar todas las entradas
5/12/19
Campo a través no Campo Municipal da Moreira
O pasado mércores, 4 de decembro, comezamos a tempada de Deporte Escolar na comarca da Limia coa primeira proba de campo a través. Aínda que a mañá estaba fría, os ánimos e o grande esforzo de td@d @s nosos grandes atlet@s, fixeron desta xornada de convivencia entre os distintos centros de ensino da vila unha experiencia moi enriquecedora. Agora toca esperara polo Campionato Comarcal que xa celebraremos no 2020. Moitas grazas ao profesorado que fai posible estas actividades. Hoxe foi a quenda de Juan, Jorge e Alicia. Seguimos crendo en fomentar hábitos de vida saúdable entre o noso alumnado... Non mires.... Corre ti tamén!!
Día Mundial do Solo
Como cada 5 de decembro hoxe celebramos este día para centrar a atención na importancia do chan, da terra, da xestión sostible dos recursos.
Estes son os principais problemas que expón o desenvolvemento sostible do chan:
- A importancia económica e social dunha boa ordenación da terra, incluído o chan. A súa contribución ao crecemento económico, a diversidade biolóxica, a agricultura sostible e a seguridade alimentaria.
- A erradicación da pobreza, o empoderamiento da muller, as medidas para facer fronte ao cambio climático e o aumento da dispoñibilidade de auga.
- A desertificación, a degradación da terra e a seca son problemas mundiais que seguen supondo un desafío para o desenvolvemento sostible, en particular nos países en desenvolvemento.
- A sustentabilidade dos recursos limitados do chan mediante a mellor información científica dispoñible e tendo en conta todas as dimensións do desenvolvemento sostible.
- Cada cinco segundos se erosiona unha superficie equivalente a un campo de fútbol.
https://galego.lavozdegalicia.es/noticia/lavozdelaescuela/2019/12/04/
Biblioteca de nais/ pais e profesorado
No Edificio administrativo segue a Biblioteca das familias e profesorado; achegádevos de cando en vez. Seguimos incorporando novas adquisicións.
"A lectura é un pracer, pero o pracer é coñecemento".
En opinión de Cercas, é unha forma lenta de cambiar o mundo. “Esa é a maxia da literatura: que é capaz de revolucionarnos por dentro. A iso referíase Kafka cando dicía que os bos libros son os que nos fan dano, son aqueles –os únicos que merecen a pena ler– que rompen o mar de xeo que levamos dentro”.
https://www.cronica.com.mx/notas-la_lectura_es_una_forma_lenta_pero_muy_potente_para_cambiar_el_mundo_javier_cercas-1139005-2019
4/12/19
LION 2: temos impresora 3D no Ceip Rosalía
Nesta tarde do mércores 4 de decembro tivemos unha xornada de formación @s integrantes do Seminario de Escorbabot e Impresora 3D, impartida por Jesús, un experto en impresión 3D, da empresa LEON 3D.
Velaquí un novo reto. Outra innovación máis da man das bibliotecas escolares: o "movemento Maker" esta corrente na que temos cabida todas aquelas persoas que funcionamos co lema "facémolo nós mesmos".
Agora a extensión STL, o 3DWOX, ou o GCODE por citar algunhas palabras descoñecidas ata hoxe, xunto a moitas outras pasarán a formar parte do noso vocabulario.
3/12/19
Baixo o mesmo paraugas no día das persoas con discapacidade
A única discapacidade é a indiferencia
Neste 3 de decembro, día internacional das persoas con discapacidade, a campaña "SOS, soidade eu tamén conto" centrouse na soidade non desexada destas persoas; ademais esta soidade ten nome de muller: o 74% das persoas con discapaciade que viven soas son mulleres.
PATIOS INCLUSIVOS
28/11/19
Eva Mª e Samuel no "Ti tamén contas"
Este mércores, 27 de novembro, tivemos na Biblioteca participando no "Ti tamén contas" a Eva Mª e a Samuel para contarlle ó alumnado de 4º de primaria (nivel no que está Samuel) un conto moi especial.
Moitas grazas!
Unha vez máis fomentando a participación das familias no Centro educativo e motivando a lectura; lectura compartida, lectura coa que se goza.
"A lectura é para a mente o que o exercicio é para o corpo" (Joseph Addison)
http://www.kizoa.es/Editar-Vídeos-Movie-Maker/d303555751kP956060551o2l1/ti-tamén-contas-eva-e-samuel
27/11/19
S. José de Calasanz, fundador das escolas populares e gratuítas
No día de hoxe, 27 de novmebro. celebramos a S. José de Calasanz. A maioría da xente que traballamos en educación, mesmo os da escola pública, descoñecemos esta interesante figura.
Biografía
José de Calasanz naceu en Peralta de la Sal, un pequeno pobo situado na actual provincia de Huesca, en 1557. Con doce anos, José deixa o seu pobo para estudar no colexio dos pais Trinitarios de Estadilla, a uns 20 Km. Ao cumprir os catorce anos, José de calasanz manifesta a decisión de facerse sacerdote. É ordenado sacerdote en 1583, aos 25 anos. Calasanz vaise a Roma en 1592. Antes de cumprir os 6 anos da súa estancia en Roma, o río Tíber, desbórdase, provocando a máis catastrófica inundación do século. Como resultado desta, centenares de familias pobres quedaron sen teito, sen alimentos e hai máis de dous mil mortos. Calasanz, con gran integridade, traballa infatigablemente na operación de axuda aos afectados.
Intégrase en Roma nas denominadas Confrarías, asociacións que se dedicaban á caridade. Co tempo, os nenos pobres daqueles barrios romanos converteranse no seu principal punto de atención.
Froito deste descubrimento, comeza a pensar en crear unha escola gratuíta aberta a todos os nenos, especialmente aos máis necesitados. Non todos aos que lles propuxo a idea vírona con bos ollos. E entón decide lanzarse só á aventura. E cara o 1597, na sancristía dunha igrexa que adoitaba visitar, Santa Dorotea, no Trastévere romano, comeza a primeira escola gratuíta de Europa.
Ao principio os alumnos non eran moitos, co tempo a idea foise dando a coñecer e coa axuda de sacerdotes e algúns laicos, co diñeiro que lle dan uns e outros, as escolas foron crecendo. A Igrexa de San Pantaleón converterase na primeira escola estable de Calasanz. A primeira escola cristiá, popular e gratuíta.
Calasanz nunca volveu á súa terra. quedou definitivamente en Roma ata a súa morte en 1648. E desde alí a súa obra foi esparexéndose por todo o mundo.Cadro de Goya
Pensamento espiritual e pedagóxico
A longa vida de San José de Calasanz ocupa practicamente a segunda metade do século XVI e toda a primeira parte do XVII. Persoa aberta á realidade circundante, recibiu o impacto das ideas e problemas que lle rodeaban, e co seu compromiso persoal, contribuíu ao progreso das ideas e á solución dos problemas. Pódese afirmar que, xunto con outros dos seus contemporáneos, foi protagonista -aínda que pouco coñecido- da transición do renacemento á modernidade.
Na formación espiritual de Calasanz moito influíron as correntes renovadoras do século XVI en España, personificadas nalgúns autores ascéticos e místicos como Juan de Ávila e Teresa de Jesús.
Foi precisamente a partir da dedicación de Calasanz á educación dos fillos das clases populares en Roma, nos anos de transición do século XVI ao XVII, cando foi elaborando de modo explícito o seu pensamento pedagóxico, froito do seu persoal itinerario espiritual e social.
Antes del algúns pensadores humanistas como Juan Luís Vives, Erasmo e o mesmo Lutero tiñan teorizado sobre a educación de nenos e novos. En diversos escritos fundacionais, Calasanz fai unha formulación teórica clara do que pretende coa obra iniciada: contribuír á reforma da sociedade e á felicidade temporal e eterna das persoas, educando aos nenos na fe cristiá e nas letras humanas, por medio de escolas pías, é dicir, populares e cristiás.
Esta filosofía foi levada á práctica por Calasanz durante cincuenta anos ata a súa morte E organizou non menos de trinta colexios en diversos estados europeos, dotándoos de educadores preparados, estruturas adecuadas e regulamentos escritos por el mesmo. Para Calasanz, a figura do educador é elemento fundamental na consecución dos obxectivos pedagóxicos e sociais da súa obra.
Na súa persoa conflúen unha vocación relixiosa e unha vocación educativa que se integran nunha identidade propia.
O pensamento espiritual e pedagóxico de San José de Calasanz e a práctica do mesmo proposta aos seus primeiros compañeiros en Roma ao comezar o século XVII, deu orixe na Igrexa a unha espiritualidade pedagóxica e a unha pedagoxía espiritual de trazos característicos que son unha das primeiras manifestacións modernas.
O alumnado de 1º de primaria de "arqueólogos" en Ourense
O pasado 22 de novembro o alumando de 1º de primaria acompañado polas súas titoras e dous mestres especialistas acudiron a Ourense para ver unha exposición sobre este castro.
Enmárcase esta actividade entre as ofertadas pola Afundación: «Santomé, conxunto arqueolóxico natural».
Explicáronnos como vivían as mulleres e os homes no castro, como eran as súas casas, que comían...
Despois rematamos facendo un xogo para decorar un vaso pero usando dous rotuladores e un tempo de 15 segundos. Saíron cousas sorprendentes.
A menos de 3 quilómetros do centro da cidade de Ourense
sitúase o conxunto de Santomé, un lugar onde se reúnen importantes restos arqueolóxicos e un espazo natural único cun valor incalculable para a cultura galega.
Aquí un enlace para ler algo sobre este conxunto; http://turismodeourense.gal/gl/recurso/conjunto-arqueologico-natural-de-santome/
Nós tamén participamos. Materiais dispoñibles
O venres 15 de novembro a EGAP (Escola Galega de Administración Pública) de Santiago de Compostela acolleu a xornada formativa BIBLIOTECA INCLUSIVA. CIDADANÍA NA DIVERSIDADE, organizada pola D.X. de Centros e Recursos Humanos da Consellería de Educación, Universidade e Formación Profesional, dentro do seu programa BIBLIOTECA INCLUSIVA, en colaboración co Servizo de Formación do Profesorado.
Asistiu profesorado vinculado á biblioteca escolar de centros públicos e concertados de educación especial, de centros con unidades específicas de atención a alumnado NEAE, así como centros de escolarización preferente, especificamente convocados pola dirección xeral organizadora. Ampliouse a posibilidade de asistencia a profesorado dos departamentos de Orientación destes centros.
En total máis de 200 persoas compartimos experiencias e participamos das charlas e talleres previstos no programa; entre outros, de Susana Peix, bibliotecaria especialista en accesibilidade e inclusión; Rosa Piquín, experta en materia de bibliotecas escolares e atención da diversidade, e Blanca Mata, xornalista e coordinadora da Asociación "Lectura Fácil Euskadi".
Os talleres correron a cargo de Paola Guimeráns (Libros pop-up e circuítos), Blanca Mata (Lectura fácil), Felo Couto (Recursos tecnolóxicos e atención da diversidade) e Susana Peix (Unha colección para a biblioteca inclusiva).
Compartiron a súa experiencia no ámbito da atención á diversidade desde a biblioteca escolar os responsables das bibliotecas do CEIP Escultor Acuña, IES Valadares, CEE Manuel López Navalón e CEEPR Juan María.
25/11/19
25 Novembro no Ceip Rosalía
Do 25 ó 29 de novembro na Biblioteca: lecturas, vídeos, cancións, actividades, accións....
CONTRA A VIOLENCIA DE XÉNERO
"Cantos séculos necesita a razón para chegar á xustiza que o corazón comprende instantaneamente" (Concepción Arenal, 1820 -1893)
"A violencia cea máis problemas sociais que os que resolve" (Martin Luther King, 1929 - 1968)
21/11/19
O ben-estar/estar-ben un dereito da infancia
C. PROFESIONAL, DEREITOS INFANCIA
O ben-estar/estar-ben un dereito da infancia
In ReflexionArte on 19/11/2016
Chema Madoz
Con motivo da conmemoración do Día Universal do Neno, as redes sociais e medios de comunicación encheranse de denuncias de situacións de vulneración dos seus dereitos, de ausencia flagrante na atención ás súas necesidades máis básicas, de manifestos, de declaracións, de citas, de exposicións, de xestos, de contos, de curtametraxes e de outras moitas accións necesarias pero non suficientes.
De calquera modo, en moitos casos non pasa de aí. Pasou o día e pasou a romaría.
Nós, hoxe, queremos fixar a mirada no día a día, no cotiá, no que temos preto de nós, no que vemos (ou no que non queremos ver) nas escolas: a carencia de benestar de moitos nenos e nenas, entendendo o benestar como estar-ben ou ben-estar, o que sería o resumo e finalidade última de todos os dereitos.
Levar moitos anos no ensino e ter xa anos dabondo permítenos unha mirada comparativa da calidade de vida dos nenos. Calidade, esa palabra tan polisémica e de natureza tan multifactorial que nos últimos tempos se asocia á existencia de condicións en moitos casos irrelevantes. Calidade de vida e benestar no noso contexto fai referencia ao cumprimento dunhas características sobre o estilo de parentalidade que establecen os pais/nais cos fillos; ao establecemento dunhas normas axustadas á idade dos cativos; á atención que se lle dispensa para a cobertura das súas necesidades de hixiene, alimentación, descanso, movemento, sanitarias, educativas, relacionais, afectivas, emocionais e de apego positivo; e como non, á existencia duns referentes adultos que sexan modelos de fala, de actitude, de valores, de ser e de estar na vida.
Pois aquí é onde nos atopamos o problema: no noso mundo, na nosa sociedade (non noutras distantes ou descoñecidas), hai cada vez máis nenos e nenas que carecen do anteriormente exposto. E a isto non se lle está a prestar a debida atención; non queremos dicir que pase desapercibido pero, como hai outras cuestións máis urxentes, pasa a formar parte da normalidade, dicimos que é contextual.
Os docentes temos indicios dabondo para detectar todas esas situacións: a falta de aseo ou de sono, a inxesta con voracidade, o comportamento dos pequenos, as expresións, as anécdotas ou episodios familiares que nos contan, a falta de hábitos adecuados aos distintos momentos, etc; o que podemos complementar coa imaxe que nos causan os proxenitores e coas escenas nos que os vemos xuntos (cando se despiden, cando os recollen ou cando os recibimos en titoría).
Non fai falla ser moi sagaces para conformarse unha idea bastante aproximada do seu estilo e condicións de vida así como da forma na que educan e se relacionan.
Coméntase na escola, laiámonos da mala sorte dalgúns pequenos, reprobamos a algúns pais pero pouco máis facemos. A razón é sempre a mesma, pensamos que a nosa opinión está sometida á nosa subxectividade e que é demasiado drástica a adopción de medidas xa protocolizadas polos servizos sociais. Ninguén quere meterse en conflitos cos proxenitores e argumentan que para chegar á denuncia por maltrato deben existir riscos de maior gravidade. Adoitamos dicir que non pretenden facerlle mal intencionadamente aos fillos, tan só que non saben ser pais/nais.
Poden valernos todas esas xustificacións, agora ben, cómpre recordar que o noso principal obxectivo é o benestar do neno ou nena, independentemente de que sexamos quen de comprender as adversas circunstancias dos seus pais.
A neglixencia no trato aos nenos está tipificada coma unha forma de maltrato infantil, así como o abandono educacional, sendo moito máis frecuentes do que pensamos, abonda con ver algunhas das súas formas:
-Neglixencia física cando non se lles prové de alimentación adecuada, vestido e condicións de salubridade no fogar, de supervisión adecuada para evitar riscos físicos ou accidentes por descoido, ou cando deixalos sen comida é unha ameaza ou castigo.
-Neglixencia educativa, tanto por non levalos á escola con regularidade e normalidade de horarios, como polo tempo que se lle permite aos cativos a exposición ás pantallas.
-Neglixencia psicolóxica e emocional, cando aos pequenos se lles ignora, se lles deixa sos ou en soidade, cando as ameazas e os abusos verbais forman parte da súa cotidianeidade.
-Neglixencia médica, cando os coidados sanitarios son inapropiados á idade e condicións de saúde dos nenos ou cando non se seguen os procedementos e instrucións recomendadas polos médicos.
Desafortunadamente seguro que moitas e moitos de nós a estas alturas xa temos un neno ou nena en mente, e que podemos facer desde a escola?
Non é unha inferencia nin unha intromisión velar polo benestar dos nenos. Escoitar e falar cos pais, aconsellalos, facerlles ver que nos decatamos de esas anomalías na atención dos seus fillos, mesmo facilitarlles os contactos con organismos e institucións que poden axudalos ao tempo que, advertilos que de persistir esas situacións de risco, antepoñeremos o benestar do neno ou nena sobre todas as demais cousas.
Insistimos unha vez máis en que na escola hai que educar nos dereitos, pero tamén cumprir coa nosa responsabilidade de garantir o acceso de todos os nenos a eses dereitos. Non é unha cuestión de valentía senón de compromiso profesional.
19/11/19
Adriana no " Ti tamén contas"
Moitísimas grazas a Adriana que unha vez máis participou na biblioteca agasallando cuns contiños ó alumnado de infantil.
Grazas tamén a Marta que nos achegou unha proposta que acollemos e puxemos en marcha posibilitando así que estivera o alumnado de 3, 4 e 5 anos xuntos e non por niveis ou aulas como tiñamos feito ata agora.
E a tod@s os que facedes posible que isto funcione.
4/11/19
Novembro. Datas sinaladas
6 : Día para a prevención da explotación do medio ambiente nas guerras
10: Día mundial da ciencia para a paz e o desenvolvemento
16: Día internacional do Patrimonio Mundial
20: Día internacional dos dereitos do nen@
24: Darwin publica A orixe das especies, en 1859
29: Día mundial sen compras
29/10/19
Progresismo ou ignorancia historica?
No século XIX, emigrantes escoceses e irlandeses levaron aos EEUU o Samhain onde lle chamaron Halloween (véspera do santo). Os celtas co Samhain, o día un de novembro, tranquilizaban os poderes do outro mundo, lembraban aos antepasados e propiciaban a abundancia das colleitas. Reuníase unha gran multitude no nemeton, claro do bosque, porque era unha festa obrigatoria. Quen non asistía corría o perigo de perder a razón. Crendo que poñían unha pica en Flandes, Cazadores de novidades e mercadores de sentimentos, todos moi progres, importaron de EEUU o Halloween crendo que poñían unha pica en Flandes.
Texto do noso veciño e amigo Manuel Mandianes Castro. Antropólogo. Loureses. Os Blancoshttps://hipertextual.com/2016/10/halloween-samain
25/10/19
Axudant@s da B.E. e animador@s do Espazo Creativo
Despois de facer unha campaña entre o alumnado de 6º de primaria que quixeran coidar da biblioteca durante os recreos, axudar a mantela ordenada, aprender e colocar os libros segundo as normas que temos, colaborar nas actividades da B.E, aprenderlles ós máis pequen@s a coidala... en defitiva ser referentes da Charca dos libros.
Despois de presentar o seu currículo, facer unha pequena formación e asinar un Comprométome
a:
·
Ser axudante
durante o curso 2019/20.
·
Facer as actividades que me propoñan os profes do
Equipo da Biblioteca.
·
Manter a orde na zona que me corresponda.
·
Axudar
a localizar os libros que me piden os compañeir@s.
·
Empregar
sempre boas maneiras: falo en voz baixa, non me enfado, non rifo…
Temos un equipo de persoas que fai posible que a biblioteca do Ceip funcione mellor. Moitas grazas
ESPAZO
CREATIVO
|
||||||
SEMANA
|
OUTUBRO
|
|||||
1
|
AXUDANTES
|
1
|
2
|
3
|
4
|
|
2
|
AXUDANTES
|
7
|
8
|
9
|
10
|
11
|
3
|
6º
|
14
ORDENADORES
EXPERIMENTOS
ESCORNARÁ
CONSTRUCIÓNS
|
15
ORDENADORES
EXPERIMENTOS
ESCORNARÁ
CONSTRUCIÓNS
|
16
ORDENADORES
EXPERIMENTOS
ESCORNARÁ
CONSTRUCIÓNS
|
17
ORDENADORES
EXPERIMENTOS
ESCORNARÁ
CONSTRUCIÓNS
|
18
ORDENADORES
EXPERIMENTOS
ESCORNARÁ
CONSTRUCIÓNS
|
4
|
5º
|
21
ORDENADORES
EXPERIMENTOS
ESCORNARÁ
CONSTRUCIÓNS
|
22
ORDENADORES
EXPERIMENTOS
ESCORNARÁ
CONSTRUCIÓNS
|
23
ORDENADORES
EXPERIMENTOS
ESCORNARÁ
CONSTRUCIÓNS
|
24
ORDENADORES
EXPERIMENTOS
ESCORNARÁ
CONSTRUCIÓNS
|
25
ORDENADORES
EXPERIMENTOS
ESCORNARÁ
CONSTRUCIÓNS
|
5
|
4º
|
28
ORDENADORES
EXPERIMENTOS
CONSTRUCIÓNS
|
29
ORDENADORES
EXPERIMENTOS
CONSTRUCIÓNS
|
30
ORDENADORES
EXPERIMENTOS
CONSTRUCIÓNS
|
31
ORDENADORES
EXPERIMENTOS
CONSTRUCIÓNS
|
|
NOVEMBRO
|
||||||
6
|
3º
|
4
ORDENADORES
EXPERIMENTOS
CONSTRUCIÓNS
|
5
ORDENADORES
EXPERIMENTOS
CONSTRUCIÓNS
|
6
ORDENADORES
EXPERIMENTOS
CONSTRUCIÓNS
|
7
ORDENADORES
EXPERIMENTOS
CONSTRUCIÓNS
|
8
ORDENADORES
EXPERIMENTOS
CONSTRUCIÓNS
|
7
|
2º
|
11
ORDENADORES
|
12
ORDENADORES
|
13
ORDENADORES
|
14
ORDENADORES
|
15
ORDENADORES
|
8
|
1º
|
18
ORDENADORES
|
19
ORDENADORES
|
20
ORDENADORES
|
21
ORDENADORES
|
22
ORDENADORES
|
9
|
AXUDANTES
|
25
|
26
|
27
|
28
|
29
|
Suscribirse a:
Entradas (Atom)