24 de outubro: Día da Biblioteca

O 24 de outubro é o Día da Biblioteca; no noso país está dedicado especialmente ao público infantil e xuvenil. Desde o ano 1997 A Asociación Española de Amigos do Libro Infantil e Xuvenil promove a celebración do Día da biblioteca .

A proposta xorde da Asociación Española de Amigos do Libro Infantil e Xuvenil, apoiada polo Ministerio de Cultura, en recordo da destrución da Biblioteca de Saraievo, incendiada o 1992 durante o conflito balcánico.

A iniciativa naceu para trasladar á opinión pública a importancia da biblioteca como lugar de encontro dos lectores de todas as idades coa cultura, e como un instrumento de mellora da formación e a convivencia humana.

Preténdese educar aos nenos e maiores nos valores da lectura e a cultura, destacar como non, a misión das bibliotecas como centros socializadores e integradores e demostrar que os libros están ao alcance de todos os veciños.

Este ano difúndense 5000 carteis de Carme Solé e o pregón de Antonio Rodríguez Almodovar entre as Bibliotecas de España.

No pdf podes ler o pregón.
Guía de lectura homenaxe Ana María Matute

https://www.bibliotecaspublicas.es/ribarrojac/seccont_85974.htm

Semana Mundial AMI 2019

A UNESCO propón a celebración da Semana Mundial AMI 2019 baixo o lema CIDADANÍA AMI: INFORMADA, COMPROMETIDA, EMPODERADA como un medio para visibilizar as experiencias en materia de educación nas linguaxes dos diferentes medios de comunicación, nun contexto de alfabetizacións múltiples e coa intención de formar ao alumnado como consumidores pero, especialmente, como produtores de información a través dos diversos medios de comunicación: prensa, radio, televisión, vídeo, fotografía, audio, produtos transmedia, internet...  

Toda a cidadanía europea ten dereito á alfabetización. Os estados membros da UE deben asegurar que os cidadáns de todas as idades, independentemente da súa clase social, relixión, etnia ou sexo, contan cos recursos e oportunidades necesarios para desenvolver un nivel de alfabetización suficiente e sostible a fin de comprender e utilizar con eficacia a comunicación escrita, tanto en medios impresos como dixitais. (Declaración ELINET sobre Dereito á Alfabetización)

 PROPOSTA PARA AS BIBLIOTECAS ESCOLARES QUE QUEIRAN PARTICIPAR DESTA SEMANA

https://www.edu.xunta.es/biblioteca/blog/?q=node/1246

Palabras con memoria: interesante iniciativa

PALABRAS CON MEMORIA é unha iniciativa da AELG que ten por obxecto recuperar palabras nosas en desuso, ou sexa, en perigo de extinción. E tamén palabras e expresións que non recollen os dicionarios. A persoa que visita esta sección da web, ademais de consultar o glosario mensualmente actualizado pendurado nela, poderá enriquecelo enviando os vocábulos que teña arrombados no faio da lembranza ao enderezo palabra.con.memoria@aelg.org ou enchendo este formulario. Se algunha palabra enviada non aparece na listaxe é que foi localizada nalgún dicionario.

https://www.aelg.gal/palabras-con-memoria

Convivencia, seguridade, redes sociais... A necesaria forrmación permanente

 Un curso máis, acollémonos ó Plan Director para a convivencia e a mellora da seguridade nos centros educativos e nos seus contornos. Unha achega máis con todo o que ten que ver coa construción dunha sociedade democrática, tolerante, solidaria, etc.

Este é un Plan, impulsado desde a Delegación do Goberno en Galicia e a Alta Inspección de Educación, que nos ofrece aos centros docentes a posibilidade de solicitar charlas informativas/formativas sobre temáticas como: acoso escolar, drogas e alcol, violencia de xénero, novas tecnoloxías, bandas xuvenís, etc.; charlas impartidas por persoas expertas das Forzas e Corpos de Seguridade do Estado e dirixidas ao conxunto da comunidade educativa (alumnado, profesorado, familias).

Nas xornadas deste mércores, 9 e xoves, 10 de outubro, estiveron dous axentes expertos nestas temáticas da garda civil impartindo as charlas ó alumnado de 5º de primaria. O xoves pola noite tivemos a oportunidade de participar tamén toda a comunidade educativa, que así o desexou (e foi máis ben pouca) na organizada na casa de cultura e impartida pola UNED. 

www.edu.xunta.gal/portal/plandirector

Día mundial da saúde mental

http://www.cdroviso.org/index.php?V_dir=MSC&V_mod=shownews&idn=3270&V_idmod=62&id=3270

"Misión# PlasticFree"

CONCURSO ESCOLAR para o alumnado de 3º- 4º (Cat. A) 

e 5º - 6º de primaria (Cat. B).

        Deseñar a imaxe e o lema inspirador para a bolsa sustentable de Leroy Merlín.

Porque España é o 2º país en Europa que máis plástico verte no Mediterráneo; porque o plástico ten compoñentes que o planeta non pode dixerir... Velaquí a oportunidade de participar na "Misión #PlasticFree" .  
@voz natura

Máis información (inscripción, datas, como participar, criterios de avaliación...) neste enlace

https://www.hazloverde.es/concurso-escolar/

Contacontos o venres á noitiña en Vilar de Santos

Charla: Intenet, redes sociais, uso responsable...

Yilliqiya ou Galisiya, o Reino de Galicia nas fontes árabes

Yilliqiya ou Galisiya. Así aludían ao Reino de Galiza as fontes árabes, que achegan unha información que impugna o relato da historiografía españolista e que pon sobre a mesa a súa importancia. Ibn Jaldun, o historiador árabe por antonomasia, dedica no século XV un capítulo da súa obra a elaborar toda unha historia dos Reis de Galiza. Velaquí un extracto do recollido no semanario Sermos Galiza 256.

https://www.sermosgaliza.gal/articulo/memoria/yilliqiya-galisiya-reino-galiza-nas-fontes-arabes

As crónicas árabes son unha fonte de primeira orde para o coñecemento, a recuperación e a rectificación da historia do Reino de Galiza. Só Ana María Carballeira Debasa, no seu libro Galicia y los gallegos en las fuentes árabes medievales, certifica a existencia de perto de cincuenta autores que entre o 711 e o século XV se teñen ocupado do Reino de Galiza. Destacan entre eles o cordobés Ibn Hayyan, se cadra o máis importante dos historiadores do medievo peninsular, o xeógrafo onubense Al-Bakri, o ceutí Al-Idrisi e o mesmo Ibn Jaldun, o historiador árabe por antonomasia que no século XV dedica un capítulo da súa obra a elaborar toda unha historia dos Reis de Galiza. As fontes árabes, ao igual que acontece coas francas, escandinavas ou as vaticanas, coetáneas da Galiza medieval, achegan unha información que impugna o relato da historiografía españolista e permite que aboie na súa realidade e tamén na súa importancia o Reino de Galiza.

Coñecían o Reino de Galiza como Yilliqiya ou Galisiya, situando entre as súas cidades máis importantes Santiago de Compostela e Lugo, pero tamén Oviedo, León, Zamora, Astorga, Salamanca ou Coimbra polo sur. O contorno xeográfico do territorio que os musulmáns recoñecían como Galiza era moito máis amplo que o actual, estendéndose por toda a parte noroeste da Península e incluíndo a marxe das terras da Galiza actual, Asturias, Portugal, León e a Castela citerior. Segundo indicaba o profesor Francisco Rodríguez nun recente artigo sobre o tema, publicado no dixital Terra e Tempo, “Galiza aparece como unha realidade xeográfica, social, económica, cultural e política, abranguendo maior ou menor extensión segundo o momento, sendo sempre o espazo central e nuclear a Galiza de Ortegal ao Douro, moi definida, contundente e tan importante como para os musulmáns identificar a parte cristiá da península prioritariamente con esa denominación (Yilliqyia, Galisiya)”.

Así Un Al-Istajri, un autor do século IX, marca as fronteiras do Reino de Galiza nas cidades de Mérida, Guadalaxara, Cáceres e Toledo, situando como cidades principais Zamora e Oviedo. Por exemplo, no século XI, AlBakri, recoñece como parte do Reino de Galiza, entre outros territorios Asturias, cuxo nome procede do Río Astur, León e a Castela ulterior e a Castela citerior, citando entre as prazas fortes da mesma a Grañón, Alcocero, Amaya e o propio Burgos.

Alí estaremos

 
   Os vindeiros 21 e 22 de marzo celebraranse en Compostela os Encontros do Plan de mellora de bibliotecas escolares correspondente ao curso 2018/2019, con intevención de persoas expertas en diversos ámbitos relacionados coas biblioteca, a literatura, a comunicación, o patrimonio, a mediación lectora, as competencias informacionais e mediáticas, a tecnoloxía educativa e a produción audiovisual.

   Ademais, presentaranse un total de 26 experiencias de centro de moi diverso contido (funcionamento da biblioteca escolar, "hora de ler", voluntariado, biblioteca inclusiva, espazo creativo, proxecto lector, Radio na biblio, clubs de lectura, traballo por proxectos e outros). 

   Neste ano de "poéticas diversas", a poesía estará presente da man de Mar Benegas, Montse Pena e Carlos Negro.  

http://www.edu.xunta.es/biblioteca/blog/?q=node/1169 

 

 

As mandas do Meco

O boletín da biblioteca.

Boletín da biblioteca.
Boletín Biblioteca  Número 11.

Ti tamén contas. 5º de primaria

Ti tamén contas 19 dec.2018

 Esta vez tocoulle ó alumnado de 5º de primaria. E foi Mercedes, coa axuda da súa filla Blanca, as que posibilitaron que esta xornada se desenvolvera. Ademais dos contos, cunha das aulas, máis participativa, tiveron un longo diálogo sobre os contidos abordados. Parabéns pola paticipación e moitísimas grazas, unha vez máis, ás familias que fan isto posible. 

Fetén, Fetén... A Molinera e a pista de xeo.

Ourense 4 dec. 2018

http://www.kizoa.es/ourense-4-dec-2018

O alumnado de 3º e 4º de primaria fomos nesta xornada "primaveral" de decembro a Ourense. Primeiro tiñamos unha actividade no Auditorio de Afundación, Obra social Abanca. 

Un parella de artistas burgaleses sorprendéronnos moi gratamente. Foi un "divertido concerto didáctico", da man de Diego Galaz e Jorge Arribas, nomeados músicos internacionais; lograron que o público emprendera unha marabillosa viaxe a través dos diferentes ritmos e melodías da música popular española. 

Transmitíronnos valores sobre a reutilización, a pobreza, a imaxinación e a importancia de coñecer as nosas tradicións, usando algúns dos instrumentos máis incribles da historia da música coma o violín trompeta, a serra musical, a á de voitre, o theremin ou a frauta cadeira de camping. Pero co que máis alucinamos foi co instrumento que se toca sen tocalo. 

Aquí vos deixamos un enlace para que vos fagades unha idea do grand traballo destes excepcionales artistas. 

https://www.afundacion.org/ga/area-educativa/evento/xenerica.-el-magico-planeta...-escolares-2018-2019

E despois de tomar o sobrealmorzo dividímonos e uns foron á Molinera e outros a patinar nunha pista de xeo á beira do río Miño. Un día que nos agasallou cunha moi boa temperatura e cunha luminosidade que nos posibilitou gozar do singular colorido deste outono.

Metodoloxía TEACCH

Esta semana tivemos a primeira das tres xornadas de formación que imos dedicar a esta temática.

O obxectivo principal desta metodoloxía é xerar autonomía nas persoas con TEA (transtorno do espectro de autismo). 

Moito que aprender. Seguimos neste apaixoante camiño.

Grazas ás persoas que organizan e a tod@s os que participan; despois da xornada de traballo houbo xente que se desprazou desde Ourense, Ribadavia, A Merca, Allariz... para estar aquí ata máis das 20.30h.

E Yolanda que veu desde Vilagarcía de Arousa.

Unha sorte atopar xente así. Velaquí un enlace para coñecer algo do que fai esta xente: www.autismobata.com

A biblioteca, espazo de formación permanente

O Fortnite

  SOS: mi hijo está enganchado al Fortnite

El objetivo del juego es matar a los 99 adversarios y sobrevivir - El abuso genera consecuencias físicas y cambios de ánimo.

https://www.diariodemallorca.es/mallorca/2018/10/24/sos-hijo-enganchado-fortnite/1358839.html?fbclid=IwAR3yJWGsjtzI_HJq0TnzsF2dadWQUYTg0uWy9EOQIRBz01visKx3UBuOkTo

Celsa e Jorge en "Ti tamén contas"

Graciñas hoxe a Celsa e Jorge (nai e fillo) que nos agasallaron coa lectura de tres historias ó alumnado de 4º de primaria na biblioteca, durante a hora de lectura.

http://www.kizoa.es/ti-tamén-contas-23--nov-2018

Día Internacional da Tolerancia

Este pasado venres, día 16 de novembro celebrouse o Día Internacional da Tolerancia e o noso Centro participou, a petición do Campus de Ourense (Universidade de Vigo) no Máster: Interculturalidade en contextos escolares. Achegamos a nosa visión sobre esta temática e ó tempo a que nos fixeron chegar o alumnado, profesorado e familias a partires duns cuestionarios que se repartiron entre case toda a comunidade educativa. Moitísimas grazas pola colaboracion.  Facelas extensivas ó Centro de Desenvolvemento Rural O Viso que tamén colaborou neste pequeno traballo a través do grupo LIMUHE e as súas educadoras ( Graciñas Lucía, graciñas Saray).

 

O interculturalismo en contextos escolares. No día internacional da Tolereancia. Ourense 16.11.2018

Eva e Samuel en "Ti tamén contas"

O venres foron Eva e Samuel os artífices desta actividade coa que gozou o alumnado de 3º de primaria. Moitas grazas!!!

http://www.kizoa.es/Editar-Vídeos-Movie-Maker/ti-tamén-contas-18-nov-18

Curso 2018/19. Estamos de volta: Benvid@s.

L	M	M	X	V	S	D		L	M	M	X	V	S	D		L	M	M	X	V	S	D		L	M	M	X	V	S	D
SETEMBRO								Outubro								Novembro								Decembro					1	2
					1	2		1	2	3	4	5	6	7	3				1	2	3	4		3	4	5	6	7	8	9
3	4	5	6	7	8	9		8	9	10	11	12	13	14		5	6	7	8	9	10	11		10	11	12	13	14	15	16
10	11	12	13	14	15	16		15	16	17	18	19	20	21		12	13	14	15	16	17	18		17	18	19	20	21	22	23
17	18	19	20	21	22	23		22	23	24	25	26	27	28		19	20	21	22	23	24	25		24	25	26	27	28	29	30
24	25	26	27	28	29	30		29	30	31						26	27	28	29	30				31

2019

L	M	M	X	V	S	D		L	M	M	X	V	S	D		L	M	M	X	V	S	D		L	M	M	X	V	S	D
Xaneiro								Febreiro								MARZO								Abril
	1	2	3	4	5	6						1	2	3						1	2	3		1	2	3	4	5	6	7
7	8	9	10	11	12	13		4	5	6	7	8	9	10		4	5	6	7	8	9	10		8	9	10	11	12	13	14
14	15	16	17	18	19	20		11	12	13	14	15	16	17		11	12	13	14	15	16	17		15	16	17	18	19	20	21
21	22	23	24	25	26	27		18	19	20	21	22	23	24		18	19	20	21	22	23	24		22	23	24	25	26	27	28
28	29	30	31					25	26	27	28					25	26	27	28	29	30	31		29	30
MAiO								XUñO
		1	2	3	4	5							1	2
6	7	8	9	10	11	12		3	4	5	6	7	8	9
13	14	15	16	17	18	19		10	11	12	13	14	15	16
20	21	22	23	24	25	26		17	18	19	20	21	22	23
27	28	29	30	31				24	25	26	27	28	29	30

 

Mes	Día
Setembro	3, 4, 5	Probas correspondentes á convocatoria extraordinaria do curso 2017/2018.
	12	Comezo das clases no 2.º ciclo de educación infantil, educación especial e educación primaria.
	17	Comezo das clases na ESO, Bacharelato, FP e ensinanzas de réxime especial.
Outubro	12	Día non lectivo. Día da Festa Nacional de España.
Novembro	1	Día non lectivo. Día de Todos os Santos.
Decembro	6	Día non lectivo. Día da Constitución.
	7	Día non lectivo. Día do Ensino.
	24, 25, 26, 27, 28, 31	Vacacións de Nadal.
Xaneiro	1, 2, 3, 4, 7
Marzo	4, 5, 6	Vacacións de Entroido.
Abril	15, 16, 17, 18, 19, 22	Vacacións de Semana Santa.
Maio	1	Día non lectivo. Día da Festa do Traballo.
	17	Día non lectivo. Día das Letras Galegas.
Xuño	21	Remate das clases no 2.º ciclo de educación infantil, educación especial, educación primaria, educación secundaria obrigatoria, bacharelato e formación profesional.