Xa no primeiro día deste terceiro trimestre arrancamos cunha actividade que nos trouxeron os membros da Asociación Cultural O Bión: a contrución de caixas nío. Da man de Raúl, Pepe e J. Manuel os de 3º A fomos armando as caixas e aprendendo a coñecer ó ferreiriño común (tamén ó capuchino...), escoitando o seu canto e tratando de colocar ben os parafusos para que a casa aguante. Tamén lle demos ó final unha capa de verniz e deixaremos para outro día o de colocalas no patio e no parque. Ademais dunha fotocopia destes paxaros para os que, en principio, fixemos a súa posible morada déronnos un tríptico da Sociedade Galega de Ornitoloxía sobre o Moucho de orellas, a ave nocturna da primavera.
No hay comentarios:
Publicar un comentario